اختبار gmat

[N7eEeS]

السلام عليكم ورحمة الله وبركاته،،

استفسار عن هذا الاختبار من كافة النواحي الدراسه له، لغة الاختبار صعبه سهله واي معلومات مفيدة اكون شاكر لكم.
فمان الله

[المرسى الأخير]

اختبار مطلوب للدراسات العليا في مجال الادارة و البزنس

فيه رياضيات و انجليزي

اغلب المراكز يعطون تدريب تأهيلي له و كأن جامعة قطر بعد

الله يوفقك :)

[روح الاطلس]

أولاً خذ جولة في هذا الموقع .. بيعطيك تصور كامل

http://www.gmattutor.com/


الجيمات ببساطة هو اختبار لقياس القدرات. الاختبار يقيس قدرات الطالب في جوانب الرياضيات و التحليل المنطقي، بالإضافة إلى قياس إجادة الطالب للغة الإنجليزية..

الجيمات مطلوب تقريبا في جميع جامعات العالم وخاصة الجامعات الامريكية او الجامعات اللي تتبع النظام الامريكي عند التقديم على دراسة ماجستير إدارة الأعمال.

الاختبار على الكمبيوتر و يتكون من ثلاثة أقسام (طبعا كل الاختبار باللغة الانجليزية):

1- اختبار الكتابة التحليلية (ساعة)
=== استراحة 10 دقائق ===
2- اختبار الرياضيات (ساعة و ربع)
=== استراحة 10 دقائق ===
3- اختبار الانجليزي (ساعة و ربع)



المجموع تقريبا 4 ساعات في مركز الاختبار (اشبع نوم و افطر زين )

و هنا شرح الأقسام بالتفصيل:

1- الكتابة التحليلية:


هذا القسم راح يطلب منك تكتب مقالتين (أو تعبيرين)، كل مقالة في نصف ساعة.

في المقالة الأولى راح يعطيك مقالة قصيرة و فيها استنتاج، و راح يطلب منك توضح نقاط الخلل في الاستنتاج هذا. ممكن تطعن في الحجج المذكورة، أو ممكن تقول اننا نحتاج معلومات إضافية لأن المعلومات الي عندنا ما تكفينا عشان نطلع بهذا الاستنتاج، و غيرها من النقاط. و عندك نصف ساعة تكتب فيها مقالتك.

في المقالة الثانية راح يعطيك موضوع نقاش معين يحتمل أكثر من رأي. المطلوب منك تحدد رأيك في هالموضوع و تدعم رأيك بالمنطق و الأدلة، و ممكن تذكر أمثلة من حياتك الشخصية. و أيضا عندك نصف ساعة تكتب فيها مقالتك.


**************


2- الرياضيات:

هذا القسم فيه 37 سؤال، و الاجابات اختيارات متعددة. وقت الاختبار 75 دقيقة، يعني عندك تقريبا دقيقتين لكل سؤال.

و نقطة مهمة هنا هي أن الأسئلة تزداد في الصعوبة كل ما كانت أجوبتك صح، و تقل الصعوبة كل ما كانت أجوبتك غلط. عشان كذا مستحيل تقدر تترك السؤال و ترجع له بعدين، لأن السؤال التالي يعتمد على اجابتك للسؤال الحالي.. يا أصعب يا أسهل. و طبعا مستحيل ترجع لسؤال جاوبته، أول ما تجاوب خلاص يختفي السؤال.

مواضيع الرياضيات كلها أساسيات من جميع المراحل الدراسية. مستحيل مثلا تشوف اشتقاق و تكامل. أغلب الأسئلة في الاختبار راح تكون في هالمواضيع:

- الهندسة: مساحة، محيط، حجم، أضلاع، زوايا... الخ.
- الجبر: معادلات، متراجحات (أكبر من و أصغر من)... الخ.
- الحساب: الكسور، الأعداد العشرية، الأسس و الجذور، القيمة المطلقة، الاحتمالات... الخ.
- مسائل حسابية: "عمر خالد يساوي ربع عمر محمد. بعد عشر سنوات عمر خالد يساوي نصف عمر محمد. كم عمر خالد؟" ... الخ.

