معقولة يا ياتويوتا 2012 !!

[hadi_2004]

بسم الله الرحمن الرحيم



أشتريت هايلوكس 2700 موديل 2011 جديد من الوكالة بسعر60500

واليوم شفت دعاية في الجريدة للهايلوكس 2700 موديل 2012 وأتصلت بالوكيل:telephone: قال:

الموديل غير متوفر وأحتمال ينزل في شهر 3 بسعر يتراوح بين 73000 - 95000 !!!!! :omg::eek5::omg:


والمعلوم أن تويوتا أنخفضت أرباحها في 2011 ويقال أنه بسبب تسونامي اليابان! وصرحت

الشركة أنها تتوقع زيادة في المبيعات 20% لسنة 2012 !!

السؤال / أستفسار: أذا الهايلوكس بهذا السعر عجل الكروزر واللكزس بكم ؟؟!! :rolleyes2:

وهل تويوتا لها أسعارعامة للعالم ولقــــطر خاصة؟؟!! :waiting:

وهل تويوتا تريد التعويض على حساب المستهلكين؟؟!!


أدري مافي جواب مقنع!! :secret::whistling:

[R 7 A L]

على فكرة القيمة المكتوبه في الاعلان من قبل الوكيل
ولا الشركة الام في اليابان ماتدري شطبخه ولا على كم يبيعونها عندنا

[ملاك]

قصبونا :omg:

وانا كنت ناويه اطلع لي جي اكس بس شكلي بهون وبتم ع الكامري ابرك :weeping:

[ام شيخه]

انا اقولك سعر الجي اكس 2012 وصل 260,000 :eek5:
كاش طبعا عاد شوف انت الاقساط كم بيضربونك بها
كلووووووونا مايسوى علينا الزياده:anger1:

[hadi_2004]

قصبونا :omg:

وانا كنت ناويه اطلع لي جي اكس بس شكلي بهون وبتم ع الكامري ابرك :weeping:




يمدحون اليوكن!

[R 7 A L]

انا اقولك سعر الجي اكس 2012 وصل 260,000 :eek5:
كاش طبعا عاد شوف انت الاقساط كم بيضربونك بها
كلووووووونا مايسوى علينا الزياده:anger1:

نزل :telephone:

[asad100]

مع احترامي للكل

بس هذا ما جنته ايديكم

[دفرنت]

كل سنة نتشكى من ارتفاع اسعار التويوتا واخرتها ضرب مضارب عند الوكالة

[عساف]

انا اقول اليوكن ابرك واستخدامه احلى واسعاره حلووووه

[aa3131]

تويوتا سياستها ترفع الاسعار كل سنه علشان المستعمل ما ينزل سعره والحين وصلوا لقمه الاسعار
الفي اكس ار وصل 300 واللكسس اكيد فوق ال 400

الحل بهذي الاسعار الاوربي او الامريكي افضل من جميع النواحي

قاطعهوم شهرين وشوفوا العروض بعدها

افضل طريقه للمقاطعه ان كل واحد يقول بأجل السياره الجديده شهرين وبعد شهرين يأجل مره ثانيه

[البيرق]

ياليت وزارة التجارة تكشف فواتير الوكيل امام العامة لتتوضح نسبة ارباحة
سمعت ارقام متفاوته وكلها تثبت ان وكلاء تيوتا في الخليج ارباحهم خيالية على الرغم من ان ضمانهم اقرب مايكون ربحي في الاساس ولا ينصب في مصلحة العميل

[ام شيخه]

انا اشوف صراحه اسعار التويوتا في السعوديه بالذات فرق السما عن الارض عن عندنا
لان اخوانا السعوديين يفضلون الامريكي عالياباني ولافي اقبال عندهم عالتويوتا مثلنا
وش الحل مع وكلاتنا يعني !!!!!
لمتى ؟؟:rolleyes2:

[قطريه ماركه]

لو الكل يقاطعهم بينزلون من اسعارهم لكن وييييين !!!

