الله يستر من تقاييم الاداء هالسنه

[ملاك]

اقتربت ساعه الخطر :eek5:

دقت ساعة التمهيد للمفاجآت والصدمات لبعض الموظفين :anger1:

تقاييم الاداء من الحين بلشوا يتشغلون عليها .. والشؤون الإداريه حاليا بصدد ارسال ايميلات

لمدراء الادارت والمكاتب لتزويدهم من الان الى نص شهر 1 بنماذج تقييم الاداء الموظفين

من يناير الى ديسمبر.. فالله يستر :weeping:


انا السنه اللي طافت امتياز واتمنى هالسنه بعد امتياز او جيد جدا ( مع اني مصختها حبتين في

الاجازات المرضيه وتصاريح الخروج لمواعيد المستشفى :shy:) عشان اطلب ترقية استنادا

لللائحة شؤون الموظفين اللي تنص عليها الماده (74) انه يشترط في الترقية الا يقل مستوى

تقييم الموظف عن السنتيين الأخيرتين عن جيد جدا

[صمت 1]

تم تقيم أدائي لهذي السنه ب جيد جداً

[مخطط قطري]

السنة لي طافت جات شكاوي لدرجة ان الامانة العامة ارسلت تعميم تطلب بتغير النسب واتوقع انه اذا كانو يبون يحسنون الوضع يرتبون مع الوزرات اها السنة وموفقه اختي انشالله تصرينممتاز وتاخذين ترقيه استثنائية وبدون شعور تقولي عازمتك على خروف خخخخخ بمناسبة الترثية انشالله.
وبعدين الاجازات المرضيه مو بكيفيك تبلين على روحك بعد اتيج حالاات طارئة يعني ايجيك المرض فجااء اضنتي ماعليها اي محاسبة واذا شفتي انها مصخوه معاج عشان الاجازات المرضيه مو من حقهم...على طول اشتكي في الامانة العامة خخخخ

[qatari911]

انا جيد جدا
ورئيسي بالقسم كان يقيمني وانا موجود وفيه اشياء تناقشنا فيها وعدلنا على بعض الاشياء
يعني التقييم لازم يقيمك ويعطيك ورقة التقييم علشان تشوفها تستحق والا لا واذا فيه شي مثل حط لك جيد في شغله وانت تستاهل جيد جدا<<<<<اتمنى وصلت الفكره
وان شاء الله مافيه صدمات لكم
في حفظ الرحمن

[لاجئ عاطفي]

اذا كان التقييم فيه ظلم لك لاتوقع على تسليمه وارفع كتاب تظلم للمدير في تقييمك المهم انك لاتوقع على تسلم التقييم

[مخطط قطري]

صمت 1 وقطري911بابركة التقايم ومنها الى الاعلى انشالله وموفقين انشالله في حياتكم العملية صحيح انه في مدراء حقانين ونعم فيهم مايقيمك بدس ويفاجاءك على اخر سنة معطيك تقيم تعبان وبصراحه انت محظوظ انه ةمسئولك رجل يفهم الادارة صح ويقعد مع موظفينه الله لايغير عليك انشالله المشكله لي بتذبحنا انه المدير يقول لازم اعتمد على الكيرف( الخط المائل) بس اتمنا مثل ماقلت مساع انهم يعالجون الاخطاء السابقه

[ملاك]

تم تقيم أدائي لهذي السنه ب جيد جداً

ع البركه وتستاهل اخوي

موفق :)

[ملاك]

السنة لي طافت جات شكاوي لدرجة ان الامانة العامة ارسلت تعميم تطلب بتغير النسب واتوقع انه اذا كانو يبون يحسنون الوضع يرتبون مع الوزرات اها السنة وموفقه اختي انشالله تصرينممتاز وتاخذين ترقيه استثنائية وبدون شعور تقولي عازمتك على خروف خخخخخ بمناسبة الترثية انشالله.
وبعدين الاجازات المرضيه مو بكيفيك تبلين على روحك بعد اتيج حالاات طارئة يعني ايجيك المرض فجااء اضنتي ماعليها اي محاسبة واذا شفتي انها مصخوه معاج عشان الاجازات المرضيه مو من حقهم...على طول اشتكي في الامانة العامة خخخخ