و نقطة أخيرة في قسم الرياضيات هو وجود نوعين من الأسئلة.

- النوع الأول ما فيه شي غريب مجرد يطلب منك تحل السؤال و تختار الإجابة الصحيحة.
- النوع الثاني معقد شوي و يحتاج شرح

في النوع الثاني الاختبار يعطيك سؤال مستحيل ينحل (فعلا مستحيل موب لأنه صعب). ثم يعطيك معلومتين تحت السؤال عشان تساعدك في الحل.

المطلوب منك هو تحديد أي وحده من المعلومتين تكفيك عشان تحل السؤال.

مثال:

خالد عنده مسبح دائري في بيته. كم مساحة هذا المسبح؟

1- محيط المسبح = 25 متر. (المعلومة الأولى)
2- قطر المسبح = 8 متر. (المعلومة الثانية)

الاختيارات:

أ- المعلومة رقم 1 تكفيني الحالها عشان أحل السؤال، لكن المعلومة رقم 2 ما تكفيني الحالها لحل السؤال.
ب- المعلومة رقم 2 تكفيني الحالها عشان أحل السؤال، لكن المعلومة رقم 1 ما تكفيني الحالها لحل السؤال.
ج- أحتاج كل المعلومتين عشان أحل السؤال.
د- كل معلومة بحد ذاتها تكفي لحل السؤال.
هـ- السؤال ما ينحل. (يعني حتى لو اخذنا كل المعلومتين، لا زلنا نحتاج معلومات زيادة لحل السؤال).


الجواب هنا راح يكون "د". ليش؟

لأن لو أخذها المعلومة الأولى بحد ذاتها، فهي تكفي لحل السؤال. عندك المحيط، تقدر تطلع نصف القطر، ثم تقدر تطلع المساحة باستخدام نصف القطر.

و نفس الشي لو أخذنا المعلومة الثانية. عندك القطر، تقسمه على 2 يطلع لك نصف القطر، ثم تقدر تطلع المساحة باستخدام نصف القطر.

**************


3- الانجليزي:

هذا القسم فيه 41 سؤال، و أيضا اختيارات متعددة. و عندك 75 دقيقة أيضا للحل. يطلع لك اقل من الدقيقتين بشوي للسؤال. و نفس طريقة الرياضيات، الأسئلة تصعب و تسهل بناءا على أجوبتك.

الانجليزي فيه ثلاث أنواع من الأسئلة:

1- تصحيح الجمل: يكتب لك جمله و يحط خط تحت جزء منها. المقطع الي تحته خط احتمال ان فيه خطأ لغوي. و يطلب منك استدبال المقطع الي تحته خط بالمقطع الصحيح من الخيارات. و دائما الاختيار الأول راح يكون نفس الجملة الي تحتها خط، و معناه أن الجملة الأصلية سليمة.
2- التحليل المنطقي: يجيب لك مقطع بسيط و فيه استنتاج. ثم يسألك: أي واحد من الخيارات ممكن يدعم أو يضعف الاستنتاج؟ و أحيانا ممكن يسألك: أي واحد من الخيارات يعتبر استنتاج منطقي من المقطع؟
3- القراءة: يعطيك مقطع طويل شوي و يطلب منك تجاوب تقريبا 4 أسئلة عن المقطع.

و كل نوع من الأسئلة راح يجيك منه تقريبا 13 او 14 سؤال (و القراءة غالبا تجيك 4 مقاطع).





