طريق ( هاي وي ) ام ( شخبط شخابيط ) ؟؟

[لاجئ عاطفي]

الطريق الممتد من اشارات مطار الدوحة الدولي الى مدينة الشمال طريق سريع او كما يسمى ( هاي وي ) وقد صرف على هذا المشروع المليارات لاحتوائه الكثير من الانفاق والجسور والدوارات والتقاطعات الضوئية ولكن الغريب العجيب المدهش في هذا الطريق مساراته ففي بداية الطريق
ثلاث مسارات ( صورة توضيحية فقط )
http://www.gulfup.net/uploads/13249668481.jpg

مع ان في كثير من الدول طرق مثل هذا الطريق عباره عن اربع مسارات او خمس وفي بعض الاحيان ست مسارات ولكن ليست هناك مشكلة فالثلاث مسارات تفي بالغرض ..
الغريب عندما تمشي لمسافه معينه تفاجئ ان الطريق ذو الثلاث مسارات قد تحول الى طريق
ذو مسارين ( صورة توضيحية فقط )
http://www.gulfup.net/uploads/13249668482.jpg

ثم تمشي قليلا ليتحول الطريق مرة اخرى الى ثلاث مسارات ومن ثم يتحول الى مسارين وهكذا ..!!!!

السؤال الان من صمم هذا الطريق ؟؟ وهل هذا تصميم شركة مقاولات عالميه ؟؟ وهل هذا العمل عمل مهندسين واستشاريين ام شغل عمال وحماليه ؟؟

فعلا مأسااة عندما يكون لدينا مشاريع عملاقه وكبيره بهذا السوء في التخطيط والتنفيذ ..
ومازالت الجهات المختصه في البلد ( تشخبط شخابيط ) على خارطة الدولة ..
ودامت شخابيطكم عامرة يا مسؤولي الطرق ...

[R 7 A L]

عادي عادي
تصير في احسن العائلات <<< شدخل :tease:

قصدي في احسن الخطوط
عند الخط الى من دوار الفروسية لين دوار محطة الريان
واحد مسارين والثاني ثلاث مسارات
!!!!

[قطريه ماركه]

لخبط لخابيط ههههاااااي ...

الله يعين ..

[لاجئ عاطفي]

عادي عادي
تصير في احسن العائلات <<< شدخل :tease:

قصدي في احسن الخطوط
عند الخط الى من دوار الفروسية لين دوار محطة الريان
واحد مسارين والثاني ثلاث مسارات
!!!!


فعلا كلامك صحيح اخوي العزيز كثير من شوارعنا وطرقنا على نفس المنوال اتحس ان اللي نفذها حلاق مهب مهندس طرق !! ولكن السؤال الى متى؟؟؟

[حراير قطر]

اهو بس جاءت على الشارع

حتى السيايير شخبط شخابيط

الصبح ممكن امر عليه بس بالليل لا

احس اني متشتته من كثر ما يغيرون مسارهم

وخاصة بالليل مع ليتاتهم اصير جذيه :rolleyes2:

[لاجئ عاطفي]

اهو بس جاءت على الشارع

حتى السيايير شخبط شخابيط

الصبح ممكن امر عليه بس بالليل لا

احس اني متشتته من كثر ما يغيرون مسارهم

وخاصة بالليل مع ليتاتهم اصير جذيه :rolleyes2:


شغلي الفول على طوول هههه

[شبيه الريح]

اقسم بالله انه افشل مشروع
طيب هذا هين

في نفس المشروع تعال من جهة الجنوب واتحداك لو رحت يمين لجهة المطار والمول واشارة التضامن

[M&F]

اصلا شوارع الدوحه كلها يبيلها اعادة بناء :omg:
وربي لوعوا جبودنا لا شوارع عدله وكل مكان انتبه أعمال طرق :rolleyes2:
واللي يرفع الضغط زيادة أنه كله يشتغلون في الشوارع
واخر شي تحصل الشارع محفر ومكسر :eek5:

شكلي باخذ لي هليكوبتر قريبا :nice::shy:

[لاجئ عاطفي]

اقسم بالله انه افشل مشروع
طيب هذا هين

في نفس المشروع تعال من جهة الجنوب واتحداك لو رحت يمين لجهة المطار والمول واشارة التضامن


اي والله صدقت مشروع اتحسه غبي ... انا رحت الامارات والسعوديه وعمان عندهم انفاق وجسور امرتبه ترتيب عجيب والمشي فيها سلس ومرن بس عندنا لازم تعقيد والقهر يظهر لك مهندس من هالمهندسين وينافق ويقول مشاريعنا عملاقه وناجحه اي نجاح بذمتكم؟

[لاجئ عاطفي]

اصلا شوارع الدوحه كلها يبيلها اعادة بناء :omg:
وربي لوعوا جبودنا لا شوارع عدله وكل مكان انتبه أعمال طرق :rolleyes2:
واللي يرفع الضغط زيادة أنه كله يشتغلون في الشوارع
واخر شي تحصل الشارع محفر ومكسر :eek5:

شكلي باخذ لي هليكوبتر قريبا :nice::shy:


تدري ليش الشوارع امحفره وامكسره؟؟؟ لان الخدمات كلها تحت الشارع فاي مقاول يبني مبنى جديد جنب الشارع مضطر يحفر الشارع عشان يمد التوصيلات من الخدمات اللي تحت الشارع وتخيل كل مقاول يجي ويسوي نفس الشي حال الشارع بعد فتره بسيطه بس يصبح غير صالح للاستخدام وتعال اطرحه مناقصه من جديد واستنزاف لاموال الدولة من جديد

[للصبر اخر]

حتى المخاررررررررج في هالطريق
احنا عندنا سوء تخطيييط
هذا اذا كان فيه ناس تخطط اصلااااا

[HotBlood]

وتعال اطرحه مناقصه من جديد واستنزاف لاموال الدولة من جديد

هذا السبب الرئيسي ( نهب وبوق بشكل رسمي )

[مستر قطر]

تعال شوف المخارج
الي ينزلك من الخط السريع على دوار الشمال من كثر الزحمه يسكر الخط السريع يستوي شارع واحد ونفس شي دوار الجوازات

[لاجئ عاطفي]

حتى المخاررررررررج في هالطريق
احنا عندنا سوء تخطيييط
هذا اذا كان فيه ناس تخطط اصلااااا


فعلا كلامك صحيح وهالمخارج لو مصممه تصميم صحيح ماكان لقيت فيها ازدحام مثل مخارج الجسور في السعوديه او الامارات مستحيل تلقى سياره واقفه احنا تدخل المخرج على طول في وجهك اشاره ؟؟؟؟؟؟؟؟ والمشكله المخرج عباره عن مسارين الزحمه توصل لين الشارع الرئيسي ..!!!!

[مستثمر بسيط]

تفضل اخوي الكريم

يا هي شخابيط ،، و كم حادث حصل على هذه الكتلة الخرسانية !! :telephone:

تحياتي لك


http://www.qatarshares.com/vb/showthread.php?t=371129&highlight=%C7%E1%E3%D3%C7%D1+%C7%E1%C7%E6%D3%D8+%C 7%E1%DE%C7%CA%E1

[بوحارب]

الصراحة الطريق هذا قمممممممة في التخلف والتشخبط والأستهبال


طريق هاي وي حدك تمشي فيه 80 في وقت الذروة!!!

وين الأنسيابية ..؟؟

[عيون الدوحة]

وأنت جاي من دوار سوق العلي متجة لدوار المسيلة

الشارع خطين فجاءة يتحول خطاء واحد والمثلث الأرضي يدخل بالخط الثاني عند الدخلة الي تدخلك منطقة الريان
بس لوحد يجيب لنا صوره بيكون أوضح

[qatara]

كل المشكله اعيد البناء على نفس التخطيط القديم
الذي كان عشوائي
قص لصق
لم يتم ايجاد مخطط كامل ومدروس

[نيساني]

والله عوار قلب!!!