اللي يشتكي ياخوي يضيع حقه

بيقولون متسببه وراعيه مشاكل خلني قابضه ارضي ابرك :weeping:

صج الاجازات المرضيه مالك يد فيها بس هم يتضايقون لان العمل يتعطل بس ما يقدرون

انعدمت الانسانيه اهم شي الشغل يمشي وخلاص

واذا عطاني مدير امتياز ابشر بالخروف :telephone:

[ملاك]

انا جيد جدا
ورئيسي بالقسم كان يقيمني وانا موجود وفيه اشياء تناقشنا فيها وعدلنا على بعض الاشياء
يعني التقييم لازم يقيمك ويعطيك ورقة التقييم علشان تشوفها تستحق والا لا واذا فيه شي مثل حط لك جيد في شغله وانت تستاهل جيد جدا<<<<<اتمنى وصلت الفكره
وان شاء الله مافيه صدمات لكم
في حفظ الرحمن

هذي الطريقه الصحيحه في التقييم الرئيس والمرؤس يقعدون مع بعض ويتناقشون عشان ما ينظلم احد وفي نفس الوقت الموظف يعرف جوانب التقصير والضعف

وتستاهل هالتقييم اخوي

وان شالله السنه الجايه امتياز :nice:

[ملاك]

اذا كان التقييم فيه ظلم لك لاتوقع على تسليمه وارفع كتاب تظلم للمدير في تقييمك المهم انك لاتوقع على تسلم التقييم

:nice::nice:

[Rider]

اذا المدير راضي عنك قيمك متياز او جديد جدا لكن ذا ماخذ منك موقف تعال شوف التقييم والله فيه ناس مايشتغلون ولا يداومون تعالوا شوفوا تقيمهم وانت المسكين الي تجي اول والناس وتطلع اخر الناس وحك في الشغل مغضوب عليك الله يفكنا من هالاشكال الي مصلحتها فوق كل شي

[ملاك]

اذا المدير راضي عنك قيمك متياز او جديد جدا لكن ذا ماخذ منك موقف تعال شوف التقييم والله فيه ناس مايشتغلون ولا يداومون تعالوا شوفوا تقيمهم وانت المسكين الي تجي اول والناس وتطلع اخر الناس وحك في الشغل مغضوب عليك الله يفكنا من هالاشكال الي مصلحتها فوق كل شي

عسى الله يستر بس لا تخوفني :weeping:

مديري مره راضي ومرات معصب مب عاجبه شي

انسان متذبذب الظاهر مع البووورصه ماادري شسالفته :rolleyes2:

[رجوان]

اذا كان التقييم فيه ظلم لك لاتوقع على تسليمه وارفع كتاب تظلم للمدير في تقييمك المهم انك لاتوقع على تسلم التقييم

ليش؟؟؟؟!!!!

[رجوان]

اذا المدير راضي عنك قيمك متياز او جديد جدا لكن ذا ماخذ منك موقف تعال شوف التقييم والله فيه ناس مايشتغلون ولا يداومون تعالوا شوفوا تقيمهم وانت المسكين الي تجي اول والناس وتطلع اخر الناس وحك في الشغل مغضوب عليك الله يفكنا من هالاشكال الي مصلحتها فوق كل شي

نفس اللي عندنا في ادارتنا الله يستر ويفكنا من هالاشكال:anger1:

[qatari911]

هذي الطريقه الصحيحه في التقييم الرئيس والمرؤس يقعدون مع بعض ويتناقشون عشان ما ينظلم احد وفي نفس الوقت الموظف يعرف جوانب التقصير والضعف

