شد الترهلات بدون جراحة!

[Muna_Q]

بسم الله الرحمن الرحيم
السلام عليكم ورحمة الله وبركاته


حد عنده فكرة عن طريقة شد الترهلات بدون جراحه؟
لا تقولون لي رياضة انا اسوي رياضة الحمدلله وموب متينه..
لكن عندي ترهلات شوي فالزنود والارداف لأني نزلت من وزني

عندنا اعراس الفترة الجاية، وخبركم ما يطلع حلو الفستان المشكوف مع زنود مترهلة ..
هي موب مترهلة مترهلة بس شوي يعني يبين انها موب مشدودة


ابي احسن دكتور يسوي هـ العملية وبكم تكلفتها تقريباً

انتظركم :shy:

[المرسى الأخير]

حملي اثقال ام كيلو يوميا و بتنشد الترهلات فالزنود و الأرداف سوي تمارين الشد للسيقان و المشي

و عندك بعض العيادات فيها اجهزة تسوي شد للجسم من غير جراحه و تكاليفها على حسب بعضهم بالجلسات الوحدة و بعضهم يعطونج بكج

أتوقع فهد الباكر و مركز التجميل و العمادي عندهم مثل هالشغلات

[تاج المراجل]

ماشاء الله ناويه تصير معضله الاخـت :eek5:

[راشد محمد]

روحي لعيادات لتخسيس الاماكن اللي تبينها

[قلبى طيب]

جيبى قوطين نيدو وحطى فيهم اسميت وكل يوم الفجر عليج بهم والترهلات تروح

[ملاك]

هههههههههههههههه اشفيكم ع البنت عقدتوها

اختي عليج بالسباحه احلى رياضه تشد الجسم

وبعد رقع الاثقال لها نتيجه حلوه بعد

[بصمة قطرية]

اختي مثل ما قالوا لج رفع الاثقال ..
مري اي محل رياضة واخذي لج اثقال
و يومياً ارفعيها ..

[Muna_Q]

حملي اثقال ام كيلو يوميا و بتنشد الترهلات فالزنود و الأرداف سوي تمارين الشد للسيقان و المشي

و عندك بعض العيادات فيها اجهزة تسوي شد للجسم من غير جراحه و تكاليفها على حسب بعضهم بالجلسات الوحدة و بعضهم يعطونج بكج

أتوقع فهد الباكر و مركز التجميل و العمادي عندهم مثل هالشغلات

ام كيلو عندي بس مادري احس انها ماتسوي شي
وعندي الدمبلز حق الزومبا اخف منها شوي تقريبا باوند واحد موب كيلو

سألت عيادة التجميل قال مافي إلا بعمليات وصراحه اخاف من العمليات

[Muna_Q]

جيبى قوطين نيدو وحطى فيهم اسميت وكل يوم الفجر عليج بهم والترهلات تروح

:eek5: :eek5: ما ابي اعضل!!
بعدين كم كيلو بيصير القوطي الواحد، اكيد موب اقل من 10 كيلو

[Muna_Q]

هههههههههههههههه اشفيكم ع البنت عقدتوها

اختي عليج بالسباحه احلى رياضه تشد الجسم

وبعد رقع الاثقال لها نتيجه حلوه بعد

طيب اختي انتي جربتي الاثقال؟
تقريباً كم كيلو اقدر استخدم؟

[Muna_Q]

اختي مثل ما قالوا لج رفع الاثقال ..
مري اي محل رياضة واخذي لج اثقال
و يومياً ارفعيها ..


عندي دمبلز كيلو واحد، وعندي باوند لكل واحد
بس ماشفت نتيجة مرضية عشان كذا ممكن تحددين كم كيلو تقريبا

[كازانوفا]

مره على مره زيدي المعيار واكيد بتضبط معاكي موفقه ان شالله

[بصمة قطرية]

عندي دمبلز كيلو واحد، وعندي باوند لكل واحد
بس ماشفت نتيجة مرضية عشان كذا ممكن تحددين كم كيلو تقريبا


مره على مره زيدي المعيار واكيد بتضبط معاكي موفقه ان شالله

مثل ما قالت كازانوفا
شوي شوي وزيدي
الرياضة يبي لها وقت و صبر
ما راح تشوفين النتيجة بسرعة ..

[حقيقه]

حاسبي لآ أتعضلين

[تحداني]

عمليات التجميل في هالاشياء ما ينصحون فيها ابدا والترهل سبحان الله ياخذ وقته مع الرياضه تتكلمين عن سنه وفوق. .عندنا وحده في النادي الترهلات تغيرت عندها مئه بالمئه بعد سنه

الدمبلز على الاقل 3 كيلو اما كيلو واحد ما يسوي شي

لو عشان العرس ألبسي كم طويل صدقيني حلو على الأقل هالفتره
وفي مناسبه ثانيه البسي الي خاطرج فيه


جملك الله برضاه

[Muna_Q]

عمليات التجميل في هالاشياء ما ينصحون فيها ابدا والترهل سبحان الله ياخذ وقته مع الرياضه تتكلمين عن سنه وفوق. .عندنا وحده في النادي الترهلات تغيرت عندها مئه بالمئه بعد سنه

الدمبلز على الاقل 3 كيلو اما كيلو واحد ما يسوي شي

لو عشان العرس ألبسي كم طويل صدقيني حلو على الأقل هالفتره
وفي مناسبه ثانيه البسي الي خاطرج فيه


جملك الله برضاه

الظاهر ماشفت نتيجة لأني استخدم كيلو ان شاءالله من الاسبوع الجاي بجرب 3 كيلو
كملت السنه وزيادة بس هي موب ترهلات يعني جلد مترهل طايح لا ءمممم شلون اوضح اكثر المهم يبين ان الجلد موب مشدود


تسلمين فديتك ^_^