يالربع من تعامل مع محل هاوس كار في طريق سلوى ؟

[Al-Kuwari]

السلام عليكم


يالربع عندي كروزر جي اكس ار 2004


الخطوط حالتها تعبانه

ابي ابدلهم بخطوط 2005

رحت الوكالة قالوا لي غير متوفرة ولو تبي بنطلبها لك ب2400 ريال للخطوط الرمادية اللي تجي تحت !!


المهم لقيت محل في طريق سلوى اسمه هاوس كار

بيركب لي الخطوط كاملة ب1300 مع ضمان سنة

قالي انها كوبي1 ونفس الاصليه ويجيبونها من الامارات

اذا في حد من الاخوان تعامل مع المحل ويقدر يعطيني خبر عن مستوى شغلهم فراح اكون شاكر له


وجزاكم الله خير

[تاج المراجل]

والله اخـوي نصيــحه اخــويه كوبي1 تقعد سـنه اقل شــي يبدا يتغير ويقلب لــووونها ، ، ، انصحك تاخذ
من الوكــآله ، اصــلي تتعب وتخسر وبالنهايه مايطلع الشغل عـدل ، ، ،

لك ودي وتقديري ، ، ،

[Al-Kuwari]

المشكله ياخوك الوكاله مب متوفرة عندهم الخطوط قالوا بنطلبها وتنطر شهر

وسعرهم غالي

الخطوط اللي تحت الربله بس بـ 2450 !!

اذا الصدام ب 500 والباب الواحد تشتريه ب 3000

الخط يوصل 2450 ليش !!

[البحار00]

اخوي شوفهم في الامارات فيه واحد تتصل له وتطلبهم منه

ويطرشهم لك لقطر في اقل من اسبوع والتسليم في قطر يعني سلم الفلوس واستلم

وانا تعاملت معاه وايد ورسوم التوصيل ٥٠ ريال

هو موزع لقطع غيار التويوتا في الشارقه ورقمه بتلقاه عندك على الخاص*

وعلى فكرة اي قطعه مب موجوده عنده يدبرها لك خلال ايام من البريمي ولا العين

[Al-Kuwari]

ماتقصر يالبحار بس هل عنده خطوط الجي اكس ار 2005 خطوط قطر ؟

لان تعرف الخطوط تختلف من بلد لبلد