نجمة الهند وبوفيه الأطفال

[بوحارب]

السلام عليكم

رغم مقاطعتي لهذا المطعم بسبب الزيادة في الأسعار الا انني ذهبت له <<< لحد يركز


المهم

انا كل مرة اروح واودي معاي بنوتي وادخل البوفيه

ولما اطلب الفاتورة يكون فيها مبلغ البوفيه حق شخص واحد فقط اما الأطفال فري

عاد اليوم الأخ عطاني الفاتورة واقرى فيها بوفيه الأطفال ب 26 ريال :omg:


تعاااااااال يا رفيق انت وياه

قلت له كلمة وحدة

اي ول نوت بي تونتي سكس ريال فور ذيس:discuss:

انا مب دافع ال 26 ريال حق وجبة الأطفال لأنه كل مرة تدخل بلاش وبعدين عمرها 4 سنين ليكون ماكلة خروف كامل

وقلت له روح كلم مسؤولك يكنسل قيمة بوفيه الأطفال بسرعة :anger1:

وبالفعل بدوووووووووووون اي نقاش كنسلوا السعر وطبعوا لي فاتورة ثانية :eek5:


اللي عجبني فيهم بدون نقاش غيروا السعر يعني هم على باطل

والمقصد من الموضوع لاتفتحوا باب على انفسكم وتدفعون قيمة البوفيه للأطفال في نجمة الهند لأنه فري منذ مبطي :victory:

[alkatalony]

جزاك الله خير خيوو عالتنبيه

[اشراقة الشمس]

أعتقد حتى في بندروزا سعر البوفيه للطفل من فوق 3 سنوات نصف سعر البوفيه للشخص البالغ

[النهار]

يعني بوحارب لورحت مع عيالي الاربعه ادفع بس 26 ريال والله فله خلاص يوم السبت القادم اجرب
واقول له لوجاب الفاتوره اي ول نوت بي فور ذيس 4 جلدرن هههههههههههههه

[khaldoon]

اتوقع اخوي انهم ماشيين مثل الباندروزا لانها من نفس المجموعة

الطفل من عمر 3 سنوات البوفيه ب 27 ريال

ما اعتقد انه كل مره راح تسلم الجره وما تدفع عن البنوته الصغيره و الله يخليها لك

و بعد ولا يهمك ان شاء الله ما نركز انك مقاطع و رحت و خذ راحتك يا الغالي

[كازانوفا]

اولاً بيعدوها لانهم ما سمعو كلمة قويه من مديرهم
بس صدقني المره الجاي بتكون مكتوبه على باب المحل من بره

[دااانة قطر]

مدري ليش ماحبيت اكله

[بصمة قطرية]

بتكبر البنوته ان شاء الله و بتدفع .. :tease:
كل مطعم نروحه يدفعونا للعيال .. :(
لاحظت بندروزا اسعاره ارتفعت ..
ما اذكر كم كانت بس زادت ..

[دااانة قطر]

بتكبر البنوته ان شاء الله و بتدفع .. :tease:
كل مطعم نروحه يدفعونا للعيال .. :(
لاحظت بندروزا اسعاره ارتفعت ..
ما اذكر كم كانت بس زادت ..

في يوم من الايااام كان اما 33 او 39

[لكزس فورويل]

جزاك الله الف خير

[مناري]

صراحه لاول اكل نجمة الهند حلو الحين باسق وماله طعم الله ايعز النعمه
الحمد الله على كل حال

[ريتويت]

والله اشوفه رخيص

هريس الوالده صحن الهريس كان 15 صار 20

لا للهريس مابي هريس خلاص بسوي شوربه حليب فالبيت والعوض على الله