شر البلية مايضحك

[شبيه الريح]

صبحكم بالخير جميع

يوم الخميس رحت للبنك التجاري

واودعت فلوس كاش (( كااااااااااااااااااااااش ))

اكيد تعرفون معنى كاش

المهم تفاجات الساعه 9 تقريبا وانا ابي اشتري اغراض ماحصلت شي في الحساب

واتصلت على البنك قالوا موجوده بس ماتقدر تسحبها لانك مودعها بعد نهاية الدوام الرسمي

طيب هذي فلوس كااااش كااااااش ما اودعت شيك قال نفس الشي

طيب ليش فاتحين طيلة ايام الاسبوع والفتره المسائية

والحمد لله انه مجرد حساب توفير وفاتحه عشان رفع تقييم شخص قطري لانه مطلوب منه فت حسابات لقطريين

وحبيت اوضح لكم عشان محد يتوهق

وتضحكون وتستغربون على هالمصيبه

[المليونير الفقير]

لو فالوطني عادي انشاءالله الفجر

[أسير الاسهم]

صار لي نفس الموقف مع هالبنك .. أعتقد يبون يشغلون الفلوس يحللونها كم يوم قبل تاخذها

انا اودعت كاش أخر يوم فالاسبوع يوم جيت ثاني يوم بستخدم البطاقه الا مافي شي .. اتصل للبنك يقولون انطر يوم الاحد .. صدق شر البليه ما يضحك

[فريج النجادة]

فديت المصرف خمس دقائق وهي في الحساب

وجاتك رسالة على الجوال

[طرفه]

غريبه أجراءات هذى البنك الربوي
المفروض اذا كان كاش او شيك من نفس البنك
باستطاعتك استخدام المبلغ حالا

[@north_star@]

انا الله اعرفه انه الكاش وخاصة اللي يودع بالحساب الجاري او التوفير ينزل بالحساب على طول وتقدر تسحبه اما اذا بتودع بحساب الفيزا بتاخذلها وقت ... وغريب هالبنك الي تتعامل معاه ووهقة بصراحة

[الشاااهين]

الله يفكك من هالبنك قول آمين.

[تاج المراجل]

ابي اعرف ليش بعض الناس ( يعرف ان هالبنك بنك ربوي ) وحررام ليش يدخل فيه ويحط له احساب
حتى لو جيت تبي تسدد عليك اقصاد مايخلصون لك تعطيهم تقعد كم سنه واهم للحين في الارباح ، للحين ماوصلوا للســرع ، ، ، الله يبعدنا عن الحرام والرباء ، ،

[راشد محمد]

الله يعينك