هل حب الزوج لزوجته يعتبر من السحر؟

[درع الوطن]

السلام عليكم

,
,

كثير من الناس .. يعتبر أن حب الزوجه لزوجها شي طبيعي .. على أساس بأن الرجل هو صاحب البيت وولي الأمر وبأن الأمر عادي .. وفي نفس الوقت .. يعتبرون بأن حب الزوج لزوجته عبارة عن عمل .. أو سحر .. وأن هذه الزوجه قامت بعمل سحر للزوج ليقع في حبها .. وتنفيذ أوامرها .. وكأن حب الزوج لزوجته من العجائب والغرائب بل من الفضائح .....

هل حب الزوج لزوجته وإحترامه لها من أعمال السحر .. أم هو أمر طبيعي
وخصوصاً إذا كانت هذه الزوجه تستحق بأن يقع زوجها في حبها .. من خلال إحترامها ومحبتها لزوجها .. وإخلاصها وتفانيها لبيتها وأبنائها ..؟

[مرتبش]

مال وين هالناس؟ معانا في هالكوكب؟

[بـــــــنت النوخـّــــذه]

ذكرتني بسالفه

مره ناس كانوا يسولفون عن واحد تبارك الرحمن يحب زوجته حب جنوني وماياخذ الا شورها

عاد نون النسوه المحترمين وحزب الرجال يقولون عنه سكانه مرته لان من الدوام للبيت وسفراته مع مرته وعياله00

الا قلت لهم ليش سكانه مرته ليش مانقول ان هذا الزوج حصل في مرته مثنى وثلاث ورباع يعني غنته عن اربع حريم وتستاهل التقدير والحب المتبادل والاحترام 000

ساعات اقول هذولي العقلية العربيه ليش بعضهم مخهم عوي 00كاهم الاجانب يتفاخرون بحب بعضهم واحنا إلي دينا يحث على طاعه الزوج واحترام المرأه تفكيرهم جذيه000 سحر وطلاسم00السحر معروفه اعراضه الزوج يكون متخدي مهب عاقل وعارف شيسوي

الرجال لي حب حب خلاص اههه لاسحر ولا غيره


دمتم سالمين

[شبح الصمت]

في هالايام شـــبه yes
:shy:

[شبح الصمت]

ذكرتني بسالفه

مره ناس كانوا يسولفون عن وحده تبارك الرحمن يحب زوجته حب جنوني وماياخذ الا شورها

عاد نون النسوه المحترمين وحزب الرجال يقولون عنه سكانه مرته لان من الدوام للبيت وسفراته مع مرته وعياله00

الا قلت لهم ليش سكانه مرته ليش مانقول ان هذا الزوج حصل في مرته مثنى وثلاث ورباع يعني غنته عن اربع حريم وتستاهل التقدير والحب المتبادل والاحترام 000

ساعات اقول هذولي العقلية العربيه ليش بعضهم مخهم عوي 00كاهم الاجانب يتفاخرون بحب بعضهم واحنا إلي دينا يحث على طاعه الزوج واحترام المرأه تفكيرهم جذيه000

الرجال لي حب حب خلاص اههه لاسحر ولا غيره


دمتم سالمين



تعرفين ليش يقولون سكان مرته لانهم ما يقدرون يصيرون نفسه

هذه أول نقطة

ثانية نقطة عن الاجانب ترى ما يجي الحب بينهم وبين بعض إلا عقب 50 او 60 يوم انه يكون خلالالالاص يبي بس انسان يوقف جمبه يحسه جمبه

والا من صجك عندهم حب

ترى حب الاجانب كله قوانين يعني بقوانين يمشون مش بطبيعة وغرائز بشريه نفسنا المسلمين

الحمد لله على نعمة الاسلام

[للصبر اخر]

في هالايام شـــبه yes
:shy:

صح لسانك حجي شبح
في هالاياااام
سحر

[بـــــــنت النوخـّــــذه]

لام

شوفو نمر بن عدوان اشسوت به وضحى هههه هل هي ساحرته مسويه له عمل ولا ساحرته باسلوبها<<< معليه شطحت بعيد 000بس قصتهم معروفه بالحب والتضحيه


في فرق بين سحر الاسلوب وسحر الي بالشعوذه وووو

وارد وقول الرجال المسحور يكون متخدي اما المسحور بالاسلوب يكون تصرفه طبيعي عاقل يفكر يمارس حياته طبيعيه

فلازم قبل لانحكم نعرضه على مطوع او نشوف حالته اهههه
دمتم سالمين

[قطريه ماركه]

شي طبيعي .. و طبيعي جداً ....

