كويتي يصفع عروسه في "الكوشة" إرضاء لوالدته

[تركي الشهراني]

http://sabq.org/sabq/misc/get?op=GET_NEWS_IMAGE&name=news52849228.jpg&width=512&height=320



امتزجت الدموع بمشاعر الفرح في مكان واحد، وكادت عاصفة تحول دون إتمام حفل زفاف أقيم في قاعة أحد الفنادق في محافظة الفروانية بالكويت، عندما اضطر العريس أن يصفع عروسه في "الكوشة" على مرأى من الحضور الحاشد، بسبب ضحكها على سقوط أمه المسنة، أثناء رقصها، وهي من ذوات الاحتياجات الخاصة، لينزلق الحفل إلى حافة التفكك وافتراق العروسين، لولا تدخل الحكماء، وبينهم والدتا العريس وعروسه، الذين أزاحوا الغضب بعيداً.

وقالت صحيفة "الرأي" الكويتية، الاثنين: إن المشاعر الجياشة لأم العريس قادتها إلى مغالبة السن والإعاقة في ساقها، فاندفعت تشارك الراقصات رقصهن أمام "كوشة" ابنها وعروسه، ولم تمض دقائق حتى سقطت أرضاً، بعد أن عجزت ساقها المعاقة عن تحمل فرحتها الراقصة، وهو المشهد الذي انتزع الضحكات الهستيرية من أفواه نساء الفرح، وبينهن العروس التي انساقت لتلقائية الموقف الكوميدي فلم تتمالك نفسها من المشاركة في الضحك على حماتها!

على النقيض من العروس الضاحكة انتفض المعرس من مقعده في الكوشة، وسارع إلى أمه فأنهضها من الأرض، وانحنى على يديها ورجليها تقبيلاً في صورة للوفاء أعادت إلى القاعة وقارها، ثم سرعان ما استدار العريس متوجهاً إلى عروسه، وهوى على وجهها بلطمة عنيفة حولت ضحكاتها إلى بكاء، وترددت أصداؤها في أرجاء القاعة، واحتوت الصدمة المدعوين وهم يجدون سيناريو الفرح يمضي في اتجاه معاكس!

وفي الوقت الذي ساد فيه الوجوم وجوه غالبية الحاضرين، انتقل كل من العروسين إلى جانب من القاعة، فيما صارت الكوشة خلاءً بمقعديها الشاغرين، وتدخل العقلاء من أقارب العروسين، وانخرطوا في إزاحة سحب الغضب من القاعة، حتى عادت البسمات الهادئة إلى وجهي العريس وعروسه، وشيئاً فشيئاً عادت الأغاني المحببة تملأ فضاء القاعة.

الطريف أن الأم الحانية صرخت في ابنها العريس أمام المدعوين، وحضته على احترام عروسه في كل وقت، بل التمست لها العذر بأن الموقف كان مضحكاً حقاً، أما والدة العروس فبادرتها بقولها: "تعرفين.. أن زوجك رجل أصيل، وسوف تكونين سعيدة معه، فلو لم يكن فيه خير لوالدته، فلن يكون فيه خير لك!".. وطالت السهرة وسط الأغاني والتبريكات، قبل أن ينصرف العروسان في زفة متوهجة، مغمورين بالبسمات ودموع الفرح، بعد ليلة شهدت مشاعر متضاربة.. وحفلت بالتناقضات.




منقول جريده الرايه



والله انه كفوووو

[MAZEN37]

تصرف خاطىء من الطرفين
اذا من اولها ما تعرف السنع والاحترام

[قطريه أصيله]

العروس تستاهل اللي جاها


:)

[شيخ القبيلة]

:omg:

[boamir]

تصرف حكيم من الأمهاات
فعلا عرفوا يتصرفون

[وتبقى الدنيا حلوه]

مالت عليها بدل ماتروح تركض تشيلها تقعد تضحك

تستاهل ما جاها

اذا هاي اولها الله يستر من تاليها !!

[موضي قطر]

تصرف العروس والمعرس غلط .. وان كانت العروس تستاهل ماجاها ..

الحلو ان اهل المعاريس اتصفوا بالحكمة .. وحلوا الموضوع وماكبروه ..


