من فيكم مرتاح من وظيفته ؟ ومن فيكم يريد ان يستقيل ؟

[سلطان23]

بصراحة

هل انت مرتاح من وظيفتك؟

هل تريد ان تستقيل ؟

وليش مب مرتاح من وظيفتك ؟ ( هل بسبب المدير او الادارة او بسبب الموظفين ام .... ايش بالضبط

[سان سيمون]

وظيفتي احبها لانها إنسانية

افكر استقيل بسبب ( الادارة وظلمها ، :( ما فيه ٦٠٪ ، تسيب العمل وعدم وجود لوائح خاصة وكيفية تسيير العمل ، ما فيه ذمه ولا ضمير لبعض المدراء الي ممكن يؤدي بحياة الاخرين ويقضي عليهم لانهم بخلاء والميزانية في جيوبهم ولا سفراتهم و ورشهم الخاصه )

لكن مش حالة الاستقالة لانه الى متى واحنا تستقيل لانه زيد اخو عبيد وكل واحد يمارس نفس الخطأ في ادارته ، الموظفين وما إدراك والموظفين عليهم رادرات كل شيء يسمعونه حتى دبيب النمله وينقلونه لكن أختكم تعجبكم أقولها لهم في الوجه لا مدير قسم ولا مدير إدارة ما يقطع الراس الا من ركبه وغلطان بنتقدك ولا علي

[AL-MAYSTRO]

الحمدالله مرتاح بفضل الله

وخصوصا اني موظف جديد بعكس دوامي السابق

[خالد البلوشي]

لقد عملت في عدة جهات خلال عشر سنوات مضت ، و لم أشعر بالإرتياح مطلقا في الجهات التي انتسبت لها و السبب يعود للإدارة التي عملت تحت إشرافها و الظلم الذي لاقيته منهم ، و استثني من ذلك فترة عملي في السجون فلقد تعلمت كثيرا خلال هذه الفترة والإدارة لم تقصر معي مطلقا و لولا الراتب القليل لاستمررت في هذا العمل .. حاليا وبعد ان ادخرت خلال هذه السنين استقلت من الوظيفه واتجهت للعمل الخاص و الكسب ليس إرثا إنما ربح من خسر .. تحياتي

[المشتاقه الى الجنه]

ياريت ألقى شغل كان بتمسك فيه

[سان سيمون]

ياريت ألقى شغل كان بتمسك فيه

شوفي دريمة طالبة من فترة موظفين قدمي هناك

[زورق]

انا اعمل في مدرسة مستقلة ومش مرتاحة من الظلم والواسطات في التقاير والحقد بين الموظفات والادارة التعبانة وكل واحده داخله بشغل الثانيه ياريت افتك منها على خيرررررررر

[سان سيمون]

اذا تخصصك علم اجتماع ولا خدمة عندك دريمة
اذا تخصصك لغة عربية شوف مركز الثقافي للطفولة او حماية الطفل والمرأة

[القلم الصريح]

مافي احد مرتاح

[سلطان23]

مافي احد مرتاح

انا عن نفسي مرتاح

والله يشهد

[حقيقه]

أنا مب مرتاحه بسبب المسؤول وبعض الموظفين

لكن أحب شغلي

[سلطان23]

أنا مب مرتاحه بسبب المسؤول وبعض الموظفين

لكن أحب شغلي

ممكن توضحين

وش سار منهم

[غايه الطواش]

مرتاحه بقوو
افكر اغير مو عشان مو مرتاحه بس احس عطيت المكان وايد
ادور شركه جديده او مؤسسه جديده ابتدئ معاهم أسس
اطمح للاعلى والله يوفقني ويوفق الجميع

[نتفـه]

الله كريم :)

[Just Smile]

الحمدلله احب وظيفتي لانها في المجال الي احبه و مرتاحة من بيئة و جو العمل

و اذا كان في مجال للتطوير و الارتقاء بنفس المميزات في مكان اخر .. فليش لا ؟!