[كازانوفا]

بالفعل اليوكن احلى وارقى هههههه
وبالاخير بنلاقيكم طابووووووور عند باب وكالة عبد الغني

[خليفـة]

خذت لكزس 2011 فورويل بـ 365000 بعد خصم خاص
ولما سألت عن لكزس 2012 قالوا لي بتكون بـ 420.000 ريال

اعتقد ان للشركة الأم في اليابان يد في مسألة ارتفاع الأسعار بهذا الشكل

وانا انصح الجميع في حال استمرت الاسعار على ما هي عليه الان من ارتفاع .. ان يتحولوا للسيارات الأمريكية والتي لازالت اسعارها ممتازة وفي متناول ايدي ذوي الدخل المتوسط والمحدود .. وخصوصاً :
عند شرائها من شركة الجميح في السعودية

:)

خليفــة

[أسير الاسهم]

دام الاسعار بتكون هالشكل .. للبيـع موتري لكزس 2011 بـ400 الف .. اللي يبي يكلمني واللي بيقعد يفاصل معي ,, يروح لعبد الغني يقصبـه :tease:

[خليفـة]

دام الاسعار بتكون هالشكل .. للبيـع موتري لكزس 2011 بـ400 الف .. اللي يبي يكلمني واللي بيقعد يفاصل معي ,, يروح لعبد الغني يقصبـه :tease:


عندي لكزس 2011 ماشية 3000 كم
390 ببيعها
:)
انزل من سعرك
:nice:

[بوغزلان28]

قصبونا :omg:

وانا كنت ناويه اطلع لي جي اكس بس شكلي بهون وبتم ع الكامري ابرك :weeping:

انا اقول الكامري ابرك هههههههههههههههاااااااااي

[s4qatar]

يمدحون اليوكن!

توني ماخذ واحد من كم يوم ... موتر فضييييييع وسعر أفضع

[كلنا قطر 1981]

الحمدلله انا من زمان مطلق التيوتا و لا اشتر منهم شي و صارلي فتره سيارتي معظمها امريكي بصراحه قوة و تحمل و فخامه و وسع و قطع غيار رخيصه و متوفره من السعوديه و برخص التراب و بدي قوي و سعره جديد و مستعمل مقدور عليه :nice:

لا للتيوتا و نعم لاي موتر ثاني :nice: :nice:

[mrloverman]

دام الكل يشتري اكيد عبدالغني يرفع الاسعار

الخرفان وايد بهالزمن

[حسن]

لاتحاتون دام الرواتب عاليه وناس مايهمها الدفع بيشترون ولا هم مفتكرين حتى الحجز قام ينباع والله منكر

[الرايــق]

انا من كم يوم كنت عندهم وقالولي ال 2012 نزلت دفعة وخلصت .. هذا بالنسبة للهايلكس ..
طبعا قالولي باخر شهر 3 يكون متوفر .. وتقريبا ما راح يفرق السعر عن اخر واحد انباع من موديل 2012 الدفعة القديمه

اللي هو 60000 بعد الخصم ..وهذا السعر بالنسبة للاستاندر ..

[الرايــق]

توني ماخذ واحد من كم يوم ... موتر فضييييييع وسعر أفضع

على كم وشنهي المواصفات ؟

[الـخـالـدي]

وزارة التجاره و حماية المستهلك .. شخبارهم :)

[أخت الكل]

وكالة تويوتا الصراحة مصختها كل كم شهر رفعت الاسعار فاقول لهم الطمع شين وان شاء الله راح ينقلب عليكم وادعوا القطريين عمل حملة مقاطعة لتويوتا 2012 وشوفوا اذا ما نزل الاسعار هذولا ما يجون الا بالعين الحمرا وهنا راح تجبر شركة تويوتا وكيلنا بخفض الاسعار، ولا تنتظرون شيء من حماية المستهلك احنا لازم نحمي نفسنا بنفسنا .