[درع الوطن]

مال وين هالناس؟ معانا في هالكوكب؟

إيه يالمرتبش ... معانا على هالكوكب ... للأسف ...

[درع الوطن]

ذكرتني بسالفه

مره ناس كانوا يسولفون عن واحد تبارك الرحمن يحب زوجته حب جنوني وماياخذ الا شورها

عاد نون النسوه المحترمين وحزب الرجال يقولون عنه سكانه مرته لان من الدوام للبيت وسفراته مع مرته وعياله00

الا قلت لهم ليش سكانه مرته ليش مانقول ان هذا الزوج حصل في مرته مثنى وثلاث ورباع يعني غنته عن اربع حريم وتستاهل التقدير والحب المتبادل والاحترام 000

ساعات اقول هذولي العقلية العربيه ليش بعضهم مخهم عوي 00كاهم الاجانب يتفاخرون بحب بعضهم واحنا إلي دينا يحث على طاعه الزوج واحترام المرأه تفكيرهم جذيه000 سحر وطلاسم00السحر معروفه اعراضه الزوج يكون متخدي مهب عاقل وعارف شيسوي

الرجال لي حب حب خلاص اههه لاسحر ولا غيره


دمتم سالمين


جبتيها على الجرح يابنت النوخذه ...
وأنتي كده ... :nice:

[كازانوفا]

طبعا في رجال تحب زوجاتها بدون سحر لان المعامله والنيه الصادقه لو لقاها مع زوجته لو يلف الدنيا كلها ما راح يلقيهاا بوحده ثانيه فليش يضيع نعمه من بين ايديه ممكن تروح منه اذاانكرهااا

لذلك اقول ومن واقع تجربه وتجارب في رجال بالفعل كانه معمول لهم سحر بس من حبهم لزوجاتهم شي لا يمكن وصفه سبحان الله ربي يحفظهم ان شالله

وربي يجعل كل زوجين يحبو ويعشقو بعض ويبعد عنهم العين والحسد
تقبلي مروري

[مسك روز]

ههههه ذكرتوني باللذي مضى :shy:


ناس ماعندها سالفه :)

[مرتبش]

سالفة سريعة عن الاجانب للاخت بنت النوخذة

مرة كنت في الطيارة ننتظر الاقلاع ..طولوا شوي والمكيف مايشتغل..فطسنا من الحر

والا ذاك العنجليزي قاعد ويا مرته العنجليزية وماسك الجريدة يهفهف عليها .. ياحليله الشيبة

قلت باشوف اخرتها ..تم شوي ووقف قلت خلاص تعب واستسلم..بس رجع وهي تقول له خلاص كفاية بس وتاخذ الجريدة منه لكنه ما يستسلم ويكمل المشوار ..لين ما طارت الطيارة واشتغل المكيف السحري

احنا عاد غير..نركب الطيارة اخر ناس ونتهاوش مع القاعدين نبي كراسي يم بعض ..الخ ثم نتأفف من الحر وياليتني ماركبت هالطيارة وهي تقول محد يركب سياحية ..كل صديقاتي درجة اولى وهو يقول امبلى صح حدج الحسا..حبنا شوي غير!

[elders]

سبحان الله الوضع الشائع طغى على الفطرة ..

[شبح الصمت]

انا اشوف الحب أنواع

في حب سحري بين الزوج وزوجته ولا يعلمه غيرهم

في حب سحري ينتشر بين الاقارب ويعلمون انه يحبها ويصير الحسد

في حب بس شو شوفوني احب زوجتي وفي نفس الوقت اخونها

في حب مصلحه

[@north_star@]

اذا كان هالحب سحر معناتها بيجي يوم ويبطل مفعول هالسحر وعقبها crazy
بتبدا المشكال :omen2::anger1: أما الحب الحقيقي أو الطبيعي فهو اللي بيتم للنهاية :nice:

[خــالــد]

شوف الحريم يشوفون بينهم امور احنا ما نعرفها وصدقني اكثر ناس يتكلمون عن سوالف فلان سحرتة زوجتة هم يعني يعرفون بلوي بعض الله يستر من هالنوعيات الي الله مكثرهم هاليومين

[بـــــــنت النوخـّــــذه]

سالفة سريعة عن الاجانب للاخت بنت النوخذة

مرة كنت في الطيارة ننتظر الاقلاع ..طولوا شوي والمكيف مايشتغل..فطسنا من الحر

والا ذاك العنجليزي قاعد ويا مرته العنجليزية وماسك الجريدة يهفهف عليها .. ياحليله الشيبة

قلت باشوف اخرتها ..تم شوي ووقف قلت خلاص تعب واستسلم..بس رجع وهي تقول له خلاص كفاية بس وتاخذ الجريدة منه لكنه ما يستسلم ويكمل المشوار ..لين ما طارت الطيارة واشتغل المكيف السحري

!