<<< اسجل اعجابي بوالده العروس على حكمتها وكلمة الحق في زوج بنتها

[ضوى]

صج عروس 2011 ، بدال ماتفز من مكانها وتركض لام المعرس تشيلها وتتحمد لها بالسلامة تضحك ؟ الله لا يبلانا

[أسير الاسهم]

أكشن مب وقتـه كلش ,, اهي ضحكت .. بس الكف جزاها ... زين آخرت السالفه انتهت بسلام

[R 7 A L]

http://up.redaan.com/uploads/426a9db399.jpg (http://up.redaan.com/)

سلامي والله عليه

[بـــــــنت النوخـّــــذه]

عالج الخطأ بخطأ00
ماعنده اسلوب تعامل كلش

[الطائر الحائر]

مالت عليها بدل ماتروح تركض تشيلها تقعد تضحك

تستاهل ما جاها

اذا هاي اولها الله يستر من تاليها !!

مافي مجال حق تاليها خلاص ذاقت الكف هههه تسنعت

[ضوى]

من شهر ونص تقريبا كنت بعرس واحدة من اهلنا ، واخت المعرس مدري خالته والله مادري شنهي صفتها بالضبط شوي كبيرة بالسن ، من فرحتها بالمعرس تتحرك بخفة في العرس وترقص ماشاء الله عليها وفجاة تشربكت ريولها بحامل السماعات الكبار بالقاعة وطاحت عالحدية مالت الحامل ، والله وبالله انه كل اللي بالقاعة فز لها ولا شفت احد تغامز والا لمز والا حتى ابتسامة مخفية وايد تحركوا لها عشان يساعدونها عالقومة حتى ام العروس ، المراد يعني مرة كبيرة بالسن تطيح اضحك عليها ؟؟ بغض النظر عن العروس اللي بالقاعة مايستحون على ويههم ،، هالكثر مافي احساس ؟؟

[R 7 A L]

من شهر ونص تقريبا كنت بعرس واحدة من اهلنا ، واخت المعرس مدري خالته والله مادري شنهي صفتها بالضبط شوي كبيرة بالسن ، من فرحتها بالمعرس تتحرك بخفة في العرس وترقص ماشاء الله عليها وفجاة تشربكت ريولها بحامل السماعات الكبار بالقاعة وطاحت عالحدية مالت الحامل ، والله وبالله انه كل اللي بالقاعة فز لها ولا شفت احد تغامز والا لمز والا حتى ابتسامة مخفية وايد تحركوا لها عشان يساعدونها عالقومة حتى ام العروس ، المراد يعني مرة كبيرة بالسن تطيح اضحك عليها ؟؟ بغض النظر عن العروس اللي بالقاعة مايستحون على ويههم ،، هالكثر مافي احساس ؟؟



اخذها الطرب
خودت
:tease:


لا صراحة المفروض ماتضحك كلش
واذا الضحكة طلعت غصب تتحمل الى يصير لها

[دااانة قطر]

تستااهل

[سارونه]

كف في يوم العرس ؟؟؟؟؟؟

صحيح العروس مالها حق تضحك - بس مو بهالاسلوب كف عاد :(

الحل سهل جدا ( طلقها وارتاح) :)

[Mr. H]

بالعكس و الله أنه كفوووو !!! :) هذا من الجيل القديم هههههه للحين عايش الله يستر عليه

بس مدري ليه أحس ان القصة ملفقة و من قصص ألف ليلة و ليلة !!! عجوز معاقة و اتطيح ثم ضحكات ثم تقبيل في الرجل ثم عودة و صفعة .. و بعدين دخول الحكماء و مقولة ام العروس بان الولد فيه خير لوالدته الخ الخ .. و انتهت القصة بنهاية سعيدة بعد ان اخذت العروس درس هههههههههههه !!

ولا وشرايكم

[قطريه ماركه]

موقف محرج ...

الله يعينهم ...

[basma222]

كفوا الله يخليه لامه ويخلى امه له

[حقيقه]

عورني قلبي على الام مستانسه على ولدها

بس العروس اتوقع ماتقصد وكان مجرد ضحكه عفويه بسبب اللي صار

[كلنا قطر 1981]

انا ضد ضــرب المراه باي حال من الاحوال و تصرفه غلط ولكن....