شخصيــــــا لا افضل الجامعات الامريكية بسبب هذا الامتحان لكن اللي قوي بالرياضيات بيكون الامتحان ممتع له، والافضل الجامعات البريطانية متطلباتها أقل ونوعية الدراسة تختلف شوي والمدة أقصر


بالتوفيـــــــــــــق

[تحداني]

طريقه التسجيل لهذا الإختبار عن طريق موقع
Www.ets.org
والمعاهد الي تعطي دورات في هالاختبار من افضلهم. ..سكور بلاس

جملك الله برضاه

[N7eEeS]

اختبار مطلوب للدراسات العليا في مجال الادارة و البزنس

فيه رياضيات و انجليزي

اغلب المراكز يعطون تدريب تأهيلي له و كأن جامعة قطر بعد

الله يوفقك :)


الله يجزاك خير

أولاً خذ جولة في هذا الموقع .. بيعطيك تصور كامل

http://www.gmattutor.com/


الجيمات ببساطة هو اختبار لقياس القدرات. الاختبار يقيس قدرات الطالب في جوانب الرياضيات و التحليل المنطقي، بالإضافة إلى قياس إجادة الطالب للغة الإنجليزية..

الجيمات مطلوب تقريبا في جميع جامعات العالم وخاصة الجامعات الامريكية او الجامعات اللي تتبع النظام الامريكي عند التقديم على دراسة ماجستير إدارة الأعمال.

الاختبار على الكمبيوتر و يتكون من ثلاثة أقسام (طبعا كل الاختبار باللغة الانجليزية):

1- اختبار الكتابة التحليلية (ساعة)
=== استراحة 10 دقائق ===
2- اختبار الرياضيات (ساعة و ربع)
=== استراحة 10 دقائق ===
3- اختبار الانجليزي (ساعة و ربع)



المجموع تقريبا 4 ساعات في مركز الاختبار (اشبع نوم و افطر زين )

و هنا شرح الأقسام بالتفصيل:

1- الكتابة التحليلية:


هذا القسم راح يطلب منك تكتب مقالتين (أو تعبيرين)، كل مقالة في نصف ساعة.

في المقالة الأولى راح يعطيك مقالة قصيرة و فيها استنتاج، و راح يطلب منك توضح نقاط الخلل في الاستنتاج هذا. ممكن تطعن في الحجج المذكورة، أو ممكن تقول اننا نحتاج معلومات إضافية لأن المعلومات الي عندنا ما تكفينا عشان نطلع بهذا الاستنتاج، و غيرها من النقاط. و عندك نصف ساعة تكتب فيها مقالتك.

في المقالة الثانية راح يعطيك موضوع نقاش معين يحتمل أكثر من رأي. المطلوب منك تحدد رأيك في هالموضوع و تدعم رأيك بالمنطق و الأدلة، و ممكن تذكر أمثلة من حياتك الشخصية. و أيضا عندك نصف ساعة تكتب فيها مقالتك.


**************


2- الرياضيات:

هذا القسم فيه 37 سؤال، و الاجابات اختيارات متعددة. وقت الاختبار 75 دقيقة، يعني عندك تقريبا دقيقتين لكل سؤال.

و نقطة مهمة هنا هي أن الأسئلة تزداد في الصعوبة كل ما كانت أجوبتك صح، و تقل الصعوبة كل ما كانت أجوبتك غلط. عشان كذا مستحيل تقدر تترك السؤال و ترجع له بعدين، لأن السؤال التالي يعتمد على اجابتك للسؤال الحالي.. يا أصعب يا أسهل. و طبعا مستحيل ترجع لسؤال جاوبته، أول ما تجاوب خلاص يختفي السؤال.

مواضيع الرياضيات كلها أساسيات من جميع المراحل الدراسية. مستحيل مثلا تشوف اشتقاق و تكامل. أغلب الأسئلة في الاختبار راح تكون في هالمواضيع:

- الهندسة: مساحة، محيط، حجم، أضلاع، زوايا... الخ.
- الجبر: معادلات، متراجحات (أكبر من و أصغر من)... الخ.
- الحساب: الكسور، الأعداد العشرية، الأسس و الجذور، القيمة المطلقة، الاحتمالات... الخ.
- مسائل حسابية: "عمر خالد يساوي ربع عمر محمد. بعد عشر سنوات عمر خالد يساوي نصف عمر محمد. كم عمر خالد؟" ... الخ.