[بنت مريخ]

ويه
ناويه اخذ جي اكس
اشرايكم في اليوكن؟؟؟؟؟؟؟؟
محتاره فيها؟
احسها ضيقه مب نفس التويوتا وسيعه
الى يعرف يعلمني

[قطر70]

لا وازيدكم من الشعر بيت
عبدالغني خذا وكالة تواير الشواهين وكان سعرها 400 ريال
ومن خذ الوكاله صار سعر التاير والواحد 750 ريال :anger1: في ذمتكم هذا مب حرام وين حماية المستهلك عنه :weeping:
يعني فوق شينه قوات عينه والمشكله لو قلنا بنقاطعه المصيبه ان الحكومه كل سياراتها مستاجره ومشريه من عبدالغني :secret:

حسبي الله ونعم الوكيل

[alnoida]

توني ماخذ واحد من كم يوم ... موتر فضييييييع وسعر أفضع


صراحة مافهمت تمدح ولا تذم
طريقة الرد مدح لكن الكلمات ذم

المدح = رهيب ويقابلها للذم فضيع

ما سمعت عبدالمجيد عبدالله يقول رهيب والله رهيب
ماقال فضيع والله فضيع

المهم في غيري يطلب السعر والمواصفات ياريت تنورنا

[PGR]

ويه
ناويه اخذ جي اكس
اشرايكم في اليوكن؟؟؟؟؟؟؟؟
محتاره فيها؟
احسها ضيقه مب نفس التويوتا وسيعه
الى يعرف يعلمني

اختي يوكن دينالي تقريبا سعرها 220 الف ريال طبعا فل فل اوبشن , عندج العاديه تقريبا سعارها 160-175 الف,,

بالنسبه للوسع طبعا اليوكن اوسع واريح من التيوتا

بالتوفيق وقولي لنا اذا طلعتيها ناخذ لفه :victory:

[بنت مريخ]

باخذ العاديه مب لازم فل ابشن*
الا حق السايق
فالك طيب بعلمك عشان ناخذ لفه

[بوعلي2]

كل سنة نتشكى من ارتفاع اسعار التويوتا واخرتها ضرب مضارب عند الوكالة

صح كلامك

والكل توقع ان السنه بعد مارفعوا اسعار 2012 راح تزيد مبيعاته اكثر من ال 2011

فأرجوكم عن التحلطم اشتروا بسكات :secret:

[بوعلي2]

لا وازيدكم من الشعر بيت
عبدالغني خذا وكالة تواير الشواهين وكان سعرها 400 ريال
ومن خذ الوكاله صار سعر التاير والواحد 750 ريال :anger1: في ذمتكم هذا مب حرام وين حماية المستهلك عنه :weeping:
يعني فوق شينه قوات عينه والمشكله لو قلنا بنقاطعه المصيبه ان الحكومه كل سياراتها مستاجره ومشريه من عبدالغني :secret:

حسبي الله ونعم الوكيل

اي نوع من الشواهين السوموتومو قصدك :omg:

[hamad almohd]

مشكلت اهل قطر فيهم عرج تويوتا وانشالله يوصل سعره نص مليون بعد بياخذونه مادري حسيت انه احسن سياره بالعالم انا عن نفسي والله ماافكر اشتريه ولا ادفع فيه هالقيمه عسى ماشر جي اكس 260 الف ولا الكزس الي وصل سعره موديل 2012 430 الف والفكسار وصل 320 الف ترا فالنهاية ياباني لا جوده ولا متانه ولا سيفتي

[khaldoon]

والله التويوتا ما تسوي هالشكل الا لانها تعرف انه ما احد بيقاطعها

جربوا قاطعوها و شوفوا العروض الخياليه اللي ممكن تقدمها

[ZURICH]

سعر حجز لاند كروزر في اكس أر 30 الف ريال موديل 2012

وهذا دليل على انهم واثقين ان الناس بتشتري الموديل الجديد المتأخر !