الي صار عيب من الزوجه و الزوج لكن الحمدلله انه ام الزوج و الزوجه عندهم الحكمه و الله يوفق الجميع

[ROSE 26]

سمعت نفس هالقصة مـِْט زمااااااااااان
لكنها انتهت بالطلاق

[عضو نشيط]

كفووووو


وكثر الله من امثاله ،،،،


وأمثال أم العروسين أأأأأ

وتستاهل العروس ما جاها ،،، وتستاهل البنات إللي مثلها الخيزراااان ،،،

[بيرق_المجد]

اشكره وبقوه على تصرفه لان تصرفه هو اللى حل الموضوع بسرعه لو ماصفعه بنقول كان حاشمها مثلا على شانها عروس اتوقع بيطلقه ثاني يوم بس تصرف ميه ميه ولجل امي ابيع الكون كله عاد اللى عروس بدالها الف عروس وفيه نقطه باوضحه من وجهت نظري بحكم اختلاطي ايام الجامعه مع الاجانب من الاوربيين والامريكان وغريهم الغالب منهم ماقدر احكم عليكم كلهم لو حصل مثل موقف الام اللى طاحت صدقوني مايضحكون الضحك وقلت ا عندنا يالعرب الواحد مايمسك عمره شوي اقل شي لو فيك ضحكه لاتبينها صد رح مكان ثاني مراعات للمشاعر

[مستر راشد]

كفوو عليه

[القحطاني505]

زواج عجيب :)

[البريكاني]

http://sabq.org/sabq/misc/get?op=get_news_image&name=news52849228.jpg&width=512&height=320





الطريف أن الأم الحانية صرخت في ابنها العريس أمام المدعوين، وحضته على احترام عروسه في كل وقت، بل التمست لها العذر بأن الموقف كان مضحكاً حقاً، أما والدة العروس فبادرتها بقولها: "تعرفين.. أن زوجك رجل أصيل، وسوف تكونين سعيدة معه، فلو لم يكن فيه خير لوالدته، فلن يكون فيه خير لك!"..




أجمل ما في الموضوع موقف أمهات العروسين

وأصلاح ذات البين بين أبنائهنّ

[OTOsan]

قال الحكيم الروماني يوما : طراق .. احسن من طلاق !

احيي العريس واشد على يديه على احترامه وحبه الكبير لامه ، واقول للعروس تحمدي ربج لانها جات على طراق :)

[كازانوفا]

المفروض تمسك نفسهااا
بس ......

[مخطط قطري]

اخواني وخواتي لو انتو مكانهم ايش بتسون ؟؟؟؟؟؟؟ ابي الصدق مو كل واحد يطلعلي فليلسوف زمانه

[كازانوفا]

المفروض حتى لو المنظر مضحك لازم تمسك نفسها وتستاهل ما اجاها بالفعل مقلب

[للصبر اخر]

تستاهل
المفروض تنزل تشيلهااا مو تضحك

[بـومحمد]

تصرف سليم 100%

[يحفظك ربي]

تستاهل اللي ياها صج قليلة ادب
يمكن تصرف خاطئ ان سطرها بس تستاهل

[ثابت]

تستاهل اكثر من الكف بدل ما تنقز تشيل عمتها المسكينة تتضحك قلة ادب ويليتة طلاقها احسن لة وهي تستاهل

[× الجــوري ×]

كلش موقفه ماعجبني مهمن كان المفروض مايتصرف هالتصرف ويكبر عقله شوي الموضوع مب مستاهل الضرب :omen2:

[× الجــوري ×]

تستاهل اكثر من الكف بدل ما تنقز تشيل عمتها المسكينة تتضحك قلة ادب ويليتة طلاقها احسن لة وهي تستاهل

وهي اذا مره اتطلق احسن لها حفاظا على كرامتها :discuss:

[خــالــد]

:eek5: ههههههههه زين يسوي فيها

[@north_star@]

بصراحة تستاهل ما جاها وهذا درس لها باحترام الناس وبخاصة ام المعرس وبالعكس المعرس كفو ورجال ( ومثل ما يقول المثل الف عين تدمع ولا عين امي تدمع )

[سهاير]

والله خبااااال

[نورهان88]

ياقلبي على الأم ترقص من الفرحة فديتها .... صج اللي مافيه خير لأهله مافيه خير للناس

[وطن]

كلكم قمتوا على البنت
يا جماعه ترى في ناس ما يقدرون يمسكون نفسهم من الضحك في هالمواقف

صحيح ان لازم تتمالك نفسها وتفز حق ام المعرس اللي هي حسبة امها

بس يمكن انها ما استوعبت او ردة فعلها بطيئة
العرس موترها

العلاج مو بالكف

تصرف خاطيء من الطرفين

[أم مشعل]

تستاهل ماجاها ..........واللي ما فيه خير لوالدته جنته وناره ما فيه خير لاحد

[قطري !]

