غرف نوم أطفال

[محامية قطر]

مرحبا

صراحه أحنا بقطر صرنا نعاني من شيء أسمه محلات بيع الأثاث والأختيارات أصبحت تقريبا محدودة غير أن أغلب الموجود صار موديلات قديمة بالنسبة لباقي الدول مثل دبي او السعودية أو الكويت اللي فيها خيارات أكثر - مودرن أو كلاسيك حسب الذوق
صارلي أكثر من أسبوعين أدور أثاث غرفة نوم أطفال ولا حصلت شيء زين:weeping:
أنا اللي أدور عليه غرف نوم أطفال بس تكون كلاسيك - مابي الغرف الدارجة الملونة أو اللي عليها رسومات لشخصيات كرتونية - المحل الوحيد اللي عنده داخل السنتر - وطبعا السعر خرافي جدا والغرف مافي الا كم موديل وبالقطعه - يعني سمت غرفة عبارة عن سرير وطاولة جانبية وتسريحة ومراية وكرسي ب 38 ألف ريال - هل هذا معقول ؟؟؟؟؟؟؟؟؟:omg:
أبي رايكم :discuss:
ياريت اللي يعرف محل يدلني عليه بغيت الأثاث الكلاسيك
ومشكورين مقدما

[بوعبدالعزيز1]

انصحج تروحين الرياض

[محامية قطر]

شكرا أخوي بو عبدالعزيز على الرد
أنا أتكلم عن المحلات عندنا بقطر ليش ماعندنا تخصص ؟؟؟ يعني محلات لبيع غرف نوم للأطفال مثلا ؟؟
يعني لو الشخص يبي يغير غرفة هل مستاهلة المسألة للسفر أو الطلب من الخارج ؟؟
وين التجار بالبلد ؟؟ حتى المحلات اللي كانت تبيع الأثاث المحترم أتجهت للصيني ولا بعد تبيعه بسعر خيالي وجوده أقل وتعبانه وألوان وديزانيات قديمة
صراحة صار أغلب أهل قطر يتعنون لدول الخليج لشراء حتى السبوت لايت والسوكتات - يقولون بره أرخص
نبي حل

[خليفـة]

بالفعل اختي محامية قطر
الموديلات عندنا قديمة واسعارها مُبالغ فيها
اتمنى اقدر افيدج بهذا الخصوص .. بس للأسف ما عندي فكرة
بالتوفيق ان شاء الله
:)


خليفــة

[الدمعه]

بصراحه مالج الا سوق الحراج ..

ودي الديزاين اللي تبغينه .. وهو يسويه لج .... الا اذا تبين شي صناعة المكان الفلاني

او من المحل العلاني .. تحملي الغلا ..

واحنا عندنا الاحتكار هو السر

[q6ryah]

اختي شوفي المحل الي فالسنتر أدا له فرع فالخليج لان الصراحة أسعاره مبالغ فيها

[محامية قطر]

مشكورين أخوي خليفة والأخوات الدمعه وقطرية على ردكم
أختى الدمعه - أنا ما أبي أفصل - ماجربت التفصيل من قبل - كنت حابة أشوف شيء جاهز
اللي مستغربته - أن ولا مكان شفت يبيع مثل هالغرف - الكلاسيك غير هذا اللي بالسنتر وعذرة ان الغرف ماركة أيطالية
ياليت اذا حد شاف بمكان يقولي

[مصمم ديكور]

ان شاء الله تجد من يدلك

[محامية قطر]

اخ مصمم ديكور شكرًا على المرور بس معقول انت بعد ماتعرف

[Dana’1]

في محلات بالخبر ارخص من قطر بس بعد غالية لكن شكلها جودة ما يعلى عليها
غاليةة بحدود ال ٢٠ سرير وتسريحة ٢٠ الى ٢٦ تقريبا هذا شفتة بالراشد تحديدا بس حلووو مرة راقي ومثل ما قلت لك شكلة متانة روحي خذي فكرة والشرقية قريبة اقرب من الرياض
خلاص قطر انتي جاوبتي بنفسك قلتي وين التجار يعني مافية على حسب كلامك وكلام الاخوان
بس جربي يمكن ذا ون عندة بس ما اعرف اذا فية اطفال او لا وفية محل بضاعتة الماني بطريق سلوى بس مو كلاسيك لا مودرن وافكار حديثة من اسرة بخزاين وملونة بس مافيها صور شخصيات بس ملونة نظام اوربي حديث

انا للحين ما جاء دور التاثيث بس يجي ان شاءلله الشرقية ما تقصر فديتها

[كبير المتداولين]

في الدمام تفصيل غرفه اطفال حسب المواصفات الي تبينها سرير بو طابق طابقين كبت كبير صغير طاوله تسريحه كرسي الي تبينه ماتتعدتى 3000 ريال

[Amal_QTR]

