ttt الأخوات/ هل هذا تبذير ttt

[شبح الصمت]

<< سـؤال >>


كم عدد الاعراس التي تحضرها المرأة في السنـه

كم عدد الفساتيـن التي تستهلكها لكل حفله وكل ومناسبه

كم قيمة كل فستان أو عبايه تخاط من أجل هذه المناسبات

كم عدد المرات التي تلتبس فيها

كم تكلفة مواد التجميل في كل مره



وأسئلة أخرى

هل تحس الفتاة باحراج اذا قامت بلبس الفستان اكثر من مره

عند عدم قدرة الفتاه شراء فستان هل تقوم بتوجيب العالم وحضور مناسباتهم أم أنها تغاضى عن المشاركه معهم وعدم الحضور لهذه الاسباب !!

وهل لو حضرت الفتاه بعبايتها راح تـنـتقد من العالم !!

وفي النهاية

هل ترى كل فتاه انه هذا تبذير أم أنه نوع من الكماليات يجيب عليـهـا مجارته مع النساء !!!

طبعا الرجال مغلوب على أمره روح وتعال اهم شيء في السالفه كلها للرجال

قرقش مخباك يا حســين



والسموحه عالاطالة

[chillis]

صباحك الخير اول :)
الحمدلله قليل ما احضر مناسبات وجدا والفستان عادي اكرره بس فعلا اعتبر نفسي مسرفه بشراء شنطه بقيمه وبزمنا ذي صارت الي ما تلبس يشوفونها بنص عين :(

[للصبر اخر]

صباح الخير
كلامك صح اخووي
بس ترى مو الكل
انا معاك تبذيير بس الوضع صار لايطاااق
اقل عبايه عااديه ماتخيط الا فوق 500 او 600 فما بالك بالفستاان
ومافيها شي لو قعدت بالعبايه
شي عااادي

[شبح الصمت]

صباحك الخير اول :)
الحمدلله قليل ما احضر مناسبات وجدا والفستان عادي اكرره بس فعلا اعتبر نفسي مسرفه بشراء شنطه بقيمه وبزمنا ذي صارت الي ما تلبس يشوفونها بنص عين :(

انزين شنو شعورك انتي ماخذه شنطه قيمتها 15 ألف

وتجيك وحده عندها حكم الي عندج ماخذتها بـ 700 ريال ( تقليد درجة أولى )

والثنتين قد لهم سنه كاملة يستعملون والي عندج تخترب وتقطينها !!

شنو شعورج ما تحطمين !!

لانه صراحه مبالغ في البنات تاخذ شنطه قيمتها 15 ألف ابي اعرف بس عشان اسم المحل لو محل مشهور وخليجي ويسوي هالشغلات هل راح يكون له اسم نفس الاسم الاجنبي !!!

:telephone:


صباح الخير
كلامك صح اخووي
بس ترى مو الكل
انا معاك تبذيير بس الوضع صار لايطاااق
اقل عبايه عااديه ماتخيط الا فوق 500 او 600 فما بالك بالفستاان
ومافيها شي لو قعدت بالعبايه
شي عااادي



صادقه كل شيء في ارتفاع بس يعجبني الي على سجيته يعني لو وحده ايا كانت الي بتتزوج قريبه منها

تبدل مع بنت خالتها بنت عمتها احسن ما تشتري فستان ما يقل عن 5 الاف وما ينلبس الا مره فالسنه

[قلبي الطيب]

إذا تبي ترقص لازم فستان
وبنظري البنت الذكية تشوف متى آخر عرس لبسته فيه وتشوف إذا نفس الجماعة ولا لا وتغير بالشعر يعني تطلع بلوك جديد

[سونيتا]

صباح الخير والسرور

أول شي قليل أروح للأعراس وخصوصا في السنتين الأخيره ....لكن قبل كذا لما كنت اروح أعراس كنت لا أنحرج من لبس الفستان في أكثر من مناسبه أول شي أحلل قيمته وثاني شي منو بيتذكر عشان يتذكر وأستغرب من بعض البنات اللي خلاص أنا لبسته بمناسبه خلاص ماينلبس مره ثانيه حراااااااااااااااام والله وكلنا نعرف الحين أسعار الفساتين أقل فستان مايقل عن 1500 ريال هذا الأقل فمابالكم بالغالي وترى النعمه زواله ...
وماعندي مشكله أحضر عرس وعباتي على .....انا أشوف أنه تبذير إذا كل مناسبه بفستان....

[بصمة قطرية]

السلام عليكم
كل اللي ذكرته تبذير طبعاً ..

