اسفسار عن تجوال البلاك بيري من كيوتل في السعوديه

[M.Rizk]

السلام عليكم و رحمه الله و بركاته,

لوسمحتم كنت احب اسال عن تجاربكم الشخصيه مع تجوال البلاك بيري من كيوتل في السعوديه بعد ما نزلت الاسعار ل 60 ريال الشهر,

لاني ان شاء الله مسافر السعوديه في وقت قريب للعمرة, و كنت احب اسال كم بتكلفني الخدمه, العام الماضي كان معاي فودافون و ما كلفتني اكتر من 100 ريال فاتورة, ف كنت حابب اعرف تجاربكم ان شاء الله

بس يا ريت ما حد يقولي تجربته ايام ما كانت الخدمه ب 125 ريال لان حصل تغيرات في سيستم كيوتل من وقت من نزلت ل 60 ريال.

*بعتذر ان كان مكان الموضوع مش مناسب*
شكرا

[حمد بن سعد]

اخوي الخدمه لدول الخليج بفلوس اذا كانت خدمة البلاك بيري محليه على خط فاتوره هلا مايشتغل

اما خدمة البلاك بيري الدوليه لها لمت معين وبعدين يبتدون يحسبون المبالغ

اذا تلفونك فيه خدمه البلاك بيري محليه تحيب على رسوم خارج قطر 1mb بقيمة 55 اريال قطري وفيها 1000 حرف منها المسافات غير الرابط الفيديو اوالصور الي تفتحه على حسب حجمه.


ولاتنسى الدعاء لنا الله يجزيك خير .

[M.Rizk]

كنت بسال عن تجربه شخصيه. لاني قريبت الموجود عالموقع لكن اتذكر السنه الماضيه فودافون قالت بتسحب 20 ريال عالميجا و سحبت من رصيدي اقل بكتير.

ف كنت اشوف كيف الخدمه مع كيوتل.


و. ما بستخدم هلا. بستخدم أنا الشهري 60 مع خدمه البلاك بيري ب 60 ريال.

ان شا ء الله بدعيلك و الامه الاسلاميه كلها و الدول العربيه اكيد :)

[M.Rizk]

مافي حد يقدر يساعد بمعلومات اكتر؟

[فرحة الكواري]

ما انصحك ابدا في استخدام خطك الوطني في تجوال البيانات

.
.

انا استخدم خط سعودي شركة stc

ارسل رقم 8844 الى 902 ويفعل لمدة اسبوع بقيمة 29 ريال
او
ارسل رقم 8811 الى 902 ويفعل لمدة شهر بقيمه 99 ريال

[الهاجري_قطر]

انا توني جاي رحت الاردن وتقريبا قريبه من تعرفة دول الخليج تخيل وصلت الاحد والاثنين والثلاثاء اقطعو تليفوني الفاتوره ٨٠٠٠ ريال مع اني مافتحت روابط واجد وعندي فودافون واستخدمه في الايفون ماكلفني ٦٠٠ ريال مع اني استخدمه انترنت وادخل مواقع نصيحه لك كيوتل نصابين فخذلك كرت سعودي احسنلك انا ماكنت متوقع انه يومين بتوصل فاتورتي هالمبلغ توقعت الفين ثلاثه بالكثير بس عقبها توبه

[M.Rizk]

المشكله في مكه ان الوقت دايما ما بيكفي ادور علي محلات للشبكات بقضي معظم الوقت في الحرم. شكلي بعتمد علي فودافون زي كل سنه احسنلي

[مــــلاك]

اخوي خدمه فودافون للبلاك بيري جربتها خارج قطر من قبل ولا لا ؟

بالنسبه لكيوتل انا عندي الشهري ...وشغلته العام في اوروبا وتحسفت
فنصيحه لاتشغل خط كيوتل (خدمة البلاك بيري )
في مجمع ابراج البيت تلقى كشك ( زين ) تقدر تاخذ من عندهم كرت وفيه خدمه البلاك بيري
ومحل stc موجود اظن جدام بوابه الملك فهد او عبدالعزيز بس مشكلته دايما زحمه

والافضل انك ماتشغل الخدمه وتريح بالك هاليومين في مكه ..وتنسى الدنيا بالي فيها

[البربهاري]

خذ لك شريحة موبايلي ومسوين الحين عروض للبلاك بيري وخلها على باقات (( كنكت تجوال )) بصراحة ممتازة وخلها باقة اللامحدود قيمتها 300 ريال سعودي بيعطونك 3 شهور والرابع مجانا !!
تنفع احسن من كيوتل وتشتغل معاك وين ماتروح الاردن مصر المغرب
لمزيد من الاستفسار مركز خدمة عملاء موبايلي : 00966560101100

[م. عبدالعزيز]

اذا رايح عمرة ، خذ اجازه من البلاك بيري وريح راسك
واستخدم كرت فودافون اظمن واحسن، تعبي رصيد واذا خلص توقف الخدمه = تضمن انه مايطلع عليك مبلغ عالي