الله يرزق الجميع بوظيفة أحلامه :victory:

[bu 3li]

والله لا مرتاح من شغل ولا اداره ,,

متخصص في شي وحاطيني في شغل كلش ماله خص فتخصصي
والسبب الاداره ( القطريه ) اللي حاطه راسها براس القطري ومفضله الاجانب على اهل البلاد

بس الشكوى لله .. الحين الجامعي صار صعب يلقى وظيفه

[نورالقلوب]

سبحان الله ناس يشتغلون ومو مرتاحين وناس يتمنون الشغل
انا اتمنى اشتغل بس سبحان الله ارزاق موزعه الواحد يقول الحمدالله على كل حال والله ماخليت مكان ماقدمت

[مخطط قطري]

على حسب الشخص وكيف انتاجيه شغله اذا كان نفسيا مرتاح ويحب شغله بيرتاح من الوظفية
والان الرواتب صارت زينه بالمقارنه بقبل وصار التنقل بين الوظائف محدود مب مثل قبل
ومع وجود التسكين والهيكل التنظيمي اعتقد بتريح الموظفين اكثر لانه في وصف وظيفي وعارف مهام عملك وبيكون فيه استقرار اكثر
بنسبه لي اذا عطوني وزير راح اقعد بالعكس هذا طموحي واعتقد سهل الوصول له بالاصرار والعزيمه والصبر والابداع والمهارات الفنيه في الشغل هذا بمايتعلق باالامور الفنيه والاداريه وطبعا ماننسى الامور الاجتماعيه الي هي عليها 84.7% من الاهميه وهي حب الخشوم وتقدير المسؤلين الكبار والشيوخ وحتى لو كانو غلط لازم تقولهم صح طال عمرك وتكون سياسي محنك في اداره الازمات والمشاكال البسيطه ان وجدت والمستشارين ياكثرهم خذ راي اي حد واستشيره

[روح الاطلس]

^

نور القلب

الله يعين اليوم و امس انصدمت ثلاث قطريين حاطين اعلان في الوسيط بحث عن وظيفة!! شوفوا لوين وصلنا القطري صار يعلن في الوسيط .. هل خلصت الوظايف بهالديرة!

الله يرزق كل العاطلين

[مخطط قطري]

قطري يطلب وظيفه!!! من صجك انت
زين شنهي مؤهلاتهم ولا متى الاعلان الشيخ تكفا عطني ارقامهم
مافينا خير اذا ماوظفناهم
حتى لو كانو بدون مؤهلات ولا طالعين من حجز امني ولا غيره
في الاخير هذولا قطريين

[ابوعلي]

الحمدلله وبفضل الله مرتاح في شغلي لدرجة اني لو اطلع مشوار لو باقي على نهاية الدوام خمس دقايق ارجع وغير اني اتأخر بعد الدوام عادي عندي يعني ما استعجل الطلعه

ولله الحمد والمنه ولا افكر بالتقاعد

[Just Smile]

الأخوات و الاخوان الي يدورون وظايف

ترى البلد و الله فيها خير و وظايف بكثرة كل يوم شركة و هيئة جديدة تطلع

حاولوا و قدموا على نفس المكان اكثر من مرة .. يكفي اصراركم و محاولاتكم بتخلي اصحاب التوظيف ينتبهون لكم

حتى على الوظائف التطوعية و المؤقتة قدموا لانها بتكون بداية السلم .. الدولة تستضيف مؤتمرات و بطولات ما شالله بشكل مكثف و أكيد بتلاقون فرص حلوة تبدون فيها

الوظيفة مثل الزواج .. قسمة و نصيب

ما يحتاج لها واسطه و لا شي

فقط دعوة بجوف الليل و التوكل على رب العباد

و اخيرا قومة الصبح ..


و ان شالله أموركم تتسير بإذن الله :victory:

[الأعرابي]

الحمدلله مرتاااح والله ولي التوفيق ..

اخواني واخواتي المباركون ..
اخبركم بشيئ مُهم .. كثييييير من الناس لا يملئ عينه إلا التراب ..
اواجه اُناس يتذمرون من حياتهم ومن ازواجهم ومن اولادهم ومن اعمالهم ..
والسبب في ذلك ينظر إلا مساوئ الشيئ ..

ومن حط نظره إلى المساوئ تذمر وكره الشيئ نفسه ..