بالنسبة لي ..
اكتفيت بكم عباية خاصة بالأعراس
مش لازم كل عرس عباية جديدة ..
و الفساتين الله يخلي اسواق السعودية
ربع سعر أسواق الدوحة نفس الفساتين بالضبط ..
سنين الحمدلله ما حطيت ريال في فستان من الدوحة ..
مش عيب اني أكرر الفستان ..
و الفساتين البسيطة والناعمة الأفضل والأجمل واللي من الممكن ان الوحدة تكررها ..
و المكياج مش لازم كل عرس بروح اتمكيج ب 500 أو 1000
الحمدلله أعرف للمكياج و مش محتاجة لصالون ,,
أنصح كل بنت انها تاخذ دورات في المكياج و تفك عمرها من المخاسير اللي ما لها داعي ..
الأسعار في الصالونات نااااااااااار ..
و كل ما لها و ترتفع حرام والله حرام اسراف و تبذير ..
الأعراس العادية اللي مش من الأهل طبعاً شي أكيد نروحها بالعباية ..
الأمر جداً عادي ..

[chillis]

انزين شنو شعورك انتي ماخذه شنطه قيمتها 15 ألف

وتجيك وحده عندها حكم الي عندج ماخذتها بـ 700 ريال ( تقليد درجة أولى )

والثنتين قد لهم سنه كاملة يستعملون والي عندج تخترب وتقطينها !!

شنو شعورج ما تحطمين !!

لانه صراحه مبالغ في البنات تاخذ شنطه قيمتها 15 ألف ابي اعرف بس عشان اسم المحل لو محل مشهور وخليجي ويسوي هالشغلات هل راح يكون له اسم نفس الاسم الاجنبي !!!

:telephone:





صادقه كل شيء في ارتفاع بس يعجبني الي على سجيته يعني لو وحده ايا كانت الي بتتزوج قريبه منها

تبدل مع بنت خالتها بنت عمتها احسن ما تشتري فستان ما يقل عن 5 الاف وما ينلبس الا مره فالسنه

المساله نفسيه بالنسبه لي تقليد درجه اولى بالاخير اسمه وعموما ما كلف على نفسي على قد قدرتي الماديه اشتري

[شبح الصمت]

إذا تبي ترقص لازم فستان
وبنظري البنت الذكية تشوف متى آخر عرس لبسته فيه وتشوف إذا نفس الجماعة ولا لا وتغير بالشعر يعني تطلع بلوك جديد



لازم يعني عشان تلفت الانتباه

المهم

صادقه تغير اشوي من شعرها المكياج

تروح تودي الفستان الخياط تقوله يضيف لها اشياء او يسوي تشيكله على الفستان شالمشكلة يعني !!
:nice:

[شبح الصمت]

صباح الخير والسرور

أول شي قليل أروح للأعراس وخصوصا في السنتين الأخيره ....لكن قبل كذا لما كنت اروح أعراس كنت لا أنحرج من لبس الفستان في أكثر من مناسبه أول شي أحلل قيمته وثاني شي منو بيتذكر عشان يتذكر وأستغرب من بعض البنات اللي خلاص أنا لبسته بمناسبه خلاص ماينلبس مره ثانيه حراااااااااااااااام والله وكلنا نعرف الحين أسعار الفساتين أقل فستان مايقل عن 1500 ريال هذا الأقل فمابالكم بالغالي وترى النعمه زواله ...
وماعندي مشكله أحضر عرس وعباتي على .....انا أشوف أنه تبذير إذا كل مناسبه بفستان....

يعطيج العافيه
الوحده يعني مهب غلط ان البسته اكثر من مره
يعني ما تحس بفشيله
شاكر لج مشاركتج



السلام عليكم
كل اللي ذكرته تبذير طبعاً ..

بالنسبة لي ..
اكتفيت بكم عباية خاصة بالأعراس
مش لازم كل عرس عباية جديدة ..
و الفساتين الله يخلي اسواق السعودية
ربع سعر أسواق الدوحة نفس الفساتين بالضبط ..
سنين الحمدلله ما حطيت ريال في فستان من الدوحة ..
مش عيب اني أكرر الفستان ..
و الفساتين البسيطة والناعمة الأفضل والأجمل واللي من الممكن ان الوحدة تكررها ..
و المكياج مش لازم كل عرس بروح اتمكيج ب 500 أو 1000
الحمدلله أعرف للمكياج و مش محتاجة لصالون ,,
أنصح كل بنت انها تاخذ دورات في المكياج و تفك عمرها من المخاسير اللي ما لها داعي ..
الأسعار في الصالونات نااااااااااار ..
و كل ما لها و ترتفع حرام والله حرام اسراف و تبذير ..
الأعراس العادية اللي مش من الأهل طبعاً شي أكيد نروحها بالعباية ..
الأمر جداً عادي ..