و نقطة أخيرة في قسم الرياضيات هو وجود نوعين من الأسئلة.

- النوع الأول ما فيه شي غريب مجرد يطلب منك تحل السؤال و تختار الإجابة الصحيحة.
- النوع الثاني معقد شوي و يحتاج شرح

في النوع الثاني الاختبار يعطيك سؤال مستحيل ينحل (فعلا مستحيل موب لأنه صعب). ثم يعطيك معلومتين تحت السؤال عشان تساعدك في الحل.

المطلوب منك هو تحديد أي وحده من المعلومتين تكفيك عشان تحل السؤال.

مثال:

خالد عنده مسبح دائري في بيته. كم مساحة هذا المسبح؟

1- محيط المسبح = 25 متر. (المعلومة الأولى)
2- قطر المسبح = 8 متر. (المعلومة الثانية)

الاختيارات:

أ- المعلومة رقم 1 تكفيني الحالها عشان أحل السؤال، لكن المعلومة رقم 2 ما تكفيني الحالها لحل السؤال.
ب- المعلومة رقم 2 تكفيني الحالها عشان أحل السؤال، لكن المعلومة رقم 1 ما تكفيني الحالها لحل السؤال.
ج- أحتاج كل المعلومتين عشان أحل السؤال.
د- كل معلومة بحد ذاتها تكفي لحل السؤال.
هـ- السؤال ما ينحل. (يعني حتى لو اخذنا كل المعلومتين، لا زلنا نحتاج معلومات زيادة لحل السؤال).


الجواب هنا راح يكون "د". ليش؟

لأن لو أخذها المعلومة الأولى بحد ذاتها، فهي تكفي لحل السؤال. عندك المحيط، تقدر تطلع نصف القطر، ثم تقدر تطلع المساحة باستخدام نصف القطر.

و نفس الشي لو أخذنا المعلومة الثانية. عندك القطر، تقسمه على 2 يطلع لك نصف القطر، ثم تقدر تطلع المساحة باستخدام نصف القطر.

**************


3- الانجليزي:

هذا القسم فيه 41 سؤال، و أيضا اختيارات متعددة. و عندك 75 دقيقة أيضا للحل. يطلع لك اقل من الدقيقتين بشوي للسؤال. و نفس طريقة الرياضيات، الأسئلة تصعب و تسهل بناءا على أجوبتك.

الانجليزي فيه ثلاث أنواع من الأسئلة:

1- تصحيح الجمل: يكتب لك جمله و يحط خط تحت جزء منها. المقطع الي تحته خط احتمال ان فيه خطأ لغوي. و يطلب منك استدبال المقطع الي تحته خط بالمقطع الصحيح من الخيارات. و دائما الاختيار الأول راح يكون نفس الجملة الي تحتها خط، و معناه أن الجملة الأصلية سليمة.
2- التحليل المنطقي: يجيب لك مقطع بسيط و فيه استنتاج. ثم يسألك: أي واحد من الخيارات ممكن يدعم أو يضعف الاستنتاج؟ و أحيانا ممكن يسألك: أي واحد من الخيارات يعتبر استنتاج منطقي من المقطع؟
3- القراءة: يعطيك مقطع طويل شوي و يطلب منك تجاوب تقريبا 4 أسئلة عن المقطع.

و كل نوع من الأسئلة راح يجيك منه تقريبا 13 او 14 سؤال (و القراءة غالبا تجيك 4 مقاطع).





