ياريت نستعد من الان ونخطط للصيف الدولة الي بنسافرها ؟؟

[قطري2012]

ياريت نستعد من الان ونحجز للسفره للصيف القادم ويكون تخطيطنا
من الان حتى نحصل اسعار رخيصه وايضا يكون حجزنا مرتب
ونعرف وين بنروح في الدوله اللي مخططين نروحها
وناخذ معلومات كافيه ولا يكون عشوائي وشغل سريع
ايش رايكم :discuss:

[للصبر اخر]

الله يحيينا لين الصيف

[ريم المدينة]

شغل حلو بس للطوارئ احكام والاجازات بعد....

[مــــلاك]

اي والله ياريت .. عن نفسي احب استعد بس مب شهر يناير
نقرر شهر 2 او 3 وبعدها نبدأ الحجز ..

بالنسبه لاسعار التذاكر الحمد لله نحصل سعر حلو بس مب رخيص طبعا لانه على القطريه
والسكن احسن شي فيه اني احصل خيارات وايد واسعار جيده

[الكواري 1972]

على وين تنصحوني

[قطري2012]

شكرا اخواني على مرروركم وتفاعلكم
بالنسبه لي انا قاعد اجمع افكاري واعمل سيرج :telephone:
حتى احدد من الحين المكان واحجز:)

[تغلبية]

أنا أأيد التخطيط المسبق للاجازات والسفر وخاصة للعوائل واللي عندهم عيال بالمدارس
منها الواحد يقدر يستفيد ويستمتع بشكل أكبر بالاجازة ويكون منظم لها صح ..
من ناحية المادة والسيولة بحيث يعرف اشكثر يبيله ويجهز المبلغ قبل.. وما يتم يحرق البطاقة كلها بمدفوعات وعقبها يتم مديون طول السنة!!

هذا غير ترتيب جدول الرحلات في السفر .. وترتيب التنقلات بين دولة ودولة او مدينة و مدينة

وايضاً .. غير التجهيز للسفر ..
بعض الدول تكون باردة في الصيف أو تحتاج نوع معين من الملابس ما تتوفر وقت السفر
لكن لما الواحد عارف وين بيروح قبل بوقت راح يجهز للسفرة بسعة ..

[مــــلاك]

على وين تنصحوني


سويسرا ...

امريكا << تخطيطنا ان شاء الله

[أنا أحبكم]

لن أخرج عن دول الخليج ان شاء الله
أنا أعشق التراب الخليجي حتى الموت !

[ANONYMOUS]

عالقطريه ل باريس

ايكونومي من ٤ يناير لين ١١ ب ٤٣٥٠ ريال

ف إجازة نص السنه

من ١٣ لين ٢٠ ب ٤٠٢٠ ريال


إجازة اخر السنه

من ١ يوليو لين ٨ يوليو

ب ٤٨٩٠ ريال



من ٣ ديسمبر لين ١٠

ب ٤١٩٠ ريال



مع العلم الاسعار بتكون أغلا كل ما قرب الموعد


حد يشوف لنا طيران اخر بنفس التواريخ عشان نقارن

[مــــلاك]

الاسعار ماشوفها تغيرت الا زادت ..حسبي الله عليهم
بس في شي لاتنساه انك تاخذ هالسعر لارخص سعر على السياحيه ..حزات السياحيه على اخر الايام
توصل لــ 6000 ريال وشي

اتوقع لو دورت طيران ثاني بيكون ارخص اكيــد ..

بالنسبه للســكن كل ماقررت قبل تلقى خيارات اكثر واسعار احلى وانواع من الغرف
خاصه لو كان العدد كبير او لكم طلبات خاصه في الفندق او الشقق

[المتحدث الرسمي]

.....

بالنسبه لي قاعد اخطط للجدول حالياً

وان شالله اني بحجز على شهر 2 او 3 ان الله راد

.....

[Bin Hood]

التخطيط شي طيب
لكن ان تحجز قبل 6 شهور
الواحد ما يعرف شنو راح يصيده في المستقبل من ظروف

[ضوى]

شخصيا ماحددت للحين ، في بالي تركيا ، بس مب عارفة الاجازة بالضبط متى حتى اعرف اخطط عدل

[قطري2012]

مادري احس ان احد المشرفين تدخل و زاد عنوان الموضوع !!!!!!!!!!!!!!!!!!!!!!
مب العنوان اللي انا كاتبه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[مشتاقة لقطر]

اممممممم نحب مال بسرعة بسرعة ..