لو العكس حصل ..



لو أم العروس هي اللي وقعت وضحك المعرس ...



بالكعب http://t1.gstatic.com/images?q=tbn:ANd9GcTIPrdgaAzY3VffTOlRbZ2iSeUZ-XCXw473njByaKvyO9ACDcUW علي راسه ولا ايش بتكون ردة الفعل ..

[شبح الصمت]

توقعون هل راح تنسى الكف !!!

[qatara]

هذا اولها ينعاف تاليها

عيل شلون راح تعامله باقي العمر

من اولها قلة ادب وعدم احترام
لا له ولا لامه ولا لباقي الحضور
هذا بدل ما تركض تشيلها

[قطري !]

توقعون هل راح تنسى الكف !!!




ماراح تنساة , وصدقني بتتعلق في زوجها اكثر و اكثر

[ام السعف]

وااااااو

شوفوا هالمقطع

" وترددت أصداؤها في أرجاء القاعة، "
حاط سبيكر على الصفعة


ياربي ياربي ياربي توماتش والله وايد خرابيط صارت تنكتب وتحاك بشكل
فيه استهزاء كبير بعقولنا :(

شاسوي ياربي انتحر وافتك من هالعالم :"(

[موضي قطر]

وااااااو

شوفوا هالمقطع

" وترددت أصداؤها في أرجاء القاعة، "
حاط سبيكر على الصفعة


ياربي ياربي ياربي توماتش والله وايد خرابيط صارت تنكتب وتحاك بشكل
فيه استهزاء كبير بعقولنا :(

شاسوي ياربي انتحر وافتك من هالعالم :"(


ههههههههههههههههههههههههههههههه :funny:


دمعت عيني من الضحك .. ام السعف الجملة تعبير عن قوة الكف :tease:

[بوعلي2]

اهم شي عدت على خير السالفه

الحمد الله على كل حال

[مهرة]

الصراحة بمثل هالموقف مافيه أدنى شك بقلة الأدب وعدم الأحترام مافيها دم كلش وين الموقف الي يضحك ولا بهستيرية بعد بالعكس الموقف يبكي ويفز القلب لها هالمسكينه الله يعينها على هالكنه مالت عليج الا مالت على امج ماعرفت اتسنعج كذا الحريم بيقولون صح .!!:anger1:

اما المعرس يعطيك العافيه وجعل من جابك الجنه زين سويت فيها .. أقول يالعرووس الله يعينج كل ذكرى زواجكم شنو بتتذكر الطراااااااق وهي تضحك .. ههههههههههههه:tease:

[فيزيائية]

اهم شي النهايات السعيدة .

[Dawn]

مره صار جدامي موقف في الجامعه

وحده طاحت وسط البنات عند سلم 1 ( وكان في هذا المكان كافتيريا ) وكان وقت الزحمه ..

ولا حد قام يساعدها ويلم اوراقها اللي طاحت غيري وشفت بعض البنات يضحكون ..

كنت سنه اولى واستغربت ليش الناس تضحك على موقف شخص طاح ،، انا اول شي يجي ببالي انه تعور من الطيحه

الظاهر انه الناس تأثرت بالبرامج اللي فيها اشخاص يطيحون وعقب المفروض الجمهور يضحك ..

[امـ حمد]

تستاهل الا جاها

والمعرس ماشاء الله عليه رجل ونعم الرجال مثال البر لأمه

[خليفـة]

كان المفروض بعد يسطر مرته سطار على ويها
يفتر على الي ضحكوا من الحضور .. ووحده ورى الثانية
لين يطير كيلوا الميك أب الي في ويوهم
:)

خليفــة

[الشاااهين]

العروس بعد محترمه ومن أسره طيبه ولا عقب الكف ماتنزلت تقعد خبركم بنات هالايام" البعض"بتقول بيت ابوي ابرك لي هاذي من أولها .

