عندي امل ان البورصه بترجع في يوم ...

[حمد]

مادري ليش عندي احساس ان البورصه بترجع في يوم ... وبترتفع .... وهذا واضح من نتائج الشركات

وعلى فكره هذا مجرد راي وتوقع ... فليش الخوف من الشراء ... انا عني صار لي فتره .. اشتري

بس مقطع كل مانزل وشفت السهم ثبت شريت ... اعتقد الاسعار الحين وايد حلوه ... وان شاء الله ترتفع

بس يبيلها صبر ... وليش مانصبر ... ( انا اهني اتكلم عن الي ماعليه سلفيات وديون ) ...

اصبروا لين اخر السنه والامور ان شاء الله بتكون طيبه ... ترى نتائج الثلاث اشهر هذا العام ...

تضاعفت عن اول ثلاث اشهر من العام الماضي ....

( بس مب في اي شركه )

اقصد طبعا الشركات الي مدعومه من الدولة وصاحبة القوه ... كهرباء وقود صناعات والبنوك والعقاريه

والناقلات وماشابه

( وهذا مجرد راي ) وانا مستمر في الشراء

((( في النهايه الشراء هو عدم البيع )))


حمد

[alsultan]

مشكور اخوي حمد والى الأمام داما والله يزيدك ويوفقك

[قطرية عسل]

الله يعطيك العافية
هنااااااااااااااااادي

[الشراكة]

نعم لابد أيجي يوم ويطلع مثل موج البحر يمد ويجزر والله يستر..

[ابوعلي اليافعي]

مادري ليش عندي احساس ان البورصه بترجع في يوم ... وبترتفع .... وهذا واضح من نتائج الشركات

اخوي حمد لابد من معاودت الاسعار للارتفاع ولابد من انتعاش الاسهم وعودة الروح الى السوق مهما طال الوقت فلابد من ذالك والمسئله صبر اشهر وستشاهد الفرق بأذن الله..

[بـوصـالـح]

طبيعي ان الاسعار لازم ترتفع وطبيعي ان يحدث نزول بعد توزيع الارباح

وهذا شي روتيني كل سنه

والحين الاسعار بعضها استقر والاخر لا زال يبحث عن الاستقرار

والي يشتري الحين مب خسران ولي يشتري بعد شهر مب خسران ولي يشتري بشهر 12 الجاي مب خسران

محد خسران بالبورصه

الفرق فقط في وقت الشراء وفرق السعر بين الي بيشتري الان ولا شهر 6 و 7 والي بيشتري بشهر 12 و 1

وان شاء الله السنه الجايه الارتفاع راح يكون اقوى من هالسنه ( للارباح الجيده التي حققتها الشركات ) ولوعي الشعب الان

والله يوفقك في كل ما فعلت وما سوف تفعل

SlaaamY

[Banana]

شعندهم مشاء الله عيال اليافعي من بقكم لباب السماء آمين


شوي وبنموت لخريده كلها في السوق http://alromansygroup.jeeran.com/rejem_aL_Romansy_Group.jpg

[ريال سعودي]

هذا شي اكيد

انهيار مايو2004 في السوق السعودي صارت الشركات بنصف اسعارها

وبفضل الله رجعت الاسعار أعلى من أسعار ماقبل مايو

بإختصار اللي بيصبر بيعين خير بإذن الله

حرام تخسر من رأس المال والإقتصاد القطري بخير

انظر للسوق نظرة عامة ولو أطلب من أي مستثمر التنبؤ بأسعار الاسهم بعد سنه

لكانت اجابته بأنها دبل ما هي عليه في الوقت الحالي

إذا لماذا البيع بخساااارة ....؟؟ اترك الاجابة لمن باع بخساره .....

[المراقب]

الصبر مفتاح الفرج، ولكن لمن يقدر.

[ansari]

لماذا ننتظر حتى ترتفع الأسعار
هذا وقت تعديل الخساره سواء بالشراء وتخفيض معدل السعر او بالمضاربه اليوميه او الاسبوعيه وهذه فرصه وخاصه مع تذبذب الاسعار وعدم استقرارها
من له اموال في البورصه وقريب منها لا تفوته الفرصه وهو ينتضر ارتفاع الاسعار اي اسعار ما قبل ابريل

[الجوري]

انشالله يارب عند الله خير
وحنا كلنا عندنااا امل بربي انشالله

[سهم طايش]

الخير جاي ان شاء الله

مثل ما كنا مبسوطين بالارتفاعات و جني الارباح يوميا

لازم نتقبل الهبوط و نصحح اخطائنا السابقه

[Bint Qatar]

كل شي وله ضد :) بالامس القريب كل شي كان فوق واخضر والكل مستانس :d
واليوم كل شي تحت واحمر والكل زعلان ............... :(

بس الله كريم .. الصبر مفتاح الفرج للمطاليب :)