لان نشتط مرة وحدة ..

[هام السحاب]

من الحين لي شهر سبعه يصير خير
للتذكير رمضان السنه ان شاء الله بيكون 20\7\2012

[لولو ومرجان]

انا معاك الصراحة ان السفر بتخطيط بينعكس على السفره بشكل رااائع
انا ان شاء الله خططت للصيف باذن الله على جولد كوست - استراليا من 27/6 الى 20/7 ،، حجزت تذاكر عالخطوط الاماراتيه طبعا وباشرت في عمل الفيزا والسكن ان شاء الله على شقق اسمها circle on cavill وحاليا ابحث عن الاماكن اللي ممكن نزورها فرجاء اللي عنده معلومه يفيدنا فيها .
ويعطيكم الف عافية،،،

[blueZircon]

الترتيب والتخطيط شي مهم صراحه ، انا عن نفسي بااذن الله اذا الله احيانا الصيف بيصادف عرسي وسفرتي بتكون كشهر عسل وان شاءلله الوجهه بتكون استراليا ، سيدني لمدة عشر ايام ثم جزيرة هاميلتون ليلتين ومن ثم قولد كوست لمدة اسبوع.

[شموخ دائم]

,

,


مرحبا

موضوع طيب

من يخطط الى ميونخ؟؟

التاريخ من؟.... الى ؟

السكن ...؟

زياره قمه قارمش

زياره بحيره ذا لامسي والسكن 3 ليالي

زيارة فينا ؟ او دوله او منطقه ثانيه ؟؟؟ قبل العوده الى الدوحه
:)






,

,


اخوك


شموخ دائم

[تحداني]

ودنا انسافر هالصيف بس مواعيد الجامعه والمدارس والدوامات ورمضان كلها ورى بعض
هالسنه رمضان 20 - 7 وين يمدي الواحد يسافر


بس نقرر لازم انرتب قبلها على الاقل ابشهر



جملك الله برضاه

[غايه الطواش]

مافي سفر ...وبصراحه ماحب اسافر فالصيف ...زحمه وكل شي غالي ...

[بو خليفه 123]

ان شاء الله سفرتنا بالعيد و بشبك معها السنويه

لندن 3 ليالي و من هناك الى امريكا لوس انجلوس دايركت و من هناك بناخذ جوله عائليه بالسياره

[آنــه]

انا إجازتي بتكون شهر نوفمبر اذا الله أطال في أعمارنا
بتكون لندن اذا الله كتب و وفق

[المحاميه]

ماحب اسافر فالمواسم عشان اتجنب الزحمه ..

حاطه فبالي اسافر نهاية 9 او بداية 10
منها الجو يكون اعتدل
والناس تكون فدواماتها يعني مب موسم سفر

مع ان كنت افضل ازور اوروبا في ابريل (شهر 4)
بس الميزانيه راحت

اشرايكم فالتخطيط

[كايد الوكره]

افضل السفر للدول الاوروبيه من شهر 10 الى شهر 5

بعيداً عن زحمه الخليج الخانقه

.
.

ترتيبي باذن الله شهر 9 الى اسبانيا

[خزامئ]

حد عنده فكره متا تبداء الاجازه اخر السنه
لن الجدول الي عطونا اياه حق نص النسه تغير
والحين اكيد اخر السنه بيتغير

[alma3ani]

الصراحه بديت احسد الي بيروحون استراليا هيضو علي المشاعر فعلا من اجمل الدول

بنسبة لي للحين السفر مو امبين معالمه وما اتخيل يجي الصيف من دون ما اسافر احس في شي غلط مع ان انا اساسا ادرس برا بس مع ذالك احب اسافر بصيف مع الناس خخخخخخ

الوجهة بتكون الى اوربا يا فينا وميونخ مثل السنة الي فاتت واتكون قبل رمضان

او سويسرا والريفيرا الفرنسية وميلانو وممكن باريس بعد واتكون بعد العيد

وممكن اروح مع الربع شرق اسيا قبل رمضان اذا كانت سفرت الاهل بعد العيد

قد ما نقدر انرتب من قبل بس الي وياي كل يوم لهم راي وانا ماعلي الاشنطتي وين مايقولون لي روح اروح خخخخخخخ اعشق السفر

[NINA RICCI]

ان شاءالله فالعيد نسافر عن الزحمه .. to london

[Qatar Knight]

يعطيكم العافيه والصراحه مثل ماقلتو التخطيط شي مهم وانا بديت اخطط على اسبانيا من الحين