نصيحتي للمتذمرين إن يركزوا في محاسن الشيئ لكي يرتاح قلبه ويتبهلل وجهه فرحه ورتياحا ً دائما ً ..
ليس كل شيئ في الحياة راحه .. والدليل على ذلك ..
قال الله تعالى : لقد خلقنا الإنسان في كبد ..
وقد قيل ان ولدا ً سأل اباه واباه من كبار العلماء فقال الولد لإبيه متى القى الراحه قال أبوه .. تلقى الراحه اول ما تدخل قدمك (. الجنه .)
والشاهد من كلامي ليس في الدنيا بأكملها راحه إلا في ( . الجنه .)
ومهما كنت في أرقى مكان ومكانه ومرتبه لابد من شيئ ٍ يضايقك ..
فتفائل عسى ان يكون تفائلك خيرٌ عليك ..
والصبر جميل .. فأنظر إلى منه ُ أدنى منك لكي تنعم بما انت فيه ..
إذا كنت راكبا ً (. لكزز .) فانظر راكب (. الددسن .)
وإذا كنت راكبا ً (. ددسن .) فانظر راكب (. التيدا .)
وإذا كنت راكبا ً .( التيدا ). فانظر راكب .( السيكل .)
وإذا كنت راكب .( السيكل .) فانظر (. المترجل .)
وإذا كنت ( . مترجلا ً .) فانظر إلى (. المشلول .) لا يمشي ولا يقدر ان يبعد الذبابه عن وجهه ..!!

فقل الحمدلله على ما انت فيه ِ من نعمه ..
فالرسول صلى الله عليه ِ وسلم .. مات ودرعه ُ مرهونا ً عند .( يهوديا ً ).
اتمنى اني ما اطلت عليكم ..
لكم مني فاائق تقديري وحتراامي ..
تحيتي ..

[روح الاطلس]

قطري يطلب وظيفه!!! من صجك انت
زين شنهي مؤهلاتهم ولا متى الاعلان الشيخ تكفا عطني ارقامهم
مافينا خير اذا ماوظفناهم
حتى لو كانو بدون مؤهلات ولا طالعين من حجز امني ولا غيره
في الاخير هذولا قطريين



اخوي الاعلان محطوط ثلاث ايام ورا بعض واليوم بعد في الوسيط نزل الاعلان ( مسكين شكله ما لقى لين الحين)

صيغة الاعلان

قطري يبحث عن وظيفة
(( يمنع وضع رقم الهاتف - الادارة ))


واعلان ثاني

بعنوان شابان قطريان يبحثان عن عمل بس محددين يبون البيئة او الجمارك او البلدية واحد منهم ثانوية عامة والثاني معاه ثاني اعدادي
(( يمنع وضع رقم الهاتف - الادارة ))



رقــــــــــــم العدد 3476 .. يوم الاحد

واليوم الاثنين واعلى ما اتذكر يوم الخميس بعد نزل نفس الاعلان


الله يوفــــــــــــق كل من يبحث عن وظيفة ويرزقه بالحلال.. والله يقدر يساعدهم بميزان حسناته اكيد

[GCC]

الحمدلله مرتااااح جدا من جميع النواحي سواءا من ناحية الادارة او الزملاء او الراتب

ونسأل الله سبحانه ان يرزق كل باحث عن عمل الوظيفة التي يتمناها وان ينعم بحلال رزقها*

[روح الاطلس]

يبدو مراقبنا الفاضل ازال الارقام بالرغم انها موجوده في الوسيط .. عموماً اللي يبيها يرجع للوسيط موجوده فيه

[الخيالة]

أنا مب مرتاحة وخاطري اطلع بس ماقدر مجبورة أتحمل
بس الحمدالله علي كل شي الله كريم

[chillis]

الحمدلله مرتاحه بدوامي :)

[تاج المراجل]

وانا انا مب مرتاح وخاطري اطلع من شركه المخده والسرير للنـوم وغير شركه ثانيه لان تعبت وملل بصراحه نبي نغير شوي < هههههههههههههههه : سلاام

[انتر ميلان]

كلمة حق واتمنى محد يزعل ومحد يحس الا المجرب
اغلب الموظفين القطريين اللي مب مرتاحين من مدرائهم الاجانب ،،،وانا مب عارف سبب الحقد والحسد على القطريين

والكثير من القطريين ماعندهم صبر ،،، من يشوف الظلم يقدم اسقالته ويطلع
وهذا اكبر غلط

[ودي أكون]

اللهم لك الحمد.. هذا من فضل ربي

لو الف وادور شغله وراحه مثل شغلي ماظن بلقى .. من جمييييع النواحي

اللهم لك الحمد على مارزقتني

[قطر 2012]

قدم كثير من اعضاء هيئة التدريس القطري بالجامعة استقالاتهم ، و طلب البعض الآخر تقاعد مع انهم في قمة العطاء ، والأسباب كثيره تتلخص في امرين:

1) الناحية المعنوية: عدم تقدير عضو هيئة التدريس القطري و تفضيل غير القطري عليه :weeping: :anger1:
2) المردود المادي: حيث ان اعضاء هيئة التدريس الجامعي من المفروض ان تكون رواتبهم اعلى من الموظفين و المدرسين الغير حاصلين على دراسات عليا ، و حاليا اصبحت رواتب اخواننا اصحاب التراخيص و بعض مدرسي المدارس المستقلة أعلى من رواتب اعضاء هيئة التدريس الجامعي :( :secret:

:nice: اللهم لا حسد ، الله يبارك لهم و يزيدهم ان شاء الله من فضله :victory:.