والله المستعان

[فتى الجود]

السلام عليكم

ياخوى انا استعمل هالخط من جسر ام صلال الى اشارات التضامن في اليوم على الاقل مرة الى مرتين ان لم يكن ثلاث مرات


اللى يديريك ان المصممين اللى صمموا هالمشروع

انهم ليسوا بمهندسين ولا عندهم اى درايه عن الهندسة :

01 . شارع هاوى وي لايوجد به ممر بالمشاه ؟؟ للعلم في ماليزا شفت هاوى وي علية جسر مع الاصنير للمشاة .

02 . بيقولون "هاوى وي" ومش محتاج لجسور المشاه اقولهم اذان ليش حاطين زراعه بوالسط بين جسر الشمال الى تقاطع للاند مارك سؤال / العامل اللى بسيقى الزرع ويهتم به وعدله كيف يعبر الى الرصيف اللى ارتفاعه مايقارب 120 سم ؟.

والكثير الكثير من الملاحظات لكن
اخوى للاسف استغر كيف المسوؤلين يثقون بهالمهندسين

[السيف5]

كل شوارعنا ينقصها التخطيط السليم واذا الواحد فكر شوي فيها يلاقي انه من غير المعقول ان مهندسين
قاموا بتصميمها يعني معقولة مهندسينا مايعرفون شي لازم هناك سبب ومصالح تدخل لتغيير مسار العمل
المخطط .

س-مهندسين أشغال خاطري أعرف رأي واحد فيكم بالشوارع بدون ضغط من احد ؟


والله زرت دبي في العيد وازداد تحسفي على حالة شوارعنا --ياريت يعطون مسئولهم
ساعة علشان يحاسب أشغال ويعلمهم الصح من الغلط
والسلام

[Rashid554]

انا هالخط بالذات مسبب لي أزمة نفسية :telephone:
تصميمه حلو وكل شي
بس الهنود الي يسوقون فيه كرهونا حياتنا ببريكاتهم
يعني عادي هو بالخط الي على اليسار ويمشي (60) ويبي ياخذ المدخل الي على اليمين
عااادي يوقف بالخط السريع ويعطيك بريك صعيدي ولما توقف سيارته يعطيك اشاره انه بيلف يمين ويعطل الي وراه والي بالخط الي بالنص والي بالخط اليمين ويسبب ازمة لاتغتفر وتصير حوادث والسبه بريكه هذا وهو مايدري شنو الازمة الي صارت وراه
والناس الي يايين من الجسر يدعمون الي قدامهم لانهم مايدرون ان الطريق توقف والسبه هالاسيوي الي ضغط بريك صعيدي عشان يلف يمين حضرته
وصار ضغط بالشوارع خبركم صبح وتسكرت المخارج والمداخل من كثر السيارات الواقفه والسبب هالاسيوي وتوابع حركته

:: احد افلام 22 فبراير اليوميه ::

[مثمن معتمد]

المشروع فاااااشل

بس قمة الفشل فيه وانت جاي من المطار وتبي تروح طريق سلوي تمسك يمييييييييييين من قبل تقاطع العطيه وتاخذ الاشاره سيده وعقب يسار من جسر مدماك

اللي اقصده ان الطريقين سريعين ونقطة التقاءهم اغبى منهم

يمكن انا غلطان وابي احد يفهمني وجه نظرهم

[لاجئ عاطفي]

المشروع فاااااشل

بس قمة الفشل فيه وانت جاي من المطار وتبي تروح طريق سلوي تمسك يمييييييييييين من قبل تقاطع العطيه وتاخذ الاشاره سيده وعقب يسار من جسر مدماك