كلامج صحيح
ويعجبني هالتفكير
بس تعالي بس بعد مخاسير اصك لين السعودية عشان فستانين

والا انتي مره وحده تاخذين الي بخاطرج بس مشكلة في هالفترات يمكن الواحد يمتن يمكن يضعف يمكن ههههههههههههههه
:)




المساله نفسيه بالنسبه لي تقليد درجه اولى بالاخير اسمه وعموما ما كلف على نفسي على قد قدرتي الماديه اشتري


صحيح لا يكلف الله وسعا الا نفسها

وياج وما تنلامون
لانه البنات لهم موضة الشنط لانه في بنات الي تبرزهم عن غيرهم الشنطه اهي الي بتكون واضحه قدام البنات ومعروفه قيمتها

اما احنا الشباب نبرز في اشياء كثيرة الاقلام الازره الساعات تكرمين النعل الله يعز الحاضرين

[بصمة قطرية]

كلامج صحيح
ويعجبني هالتفكير
بس تعالي بس بعد مخاسير اصك لين السعودية عشان فستانين

والا انتي مره وحده تاخذين الي بخاطرج بس مشكلة في هالفترات يمكن الواحد يمتن يمكن يضعف يمكن ههههههههههههههه
:)



تقدر تقول آخذ بالجملة ..
مش كل يوم بتعنى لين هناك عشان فستان ..
اممممم يعني عادي اطلع بثلاث اربع .. :nice:
و بعدين في كنترول الحمدلله المقاس ثابت ..

[ضوى]

كم عدد الاعراس التي تحضرها المرأة في السنـه

يعتمد ، الزواج قسمة ونصيب والحمد لله عندنا وايد بنات ومايدري الواحد متى يصير هالشي

كم عدد الفساتيـن التي تستهلكها لكل حفله وكل ومناسبه

كل حفلة فستان

كم قيمة كل فستان أو عبايه تخاط من أجل هذه المناسبات

شخصيا مايتعدى 3000 اذا المناسبة لهلي او اهل زوجي

كم عدد المرات التي تلتبس فيها

مرة

كم تكلفة مواد التجميل في كل مره

تتراوح بين 300 إلى 500



وأسئلة أخرى


هل تحس الفتاة باحراج اذا قامت بلبس الفستان اكثر من مره

الصراحة ايه ، بس عادي البس الفستان لناس غير او مناسبة ثانية واللي يف المناسبة الاولى مايكونون موجودين فبيكون جديد للمناسبة الثانية

عند عدم قدرة الفتاه شراء فستان هل تقوم بتوجيب العالم وحضور مناسباتهم أم أنها تغاضى عن المشاركه معهم وعدم الحضور لهذه الاسباب !!

لازم اوجب الناس حتى لو ماعندي قدرة ، بكرة ابي الناس توجبني ، ومب لازم اتكلف البساطة حلوة وكلش كلش اكون بعباية مناسبات خاصة لمثل هذه الحالات

وهل لو حضرت الفتاه بعبايتها راح تـنـتقد من العالم !!

اللي ينتقد بكيفه ، لكن مايهمني

وفي النهاية

هل ترى كل فتاه انه هذا تبذير أم أنه نوع من الكماليات يجيب عليـهـا مجارته مع النساء !!!

ليش كماليات وتبذير ، يعني فرح ومناسبات الواحد يروح بملابس البيت مثلا ؟؟ والا جلابية عادية ؟؟ لازم الواحد يوجب الناس حتى الناس يوجبونه بكرة ، مع عدم التكلف في الشي

[الأصيلة]

يعني الموضوع خاص فينا النساء
شكرا لك ياشبح الصمت..
اللبس والتكشخ حسب المناسبات وحسب القناعات..
بعض الحريم بسبب اهتزاز الثقة بالنفس تعوض في شراء ملابس غالية
وفي نفس الوقت غير مناسبة...
أنا أشوف أهم شي الجودة والتناسق
سواء كان غالي أو رخيص ( شنطة كانت أو بدلة أو فستان أو عباية )
ومافيه داعي أهذر عن اللي ألبسه من وين ؟ وبكم ؟
بالنسبة لي شخصيا ألبس الغالي والرخيص
مايهمني غير شكله وموديله وتناسق ألوانه
وأحرص كثيرا على اختيار الأفضل ..
وأكرر ملابسي بين فترة وأخرى
فقد ألبس بدلة وبالصدفة أجد عندي حذاء أو شنطة
مناسبة جدا بدون ما أقصد..
فيظن البعض إني متعنية ومخسره عشان أطقم...
والتوفيق من الله
فيه حريم يصرون على لبس الفستان الماركة ..
بينما عندي الخياط يضبط أحلى من الماركات وأشيك...
لـ أني أستخدم أجود الأقمشة..وأختار الألوان المناسبة...
أهم شيء الذوق وبس...