اصلا لو الي مسوي هالحركه من شسمهم كان شفت قصه قصيره بالمنتديات ينتقدون هالتصرف عيب اشلون جذيه يهفهف على زوجته عيني عينك اهههههه

بس ارد واقول اعراض الرجل المسحور بالشعوذه غير عن اعراض الرجل المسحور بالاسلوب

انا اقول لكل زوجين سعيدين بحياتهم لايلتفتون للقيل والقال ويقرون على نفسهم المعوذات من عيون الناس

دمتم سالمين

[× الجــوري ×]

الحين اذا الرجال حب زوجته اكيد مسحور معنى كلامهم ان مافي شي اسمه حب في الدنيا وكل شي متصنع من شغل الشيطان والعياذ بالله
هو فعلا يمكن يكون سحر بس سحر رباني من الله سبحانه مب حب غصبن عن ابن ادم وكل واحد يبي مثل هالحب يرضى بنصيبه وصدقوني الحب بيدل طريقه وبيبعد الشيطان عنه وبعدين الي يبي يستقر في حياته يصير مب ريال والي يودي مرته ويجيبها مب ريال والريال بس الي يخلي زوجته تروح مع الدريول او تسوق بروحها والله عجب :omen2:

[ام شيخه]

ذكرتني بسالفه

مره ناس كانوا يسولفون عن واحد تبارك الرحمن يحب زوجته حب جنوني وماياخذ الا شورها

عاد نون النسوه المحترمين وحزب الرجال يقولون عنه سكانه مرته لان من الدوام للبيت وسفراته مع مرته وعياله00

الا قلت لهم ليش سكانه مرته ليش مانقول ان هذا الزوج حصل في مرته مثنى وثلاث ورباع يعني غنته عن اربع حريم وتستاهل التقدير والحب المتبادل والاحترام 000

ساعات اقول هذولي العقلية العربيه ليش بعضهم مخهم عوي 00كاهم الاجانب يتفاخرون بحب بعضهم واحنا إلي دينا يحث على طاعه الزوج واحترام المرأه تفكيرهم جذيه000 سحر وطلاسم00السحر معروفه اعراضه الزوج يكون متخدي مهب عاقل وعارف شيسوي

الرجال لي حب حب خلاص اههه لاسحر ولا غيره


دمتم سالمين



صاااااادقه يختي
دامهم متفاهمين وش عليه خلها تصير مرته سكانه ليش لا
نوع الرجال اللي يحبون زوجاتهم بجنون وبدون حدود يعتبر نادر في هالايام
بسبب تغير الاحوال والنفسيات وغياب الاخلاص بين الازواج وبرود العلاقات الاسريه
عشان كذا بعض الناس اللي يفتقدون هالحب مش مصدقين ان في بالواقع حب صادق ونبيل
بين الازواج فينظرون له على انه نوع من السحر :secret:
وش احلى منه لانسحر الزوج بزوجته وباخلاقها واطباعها وجمال روحها
اكيد بيصيرون سمن على عسل :victory:
اتمنى التوفيق للجميع

[دااانة قطر]

شوفو نمر بن عدوان اشسوت به وضحى هههه هل هي ساحرته مسويه له عمل ولا ساحرته باسلوبها<<< معليه شطحت بعيد 000بس قصتهم معروفه بالحب والتضحيه


في فرق بين سحر الاسلوب وسحر الي بالشعوذه وووو

وارد وقول الرجال المسحور يكون متخدي اما المسحور بالاسلوب يكون تصرفه طبيعي عاقل يفكر يمارس حياته طبيعيه

فلازم قبل لانحكم نعرضه على مطوع او نشوف حالته اهههه
دمتم سالمين


درر .. درر يالبنت الأصول
باارك الله فيج يالطيبه

[intesar]

تعرفون ليش يقولون سحر.. لأن بالدول العربية وبوجه عام.. يعتبرون المرأة خادمة.. واللي يقول أحب مرتي.. يقولون لك هذا سكانه مرته ويتغامزون وما يخلونه بحاله.. ما في رجل يحب زوجته الا أكيد حاطته فوق راسها وماشية.. المرأة مو بس بالفراش مع الاعتذار.. تراها من دم ولحم.. ربوا أولادكم على احترام المرأة.. وبتشوفون لما يتزوجون راح يحبون المرأة ويعاملونها ككيان حي مو جماد..