قبل لاتعرف السعر الخرافي وهو تقريبا 305 الف ريال

والجي اكس أر الثمانية سلندر غيروا المكينة من 4.7 لتر الى 4.6 لتر ( مكينة برادو لكزس )

[ll vip ll]

http://i43.tinypic.com/2ahs8dw.jpg

[عازف]

خذت لكزس 2011 فورويل بـ 365000 بعد خصم خاص
ولما سألت عن لكزس 2012 قالوا لي بتكون بـ 420.000 ريال

اعتقد ان للشركة الأم في اليابان يد في مسألة ارتفاع الأسعار بهذا الشكل

وانا انصح الجميع في حال استمرت الاسعار على ما هي عليه الان من ارتفاع .. ان يتحولوا للسيارات الأمريكية والتي لازالت اسعارها ممتازة وفي متناول ايدي ذوي الدخل المتوسط والمحدود .. وخصوصاً :
عند شرائها من شركة الجميح في السعودية

:)

خليفــة

لا ماله شغل شركة الأم اللي في اليابان
السبب الأحتكار واستغلال المكرمة عيني عينك ولو نتحد انحول على الماني او امريكي احسن وافضل المواصفات والاسعار

[SPIRIT_OF_QATAR]

حسب موقع التيوتا
سعر اللاندكروزر 8 سلندر 5.7 ليتر المكينه
جير توماتيك بدون زيادات مثل البلوتوث والجلد والدفيدي وهل سوالف السعر يبدا 69 الف دولار
تقريبا 251 الف ريال

[ام شيخه]

http://i43.tinypic.com/2ahs8dw.jpg


المفروض بس من يسمع او من يطبق !!!

[محمد الجفيري]

اصلا بعد الزيادة من بيركب كروزر ؟؟؟؟

[حمد911]

انا شريت بشهر 2 لاندكروزر جي استاندر موديل 2011 جير تماتيك وسبير تحت خذتة بسعر 148 مع التسجيل والتامين من شركة التضامن اشوى اني شريت ولا كان احين باخذة بسعر مرتفع لاني اشوفهم معروضين بالمعارض على 160 الف الى 165 الف
اذا 2011 ذي سعرة
يعني سعر 2012 بيكون مش اقل من 175 الى 180 الف

الله ايعين

[هبوب الكوس]

قصبونا :omg:

وانا كنت ناويه اطلع لي جي اكس بس شكلي بهون وبتم ع الكامري ابرك :weeping:

عليج بالهايلوكس فيها بدي لغراض الجمعيه :(

[بوعلي2]

http://i43.tinypic.com/2ahs8dw.jpg

ماراح تصدي راح تزيد مبيعات الكروزر 2012

صباح الخير بس :nice:

[قطري2012]

وانت الصادق الفي اكس ار 325 الف ريال
ناخذ امريكي ارخص واحسن:telephone:

[ANONYMOUS]

اذا ماخذتوها

سيعاد تصديرها


إلك ولا للذيب !!

[بوحارب]

انا ودي بالجديد بس مقاطعة بسبب الأسعار النار

والموتر اصلا ما يسوى :)

[مخطط قطري]

المشكله مب في عبدالغني يالربع البلا من شريكه اليديد

[هام السحاب]

لا وكل سنه يسوي تخفيضات في رمضان
يازعم انه يبي يسوي خير
مالت على الي هاده يلعب على كيفه اقول
خساره فيهم هالبرج وزاره التجارة
المفروض صندقه وتخب عليهم بعد

[العابــرQAT]

المشكله مب في عبدالغني يالربع البلا من شريكه اليديد

من شريكة الجديد قول اسمة علشان الناس اتعرف شلي يصير بالبلد

[نجدي قطري]

كنت أفكّر بفي اكس آر، بس 300 ألف بصراحة غالية.
شكلي باروح أدوّر لي بديل ياباني ولا ألماني.