[للصبر اخر]

انزين شنو شعورك انتي ماخذه شنطه قيمتها 15 ألف

وتجيك وحده عندها حكم الي عندج ماخذتها بـ 700 ريال ( تقليد درجة أولى )

والثنتين قد لهم سنه كاملة يستعملون والي عندج تخترب وتقطينها !!

شنو شعورج ما تحطمين !!

لانه صراحه مبالغ في البنات تاخذ شنطه قيمتها 15 ألف ابي اعرف بس عشان اسم المحل لو محل مشهور وخليجي ويسوي هالشغلات هل راح يكون له اسم نفس الاسم الاجنبي !!!

:telephone:





صادقه كل شيء في ارتفاع بس يعجبني الي على سجيته يعني لو وحده ايا كانت الي بتتزوج قريبه منها

تبدل مع بنت خالتها بنت عمتها احسن ما تشتري فستان ما يقل عن 5 الاف وما ينلبس الا مره فالسنه

لا مو 5000
انا حدي في الفستان 2000 بس مايتعدى اذا كانت مناسبة شخص قريب
واذا مو قريب ما اروح اصلا لاني ماحب
ونطلع قيمته
وبصراحه مو بس انا البسه مثل ماقلت عندنا بنات يلبسوونه
وبعد كم مره اتبرع فيه

[دااانة قطر]

كم عدد الاعراس التي تحضرها المرأة في السنـه
السنه هذي حضرت 3 أعراااس خااصه و4 أعرااس معاارف


كم عدد الفساتيـن التي تستهلكها لكل حفله وكل ومناسبه
خااصة تستحق كل شي جديد يعني عرس أهلي وقرااب مني لاابد يكون كل شي جديد يعني والبااقي شغلااات ماقد لبستها وموجوده عندي بس مو فستاان بمعنى فستاان


كم قيمة كل فستان أو عبايه تخاط من أجل هذه المناسبات
اغلى عباايه فصلتها كاانت من الإماارات 1200 وأغلى فستان هم أخذته من الإماراات بـ2500 بعد الخصم:)


كم عدد المرات التي تلتبس فيها
أهم شي جديد لقراايبي لأني راح أكون في الوااجهه والبااقي العباايه والشنطه والميك اب والتسريحه تكفي


كم تكلفة مواد التجميل في كل مره
الميك والتسريحه في حدود1000
وفي الفتره الأخيره فديت اختي صاارت تحط لي الميك اب والحمدلله الكل يمدح
:)


هل تحس الفتاة باحراج اذا قامت بلبس الفستان اكثر من مره
في بناات ينحرجون وعن نفسي فستاان لبسته في 2005 في عرس صديقتي وكررته في كذا مناااسبه بس فترات متبااعده ومع ناااس غير فأشوفه عاادي


عند عدم قدرة الفتاه شراء فستان هل تقوم بتوجيب العالم وحضور مناسباتهم أم أنها تغاضى عن المشاركه معهم وعدم الحضور لهذه الاسباب !!
أحب اوجب القريب والبعيد او معرفه سطحيه وأعتذر إذا كنت مدعوه وسط نااس ماعرفهم لأني أحس بالملل بسرعه او اوجب وكلها سااعه واطلع خااصة اذا كاانت الدعوه شخصيه ( شخص وااحد) أكره حركه تصير :rolleyes2:
استغرب من البعض في الاونه الأخيره ( فستاان لعرس قراايب الصديقه .. فستاان لعرس اخو صديقتي .. عرس خاال خاالة عم عمة ...........الخ) اشوف مااله دااعي الا اذا تبي تلفت النظر عشاان الزوااج :shy:


وهل لو حضرت الفتاه بعبايتها راح تـنـتقد من العالم !!
بصرااحه في عباايات خااصة للأعرااس وعباايات خاصه للزياارات وعباايات للدوام فماشوف في احرااج


هل ترى كل فتاه انه هذا تبذير أم أنه نوع من الكماليات يجيب عليـهـا مجارته مع النساء !!!
كل شي باعتداال يكون له وقع خااص وحلو ومميز
وأهم شي لحد يخرعنا بالميك اب الثقيل :( سوولي عقده


تسلم عالطرح

[دااانة قطر]