الرجولة مو في معاملة المرأة باحتقار.. الرجولة في حبها واحتواؤها.. أسهل ما في المرأة انك تكتسب حبها وودها.. بس هد عنك سوالف اذبح لها قطوة ولا فار..

دمتم بود..

[بـــــــنت النوخـّــــذه]

درر .. درر يالبنت الأصول
باارك الله فيج يالطيبه

وعندج بعد محمد الفيحاني شاعرنا المعروف الي لقب بشاعر الحب العذري

لما حب بنت خاله وماصار نصيب وتعب نفسيا" لين مرض وصاده مرض عضال وتوفى 00هل هي مسويه له سحر شعوذه !!! عشان يصر فيه جذيه ولا الحب والمشاعر الصادقه

اليوم بقلبها لكم قصص من واقع الحياه:p



بس تعجبني شخصيه الفيحاني الله يرحمه

[intesar]

والله يا بنت النوخذه انج تنفخين في قربة مقطوعة.. بهالمنتدى عنصر الرجال من أغرب ما شفته بحياتي..

[بـــــــنت النوخـّــــذه]

والله يا بنت النوخذه انج تنفخين في قربة مقطوعة.. بهالمنتدى عنصر الرجال من أغرب ما شفته بحياتي..

لا انا اشدخلني فيهم

اعبر عن مشاعري اهههههههههههههه:p

اذا عن شسمهم يعني هم شسمه جذيه وماعليج منهم اخذي وخلي :nice:

[حسن]

الحب موجود بين الزوجين لكن لما يكون الزوج خاتم في بد المره لدرجه تعزله عن الناس
وتبعد حتى والديه واخوانه وخواته عنهم اهني نقول اما سوتله غسيل مخ ويامكثرهم ولا سحر :victory:

[دااانة قطر]

لا انا اشدخلني فيهم

اعبر عن مشاعري اهههههههههههههه:p

اذا عن شسمهم يعني هم شسمه جذيه وماعليج منهم اخذي وخلي :nice:



احنا عرفنا شسمه عشاان تقولين شسمهم؟؟

يسلموا على الرد الساابق

[الوان]

مثلا قصدك ....
اذا واحد زوجته شينه و جنها دبابة و يمشي معاها في المجمع و هو مبتسم و فخور ...
نقدر نقول سحر ؟

[هداف]

يوجد حب واحترام وثقه بين الازواج ولكن كالحب اللي تعنيه ! ( في كل كبيره وصغيره بشور امرته)

هذا اللي يسمونه سكانه امرته ويعني ضعف في شخصية الرجل ولايعني هذا ان الرجال عيب انه
يستشير امرته في شي لا طبعا لكن ان توصل العمليه للتحكم او انه ما يشك خيط في ابره الا بشورها
بلفيت من زود مايحبها !!!!! هذا نسميه اخمقه او ناقص البعض من معاني الرجوله

[المرسى الأخير]

الله يدوم المحبة و السكينة بين كل زوجين..حاجة أساسية لنجاح الزواج

البعض لا شافوا الزوج يحترم زوجته حافظ هيبتها و مدللها و يستشيرها بخطط حياتهم و يشوف طلباتها و طلبات العيال .. قالوا ( إيه..مسويته خاتم بيدها )

[كازانوفا]

الله يدوم المحبة و السكينة بين كل زوجين..حاجة أساسية لنجاح الزواج

البعض لا شافوا الزوج يحترم زوجته حافظ هيبتها و مدللها و يستشيرها بخطط حياتهم و يشوف طلباتها و طلبات العيال .. قالوا ( إيه..مسويته خاتم بيدها )


هنا المشكله والله القهر وما يسوي بالناس
مش مشكله المهم انهم مبسوطين وعايشين حياتهم بما يرضى الله

[ام السعف]