اللي اقصده ان الطريقين سريعين ونقطة التقاءهم اغبى منهم

يمكن انا غلطان وابي احد يفهمني وجه نظرهم


ابد منت بغلطان المشروع بكبره فاشل لو بتقارنه مع مشاريع مثله في الامارات لان مثل هالمشاريع الهدف منها تسيير حركة المرور والقضاء على الازدحام ولكن عندنا لا تسيير وزحمه لذلك نقدر انقول وبالفم المليان المشروووووووع فاشل من اوله لاخره والحين شوف الجسور عند الخريطيات تنزل من الجسر على طول اشاره؟؟؟؟؟؟ ووين صارت ذي والله طرطره

[بوسلمان 2010]

لاوبعد لوقدر الله وصار حادث اعتفست الدنيا والحادث يخلف وراه حوادث كثيرة والسبة ضيق الخط وبشر بعد


باالوقفه ام ساعة وساعتين الله المستعان

[لاجئ عاطفي]

لاوبعد لوقدر الله وصار حادث اعتفست الدنيا والحادث يخلف وراه حوادث كثيرة والسبة ضيق الخط وبشر بعد


باالوقفه ام ساعة وساعتين الله المستعان


عندك بعد اماكن الوقوف الطارئ على جانبي الطريق في الانفاق مافي اماكن يعني لو اختربت سياره واضطرت اتوقف على جنب راحت عليها والله مادري شلون هالبشر يخططون الناس الحين اتحاول توصل المريخ واحنا للحين مانعرف انصمم طرق وانفاق والله
( مهزلت هههه )

[عبدالعزيز881]

تدري اذا مريت من هالجسر

اقول عقلي بكره عد العشرة .. واحد اثنين ثلاث.. الخ

تجيلي ربكه مب طبيعيه

لازم اخطأ في الطريق

[بوخالد2]

شركات العبة و خذت المطلوب

و اسحبت عليهم

[البريمي (م)]

الله يسامحك أخ لاجئ
بعدين وين بتشتغل الشركات بعد خمس سنوات (الصيانة / والاستبدال / والتوسعة ) اللي ماسك المشروع عنده خطة أخرى للصيانة والتوسعة بعد كم سنه الله يهديك .

التفكير السليم هو قيام المشاريع بفكر عالمي لعشرون سنه قدام مو لسنتين وأقل ودراسة النسبة السكانية التي بإزياد مهول تماشيا مع تطور البلد وازدهاره
ولك كل الشكر

[مثمن معتمد]

جسور لكويت من الستينات والسبعينات

ادخل على جوجل ايرث وشوف الكويت مقسمة مثل الكيكه كل مربع في مستشفى واسواق وجمعيات ومدارس وكل شي

اما اللي صمم الدوحه دوخنا بصراحه طالع الدوحة في جوجل وشوف الشوارع بس اربط الحزام علشان ما تدوخ

اما اذا كنت فنان تشكليل فبتكون نظرتك غير بتشوف ابداع

[شميرام]

عادي تصير في احسن البلادين
المشكله هناك بسبب طبيعيه او اثار الخ احنا للأسباب اخرى

[ll vip ll]

من شهر واول مره اجرب هڈا الطريق الصبح الساعه 7,30 تقريبا
وصادفت زحمه مب طبيعيه من اشارات التضامن لين جسر لاند مارك

[لاجئ عاطفي]

نفرض ان اشغال اطرحت علينا انشاركها الحلول المقترحه لهذا الطريق من رايكم ماهو المقترح ؟؟؟

انا ببتدي .. بالنسبه لجسري الاند مارك والشمال يجب توسعة المخارج من مسارين الى ثلاث مسارات حتى لا تخرج السيارات بسبب الازدحام الى الطريق الرئيسي وايضا ازالة الاشارات الضوئية عند جسر الخريطيات .. ولي عودة اخرى ..