يحليلها امه الله يحفظها من الوناسه قامت ترقص

وبصراحه شكلهم كلهم طيبين لانهم تداركوا الامور وكملوا عرسهم ولا كنه صار شي.

[بوحمد1]

هذا اللي يصب السمن على يمناه

وبهذه الحركة اتوقع ان العروس بتشيله فوق راسها مع والدته :)

[Al-Kuwari]

والله انه ذييييب

[مواقف النجادة]

لو عندي بنت ..

افتخر اني اعطيها واحد مثله !

[حليتان*]

اشكره وبقوه على تصرفه لان تصرفه هو اللى حل الموضوع بسرعه لو ماصفعه بنقول كان حاشمها مثلا على شانها عروس اتوقع بيطلقه ثاني يوم بس تصرف ميه ميه ولجل امي ابيع الكون كله عاد اللى عروس بدالها الف عروس وفيه نقطه باوضحه من وجهت نظري بحكم اختلاطي ايام الجامعه مع الاجانب من الاوربيين والامريكان وغريهم الغالب منهم ماقدر احكم عليكم كلهم لو حصل مثل موقف الام اللى طاحت صدقوني مايضحكون الضحك وقلت ا عندنا يالعرب الواحد مايمسك عمره شوي اقل شي لو فيك ضحكه لاتبينها صد رح مكان ثاني مراعات للمشاعر

لا فديت خشمك حتى هني مستحيل حد يضحك على شيبه ولا عجوز طاحت الا اذا كان قليل ادب ومب اي قليل ادب لا الي كلش كلش ما ذاق طعم الادب


واذا عن طيحات الشباب وخصوصا الربع والطيحات فذي نوع من المزح والغشمره :tease:
بس اذا كانت طيحه جامده بعد مستحيل :(

[♫ احسـاسـ طفلـهـ ♫]

رجل والرجال قليل :nice: ..


والحمدلله ان السالفه ما انتهت بطلاق و كانت ام المعرس حليوه وطيبه وفيها خير الله يهنيهم ويعقل الاثنين امين ..

[الريمي قطر]

العروس غلطانه بدال ماتساعدها تقعد تضحك والله امحق عروس وبعد المعرس قويه انه عطااها كف ماراح تنسى هالليله ف حياتهااااااا

[شـعـشـبـونـه]

تستاهل العروس الطراق الي جاها

[رجل مثالي]

الحمدلله أنتهت السالفة على خير والله يبارك للجميع وعلى جميع أمة محمد صلى الله

على محمد وعلى اله وصحبه

[mr.M]

اخواني وخواتي لو انتو مكانهم ايش بتسون ؟؟؟؟؟؟؟ ابي الصدق مو كل واحد يطلعلي فليلسوف زمانه

الصراحه أنا من النوع اللي لو أحد طاح أضحك وأدري انه هالشي غلط بس والله ما اقدر امسك نفسي

[Dawn]

الصراحه أنا من النوع اللي لو أحد طاح أضحك وأدري انه هالشي غلط بس والله ما اقدر امسك نفسي

احييك على صراحتك

لحل هالمشكله فكر ان هالانسان اللي طاح ممكن تكون ريله او يده انكسرت او ممكن صاده التواء بالكاحل او ضرر في احد مفاصله ... ممكن هالطيحه تسبب مشكله صحيه او عاهه دائمه .. خل تفكيرك متشائم :( لان السالفه ما تضحك

[sho_sha]

مسكينه كسرت خاطري العروس . لو ردت صكته بكف جان احسن .