[رداد]

انا اشوف صراحه اسعار التويوتا في السعوديه بالذات فرق السما عن الارض عن عندنا
لان اخوانا السعوديين يفضلون الامريكي عالياباني ولافي اقبال عندهم عالتويوتا مثلنا
وش الحل مع وكلاتنا يعني !!!!!
لمتى ؟؟:rolleyes2:


قبل اسبوع كنت في معارض الرياض - النسيم وكان الجي اكس ار بـ 205000 ريال سعودي!!!!!! 8 سلندر

[سفير الدوحة]

يالربع ،، يمدحون اليوكن و التاهوا
خاطري بصراحة بتاهو ltz

[بوسنافي]

بدا الحجز في التويوتا للفور ويل والحجز اب ٣٠،٠٠٠ والسيارات بتوصل بعد شهرين

[Dream Team]

حجز بـ 30 ألف .. ليش؟؟

عن نفسي بديت بمقاطعتهم وطلب لي كيان اس 2012 وماخليت شي ماحطيته في الموتر وطلع علي بـ 370 ألف

أبرك وأحسن من اللكزس والفكسار والنيسان الكبت بمليون مره .. كفايه انه الماني

وخلوا عبدالغني والمانع يشربون ماي بحر

[HADi]

أنا مقاطع التيوتا من بعد ماكانت سياراتي كلها منهم

الحين صار لي 5 سنوات مقاطهم ودايما انصح ربعي بسيارات ثانية غير التيوتا

[ابوالكلام]

انا اعتقد محد بيقاطع لان عندنا محد يتخذ قرار

[qatara]

شكل تيوتا
تبغي تصلح دمار اليابان على حساب المستهلك القطري

لاحدود لا تسعيره لانسبه ربح
كل على كيفه

[captin]

دامكم تشترون التويوتا ما راح تنزل الاسعار

[qatari 111]

الارتفاع فالخليج كله وفامريكا بعد مب عندنا بس .. ولا تنسون فرق العمله

وعن نفسي الحمدلله خذت نيسان 212 الف مواصفاته والرحابه اللي فيه احسن بوااايد من الفي اكس ار وارخص وبنفس الوقت سعره ماسك وجوده ..

وعندكم التاهو واليوكن والارمادا اسعارهم جيده وسيارات عمليه وعائليه

واللي عنده بيزاات وايد ما أظن راح تأثر فيه الزياده وكلن عقله في راسه

[zizo3000qtr]

الله يعطيك العافيه

[ZURICH]

بدا الحجز في التويوتا للفور ويل والحجز اب 30،000 والسيارات بتوصل بعد شهرين


حجزت في اكس أر من الوكالة والوصل معاي

ولا دفعت اي مبلغ الى بعد وصول السيارة

صديق لي في التويوتا يقول ان المدير طلب مبلغ على الحجز للحد من بيع الحجوزات

وهذا طبعا بسبب تأخر الكروزرات هذي السنة

[براك]

كان خاطري بشتري تويوتا بس الحين هونت وحتى ما بفكر براجع الوكالة

[وحش العديد]

مع ذلك في الاغلبيه في ناس بتقول حرام وغالي وكذا وكذا وكذا

ومع ذلك بيشترون

دامك جذيه جذاك رايح تشتري اتعب نفسك وتقول غالي وغالي ليش


انا اقول مشروع يوكن زين :p

[أبو يووسف]

واحد من الربع شاريله أمس هيلوكس موديل 2012 ماشيء شيء بسيط خذا ب 90 ألف

[مثمن معتمد]

اولا : وين دور حماية المستهلك
ثانيا ليه ما تسوون حملة وتواقيع مثل ما سويتوا عن القطرية اعتقد بتنجح

[الجوهره 2012]

والله حرام اللي يصير

احس بعد سنه ونص بتصير اغلى من الفراري

[رجل الجزيرة]

أنا طلعت لي هايكس 2011 مرجع من أصحاب المحلات السيارات أصفار في شهر 9 في 2011 ب 655000 كاش.