وتستاهل هالتقييم اخوي

وان شالله السنه الجايه امتياز :nice:

تستاهلين الخير
فعلا هذا المفروض يصير
بس بعض المدراء ورؤساء الاقسام عله على القلب مع ان كل الشغل علينا


صمت 1 وقطري911بابركة التقايم ومنها الى الاعلى انشالله وموفقين انشالله في حياتكم العملية صحيح انه في مدراء حقانين ونعم فيهم مايقيمك بدس ويفاجاءك على اخر سنة معطيك تقيم تعبان وبصراحه انت محظوظ انه ةمسئولك رجل يفهم الادارة صح ويقعد مع موظفينه الله لايغير عليك انشالله المشكله لي بتذبحنا انه المدير يقول لازم اعتمد على الكيرف( الخط المائل) بس اتمنا مثل ماقلت مساع انهم يعالجون الاخطاء السابقه
الله يبارك فيك
فعلا بعضهم يقولك ان شاء الله واعطيك تقييم تستاهله
وبالاخير يعطيك جيد او اقل
واذا تناقشت معه قالك انت ماتشتغل عدل او الاعذار البايخه
الله يكون بعون كل موظف :(
وان شاء الله نسمع اخبار تقييمكم امتياز
في حفظ الرحمن

[دااانة قطر]

جيد جدا والحمدلله

[ملاك]

جيد جدا والحمدلله

تستاهلين اختي دانه

موفقه يارب :nice:

[الماريّة]

لاتجيبون لي طاري التقاييم


حسبي الله ونعم الوكيل على كل ظالم :weeping:

القهر لما تكون مواظب طول السنة ومجتهد في شغلك ولا تطلع الا باذن

وغيرك متسيب على الاخر لا شغل وطلعات واجازات

ولما تجي اخر شهرين في السنة تضطر تاخذ اجازة من رصيدك وغيرك يكون موجود

فيقوم هالموظف الحسود يحفر لك من تحت عند مسؤلك ويقول هو مايشتغل

وماخذ اجازة ويقعد يطلع عيوبك لانك خذت اجازة

والمسؤول عديم لا ضمير ولا شي يسمع له وينزل من تقييمك

ولما تكتب كتاب تظلم لمديرك او للامانه العامه

ماينفع بشي :(

هذا القهر والله بعينه وتاخذ جيد من عقب عشر سنوات كلها امتياز

ماقول الا حسبي الله ونعم الوكيل على كل ظالم وحاسد وحاقد

[مخطط قطري]

:weeping::weeping:

لاتجيبون لي طاري التقاييم


حسبي الله ونعم الوكيل على كل ظالم :weeping:

القهر لما تكون مواظب طول السنة ومجتهد في شغلك ولا تطلع الا باذن

وغيرك متسيب على الاخر لا شغل وطلعات واجازات

ولما تجي اخر شهرين في السنة تضطر تاخذ اجازة من رصيدك وغيرك يكون موجود

فيقوم هالموظف الحسود يحفر لك من تحت عند مسؤلك ويقول هو مايشتغل

وماخذ اجازة ويقعد يطلع عيوبك لانك خذت اجازة

والمسؤول عديم لا ضمير ولا شي يسمع له وينزل من تقييمك

ولما تكتب كتاب تظلم لمديرك او للامانه العامه

ماينفع بشي :(

هذا القهر والله بعينه وتاخذ جيد من عقب عشر سنوات كلها امتياز

ماقول الا حسبي الله ونعم الوكيل على كل ظالم وحاسد وحاقد

:weeping: الله يصبرك وتصير لك معجزه اها السنه وتاخذين امتياز:shy:

[بنت مريخ]

