المساعد الشخصي الرقمي

مشاهدة النسخة كاملة : نداء الى أصحاب الخبره بالبنيان



أنا
29-12-2011, 04:16 PM
السلام عليكم

سؤال هل سور البيت يحتاج عمل جسر تحته عباره عن خرسانه أو صف الطابوق فوق بعضه بعمق كبير يكفي .؟

الاستشاري اللي عندي ماسك بيتي وعدد من بيوت الاهل كلنا في نفس مرحله البناء دائما يشككني في شغل المقاول عندي مع ان الشركه مصنفه ومعروفه في السوق وغاليه دائما يبي المقاول يسوي نفس الشركات اللي ماسكه بيوت الاهل !!

المقاول عندي صف اربع طابوقات بعمق كبير وقوم السور الاستشاري يقول لا لا لا لازم جسر خرسانه تحت السور نفس بيوت فلان وعلان ليش المقاولين هناك يسمعون كلامي وانت مقاولك ما يسمع الكلام :anger1:

اصلا من يوم ما حطيت الاستشاري من مرحله الحفر وهو مو بالع المقاول :rolleyes2:

أحسه دايم يوزني على المقاول أنا بصراحه لما اسمع من المقاول اقتنع مع اني ما عندي خبره بالبنيان والاستشاري احسه يوزني وبس ما يقنع كلامه .

أنتوا شرايكم ؟؟

Chambray
29-12-2011, 04:54 PM
لازم جسر خرساني تحت الطوفه
ولازم جسر كل 2 ومتر ونص

بالتوفيق

Almossafer
29-12-2011, 05:03 PM
صح كلامه لازم جسر

GENIUS
29-12-2011, 05:55 PM
لازم جسر في البداية ونصيحة اذا سورك عالي حط جسر ثاني بعد ارتفاع ٤ او ٥ صفوف من الطابوق وهذا الوضع للجوانب يعني السور بينك وبين جيرانك اما اذا السور على الشارع فبعد صب الجسر الأرضي للأساس صف اربعة صفوف من الطابوق بشكل عرضي

khaldoon
29-12-2011, 09:30 PM
لازم جسر و الاعمده فيه كفواصل كل 4م

لو السور عالي ممكن تحط جسر خرساني بسيط بعد 10-12 صف طابوق

لو عندك اي شك في كلام الاستشاري او المقاول بلغني و ان شاء الله بعطيك الجواب

البرجوازي
29-12-2011, 09:45 PM
نعم يحتاج جسر وكل اربع امتار عمود خرسانه مثل ماقال الاخ خلدون . ومن الواضح ان الشركة تريد التوفير على حسابك اذا طابوق بالعرض وبعدين يقوم الطوفه فمعناته في المستقبل القريب راح تشوف كرك . لازم تتخذ مع الشركة موقف

بن رومي
29-12-2011, 09:54 PM
كله يعتمد على ارتفاع السور ونوعية الارض

بكل اختصار

الجسر والطابوق

لكل واحد منهم شغل واستعمال

بن رومي

ولد المنصور
29-12-2011, 10:16 PM
الاخوان كفو ووافو ... مابي ازيد عليهم بس اطرد المقاول كبضه الباب وضبط الاستشاري ... والله يوفقك

أنا
29-12-2011, 10:22 PM
جزاكم الله خير
كلكم اتفقتوا لازم جسر برجع اكلم المقاول في الموضوع

قطري قديم
29-12-2011, 10:29 PM
بالتوفيق انشاء الله واكرر كلام اخواني بضرورة وجود جسر خرساني .

khaldoon
30-12-2011, 12:18 AM
جزاكم الله خير
كلكم اتفقتوا لازم جسر برجع اكلم المقاول في الموضوع

اتوقع انه قالك انه بيحط صبية نظافه و عليها طابوق بعرض 40 سم و بعبيه خرسانه ...لا ترد عليه لانه هالشي ما يكفي و ممكن السور يهبط بشكل غير منتظم

بونـ ايف
30-12-2011, 02:34 AM
بالتوفيق انشااء الله والحق مع الاستشااري والاستشااري 100/100