[AL-MAYSTRO]

الله يعين

صارت قمه السياره الحين قيمه بيت فالسابق

الله المستعان

[ولـ بلادي ـد]

المشكلة الي موجودة في قطر ... السعر يغلى الناس تتشجع انها تشتري !!!
ولما تقوله ليش !!! يقولك .. بكون فريد وما حد بيطلع ... حسسني انه مطلع فراري واخرتها الكل يغار من الكل ..!!!!
التويوتا سعرها ما بينزل اروح اطلع لي اي الماني ابرك مليووووون مره الحين معقولة لكزس مكينة 4 سلندر اصغر حجم امس يقولي ب 184 الف مكينة 1800 cc !!!

[Bin Hood]

اخوي في البحرين نفس الكلام

اسعار السيارات صارت نااااااااار

خاصتاً التويوتا

الظاهر الكورولا مع الوقت بتصير نفس سعر المرسيدس c200

[بازار]

انا قاطعت التويوتا واللكزس

[بـن عدوان]

يازينه الالماني والله

[فارس قطر333]

لا حسيب ولا رقيب

[لكزس فورويل]

يمدحون الجي ام سي

[مناري]

حسبي الله ونعم الوكيل

[رآعي موآجيب]

البديل موجود ، لكن الزبون ناشب في التويوتا

الحال تغير ياجماعه ، سوق المستعمل قام يحشم باقي الأنواع غير التويوتا ويحافظ على سعره

شوفوا اليوكن 2008 مستعمل بكم وشوفوا الجمس البيكم غماره او غمارتين 2008 بكم !!

الأوضاع تغيرت وثقافة التويوتا على انها التوب انتهى خلااص

[قرنقووش]

^

صدقت .. الجمس المستعمل سعره ثابت ولين يومك مطلوب
للمعلوميه .. الياباني في المرتبه الأخيره من ناحية السيفتي ..
معروف ان السيفتي فالياباني زفت .. والله ان الجيات مب شايفين منهم سيفتي ولا طماط
ماغير انه دينصور وين ماتوديه يروح وقطع الغيار رخيصه وبس .. اما سيفتي دورني

[FHM]

يمدحون الجي ام سي ولا يوكن

[المعضادي]

اقول يالحبيب لا يكثر بس
روح بنفسك وشيك في وكالة تويوتا
ترى اول دفعتين محجوزين بالكامل :victory:

ثراك تأذن في خرابة هههههههههههههه

روح علم ربعك ، ترى اقولك هل قطر مب اهل صملة ومقاطعه بيشتكون وبيغربلون
المسؤولين واخرتها بيشترون تويوتا ولا يبون واسطة علشان خصم 5000 ريال بعد

روح بنفسك وشوف البرج مال تويوتا ههههههههههههههههه
انا عن نفسي ما احب اشتكي ومب غني ،،، لكن اتكلم عن غلا الوكالة وثاني يوم اروح احجز

حنكدب !!!!!!!

[AL.SHMOKH]

لمقاطعة هي الحل الوحيد عشان يسوون عروض ويخفضون من الاسعار

[مقيم]

بالامس شفت 50 سيارة لاندكروز 2012 يتم تحميلها من الميناء
اكيد كلها تم بيعها , والا مااستورد عبد الغني كل هذا العدد مرة وحده

[FCB 123]

أمس الوالد أستلم من الوكالة // في اكس ار 2012 بـــ 300 ألف ريال
و
واحد من الربع استلم لكزس فورويل بــ 400 الف

هاي بعد الخصم بعد

الله المستعان

[elders]

لمقاطعة هي الحل الوحيد عشان يسوون عروض ويخفضون من الاسعار
ماحد رح يقاطع اختي بالعكس بتصير اكشخ لانها اغلى !!!

