اقول لجاري بالي صار ولا ما اقوله ؟؟؟؟؟؟!!!

[تمون]

السلام عليكم و رحمة الله وبركاته

ياجماعه انا محتار اقول لجاري بالي صار ولا لا

الموضوع ومافيه
كنت اتكلم فالتيلفون وانا قاعد فالسياره ومحد فالفريج فاضي مافيه الا انا ومحد منتبه لي اني قاعد فالسياره
لاحظت عيال جاري صغار طلعوا فالشارع الي عمره سنتين والي ثلاث سنين المهم الي صار ان خدامتهم طلعت لهم وكفختهم تكفخ ودخلتهم البيت

المشكله جاري عصبي وايد يعني اخاف اقوله يسوي مشكله هو بغنى عنها و اكون تسببت عليه و اخاف اسكت تتمادا الخدامه و في نفس الوقت بيني وبين جاري مشكله قديمه يعني ما بيني وبينه كلام ( السبب ربعه حتى عند بيبان بيوتنا يصفون ومسوين زحمه فالفريج جاتهم الدوريه وخالفتهم وهو يفكر انا الي بلغت )


وش السواه ؟ *

[hamoor4ever]

رايي اتركه عنك

[حليتان*]

اكيد تقوله

تصدق امس وحده من الاهل تقولي فحمام احد المجمعات فدبي (عزكم الله)
تسمع صوت الخدامه تصفق اليهال وهم يصيحون

نطرتهم لين يطلعون وخذت رقم امهم من عند الخدامه واتصلت لها وقالت لها
طلعت الام هاده اليهال مع الخدامه فالالعاب وهي وريلها يتسوقون

شوف مع انهم مب فبلادهم ما سكتو اشلون وهذي جاركم


لا تسكت يالغالي حراام ذول يهال

[سان سيمون]

اكتب اورقة وعلقها على بابه

[princess lul]

السلام عليكم اخوي

والله انا بشوف احسن شي تبلغ الاب بأسلوب هادي ورايق ، انت ما قاعد تتبلى على أحد ، انت قاعد تقول الحق

ومساكين الاولاد ، صراحة لو عصب الاب فمعاه حق ما يصير الاولاد ينضربون من الخدامة !

وما تعرف يمكن جارك ياخذها خطوة في الصلح بينكم :)

[حنان k]

أنت غلطان مع أحترامي لشخصك الكريم
لما شفت المنظر كان نزلت من السيارة وحسستها بوجودك أو نبهتها من بعيد هي مجرد ما تشوفك بتمسك العيال وبتشرد لداخل البيت
خيركم من بدأ بالسلام بعد الصلاة سلم ع جارك أن تقبلك كان بها وخبره عن اللي صار ما تقبلك خل الخبر يصل لزوجته عن طريق النسوان والجارات بس لا تسكت عن الموضوع
واضح أن الشغالة تستغفل صاحبة البيت وتضرب العيال

[khaldoon]

قوله اخوي رحمة بالاولاد الصغار ...ما تعتقد انك بتتحمل ذنبهم لو سكتت؟

[ريتويت]

لو انا في مكانك كان حفصت على الخدامه وذبحتها

[AL-MAYSTRO]

برايي انك تبلغ ولي امرهم وتخبره باللي صار لان هذا يعتبر حق من حقوق الاطفال

والساكت عن الحق ,,,,,,,, الخ

وان شاء الله فيك الخير وتبلغ جارك ومثل الاخ princess lul انك تخبره وتشرحله باسلوب وبهداوة

والله يحفظ اهالينا وعيالنا من كيد هالخدم

[MAZEN37]

اقتراحي تخلي ام العيال تخبر مرته بالسالفه وهي تسنع الخدامه بطريقتها
والله لا يضر احد

[GCC]

الله يعين اطفال هالايام

الاباء مايدرون سوايا الخدامات بعيالهم

[AL-MAYSTRO]

اقتراحي تخلي ام العيال تخبر مرته بالسالفه وهي تسنع الخدامه بطريقتها
والله لا يضر احد

اقتراح جميل وفي محله الصراحه :)

[تمون]

خلاص يا جماعة الخير انا بلغت جاري الثاني ريال كبير فالعمر وقلت له يقول الي صار
و راح له جدام عيني يدق عليه الباب

شاكر للجميع

[AL-MAYSTRO]

جزاك الله خير على التبليغ

[لاجل QT]

خل هلك يتصلون في اهلهم يقولون لهم اللى شفتة

[جرح الزمان]

خلاص يا جماعة الخير انا بلغت جاري الثاني ريال كبير فالعمر وقلت له يقول الي صار
و راح له جدام عيني يدق عليه الباب

شاكر للجميع

جزاك الله خير

وأطلب من جاركم الثاني يصلح بينكم بطريقته

والمسامح كريم

[السامـي]

بس ما يحق لك تهجر أخوك المسلم فوق ثلاثة أيام الله يرضى عليك.
والحديث النبوي يقول"خيركم من بداء بالسلام".فسلم عليه، حتى لو
ما رد السلام،فأنت على أجر.

[حسن]

انصحك لاتقوله هذولا عادي عندهم الاهمال مثل جيرانه اسكنو من ثلاثه شهور وكشافات بيتهم مابندت لين الحين

[قناص 787]

لو انا في مكانك كان حفصت على الخدامه وذبحتها

اما تحفصين على الخدامه ويمسكونج التحريات

بيعطونج ابعاد وطيش وتهور اههههه وانتي في غنى عنها :nice:

[أخو من طاع ربه]

اعتقد تجنب للخلاف بينك وبينه تخلي ام العيال لتقول لمرته