جيتو على الجرح
انا 2005 امتياز والباقي جيد جدا
ليش مادري!!!!
اتحداهم يمسكون غلطه على شغلي
بس معروف الامتياز حق ناس وناس
قهرررر والله العظيم
غسلت يدي من تقاييمهم
اهم شي تقييم الاخره

[Rider]

جيتو على الجرح
انا 2005 امتياز والباقي جيد جدا
ليش مادري!!!!
اتحداهم يمسكون غلطه على شغلي
بس معروف الامتياز حق ناس وناس
قهرررر والله العظيم
غسلت يدي من تقاييمهم
اهم شي تقييم الاخره

لا اختي القانون تغير من سنتين بس صار التقيم يرتبط بالترقيه علشان كذا مب نفس قبل الكل ياخذ ممتاز لانه مجرد تقيم فقط اما الحين لا غير

[الماريّة]

:weeping::weeping:

:weeping: الله يصبرك وتصير لك معجزه اها السنه وتاخذين امتياز:shy:

ربي يجزاكخير

تدري وشو القهر

لما تسال مسؤولك ع اي اساس قيمتني جيد وغيري جيد جدا وامتياز

بايش هم احسن مني

تدري شقول لك

يقول سويت قرعه باساميكم وطلعت القرعه هالشكل

يعني يكتب اسامينا ويشوف كل وحده شنو طلع لها

اما انه يقييمنا من ناحية شغلنا ومواظبتنا واخلاقنا لا

والله العظيم اول مره اسمع بهالطريقة

[بوحارب]

دقت ساعة الزحف

انا عن نفسي فاقد الأمل اذا جيد زين :(


سوداني وهندي وباكستاني اللي بيسوون تقييمي وش تتوقعون !!!!!!!!!!!!

[qataria]

الله كريم وان شالله الكل ياخذ امتياز و100 ميه.

ذكرتوني ايام الجامعه لما الواحد يقعد على اعصابه.

[مخطط قطري]

ربي يجزاكخير

تدري وشو القهر

لما تسال مسؤولك ع اي اساس قيمتني جيد وغيري جيد جدا وامتياز

بايش هم احسن مني

تدري شقول لك

يقول سويت قرعه باساميكم وطلعت القرعه هالشكل

يعني يكتب اسامينا ويشوف كل وحده شنو طلع لها

اما انه يقييمنا من ناحية شغلنا ومواظبتنا واخلاقنا لا

والله العظيم اول مره اسمع بهالطريقة

بصيرلك تعب نفسي هشكل لا يبه انقل من الادارة اها المرة بيقولك في موظفين جدد خلينا هم نعطيهم عشان نعطيهم حافز وخري عن الادارة ابرك لك

[دااانة قطر]

تستاهلين اختي دانه

موفقه يارب :nice:



تستااهلون الخير كلكم

[Dawn]

ليش انا ما عندي طموح :(

ولا اهتم بالتقييم كلش :(

بس الحمدلله تقاييمي كلها امتياز بس مره عطوني جيد جدا ...

الله يوفقكم جميعا وان شا الله تاخذون التقييم اللي تبونه ..

[راشد محمد]

ننتظر بفااااااااااارغ الصبر..الله يستر

[missperfect]

المشكله لين يكون القسم يتكون بس من ثلاث موظفين يستحقون التقييم
لازم يصير ظلم يعني لازم واحد جيد والثاني جيد جداً والثالث امتياز
والله حراراام ياليت يعيدون النظر في القرار المظلم

[مخطط قطري]

اخوي عطاه مديره ممتاز وشكر فيه وقاله شد حيلك عشان الاستثائيه هالسنه وفرح اخوي واستانس فرح شديد جدا هالكلام يوم الربوع على قولت اخوانا هل السعوديه
اليوم على الغدا اسولف وياه في المجلس واقوله شعليك ممتاز تستاهل وبتاخذ درجه يديده
قالي اسكت مديرنا جايته تعليمات صارمه بخصوص التقاييم والتقيد بنسب وقالي انا عندي 3 عندهم الاستثانيه
ولازم اختار منكم 1
ويقولي ال2 الي بقو ربعه ويعرفهم عدل اما انا علاقتي وياه رسميه بحته شكلي بنزل جيد جدا والله يعوض علي في الاستثنائيه
الحين حسيت بخطر هالتقيد بالتقاييم والله يستر عليكم