[بوحارب]

:telephone:

[راشد محمد]

عجبني تصرف العجااايز

[ألعامري]

كفوا كفوا كفوا كفووووووووووووووا المعرس هذا

بصراحه عجبني جدا جدا جدا جدا جدا جدا

ولو انيي كنت افضل انه يعلقها من ربع ساعه الى نص

ساعه عالكوشه عشان تكون عبره لباقي الحاضرات

من المقبلات ع الزواج او حتى المتزوجات

اي والله تضحك ع امه يوم طاحت ومعاقه بعد ياليت سليمه

[أخت القمر]

السلام عليكم ،،

العروس اغلطت والمعرس غلط .. لو يبي يأدب زوجته كان نظر لما يطلع معها . هو سوى اللي يبيه وارضاء نفسه جدام الناس .. كان يكفى ان يخلى العروس تبوس امه على رأسها وتنتهى السالفة ، بدال لا يحط كرامه أمه بكفة وكرامة العروس بكفة . الله يهديها لبعض

[الخزرجي قطر]

الله يهديهم ويصلحهم ان شاالله

[انصار جليري]

ابوي ما يقدر الا على امي

[aboumajd]

الله يرضه عليه ويجب ان يحزر من زوجته

[Bin Hood]

تستاهل ما جاها من ريلها

انا اقول لو يقهرها ويتزوج عليها بعد شهر العسل مباشرة

[الرويـس]

بالعكس و الله أنه كفوووو !!! :) هذا من الجيل القديم هههههه للحين عايش الله يستر عليه

بس مدري ليه أحس ان القصة ملفقة و من قصص ألف ليلة و ليلة !!! عجوز معاقة و اتطيح ثم ضحكات ثم تقبيل في الرجل ثم عودة و صفعة .. و بعدين دخول الحكماء و مقولة ام العروس بان الولد فيه خير لوالدته الخ الخ .. و انتهت القصة بنهاية سعيدة بعد ان اخذت العروس درس هههههههههههه !!

ولا وشرايكم

وعم الفرح أرجاء القرية ويقال ان قاضي المدينة أمر بتوزيع الشوكولا على افراد الحي واستمر الفرح حتى الصباح

[ROSE]

كفو عليه ، وانا مع انه ادبها جدام العالم مثل ماضحكت جدام العالم على امه ،،

واخالف اللي يقول يادبها بعدين لو انتظر ماكانت بتحصل اي تأديب ورد اعتبار والدته جدام الناس

واحيي والدة العروس الله يكملها بعقلها ونعم الام

[شبح الصمت]

ماراح تنساة , وصدقني بتتعلق في زوجها اكثر و اكثر


اكيد مافي امل تنسى
:secret:



تستاهل ما جاها من ريلها

انا اقول لو يقهرها ويتزوج عليها بعد شهر العسل مباشرة

يا شرير

ههههههههههههههههههههههاي

انا اشوف الموقف ما يضحك مفروض منها يوم شافتها طاحت تركض تقوم من الكوشه وتساعدها هذه وهي في وقت فرحها ما قامت لها الله يستر مسكينه هالعجوز لي طاحت في مرضها هل راح تشيلها أو بتم اتناظرها من بعيد ..

صراحه اهو اجدى فيها بالكف بس صاروا علج في حلوج العالم

الحين ما يحتاي يقولن فلانه

بيقولون الي انصطرت كف تخبرينها

والنعم فيه ما رضى على امه مسكينه وتم يطالعها هذولي الابناء الطائعين الله يجعلنا منهم ..

[قلبي الطيب]

حطوا نفسكم مكانها ممكن تضحكون والكل اللي في القاعة ضحكوا ما أجرمت
أما الزوج مصدق نفسه ريال يضرب زوجته قدام العالم

[Charisma]

كفو عليه والله

ارفع له العقال تحيه وتقديرا على اللي سواه .. كل بنت المفروض تحط هالكلام في اذنها ..
رضا الوالدين وبرهم فوق كل شي .
ودامها اضحكت على امه بدال ماتفز لها وتساعدها .. تستاهل ماجاها .. انا مايبط جبدي الا
اللي يقولون اللي سواه غلط .. عيل شتبونه يسوي؟ يمسك يدها وياشر بصبعه على امه وهو يضحك وياها ؟
والله انه تصرفه سليم.. وانا اعتقد انه عطاها درس يسوا مليون درس .. صلبها من اول يوم
وعطا درس للمعازيم ان بر الوالدين مقدم على كل شي.