بعض العرب سهالات عندهم سوء الظن ،، وتلفيق الاتهامات حتى في حب الزوج لزوجته
او حتى في تقديره لها واحترامه لها ،، او تركه لها للقيام بالكثير من شؤون الابناء
وتكون النتيجة استقرار الإسرة لكن عند بعض العرب يعتبرونه سحر ويدخلون
في دائرة الشك وسوء الظن ،،

ان كان التعبير المستخدم " ساحرته" من باب التعبير المجازي فهذا شي طبيعي
ان يستخدم هالتعبير بحيث انها قدرت انها تتمكن من قلبه وحبه وتقديره ،،

إما لو التعبير المستخدم كان من باب الاتهام المباشر والصريح باستخدام السحر
عاد هذا حسابه عند رب العالمين ،، فاستخدام السحر شرك بالله و اتهام
الآخرين باستخدامه له حساب عسير من رب العالمين وحق معلق في رقاب
اللي يستسهلون اتهام خلق الله ،،

شكرا لكم
ام السعف
المفوض السامي لشؤون المسحورين

[قطري !]

المشكلة في الحريم هم اللي يطلعون هالسوالف ..




قعدنا نحب زوجاتنا بالخش









ترا كله من العين بس

[ام السعف]

يوجد حب واحترام وثقه بين الازواج ولكن كالحب اللي تعنيه ! ( في كل كبيره وصغيره بشور امرته)

هذا اللي يسمونه سكانه امرته ويعني ضعف في شخصية الرجل ولايعني هذا ان الرجال عيب انه
يستشير امرته في شي لا طبعا لكن ان توصل العمليه للتحكم او انه ما يشك خيط في ابره الا بشورها
بلفيت من زود مايحبها !!!!! هذا نسميه اخمقه او ناقص البعض من معاني الرجوله

عاد اتصدق ،، ان واحنا صغار نسمع عن ناس مثل ما تقول الرجال ينقال له سكانة مرته
وزوجته وما يخيط ولا يشك الا بشورها والكل كان يضحك عليهم ،،

اليوم عيالهم في اعلى المراتب ،، اسرارهم الزوجية مسكرة وما كنا ندري عنها
المراة لها هيبتها والرجل ما فقد احترامه ما بين الناس توفى والكل يترحم عليه
الغريب قبل القريب ،،

في حالات يمكن احنا ما نرضاها على نفوسنا بس لما حياتهم بالطريقة
هذه توفر لهم الاستقرار الاسري وتمنحهم الهدوء والسكينة
اقول كل ينام على الجنب اللي يريحه ويشوف من وين ممكن يجد
استقراره وراحة باله وان كان ساكنة مرته ،،

شكرا لكم
مع تحيات
ام السعف

[دااانة قطر]

مثلا قصدك ....
اذا واحد زوجته شينه و جنها دبابة و يمشي معاها في المجمع و هو مبتسم و فخور ...
نقدر نقول سحر ؟

:eek5::eek5::eek5:

[ابوسعود]

والله على حسب

يعني اذا شفت الرجال

يرضى على ان زوجته تهين ولديه

فهذا يعني ان الرجال مسحور

اما في الاحوال العاديه ياخذ

راي زوجته في تصميم بيت العمر

السفر مع الزوجه امر طبيعي

[ام السعف]

والله على حسب

يعني اذا شفت الرجال

يرضى على ان زوجته تهين ولديه

فهذا يعني ان الرجال مسحور

اما في الاحوال العاديه ياخذ

راي زوجته في تصميم بيت العمر

السفر مع الزوجه امر طبيعي

ضعف شخصية الزوج لا تعني انه مسحور

لأن في رجال يهينون امهاتهم في حضور زوجاتهم والزوجات ما يرضون
على هالشي الحين من الساحر ومن المسحور ؟ :telephone:

[بوحارب]

الحين اكثر الزوجات ودهم يسوون سحر لأزواجهم عشان يحبونهم :(


فاتكم القطار ياحبيبي

الوعد في 2012 لما يشرفون المغرب والأردن ككككاااااااااا

[ام السعف]

الحين اكثر الزوجات ودهم يسوون سحر لأزواجهم عشان يحبونهم :(


فاتكم القطار ياحبيبي

الوعد في 2012 لما يشرفون المغرب والأردن ككككاااااااااا

بو حروب ومن متى وعندنا قطار في قطر علشان يفوتهم ؟ :looking:

[فيزيائية]

انا اشوف كل واحد بدال مايراقب الناس ويحسدهم ....انه يصلح نفسه وبيته وبيوصل
للمحبة الي وصل لها غيرها واكثر:)[/size][/color][/font]

[مهرة]

موضوعكم حلو ومتجدد.. يعطيكم العافيه ..

