أفكار لمشاريع ناجحه ...

[V ! P]

السلام عليكم ورحمة الله وبركاته

هذا أول موضوع لي وبغيت مساعدتكم وياي

ابي افكار لمشاريع ناجحة ومضمونة بحكم أنه عندي دعم من جهة لأي مشروع في اي قطاع سواء الصناعي او التجاري ..

واتمنى اللي عنده تجارب في أي مشروع ياليت يشاركنا فيه ونستفيد منه ..

يزاكم الله خير

[فواز1976]

ابشر .....

بس انا كلمه مضمون اخاف من الي طالبها اني اوهقه بشغله لانه مافي شي مضمون ,,, حتى العقار الي يعتبر اضمن استثمار مرات تطلع فيه عذاريب.

اول شي,,, المشاريع كثيره. بس الاهم معرفه انت ايش تبغى او ايش الي يناسبك ؟ ولتحديد هذه الاشياء عليك توضيح هذه النقاط:
- خبرتك السابقه
- هل راح تشرف بنفسك ولا راح تعتمد على احد
- كيف علاقاتك بالسوق وفي اي مجال
- كم راس المال المقترح
- هل تملك مصدر دخل اخر
- النسبه المتوقعه للدخل

توجد مشاريع كل شخص لديه راس مال راح ينافسك فيها حتى العماله الوافده تقدر تنافسك وهذي مزعجه. وفي مشاريع غير ظاهره للناس وفيها خير.

[الغلااا]

من بعد اذن صاحب الموضوع
وفي مشاريع غير ظاهره للناس وفيها خير. ممكن اتفيدنا اذا ممكن

[فواز1976]

ابد حاضرين بس المهم الواحد يجاوب على الاسئله السابقه وانشاء الله افيده ....... لانه طرح الفكره كعنوان ما يفيد بشيء المهم كيف تتطبق الفكره, وتطبيق الفكره يحتاج ايجاد الشخص المناسب.

[قطري2012]

ما فيه شي مضمون
كل واحد ايجود فلوسه
عنده لانه بيصير شي
خلال الاشهر القادمه الله يستر

[V ! P]

- خبرتك السابقة
ما عندي خبره الصراحة وناوي أني ابتدي ان شاء الله
- هل راح تشرف بنفسك ولا راح تعتمد على احد
أنا اللي بشرف عالمشروع ولكن الجهة اللي بتدعمي بتكون تشرف علي
- كيف علاقاتك بالسوق وفي اي مجال
ما عندي علاقات ولا في اي مجال
- كم راس المال المقترح
اللمت تقريبا من مليون الى مليون ونص
- هل تملك مصدر دخل اخر
لا
- النسبه المتوقعه للدخل
ما اقدر احدد لحد ما اعرف المشروع اللي بسويه

اخوي الجهه اللي بتمولني ما راح تطالبني بالمبلغ الا عقب سنتين وبدون فوايد بالاقساط لمدة خمس سنوات

[استغفرالله]

مزرعة دجاج
او اكل مثلج

[alnoida]

مزرعة دجاج
او اكل مثلج

نعم إنتاج الغذاء لا يتطرق له أحد

[V ! P]

من بعد اذن صاحب الموضوع
وفي مشاريع غير ظاهره للناس وفيها خير. ممكن اتفيدنا اذا ممكن

:nice:

[بونـ ايف]

بالتووووفيق ان شاء الله

[wakrah]

من خلال خبره بسيطه لي في السوق اتضح لي امور منها
1- مهما كان الفكره ناجحه الموقع المناسب اهم منها.
2- مهما كان الدخل عالي الاجار يطلعك خسران في الاخير

الخلاصة اعمل دراسة للسوق واقصد دراسة ميدانية اطلغ بنفسك وشوف وضع السوق راح تكتشف ان الدارسة الورقية المقدمة لك غير كافية وفي الاخير اذا انت شاطر لا تحسب ريال من المشروع بيساعدك على العكس ممكن تدفع ست شهور وبعدها يبتدي المشروع يشيل عمره

هذا الي حصل معي كثير واخرها كراج في الصناعية بعد اكثر من سنه ادفع عليه توه بده يغطي مصاريفة لان الكراج كان عندي مشاكل مع المالك للكراج والبلدية مع المالك يعني سالفة طويله وانا الضحية

وتم اغلاق اكثر من ثلاث محلات بسبب رفع الاجر وبيع المبنى بالكامل ومالك جديد واجار جديد

وانا ما ذكرت حرف من الي فوق تخويف احد او اشجع احد لكن من باب

حب لاخيك ماتحب لنفسك

[فواز1976]

اخي ViP تم الرد على الخاص

تحياتي وبالتوفيق

[ashhal_q]

اخي فواز1976 ...


الله يعطيك العافيه ...
وبعد اذن صاحب الموضوع ...
ياريت تكون الردود على العام لتعم الفائده ...


اخوكم / اشهل

[zizo3000qtr]

الله يعطيك العافيه

[فواز1976]

هلا اخوي اشهل ... انت امر ولا يهمك بس لي تحفظ على الكتابه في هذا الموضوع على العام

بس اذا بغيت شي ابشر بسعدك راح اجاوبك على اي استفسار على طول

تحياتي

[qatar.syria]

اخي السائل الكريم

هناك فكرة مشروع غير موجودة في قطر أبدا:eek5:
أي أنك ستكون أول من يطبقها
الفكرة هي

الزراعة المائية:omg:

وهي نوع من الزراعة تقوم على الزراعة في الماء مباشرة بدون تراب أو تربة وبالتالي فأنت لست بحاجة إلى أرض للزراعة بل يمكنك ان تقوم بمشروعك في أي مكان : فيلا – بيت – ارض ... المهم هو وجود الشمس
ويلزمك فقط رأس مال والقليل من البحث والدراسة عن الموضوع على الانترنت وبعض الاستشارات من أخصائيين من خارج قطر، وهناك عدة مختصين عرب وأجانب ممكن يساعدوك في هذا المشروع
على فكرة المشروع ممكن يسترد رأس ماله خلال سنتين أو اقل
ولو أخذنا بعين الاعتبار أنك قطري ولا تدفع فاتورة المياه :nice: فلن يكلفك المشروع أكثر من التجهيزات المبدئية وثمن البذور والأسمدة فقط