[بلوتنيوم]

احسن بداية للزواج
كفين يمشونها على العجين ماتلخبطوش :)

[سفير الدوحة]

مع احترامي،، معرس يضحك ،،

مت من الضحك على حركاته

سلام

[سفير الدوحة]

يالربع يبيله نروح نحضر اعراس الكويت ،، حد فيكم شاف اللي زفوه لصالة الحريم على الطراد ،، موجود فاليوتيوب

[الـخـالـدي]

تستاهل ماجاها و الله يوفقهم ويبارك لهم :)

[الزعفراني]

كفو عليه

[الرويـس]

الله يسعدهم

[البريمي (م)]

عجوز وتشارك الراقصات تستاهل والولد ما عنده سالفه افضله ساند امه والا قالها تستريح

[الأصيلة]

الصراحه أنا من النوع اللي لو أحد طاح أضحك وأدري انه هالشي غلط بس والله ما اقدر امسك نفسي

بس ترىكل اللي يضحكون على الطيحات...
يطيحون وينضحك عليهم...
وياما شفنا وشفنا...

[qatari911]

عجوز وتشارك الراقصات تستاهل والولد ما عنده سالفه افضله ساند امه والا قالها تستريح

:eek5:
شخبارك زين
شنو يقول للامه استريحي
الرقاصات <<<<:secret:
في عرس الحريم البنات يرقصون منهم خوات المعرس والعروس والام اكيد بتشارك معهم من فرحتها
اي والله يقولها استريحي
ليكون تبيها تلبس اسود وتجر العازي؟؟؟

[السديم]

عجوز وتشارك الراقصات تستاهل والولد ما عنده سالفه افضله ساند امه والا قالها تستريح

اغرب تعليق الصراحة !!

ام وفرحانة بزواج ولدها شالمطلوب منها تبكي وتحط يدها على خدها وتمد البوز مثلا !!!

راقصات !! هالراقصات هم اهل المعاريس مش الراقصات اللي في بالك ؟؟

للحزن مظاهر وللفرح مباهج ..

تصرف سليم من المعرس ولو انه قاسي حبتين بس اتوقع افضل درس وعلى قولة المصريين ذبح لها القطة من اول ليلة :tease:

[بـــــــنت النوخـّــــذه]

يالربع يبيله نروح نحضر اعراس الكويت ،، حد فيكم شاف اللي زفوه لصالة الحريم على الطراد ،، موجود فاليوتيوب

اههههههههههههههههههههههههههه

وين فيه اي رابط خخخخ

شكله نوخذه المعرس :nice: اويااااااااماااااااال

[عابر سبيل]

على طاري ذيك أم "ريال"...اللي كان مهرها
ريال فانقلبت المحمده الي منقصه...

الحين هالعروس كل ما شافوها...او مرت من جدام
حد من ربعها...بيقولون..."ويه" هذي ام "كف" في الكوشه:omg:

الحين...شاستفاد "هالنشمي"
من دخوله في وسط الحريم..
و ايش فايده هالعروس من قعدتها
مع عريسها وسط "نسوة في المدينه"

ما غير قطعنها هي و زوجها بالسنتهن
بدون حاجه للسكاكين:victory:

[ام السعف]

ههههههههههههههههههههههههههههههه :funny:


دمعت عيني من الضحك .. ام السعف الجملة تعبير عن قوة الكف :tease:

خذي ملفعي وامسحي دموعج
وخليني اصبب دموع :weeping:

شنهي هالسوالف السخيفة اللي صارت تنكتب
معرس امه ترقص اتطيح ,,, اتقهقه العروس بشكل هستيري يقوم من مكانه
وينفث بشته ويكشر بأنيابه ويروح صوب أمه ويشلها ويبوس يدها وراسها
ويقومها من مكانها ،، ويروح صوب العروس والكل يسكت والقلوب اتدق
دق دق دق دق
وفي لحظة صمت وترقب او ربما في لحظة اصوات الطبول والطيران كانت مرتفعة
صوت الطراق انسمع دويه في القاعة كلها :eek3:

وتدخل الأم وتعاتب الولد على الطراق ،، وتبتسم العروس من فرط حبها للمعرس
فضرب المعرس مثل أكل الزبيب ،، وتعلوا اصوات الاهازيج والطبول والدفوف
وتغني الطقاقة
اهواك واتمنى لو انساك وانسى روحي وياك وان ضاعت تبقى فداك لو تنساني
ويكملون حفلتهم والناس دموعها همايل من المواقف الانسانية العظيمة اللي صارت
المعرس بار والعروس صابرة ورابطة والمعازيم اخذوا جملة دروس في موقف واحد
و في منتدى شبكة الأسهم القطرية ام السعف وصلت الى حافة الانتحار