يعني الموضوع خاص فينا النساء
شكرا لك ياشبح الصمت..
اللبس والتكشخ حسب المناسبات وحسب القناعات..
بعض الحريم بسبب اهتزاز الثقة بالنفس تعوض في شراء ملابس غالية
وفي نفس الوقت غير مناسبة...
أنا أشوف أهم شي الجودة والتناسق
سواء كان غالي أو رخيص ( شنطة كانت أو بدلة أو فستان أو عباية )
ومافيه داعي أهذر عن اللي ألبسه من وين ؟ وبكم ؟
بالنسبة لي شخصيا ألبس الغالي والرخيص
مايهمني غير شكله وموديله وتناسق ألوانه
وأحرص كثيرا على اختيار الأفضل ..
وأكرر ملابسي بين فترة وأخرى
فقد ألبس بدلة وبالصدفة أجد عندي حذاء أو شنطة
مناسبة جدا بدون ما أقصد..
فيظن البعض إني متعنية ومخسره عشان أطقم...
والتوفيق من الله
فيه حريم يصرون على لبس الفستان الماركة ..
بينما عندي الخياط يضبط أحلى من الماركات وأشيك...
لـ أني أستخدم أجود الأقمشة..وأختار الألوان المناسبة...
أهم شيء الذوق وبس...


صدقتي والله
اهم شي بدون ماتسألين تجيج وحده تسأل شراايج في فستااني ولا شنطتي ولا السااعه ووووووو وتبتدي تسرد القصه كلها وانتي لين الحين ماسألتي ويمكن ومانتبهتي
وفي نااس اعوذ بالله من بعيد يقزون انتي ايش كنتي لاابسه ويفصفونج من الى


الله المستعاان

[catqat]

طبيعي اسراف في حالة الخبال والمزابة.... وهالموضوع كثر ماعلجوا فيه،،،، لكن الواحد بهالزمان يجاري، خصوصا لو الله منعم ع الوحدة براتب وخير. ومحد عليه قصور هالايام،، عادي اتخيط بكل مناسبة فستان، والذكية تسوي كوبي بيست للفستان الاصلي عند خياط بـ600 ريال بدل 5000، الموضوع موضوع ذكاء، شلون الواحد يعرف يستمتع وبنفس الوقت يوفر ومايسرف..

[الأصيلة]

نصيحة للأخوات ..


في الأعراس حاولي تلبسين عباية سادة إذا انتي لابسه
فستان سهرة حلو ..
حتى ماتغطي العباية على الفستان ...
إلا إذا عباية مسكرة ومايبين الفستان هذا شيء ثاني...

ملاحظة..

أنا مب ذابحيني إلا ها البنات اللي ما أطلعوا من البيضة ( بين 13 - 16 )
لما تكون مناسبة عندهن يجننون الأم
مايعجبهم أي شيء ويشترطون مكياج معين وتسريحة معينة
كانها تتخيل محد في العرس إلا هي ...
ياكثر مايتشكون بعض الأمهات من ها النوع من البنات...
تشوفينهم في السوق من محل إلى محل ...

[ضوى]

نصيحة للأخوات ..


في الأعراس حاولي تلبسين عباية سادة إذا انتي لابسه
فستان سهرة حلو ..
حتى ماتغطي العباية على الفستان ...
إلا إذا عباية مسكرة ومايبين الفستان هذا شيء ثاني...

ملاحظة..

أنا مب ذابحيني إلا ها البنات اللي ما أطلعوا من البيضة ( بين 13 - 16 )
لما تكون مناسبة عندهن يجننون الأم
مايعجبهم أي شيء ويشترطون مكياج معين وتسريحة معينة
كانها تتخيل محد في العرس إلا هي ...
ياكثر مايتشكون بعض الأمهات من ها النوع من البنات...
تشوفينهم في السوق من محل إلى محل ...

اييه والله صدقتي ، ماشاء الله عليهم مراهقة بهالاشياء ولا مراهقة باشياء ثانية يالاصيلة والا اشرايج ؟

[الأصيلة]

اييه والله صدقتي ، ماشاء الله عليهم مراهقة بهالاشياء ولا مراهقة باشياء ثانية يالاصيلة والا اشرايج ؟

أكيد إنها افضل من غيرها أختي ضوى
لكن بنات ها الأيام لهم حركات غريبة بطلباتهم..
وخاصة لما تبغي تقدم هدية لصديقتها..
يصممون إلا ماركة ...مثل ما اشتكت بعض الأخوات...
أساور وعلاقات وتغليف ما أدري شلون..
حلو البنت تكون سنع وكريمة لكن مب على حساب أهلها وبدون تقدير لـ أحوالهم المادية..
أنا أقصد البعض مب الكل..
مثل ماشفت وسمعت...