[love1972]

يا جماعه قولوا الحمد لله والشكر

والله العلي العظيم قبل مشواري من بيتنه في الغرافة للمطار كان ياخذ 45-50دقيقة

الحين الحمد لله ، عشر دقايق انا اوصل للمطار

خطوط سريعه وانفاق وجسور ومداخل وتعديلات كل هذا خلال 5 سنوات

ارحموا العالم شوي بانتقاداتكم ،،،، وصبرا صبرا صبرا

[لاجئ عاطفي]

يا جماعه قولوا الحمد لله والشكر

والله العلي العظيم قبل مشواري من بيتنه في الغرافة للمطار كان ياخذ 45-50دقيقة

الحين الحمد لله ، عشر دقايق انا اوصل للمطار

خطوط سريعه وانفاق وجسور ومداخل وتعديلات كل هذا خلال 5 سنوات

ارحموا العالم شوي بانتقاداتكم ،،،، وصبرا صبرا صبرا


اكثر من الصبر اللي صبرناه في الوقت اللي هم كانوا امسكرين هالطريق لتوسعتها؟؟؟ اكثر من الصبر اللي صبرناه فسي مشاريع في دول تاخذ شهور وعندنا تاخذ سنين؟؟ ياخي حدث العاقل بما يعقل واحنا نتكلم عن المخارج وبعدين اانا ساكن في الغرافه وعشان اوصل اشارات المطار اخذ عشرين دقيقه واحيانا اكثر مع انه شارع واحد المفروض دعسه وحده وفي حدود سرعة 100 كيلو المفروض اوصل في اقل من هالزمن

[ذيب ولد ذيب]

انا ابي افهم متى يروحون الرياض ويشوفون الجسور والخطوط الكبيره ,, والا يروحون دبي ويشوفون الجسور المرتبه ,,,

[آهـل شَـرق]

فرنسا و بريطانيا كل طرقهم الداخليه عباره عن مسارين و 3 مسارات

العيب مب في اشغال البلا في اللي يسوقون

البلا في اللي يحط يده على الفوول يبغي الكل يوسع له
البلا في اللي يسوق ولا كنه يسوق
البلا في اللي عطاهم الليسن وهم جنقليه ما ينعطون سيكل

واللي يفقع المراره .. المرور !! حاطين ميزانية مدري كم مليون على كيمرات
مدري هم عايشين في الدوحه ولا وين ؟؟

ياخي بدال هالكم مليون على الكيمرات تعبوا نفسكم وسووا قوانيين مثل بريطانيا وامريكا وباقي العالم حطوا قوانيين في الشارع علموا الناس شنو معناة الفن في السياقه والذوق ؟

على سبيل المثال :

في دوله من الدول في الخطوط الرئيسية الداخليه او الخارجية اللي تتكون من مساريين او اكثر ..
1- ممنوع تسوق في المسار الايسر الا في حالة التجاوز
2- ممنوع تجاوز الحد الاقصى للسرعه والتدني تحت الحد الادنى
3- ممنوع التجاوز من اليمين منعاً باتاً
4- اللي ماسك الخط الايمن ممنوع انه يتجاوز سرعة اللي ماسك الخط الوسطي او الايسر واذا اراد التجاوز يسقنر ويتبع القانون رقم 1
5- الالتزام باتباع الطريق الصحيح يعني مب نص سيارتك في مسار والنص الثاني في مسار
6- ربط حزام الامان في جميع الاوقات
وقاونيين اخرى ...

الحلو في هالدوله كلمن يتبع القوانيين بدون كاميرة مراقبه ولا هم يحزنون لانهم فن وذوق واخلاق

هالشي المفروض الدوله تعطيه اهميه اكبر من ليش مركب مخفي ليش مركب بوليين ليش حاط اريل!
طبعاً الحل خلق قوانيين جديه وتحبيب الناس فيها بالتعليم والارشاد !
وبعدين هالطريج بيصير من اوسع ما يكون !!!!