الوداااع يارمضان
:swoon2:

[basma222]

عجوز وتشارك الراقصات تستاهل والولد ما عنده سالفه افضله ساند امه والا قالها تستريح

أم فرحانه بعرس ولدها

لان الولد غالي عند امه

الله يخليهم لبعض

والعروس تستاهل الكف

لانها قليله ادب تضحك على ام زوجها

والمعرس كفو دافع عن امه بعد ما انحرجت قدام المعازيم

[بلوتنيوم]

خذي ملفعي وامسحي دموعج
وخليني اصبب دموع :weeping:

شنهي هالسوالف السخيفة اللي صارت تنكتب
معرس امه ترقص اتطيح ,,, اتقهقه العروس بشكل هستيري يقوم من مكانه
وينفث بشته ويكشر بأنيابه ويروح صوب أمه ويشلها ويبوس يدها وراسها
ويقومها من مكانها ،، ويروح صوب العروس والكل يسكت والقلوب اتدق
دق دق دق دق
وفي لحظة صمت وترقب او ربما في لحظة اصوات الطبول والطيران كانت مرتفعة
صوت الطراق انسمع دويه في القاعة كلها :eek3:

وتدخل الأم وتعاتب الولد على الطراق ،، وتبتسم العروس من فرط حبها للمعرس
فضرب المعرس مثل أكل الزبيب ،، وتعلوا اصوات الاهازيج والطبول والدفوف
وتغني الطقاقة
اهواك واتمنى لو انساك وانسى روحي وياك وان ضاعت تبقى فداك لو تنساني
ويكملون حفلتهم والناس دموعها همايل من المواقف الانسانية العظيمة اللي صارت
المعرس بار والعروس صابرة ورابطة والمعازيم اخذوا جملة دروس في موقف واحد
و في منتدى شبكة الأسهم القطرية ام السعف وصلت الى حافة الانتحار

الوداااع يارمضان
:swoon2:

هههههههههههههه

من كل بقاع الدنيا
من كل بقاع الارض
قصص شتى
تروى حتى نعرف احوال الانسان
والكل هنا جيران:app:

[ام السعف]

هههههههههههههه

من كل بقاع الدنيا
من كل بقاع الارض
قصص شتى
تروى حتى نعرف احوال الانسان
والكل هنا جيران:app:

:(

خذ يدك بيدي نحمي غدا وغدي نفتدي بارواحنا ،، بارواحنا نفتدي
سااااسوكي :(

[مرتبش]

شنو المشكلة؟
المشكلة انه الحين لازم يعيش الخط اللي حدده لحياته من على الكوشة

فاي مشكلة اكبر من ضحكها على عمتها تستدعي ضرب اقوى..ولا الرجال بيطلع مش قد سطاراته

[qatari 111]

ضرب الحبيب مثل أكل الزبيب

بس انا اعتبر ضرب الوجه اهانه بحقها وتصرف خاطئ..بس اعتقد في وقتها المعرس كان مفور حده وما قدر يمسك اعصابه وبدال ما يطلقها عطاها كف لان فكر في الخساير اللي خسرها فالعرس والمهر وغيرها

والحمدلله ان امهاتهم فيهم الحكمه

[واثق الخطوة]

اقوووووول سلمت يمنااااه وبيض الله وجهه وهذا بر الوالدين


والله يكثر من أمثاله ويقلل من امثال هالعروس

[دانة الدوحه]

سلامممي عليه وعلى امها والله انه كفو والنعم فيه والله بنات هالزمن مايصلبهم الا الكف والعقال علشان يعلمها ان امه فوق كل شي والله يووفقهم يارب ويتمم لها على خير واللي يقولون بيسمونها ام كف محد بيسميها كذا الا اللي عقولهم صغيره وتافهيين

[Abu Abdullah]

ماقول الا تسلم يمينه
وجعل من جابه الجنه
كفو والله وهذا ضرب مثل قوي في بر امه

والمفروض بعد الكف الطلاق

واهل العروس والعريس فيهم الخير بس العيب واضح من اولها انه في ( العروس )

وبيحصل هالبر في عياله ان شاء الله

[بيتي بوب 23]

اكره العنف والله يكوون بعون العروس شكلها للحين محتره