انظر المقال:
واخيرا رد جامعة قطر على مقالة الدكتور ربيعة الكواري


http://www.qatarshares.com/vb/showthread.php?t=483635

[OREO]

بفضل رب العالمين اشتغلت في قطر للبترول و هذه اول جهه اشتغل فيها و ان شاءالله استمر فيها طول العمر ،،

لله الحمد مرتاح و ماعلي اي قصور كوني قطري و ماخذ حقي و زيالده و ربي شاهد على اللي قلته ،،

و هذا من فضلك يارب ،،

[بوحارب]

مب مرتاااااااااااااااااااااح

بسبب الشغل المتعب اولا

وبسبب قوانين الأدارة الصارمة يعني لو تتأخر عن البصمة ثانية وحدة غياب يوم كامل وين صارت ذي !!!!!!!!

[المشتاقه الى الجنه]

ليش مستغربين أنا قطريه وجامعيه ومامحصله وظيفه
مافي مكان ماقدمت أوراقي بدون فائده

[بوسلمان 2010]

الله يصبحك باالخير يااخوي سلطان 22 شوف يااخوي اذا الواحد مخلص في شغله دوم بيكون مرتاح حتى لو ان


مديرة او رئيس القسم مضايقه يستحمل في عمله لان المدير بينشال مهما كان شنهو لان الكرسي الي قاعد عليه


كرسي حلاق والدنيا دواره وانا اخوك اما عن نفسي اللهم ولك الحمد مرتاح ولافي اي شي يضايق

[هام السحاب]

والله لو الي في بالي يطير
ناس وايد بيرتاحون مب بس انا

[بوحمد2]

بصراحة

هل انت مرتاح من وظيفتك؟

هل تريد ان تستقيل ؟

وليش مب مرتاح من وظيفتك ؟ ( هل بسبب المدير او الادارة او بسبب الموظفين ام .... ايش بالضبط

انا عسكري وفي جهه حساسه والحمد لله مرتاااااااح جدا ولله الحمد وماعاني من اييييييي شي ومابي منهم اي شي :nice:

[الرويـس]

اللهم لك الحمد

[SpσiLèđ]

هل انت مرتاح من وظيفتك؟

ألحمـدلله
هل تريد ان تستقيل ؟

لآآ مـ فكر

وليش مب مرتاح من وظيفتك ؟ ( هل بسبب المدير او الادارة او بسبب الموظفين ام .... ايش بالضبط

[ضوى]

الحمد لله والمنة مرتاحة جدااا منذ اول تعيين لي في سنة 1991 م

[ريتويت]

مرتاحه ومب مرتاحه
والسبب هو الضغط الي فالشغل
شغل البترول مايخلص.. يعني حتى الوظيفه الوحده يبيلها عالاقل 4 اشخاص يخلصونها


الله يعين

[M&F]

الحمدلله مرتاحه في الشغل

بس مشكلتي في وقت الدوام و عدم وجود امتيازات للموظفات :weeping:

[شمعة الدوحه]

انا مستقيله حاليا :tease:

واحتمال ماطلع لو لقيت اللي يناسبني

[بوالبيض]

انا اعمل في مدرسة مستقلة ومش مرتاحة من الظلم والواسطات في التقاير والحقد بين الموظفات والادارة التعبانة وكل واحده داخله بشغل الثانيه ياريت افتك منها على خيرررررررر

الله يفكج منها شغلة المدارس سنداره وعوار راس نفس حالتج انا الله يكفنا منها معني زيادة
رزاتب بس والله اكثر القطرين يبون يطلعون بتقول لي ليش ..
اول شي ما في ترقيه طول العمر مدرس
صار ما في احترام من قبل الطلاب للمدرس
كل يوم جرس صراخ مشاكل روتين ما في راحه
اشراف احتياط استاذ غائب تاخذ الحصص مالته تتوزع
المدير علي كيفه يتحكم في المدرسه
المجلس الاعلي عايش في عالم ثاني كل يوم قرار
الله يفكنا بس منها من عوار الراس