[المحقق كونان]

اممممممم

هل يقيمون الموظف الجديد ؟؟

[ملاك]

اخوي عطاه مديره ممتاز وشكر فيه وقاله شد حيلك عشان الاستثائيه هالسنه وفرح اخوي واستانس فرح شديد جدا هالكلام يوم الربوع على قولت اخوانا هل السعوديه
اليوم على الغدا اسولف وياه في المجلس واقوله شعليك ممتاز تستاهل وبتاخذ درجه يديده
قالي اسكت مديرنا جايته تعليمات صارمه بخصوص التقاييم والتقيد بنسب وقالي انا عندي 3 عندهم الاستثانيه
ولازم اختار منكم 1
ويقولي ال2 الي بقو ربعه ويعرفهم عدل اما انا علاقتي وياه رسميه بحته شكلي بنزل جيد جدا والله يعوض علي في الاستثنائيه
الحين حسيت بخطر هالتقيد بالتقاييم والله يستر عليكم

الله يعيين اخوك واهم شي تقديره لا يقل عن جيد جدا والسنه الجايه الاستثنائيه ان شالله

بس بالنسبه لنا انا وزميلاتي تقييمنا امتياز وجيدجدا الحمدالله

بس ان شالله ما تكون في معايير جديده للتقييم تظلم الموظف

[ملاك]

اممممممم

هل يقيمون الموظف الجديد ؟؟

لازم يكمل سنه كامله من شهر 1 لين شهر 12 وبعدها يتقيم

[مخطط قطري]

الله يعيين اخوك واهم شي تقديره لا يقل عن جيد جدا والسنه الجايه الاستثنائيه ان شالله

بس بالنسبه لنا انا وزميلاتي تقييمنا امتياز وجيدجدا الحمدالله

بس ان شالله ما تكون في معايير جديده للتقييم تظلم الموظف

لا الله يسلمج القانون واضح الفصل السابع من الماده 78 باب الترقيات
لازم امتياز سنتين ورا بعض عشان يحص عليها
يجوز للوزير اعطاءه ترقيه استثنائيه وله مرتين في عمره الوظيفي بشرط يكون الفاصل الزمني 8 سنوات
فهو العام خذا امتياز والسنه والحمدالله استانس انه بياخذ الاسثنائيه وخصوصا العام مترقي والسنه اذا ثبتو له الامتياز بياخذ درجه اعلى فهذا حافز قوي له لبذل مزيد من النشاط والجهد في العمل
المصيبه امس مديره كدره واحبطه والرجل تحطم قاله انا بختار من بين 3 ممتاز فقط 1

[الزجاجي]

بالتوفيق لكم جميعاً :)

وانزين ولي ماخذ تفرغ من العمل كيف يقيمونه؟

[غير عنهم]

لا الله يسلمج القانون واضح الفصل السابع من الماده 78 باب الترقيات
لازم امتياز سنتين ورا بعض عشان يحص عليها
يجوز للوزير اعطاءه ترقيه استثنائيه وله مرتين في عمره الوظيفي بشرط يكون الفاصل الزمني 8 سنوات
فهو العام خذا امتياز والسنه والحمدالله استانس انه بياخذ الاسثنائيه وخصوصا العام مترقي والسنه اذا ثبتو له الامتياز بياخذ درجه اعلى فهذا حافز قوي له لبذل مزيد من النشاط والجهد في العمل
المصيبه امس مديره كدره واحبطه والرجل تحطم قاله انا بختار من بين 3 ممتاز فقط 1

الله كريم