[تحداني]

اشحلاه هالموضوع من الصبح :) وخاصه لما نشوف مداخلات رجاليه
هي شغله ما يقدر يحس فيها الرجل ابدا والمرأه تحسبها وتقدرها بطريقه ثانيه
سبحان الله خلقت للجمال والجمال خلق لها

هو ما نقدر نقول خباله ولا جنون ولا قله فهم ووعي
هي قناعات وافكار تختلف من وحده للثانيه ومن بيئه لبيئه ومن وضع اجتماعي لوضع اجتماعي
اسئلتك يا اخوي شبح حلوه بس مهما تعددت الاجابات ما راح تقدر توصل لإجابه مقنعه
لان القناعات تعددت بتعدد النساء


جملك الله برضاه

[بـــــــنت النوخـّــــذه]

<< سـؤال >>



وهل لو حضرت الفتاه بعبايتها راح تـنـتقد من العالم !!

والسموحه عالاطالة


على طاري العبي مانفصخ عباياتنا كلش كلش كلش بالثلاث بأي مناسبة من المناسبات اذا كانت خارج المنزل إلا مناسبة تخص الاخ او الاخت وبسسسسسسسسسسسسسسسسسسسسسسسسس

والباقي احضر بعباتي :nice:

اكثر كشختي بالشناط والساعات والخواتم والعبي بالمناسبات بس 00 وبالنسبة للسعر اهههههههه عاد على حسب بس الاهم اني البس عشان عيوني :shy: مهب عشان عيون فلانه وعلانه ومجتمع نون النسوه

صبحكم الله بالخير:nice:

[كازانوفا]

عشان اكون صريحه معاك
اذا العرس لاحد القرائب اكيد بجيب لي واحد جديد بس اذا مش قريب لي يمكن العبايه هي اللى اوقات اضطر اغيرهااا لاني ما افكر اني اشيلها بعرس ما اعرف مين فيه غير اهل العروس او المعرس
بس الحمدلله فساتيني ما تكلفني الشي الفلاني لانهااا ليله وبتعدى وما اظن العرس ما راح يمشي اذا ما غيرت الفستان

[ضوى]

أكيد إنها افضل من غيرها أختي ضوى
لكن بنات ها الأيام لهم حركات غريبة بطلباتهم..
وخاصة لما تبغي تقدم هدية لصديقتها..
يصممون إلا ماركة ...مثل ما اشتكت بعض الأخوات...
أساور وعلاقات وتغليف ما أدري شلون..
حلو البنت تكون سنع وكريمة لكن مب على حساب أهلها وبدون تقدير لـ أحوالهم المادية..
أنا أقصد البعض مب الكل..
مثل ماشفت وسمعت...

اييه والله يالاصيلة ، بس الحمد لله بنتي قنوعة ، هي ماتاخذ ماركات بتاخذ لربعها ، هداياها لهم بسيطة عطر ، مكياج ، ساعة يعني من هالسوالف ، والصراحة انا اشجعها ابيها تصير اجتماعية مع الناس وتكون شخصية محبوبة في وسطها

[حمد بن خالد]

الحمدلله على الثوب الابيض بـ 160 ريال

الحمدلله الغتره بـ 80 ريال

والعقال ماذكر بكم لان من لبسته وهو لي الحين على راسي وماغيرته



الحمدلله ياااارب


:nice:

[Only Me]

كل البنات يقولون قليل ما نروح الاعراس اجل من الي يروح

[كلنا قطر 1981]

إذا تبي ترقص لازم فستان
وبنظري البنت الذكية تشوف متى آخر عرس لبسته فيه وتشوف إذا نفس الجماعة ولا لا وتغير بالشعر يعني تطلع بلوك جديد

هي رايحه عرس تقوم بالواجب ولا رايحه عباره عن رقاصه ؟؟؟؟؟:secret:

[تحداني]

الحمدلله على الثوب الابيض بـ 160 ريال

الحمدلله الغتره بـ 80 ريال

والعقال ماذكر بكم لان من لبسته وهو لي الحين على راسي وماغيرته



الحمدلله ياااارب



لا مب كلكم جي
الي عندنا في البيت مبدع في الصرف
كله على بعضه لابس غتره واعقال وازرار وثوب وانعاله اجلكم الله
لو تحسبهم شي وقدره .. يقول للحين شاب وقلبي خضر

مو كل الناس نفس الشي يا اخوي تختلف القناعات


:nice:


هي رايحه عرس تقوم بالواجب ولا رايحه عباره عن رقاصه ؟؟؟؟؟:secret:




لا وعليه مب قصدها جي
قصدها لما تكون طالعه للناس بدون عبايه فتحتاج تلبس كل شي جديد مب مكرر



اعتذر بس حبيت اوضح " لقافه غير مقصوده "


جملك الله برضاه

[R 7 A L]

ليش ماتحاسبون التجار الى مغلين ورافعين السلع الخاصة بالنساء
؟ !!!