[missperfect]

الحمدلله مرتاحين
بس من طبقوا سالفه التقييم العام واحنا مو مستقرررين

[بوالبيض]

مرتاحه ومب مرتاحه
والسبب هو الضغط الي فالشغل
شغل البترول مايخلص.. يعني حتى الوظيفه الوحده يبيلها عالاقل 4 اشخاص يخلصونها


الله يعين

البترول شغلها طويل بس في قوانين واحكام تتنفذ بدقه والحمد الله الراتب اتوقع وايد زين
المشكله الي في البترول لو بيطلع وين بيروح ما ظن يحصل شغله احسن منها وما ظن
الحكومه احسن من البترول اقول خلج في شغلتج احسن نصيحه موفقه

[qataria]

كل مادخل شغله جديدة يكون الشغل ممتاز في البدايه بس بعدين يتحول الشغل لروتين بعد ما اتعلمه و اتملل و اطلب شغلات ثانية ونفس القصه.
يعني المشكله فيني مش في المكان. ولا المكان الحمدالله اوكي و يحاولون يعطوني مسؤوليات مختلفة وجديده.

الله يهديني و ما اتهور واغير لانه كله بيطيح فوق راسي بعدين وما بلاقي حد يشغلني.:rolleyes2:

[nono80]

الواحد مايرتاح الا اذا الادارة والمدير يكون مش ظالم وعادل اذا ظلم وتنافس وحقد وكلا يبي يوصل علي حسابه غيرة وتاخذ التقدير علي المزاج شالفايدة الواحد يتعب ويشتغل دام التقدير بالمزاج يالله الله يفرجها يارب

[بـــــــنت النوخـّــــذه]

الحمد لله والمنة مرتاحة جدااا منذ اول تعيين لي في سنة 1991 م

ماشاء الله تبارك الرحمن من زمان عيل تشتغلين

[بـــــــنت النوخـّــــذه]

نسيت اعلق على الموضوع

الانسان المثابر يحب يرتقي للاعلى00 ولكن احيانا الاستقرار الوظيفي يقف احيانا حاجزا" عن تغيير جهة العمل

لكن في مجال عملي مرتاحه والسبب ان اغلبهم انعرفهم اهههههه واسطه خير والنعم فيهم , ساعات اقول واذا رحت مكان اخر ومسكوني مهام جديده والمسؤولين مانعرفهم كلش !!!! فالاحسن الي انعرفه ابرك من الي مانعرفه

[سارونه]

العمل نعمة من رب العالمين ولولاها ماقدرنا نعيش صح

من اقوال صديقة لي :)

المشكلة مش في عدم الراحة على قد عدم التقدير عند بعض المدراء
احنا نشتغل علشان ورانا بيت وعيال واسرة تنتظر الراتب كل شهر
الحين نرجع البيت مصدعين من طوووووول الوقت ( 2.30) نوصل البيت (3.00)
نصلي - نتغدى - ناخذ 2 بندول - ننام شوي - ندرس العيال - نرجع ناخذ حبوب الضغط وننام :( تتوقعون هذي حياة :( واحنا امهاااات .... ؟

ياريت يقللون من ساعات العمل للمرأة - وربي حرام - عندها التزاماااات كبيرة نحو بيتها :(

[ضوى]

ماشاء الله تبارك الرحمن من زمان عيل تشتغلين

21 سنة اللهم بارك لي ووفقني لما تحب وترضى :)

[R 7 A L]

العمل نعمة من رب العالمين ولولاها ماقدرنا نعيش صح

من اقوال صديقة لي :)

المشكلة مش في عدم الراحة على قد عدم التقدير عند بعض المدراء
احنا نشتغل علشان ورانا بيت وعيال واسرة تنتظر الراتب كل شهر
الحين نرجع البيت مصدعين من طوووووول الوقت ( 2.30) نوصل البيت (3.00)
نصلي - نتغدى - ناخذ 2 بندول - ننام شوي - ندرس العيال - نرجع ناخذ حبوب الضغط وننام :( تتوقعون هذي حياة :( واحنا امهاااات .... ؟

ياريت يقللون من ساعات العمل للمرأة - وربي حرام - عندها التزاماااات كبيرة نحو بيتها :(



المفروض الحريم من الساعة 12 الظهر يطلعون

[رجوان]

الله يصبحك باالخير يااخوي سلطان 22 شوف يااخوي اذا الواحد مخلص في شغله دوم بيكون مرتاح حتى لو ان