شخصيــــــا لا افضل الجامعات الامريكية بسبب هذا الامتحان لكن اللي قوي بالرياضيات بيكون الامتحان ممتع له، والافضل الجامعات البريطانية متطلباتها أقل ونوعية الدراسة تختلف شوي والمدة أقصر


بالتوفيـــــــــــــق


الله يجزاج خير المشكلة ان الجامعة بريطانيه وهي london business shcool
كانت المشكلة في الايلس طلع لنا هذا الاختبار، كلمت طالب سعودي يدرس فيها قالي ان هو رابع طالب سعودي يدرس فيها وفيها الحين اول طالب قطري قالي الايلس ماعندك مشكله فيه المشكله هذا الاختبار هو الصعب عاده ثلاث مرات طبعا غير شروط القبول الجامعه يتقدم لها 3000 طالب تقبل بس 400 كل سنه تقريبا وهي الاولى في بريطانيا في إدارة الاعمال حبيت اعرف اذا في معهد او مدرس يأهلك لهذا الاختبار وشكرا لج

طريقه التسجيل لهذا الإختبار عن طريق موقع
Www.ets.org
والمعاهد الي تعطي دورات في هالاختبار من افضلهم. ..سكور بلاس

جملك الله برضاه


مشكوره هذا سكور بلاس وينه في ؟
والله يجزاج خير

[تحداني]

تفضل اخوي هذا رقمهم
44368580

في السد .. بالتوفيق يارب

جملك الله برضاه

[روح الاطلس]

ايه نعم لندن بزنس سكول من اقوى الجامعات البريطانية في تخصصات الادارة وشهادتها جداً قوية

وبالعادة الجيمات اختبار مطلوب في الجامعات الامريكية لكن ربما مطلوب ايضاً في هذه الجامعه

اطلعت على موقع الجامعه فعلاً متطلباتها جداً دقيقة وعالية

لكن تقدر تراسل خمس او ست جامعات اخرى موجودة في قائمة المجلس الاعلى للتعليم وتقدر تاخذ القبول منها بشروط أسهل واقل بس يكون معاك ايلز 6 او 6 ونص ورسالتين توصية من احد اللي درسوك بالجامعه او مديرك بالعمل مع مقالة صغيرة تكتب فيها لماذا تريد الالتحاق بالبرنامج عشان تاخذ قبول غير مشروط وبالعادة الدراسة تبدأ في سبتمبر من كل سنة ( هذا في حال تصعَب عليك الحصول على قبول من لندن بزنس سكول، واحيي طموحك :) )

[روح الاطلس]

من ناحية لو تبي معهد يعطي دورات تحضيرية للجيمات شوف مركز العطية ومركز ثاني اظن اسمه برينستون ( بتأكد لك من الاسم)

لكن العطية اتوقع يعطي كورسات

[N7eEeS]

تفضل اخوي هذا رقمهم
44368580

في السد .. بالتوفيق يارب

جملك الله برضاه


مشكوره والله يجزاج خير

ايه نعم لندن بزنس سكول من اقوى الجامعات البريطانية في تخصصات الادارة وشهادتها جداً قوية

وبالعادة الجيمات اختبار مطلوب في الجامعات الامريكية لكن ربما مطلوب ايضاً في هذه الجامعه

اطلعت على موقع الجامعه فعلاً متطلباتها جداً دقيقة وعالية

لكن تقدر تراسل خمس او ست جامعات اخرى موجودة في قائمة المجلس الاعلى للتعليم وتقدر تاخذ القبول منها بشروط أسهل واقل بس يكون معاك ايلز 6 او 6 ونص ورسالتين توصية من احد اللي درسوك بالجامعه او مديرك بالعمل مع مقالة صغيرة تكتب فيها لماذا تريد الالتحاق بالبرنامج عشان تاخذ قبول غير مشروط وبالعادة الدراسة تبدأ في سبتمبر من كل سنة ( هذا في حال تصعَب عليك الحصول على قبول من لندن بزنس سكول، واحيي طموحك :) )


من ناحية لو تبي معهد يعطي دورات تحضيرية للجيمات شوف مركز العطية ومركز ثاني اظن اسمه برينستون ( بتأكد لك من الاسم)

لكن العطية اتوقع يعطي كورسات


بالاول راح احاول مع لندن بزنس سكول وبعدها ان شاء الله باشوف الخيارات الثانيه ومشكوره ماقصرتي والله يجزاج خير