[تحداني]

ليش ماتحاسبون التجار الى مغلين ورافعين السلع الخاصة بالنساء
؟ !!!




مشتريات النساء اليوم الاغلب مشتريات " اسواق عالميه "
مثل الماركات الفرنسيه او الملابس الايطاليه .. او الاحذيه الاسبانيه اجلكم الله
هنا العتب على التاجر صعب .. يتحكم في الغلاء فارق العمله .. سعر اليورو .. والمبلغ الاكبر ان لم يكن لجوده المنتج انما يكون لحامل الاسم


العتب على التجار ممكن ان كان المنتج محلي
او في حدود تجارنا الطيبين

مثلا سعر " الماترس للسرير " :) ان كان صناعه قطريه تلقاه 1500 او 2000
لكن لو كان كندي او امريكي تتكلم عن 2700 وطالع


جملك الله برضاه

[chillis]

الحمدلله على الثوب الابيض بـ 160 ريال

الحمدلله الغتره بـ 80 ريال

والعقال ماذكر بكم لان من لبسته وهو لي الحين على راسي وماغيرته



الحمدلله ياااارب


:nice:

تصدق حسيت انك غير عنهم ههه الحين اغلبهم بيقولون ما نصرف والي يغير سيارته كل سنتين والي يخيط الثوب شكيبو ما دري شسمه الثوب 250 وطالع والي ازرته ماركات وساعاته كذلك :) صاروا الشباب الحين يتحدون البنات بالمصاريف والكشخه

[R 7 A L]

مشتريات النساء اليوم الاغلب مشتريات " اسواق عالميه "
مثل الماركات الفرنسيه او الملابس الايطاليه .. او الاحذيه الاسبانيه اجلكم الله
هنا العتب على التاجر صعب .. يتحكم في الغلاء فارق العمله .. سعر اليورو .. والمبلغ الاكبر ان لم يكن لجوده المنتج انما يكون لحامل الاسم


العتب على التجار ممكن ان كان المنتج محلي
او في حدود تجارنا الطيبين

مثلا سعر " الماترس للسرير " :) ان كان صناعه قطريه تلقاه 1500 او 2000
لكن لو كان كندي او امريكي تتكلم عن 2700 وطالع


جملك الله برضاه



حاولت ان اكون في صف المرآه
لكن الوضع و الواقع مايساعد :( :rolleyes2:

يمكن فيموضوع ثاني يحالفنا الحظ :tease:

[حمد بن خالد]

تصدق حسيت انك غير عنهم ههه الحين اغلبهم بيقولون ما نصرف والي يغير سيارته كل سنتين والي يخيط الثوب شكيبو ما دري شسمه الثوب 250 وطالع والي ازرته ماركات وساعاته كذلك :) صاروا الشباب الحين يتحدون البنات بالمصاريف والكشخه


وشطحه خارج موضوع اخونا شبح الصمت وان شاء الله يسامحنا عليها :nice:


يعني 250 ريال صار غااالي ...

ماختلفنا


ونعال او جوتي تكرمون بنقول بـ 1500 كسعر مبالغ فيه ( السعر معروف 500 )

والساعه ترى الكل يشتري الساعات بين النساء والرجال

وتختلف طبعاً الاسعار ماتبين الـ 3000 والـ 150000

والزرار كم بيكلف كأقصى تقدير ؟؟ اعتقد تعرفون

والسيارة مايغيرها الا اللي مقتدر واعتقد السيارة بتخدم الرجل وزوجته وبعد سنتين لو جا يغيرها بيبيعها وبتجيب سعر لو ماتدرون :victory:


بس الفستان والشنطة والجوتي والميك آب والعباية اللي بأسعار كبيرة شيصير فيها بعد شهرين من الاستخدام ؟؟؟؟!!!!


انا احمد ربي على حالنا كرجال بس ما اتشمت في حالكم كنساء لأن ....... ولا مابي ادخل في معمعة ثانية :nice:


بس اعتقد مصاريفنا ماتقارن بمصاريفكم لأن الفرق

X0.000001 و X1000000.0

الفرق واضح

[chillis]

وشطحه خارج موضوع اخونا شبح الصمت وان شاء الله يسامحنا عليها :nice:


يعني 250 ريال صار غااالي ...

ماختلفنا


ونعال او جوتي تكرمون بنقول بـ 1500 كسعر مبالغ فيه ( السعر معروف 500 )

والساعه ترى الكل يشتري الساعات بين النساء والرجال

وتختلف طبعاً الاسعار ماتبين الـ 3000 والـ 150000

والزرار كم بيكلف كأقصى تقدير ؟؟ اعتقد تعرفون

والسيارة مايغيرها الا اللي مقتدر واعتقد السيارة بتخدم الرجل وزوجته وبعد سنتين لو جا يغيرها بيبيعها وبتجيب سعر لو ماتدرون :victory:


بس الفستان والشنطة والجوتي والميك آب والعباية اللي بأسعار كبيرة شيصير فيها بعد شهرين من الاستخدام ؟؟؟؟!!!!