مديرة او رئيس القسم مضايقه يستحمل في عمله لان المدير بينشال مهما كان شنهو لان الكرسي الي قاعد عليه


كرسي حلاق والدنيا دواره وانا اخوك اما عن نفسي اللهم ولك الحمد مرتاح ولافي اي شي يضايق

صاج والله نفس الكلام اللي بقوله محد من المسؤولين جاعد في كرسيه:victory:

[ضوى]

العمل نعمة من رب العالمين ولولاها ماقدرنا نعيش صح

من اقوال صديقة لي :)

المشكلة مش في عدم الراحة على قد عدم التقدير عند بعض المدراء
احنا نشتغل علشان ورانا بيت وعيال واسرة تنتظر الراتب كل شهر
الحين نرجع البيت مصدعين من طوووووول الوقت ( 2.30) نوصل البيت (3.00)
نصلي - نتغدى - ناخذ 2 بندول - ننام شوي - ندرس العيال - نرجع ناخذ حبوب الضغط وننام :( تتوقعون هذي حياة :( واحنا امهاااات .... ؟

ياريت يقللون من ساعات العمل للمرأة - وربي حرام - عندها التزاماااات كبيرة نحو بيتها :(

الله يساعدج ياااااااااااارب ويعين كل ام تكافح وتعاني

انا مثلج بس بفرق بسيط للحين ماجاني الضغط ولا السكر :secret:

ارجع البيت الساعة 2 وشوي ، نتغدى كلنا مع بعض ، اقعد ادرسهم لين اذان المغرب اعشيهم انومهم واتفرغ لشغلي الخاص

هذا الروتين يوم كانوا عيالي صغار ، بس حاليا الحمد لله كبروا واعتمدوا على انفسهم ، صار الروتين غير ارجع البيت نتغدى اغدي الصغيرة وننام كلنا نصحى قبل اذان المغرب نقعد شوي نسولف شوي يدرسون الكبار شوي ماتجي الساعة 9 او 10 الا الكل يبي ينام ، وبحكم عندي صغيرة توها ماكملت السنة فالنوم مسروق من عيوني :weeping:

[سارونه]

المفروض الحريم من الساعة 12 الظهر يطلعون



الله يسمع منك - اتمنى تغير الوقت للمرأة العاملة للصالح العام :nice:

[الجوري]

التوفيق للجميع وعسى الله ييجعل الكل مرتاح انشالله في وظيفته وترزق المحتاجين للوظيفه

[سارونه]

الله يساعدج ياااااااااااارب ويعين كل ام تكافح وتعاني

انا مثلج بس بفرق بسيط للحين ماجاني الضغط ولا السكر :secret:

ارجع البيت الساعة 2 وشوي ، نتغدى كلنا مع بعض ، اقعد ادرسهم لين اذان المغرب اعشيهم انومهم واتفرغ لشغلي الخاص

هذا الروتين يوم كانوا عيالي صغار ، بس حاليا الحمد لله كبروا واعتمدوا على انفسهم ، صار الروتين غير ارجع البيت نتغدى اغدي الصغيرة وننام كلنا نصحى قبل اذان المغرب نقعد شوي نسولف شوي يدرسون الكبار شوي ماتجي الساعة 9 او 10 الا الكل يبي ينام ، وبحكم عندي صغيرة توها ماكملت السنة فالنوم مسروق من عيوني :weeping:


الله يكفيج الشر ويبعد عنج الضغط والسكر يارب :)

في امهات وصلوا لفوق (40) سنة وهالامراض تجي السن الكبير ، ولحد الحين محتاجين العمل رغم صعوبة الوقت والسن والسبب بعض الازواج (80%) منهم معتمدين عليها :(

الام كلشي تسويه من جمعية من ملابس من رواتب الخدم ومن صرف على العيال :(
ولحد ماتموت بتم تشتغل مافي احد يقولها اقعدي يا يمه احنا ملزومين فيج

يا اختي الحمد لله هذا واقع مؤلم وحقيقي :(

[sweet qatar]

هل انت مرتاح من وظيفتك؟

لا ، لكن الحمدلله على كل حال



هل تريد ان تستقيل ؟

نعم، وحالياً أجهز نفسي للاستقالة


وليش مب مرتاح من وظيفتك ؟ ( هل بسبب المدير او الادارة او بسبب الموظفين ام .... ايش بالضبط

لان العمل الحكومي ما يحقق لي طموحي