ذكرتوني بأول سنه أهل الزوج مافيه أحسن منهم كنهم ملائكة بداية فترة العرس وعقبها بكم شهر تطيح الأقنعة وتطلع حقيقتهم ونواياهم الغير سوية (بخففها اشوي) والزوج المثالي الي بنظرهم انه أحسن ولد عندهم والي تغير عليهم (باعتقادهم يعني) لين يجيب الأغراض العادية اليومية ولا طلع مرته مرة غدا ولا عشا ولا حتى تسوقو وردو البيت ويياهم اكياس هاي الطامه الكبرى خلااااااااص ولدهم فيه شي اكيد مرته العبت بمخه ليش؟؟؟ لأنه سوي الأشياء الطبيعية الي اي زوج بمكانه كان لازم يسويها ..!! عجبي

عجل لو شافوو بعضهم شيسوون من دلال ودلع وحب واحترام حق حريمهم الي صج تستاهل اشبيقولووون؟؟؟:omen2:

[مهرة]

تعرفون ليش يقولون سحر.. لأن بالدول العربية وبوجه عام.. يعتبرون المرأة خادمة.. واللي يقول أحب مرتي.. يقولون لك هذا سكانه مرته ويتغامزون وما يخلونه بحاله.. ما في رجل يحب زوجته الا أكيد حاطته فوق راسها وماشية.. المرأة مو بس بالفراش مع الاعتذار.. تراها من دم ولحم.. ربوا أولادكم على احترام المرأة.. وبتشوفون لما يتزوجون راح يحبون المرأة ويعاملونها ككيان حي مو جماد..

الرجولة مو في معاملة المرأة باحتقار.. الرجولة في حبها واحتواؤها.. أسهل ما في المرأة انك تكتسب حبها وودها.. بس هد عنك سوالف اذبح لها قطوة ولا فار..

دمتم بود..



بعض الرجال للأسف يعتقدوون ان حبهم واحترامهم لزوجته ينتقص من رجولته او تهز هيبته بين أهله ,, الله يعينهم ويساعدهم على عقليتهم وتربيتهم ..!!

اختي انتصار أزيد على كلامج وأقولج والله ان فيه رجال مايبتسم او يقول كلمة حلوة حق مرته عشان ماتركب على راسه واتمشيه كذا أهله معلمينه ومربينه عليه وبعضهم الي هه هه تطورو اشوي يقولونها بالخش او بطريقة غير مباشرة لحريمهم ولحد يدري كنهم مسويين شي حرام لا قدر الله ..

الله يعين بعض الحريم ..

[المريش]

تعظيم سلامي لمرتي وهي ام عيالي وحافظة أسراري وخليلتي وتوأم روحي

ولا علي لا من نسوان ولا من اطقع رجال

المرجلة مب في الشدة مع مرتك ولا مع الجفاء

المرجلة أفعال

ولكن اللي ما يطول العنب حامض ن عنه يقول

[درع الوطن]

كثير من الردود كانت في صلب الموضوع ...

الحب المقصود .. هو حب الزوج لزوجته .. وذلك عندما تتوافر فيها أخلاقيات الحب العفيف
عندما تجبرك زوجتك على مبادلتها الحب والحنان والوفاء .. وخصوصاً عندما لايكون لها سنداً ولا ظلاً إلا الله ثم زوجها ...

هذه الزوجة الحنون .. اللطيفة .. العفيفة .. الخلوقة .. الحساسة .. المُحبة .. تصون زوجها ولسانها .. عشرتها مكسب .. تبتسم في تعبها ومرضها .. تكسب قلوب من هم حولها بدماثتها وأخلاقها العالية .. لاتسمع منها كلمة تزعلك .. تراعيك .. تمرض لمرضك .. وتفرح لفرحك
لاتحملك فوق طاقتك .. محبةً لأهلك .. مراعيةً لبيتك ...

ألا تستحق مثل هذه المرأة أن تهديها قلبك على طبق من ذهب ؟؟؟
هذا هو مايبحث عنه الرجل في المرأة ... فإن أحبها أكرمها وصانها وأعطاها ماتستحق .. فهي منه وله .. وإن إستحقرها وأهملها .. فهو لايستحقها ...

اللهم إجعلنا ممن يحبون أزواجهم فيك ....