[ابيض و اسود]

على سبيل المثال :

في دوله من الدول في الخطوط الرئيسية الداخليه او الخارجية اللي تتكون من مساريين او اكثر ..
1- ممنوع تسوق في المسار الايسر الا في حالة التجاوز
2- ممنوع تجاوز الحد الاقصى للسرعه والتدني تحت الحد الادنى
3- ممنوع التجاوز من اليمين منعاً باتاً
4- اللي ماسك الخط الايمن ممنوع انه يتجاوز سرعة اللي ماسك الخط الوسطي او الايسر واذا اراد التجاوز يسقنر ويتبع القانون رقم 1
5- الالتزام باتباع الطريق الصحيح يعني مب نص سيارتك في مسار والنص الثاني في مسار
6- ربط حزام الامان في جميع الاوقات
وقاونيين اخرى ...

الحلو في هالدوله كلمن يتبع القوانيين بدون كاميرة مراقبه ولا هم يحزنون لانهم فن وذوق واخلاق

هالشي المفروض الدوله تعطيه اهميه اكبر من ليش مركب مخفي ليش مركب بوليين ليش حاط اريل!
طبعاً الحل خلق قوانيين جديه وتحبيب الناس فيها بالتعليم والارشاد !
وبعدين هالطريج بيصير من اوسع ما يكون !!!!



كلامك من أجمل ما يكون وهو عام وأنا أؤيدك بشدة وهي أحد أسباب بلاوي المرور و الطرق عندنا

ولكن في نفس الوقت ... لا بد من الإعتراف بسوء التخطيط الملازم لمشاريع المرور عندنا

القياس بيننا و بين الدول الأخرى ظالم من حيث إن السعة الإستيعابية (للمكان) قد لا يساعد في التوسعة أو لكون هذه الشوارع مبنية منذ عشرات السنين فبالتالي ما مجال للتطوير

ولكن قارن بين (طرقهم السريعة) و (طريقنا السريع الملقب ب 22 فبراير) وهنا تكون المقارنة منطقية

لا ننسى إن الطريق كان مغلق لأكثر من ثلاث سنوات فبالتالي كان المفروض تجاوز أي عراقيل في مرحلة البناء خاصة إذا التخطيط ممتاز

ولكن المشكلة كلها في التخطيط.

22 فبراير ممتاز لمن أراد الوصول لخط الشمال ... ولكن هناك زحمة غير مبررة عند المخارج تمدد أحياناً إلى منتصف الخط السريع <--- مثال بسيط لسوء التخطيط !

ومثال آخر - يضحك و يبكي - في شارع سلوى الجديد قبل فترة قصيرة يوضح لك سوء التخطيط

جاءت الصحف بمقالات و تقارير ولقاء من مدير المشروع الذي أعلن قرب فتح الإشارات وإن توقيت الإشارات تم برمجتها وفق أحدث القراءات وإن فتح الإشارات سيساهم بشكل كبير في تسيير الشارع


ثاني يوم بعد افتتاح الإشارات ... تم غلقها مرة أخرى ... لإن الزحمة (زادت) !



وهذه الدوحة شوارعها عجيبة ...

كل ما طُورت شوارعها .. و زادوا مساراتها .. أو قلبوا الدوارات إشارات

صارت أكثر إزدحاما ً !


فهل الخلل من الشوارع نفسها !
أم

ممن يخطط لها !