انا احمد ربي على حالنا كرجال بس ما اتشمت في حالكم كنساء لأن ....... ولا مابي ادخل في معمعة ثانية :nice:


بس اعتقد مصاريفنا ماتقارن بمصاريفكم لأن الفرق

x0.000001 و x1000000.0

الفرق واضح

بل بل بررت لبني جنسك بسرعه ههه الازرار الماركه الكشخه اقلها 1000 والجوتي تكرم مايقل عن 2000 والسياره تنفعنا بس مهب لازم تتغير كل سنتين :) ولو بيبيعها مايبي سعر الي شراها يعني لازم يزيدها بالنهايه يعني مهب بس الحريم صرافات بالزمن ذي انا اتكلم وكثير من الشباب الحين يلبسون بدل ورياضه وكلها من ماركات عالميه

[شبح الصمت]

الله يعطيكم العافيه جميــع

وعلى طاري التبذير ترى بعد الشباب صارو صج نفس البنات من ناحية اشياء تكميلية في الحياه بس رفيجي عنده لازم يكون عندي

يعني الحين الشباب هابين كلهم خلنا نضرب مثال

سيارات البولارس

سيارات الريموت ام بترول

جت بوت / سكوترات

طبعا كلا وحسب استطاعته بس اني اروح واضرب سلفه عشان هالامور وونس نفسي واخرتها اتلعوز احسها مب شيء


وبقولكم موقف مره صادني شخصياً كانت داش مجلس ولابس ساعة رولكس الجديده

طبعا الي عندي مب اصليه بس درجة اولى تقليد درجة اولى

المهم معانا واحد في المجلس عادي يتشرى هالامور ما عنده مشكله الله فاتحه عليه

فقالي قدام الربع اقدر اشوف ساعتك اصليه

قلت له لا فديت خشمك ومقدمه ومهب اصليه ولو اصليه بعد مقدمه

قالي لا بس ابي اشوفها وشافها قالي تصدق ما يبين عليها ..

اشوي الا طلع ساعته كان خاشها ورواني اياها قلت له بكم قالي بـ 45 الف

قلت هههههههههههههههههههههه

سبحان الله ساعتي نفس ساعته ساعتي بـ 700 وهو بـ 45 الف :eek5:

ومحدن يقدر يميز إلا لين يقولي عطني اياها ..

يعني الكشخه مطلوبه بس باعتدال ومن دون سرف ومن دون سلفيات ..

وشاكر لكم مشاركاتكم المثريه للموضوع

ومنكم نستفيد

[intesar]

بصراحة ما همني اذا الناس تشوفني بنص ولا ربع عين.. أهم شي قناعتي.. ويوم أشتري الشي سواء غالي ولا رخيص .. لأني أنا أبيه.. القناعة بالدرجة الأولى..

بالفعل عندنا صار اللي ما تلبس وتكشخ والماركات تترس يدها وكتفها ورجولها.. يقولون عنها بلشتية..
لكن الهدف من الحياة شنهو.. المشكلة أن اللي يتكلمون بالدين والدعوة هو أكثر ناس مبذرين.. هاي اللي أشوفه من محيطي.. ومن تقعد بمجلس النسوان.. مالهم غير الماركة الفلانية والماركة العلانية.. صرت أكره جلساتهم.. العقل زينه.. بس الكثير فقدها.. وللأسف ياراعي الموضوع أن الرجال صاروا يهتمون بالماركات مثلهم مثل الحريم.. والبذخ صار عنوانهم..

ودمتم بود..

[غزلان]

تبذيييير وبزياده بعد

عادي اكرر الفستان الى لبسته باكثر من عرس

وللشنط شنطتين يكفون لسنه كامله
واذا حبيت اكون بعبايتي في العرس البسها ومايهمنى حد لن الكاميرات تعلب بالقاعه بكل مكان عكس قبل كانت توجهه على العروس بس

[شبح الصمت]

تبذيييير وبزياده بعد

عادي اكرر الفستان الى لبسته باكثر من عرس

وللشنط شنطتين يكفون لسنه كامله
واذا حبيت اكون بعبايتي في العرس البسها ومايهمنى حد لن الكاميرات تعلب بالقاعه بكل مكان عكس قبل كانت توجهه على العروس بس



مفروض الكاميرا توقف على المعرس والعروس فقط !!

هالشيء يجب التنبيه عليه