[بومحمد55]

الـــــــــــــــــــــحـــــــــــــــــــــــل

مقاطعه تويوتا قطر واللي يبي تويوتا يروح البريمي
أو
عليك باليوكن والتاهو قيمة gxr تاخذ سيارتين تاهو أو يوكن

[MoTeC]

بالامس شفت 50 سيارة لاندكروز 2012 يتم تحميلها من الميناء
اكيد كلها تم بيعها , والا مااستورد عبد الغني كل هذا العدد مرة وحده
اخوي ماله دخل 50 30 او 100 سياره شركه عبدالله عبدالغني وكيل ل تويوتا ف هم يطرشون له سيارات وهو يبيع واذا ماباعهم يرد يعيد تصديرهم عادي

وللعلم من اول هالشهر كل 4 او 5 ايام تجي باخره فيها 700~600 سياره ل تويوتا من اليابان عادي يعني ماله دخل يستورد اذا حد شرى ولا مايستورد :nice:
يعني جايب جايب ويدري في ناس بتاخذ سواء عندهم خير (الله يزيدهم) او اللي يتسلف(الله يعينه*)

[ساراام]

كامري جي ال 2011 بكم؟؟؟؟؟

[مقيم]

اخوي ماله دخل 50 30 او 100 سياره شركه عبدالله عبدالغني وكيل ل تويوتا ف هم يطرشون له سيارات وهو يبيع واذا ماباعهم يرد يعيد تصديرهم عادي

وللعلم من اول هالشهر كل 4 او 5 ايام تجي باخره فيها 700~600 سياره ل تويوتا من اليابان عادي يعني ماله دخل يستورد اذا حد شرى ولا مايستورد :nice:
يعني جايب جايب ويدري في ناس بتاخذ سواء عندهم خير (الله يزيدهم) او اللي يتسلف(الله يعينه*)
اخوي كل وكيل يطلب عدد من السيارات حسب الطلبيات
وتويوتا سوقها في الدوحة ممتاز , ولذلك نشوف كل الكميات تباع هنا
ماينفع مع تويوتا اي مقاطعة , مادام السيارة مرغوبة راح تنباع مهما غلى سعرها الوكيل

[الوليد]

مع احترامي للكل

بس هذا ما جنته ايديكم

:nice::nice::nice::nice::nice::nice::nice:

[طلعة الروح]

برادو 2012 كم سعرها؟

[أخو القمر]

الله كريم

[اليحصبي]

مستحيل تصير مقاطعه للتويوتا
مفخرة الارض
http://www.shooq4.com/vb/images/bb/11.png

[بوحارب]

أمس الوالد أستلم من الوكالة // في اكس ار 2012 بـــ 300 ألف ريال
و
واحد من الربع استلم لكزس فورويل بــ 400 الف

هاي بعد الخصم بعد

الله المستعان

بالمبارك اخوي يعطيكم خيره ويكفيكم شره

[بوجاسم566]

سعر اللكزس ٣٣٣ الف ريال قطـري في امريكا الصبح مجيـك في الوكالـة

وفي مجال ينزلون في السعر

وفي قطر ٤٠٩ ومافي امل ينزل لك ريـال وانطر ٦ شهور عشان يجي دورك

[العابــرQAT]

مهزلة من هالشركة وشايفة حالها علي شنو

اللحين احنا بشهر 3 والسنة قربت اتخلص وللحين يقولون حجز شالفايدة ناخذ وكلها 8اشهر ينزل 2013

هذا غير الغلا مقارنة باميركا هنا استغلال واضح

[بوجاسم566]

مهزلة من هالشركة وشايفة حالها علي شنو

اللحين احنا بشهر 3 والسنة قربت اتخلص وللحين يقولون حجز شالفايدة ناخذ وكلها 8اشهر ينزل 2013

هذا غير الغلا مقارنة باميركا هنا استغلال واضح

الموديلات كلها 2013

مافي 2012 كنسلوه :nice:

[بونـ ايف]

اللكزس ب 400 خلني عالكامري 70 الف والباقي اشطب فيه البيت احسن تشطيب