[مثمن معتمد]

فرنسا و بريطانيا كل طرقهم الداخليه عباره عن مسارين و 3 مسارات

العيب مب في اشغال البلا في اللي يسوقون

البلا في اللي يحط يده على الفوول يبغي الكل يوسع له
البلا في اللي يسوق ولا كنه يسوق
البلا في اللي عطاهم الليسن وهم جنقليه ما ينعطون سيكل

واللي يفقع المراره .. المرور !! حاطين ميزانية مدري كم مليون على كيمرات
مدري هم عايشين في الدوحه ولا وين ؟؟

ياخي بدال هالكم مليون على الكيمرات تعبوا نفسكم وسووا قوانيين مثل بريطانيا وامريكا وباقي العالم حطوا قوانيين في الشارع علموا الناس شنو معناة الفن في السياقه والذوق ؟

على سبيل المثال :

في دوله من الدول في الخطوط الرئيسية الداخليه او الخارجية اللي تتكون من مساريين او اكثر ..
1- ممنوع تسوق في المسار الايسر الا في حالة التجاوز
2- ممنوع تجاوز الحد الاقصى للسرعه والتدني تحت الحد الادنى
3- ممنوع التجاوز من اليمين منعاً باتاً
4- اللي ماسك الخط الايمن ممنوع انه يتجاوز سرعة اللي ماسك الخط الوسطي او الايسر واذا اراد التجاوز يسقنر ويتبع القانون رقم 1
5- الالتزام باتباع الطريق الصحيح يعني مب نص سيارتك في مسار والنص الثاني في مسار
6- ربط حزام الامان في جميع الاوقات
وقاونيين اخرى ...

الحلو في هالدوله كلمن يتبع القوانيين بدون كاميرة مراقبه ولا هم يحزنون لانهم فن وذوق واخلاق

هالشي المفروض الدوله تعطيه اهميه اكبر من ليش مركب مخفي ليش مركب بوليين ليش حاط اريل!
طبعاً الحل خلق قوانيين جديه وتحبيب الناس فيها بالتعليم والارشاد !
وبعدين هالطريج بيصير من اوسع ما يكون !!!!

احنا نتكلم عن شخبط شخابيط شدخل الشباب الحين انزين انا بسالك اسئلة وانت جاوب


1- طريق سلوى الدولي الجديد نتكلم عن المرحلة اللي اخلصت شرايك باللفه اللي مسوينها صوب الصناعية واللفة اللي توديك صوب الفروسية شرايك فيها بصراحة

2- وانت جاي من صوب المطار تبي تروح طريق سلوى من وين تاخذ يمين من قبل اشارات العطية ( نقطة التقاء اكبر طريقين سريعين في قطر ) والعكس بعد من طريق سلوى تبي تروح المطار .

3- وانت جاي من طريق سلوى وتبي تروح طريق الشمال شرايك بالمشروع اللي صبرنا عليه سنين اللي هو جسر مدماك تتم على اليمين نص ساعه تنطر على الدوار .

4 - جسر ونفق الاند مارك فاااااشل واللي زاد فشله اعطاء رخص لبناء خمس مولات بالقرب منه .

5- اغلب الجسور الجديده ما فيها حركة اللي مثل جسر الصناعية الالتفاف مثل باقي الدول اللي يسونها من كل ناحية مثل جسر الصناعية اللي على الجسر اللي على طريق السيلية

6- الاشارات الفاشلة اللي حاطينها على جسر ام اعبيرية وغيرها من الجسور .


ممكن اعرف شدخل الشباب بالعيوب في هالتصاميم صدقوني وبذكركم عقب ما يخلصون في خطة بتكون لتوسعة هالشوارع الله كريم اهم شي الاجيال القادمة بس المشكلة كل ما انتاقش يجيك واحد يقول احمد ربك اللهم لك الحمد والشكر على نعمة العقل

[مثمن معتمد]

يا جماعه قولوا الحمد لله والشكر

والله العلي العظيم قبل مشواري من بيتنه في الغرافة للمطار كان ياخذ 45-50دقيقة

الحين الحمد لله ، عشر دقايق انا اوصل للمطار

خطوط سريعه وانفاق وجسور ومداخل وتعديلات كل هذا خلال 5 سنوات

ارحموا العالم شوي بانتقاداتكم ،،،، وصبرا صبرا صبرا

سبحان الله نصيبك جا المشروع من صالحك :eek5: بس في ناس متلعوزه من صوب بيوتهم