اطلبي اون لاين و ريحي عمرج
انا انصدمت يوك كلمت المحل اللي في السنتر يقولي تبدا اسعارنا من 30 الف
خير ان شاء الله !
و على فكره شغل المناجر الراقيه وايد حلو اي تصميم ممكن يضبطونه لج

[محامية قطر]

أختى أمل قطر - بحثت بالنت وحصلت محل بدبي عنده نفس الغرف اللي بالسنتر - أرخص طبعا
راسلتهم أستفسر إذا أقدر أطلب ويرسلون قطر ولحد ألحين ما ردو علي
بالنسبة لباقي المحلات
رحت ذا ون - ماعندهم غرف أطفال - بس عندهم بعض السراير سنغل - وصعب تحصلين لهم ماتشنج بقية الغرفة
أي دي ديزاين - بعد ماعندهم أطفال -
بو كنان -غرف أكل وشرب عليها الزمن - قديمة جدا
الأرض السعيده - غرف عادية جدا - صيني بألوان مختلفة

لو حد عنده فكره وين ممكن أحصل محلات تبيع غرف نوم سنغل خشب لون أبيض؟؟

شكرا للجميع

[Dana’1]

شوفي في اللاند مارك محل كلة ابيض بآبيض يبيع كل ما يخص الاطفال من ملابس واسرة بيبي واذكر شفت سرير ابيض عندهم خذي فكرة منتي خسرانة بإذن الله اظن المحل قريب من زارا هوم


واذا كلش ما حصلتي وما تبغين تاخذين من الشرقية او خارج الدوحة... مالك الا التفصيل سواء سرير كامل
او على الاقل خذي القاعدة او ما يسمى بورد "اللوح الي ينحص عالجدار من خشب ابيض راقي وبديزاين كلاسيكي او اي خامة مو شرط خشب والسرير خذي المراتب من سيرتا او كنيغ كويل او امريكان ماترس اذا كان موجود بالدوحة
وينحط على البورد وبيصير حلو وناعم حدة وحتى خيارات المفارش معة كثيرة
وبالتوفيق لك

[Amal_QTR]

أختى أمل قطر - بحثت بالنت وحصلت محل بدبي عنده نفس الغرف اللي بالسنتر - أرخص طبعا
راسلتهم أستفسر إذا أقدر أطلب ويرسلون قطر ولحد ألحين ما ردو علي
بالنسبة لباقي المحلات
رحت ذا ون - ماعندهم غرف أطفال - بس عندهم بعض السراير سنغل - وصعب تحصلين لهم ماتشنج بقية الغرفة
أي دي ديزاين - بعد ماعندهم أطفال -
بو كنان -غرف أكل وشرب عليها الزمن - قديمة جدا
الأرض السعيده - غرف عادية جدا - صيني بألوان مختلفة

لو حد عنده فكره وين ممكن أحصل محلات تبيع غرف نوم سنغل خشب لون أبيض؟؟

شكرا للجميع



ما ادري اذا عندك خبر بس في محلات مثل مذكر كير يجيبون غرف نوم حلوه بالطلب
تروحين لهم عندهم كتلوج و تطلبين و يجيبونه يا من فرع دبي او خارج
مثلا :
http://www.mothercare.com/b/212565031?ie=UTF8&title=beds&pf_rd_r=19MKPZAV20CJ968DEZR8&pf_rd_m=A2LBKNDJ2KZUGQ&pf_rd_t=101&pf_rd_i=212566031&pf_rd_p=468460953&pf_rd_s=global-top-7#ie=UTF8&sort=salesrank&page=1&forceNoKeyword=false&rh=n:212565031&size=95&pf_rd_r=19ZSG7GYWPC0J2B67T1F&pf_rd_m=A2LBKNDJ2KZUGQ&pf_rd_t=101&pf_rd_i=212565031&pf_rd_p=231490867&pf_rd_s=related-tab-3-5


و في محل بوتري بان موجود بالكويت و دبي .. و اعتقد الموقع الامريكي ممكن تطلبين منه
اشيائهم روعه و اسعار معقوله .. شوفي الكتلوج و احكمي
http://www.potterybarnkids.me/e-catalog.html

[Amal_QTR]

هذا الموقع الرئيسي و اتوقع ممكن تطلبين عن طريق فروعهم في دبي ولا الكويت
و عقبال ما تفتح عندنا محلات سنعه باسعار معقوله

http://www.potterybarnkids.com/

[ja077]

ممكن تفصيل عند المصنع الوطني للمراتب .. طريق سلوي
او محل اسمة ريلاكس بيد في طريق المطار

[محامية قطر]

شكرا أختى أمل على أهتمامك
بخصوص مذر كير رحت لهم وقالولي أن اللي عندهم فقط سراير لأطفال لحد سن ثلاث تقريبا
أنا أبحث عن غرفة نوم متكامله - السرير حتى مو مشكلة ممكن أخذه من أي مكان - لكن المشكلة الأساسية
أن اللي اقصده - مافي غرف متكاملة يعني مع الخزاين - مثل خزانة الملابس والألعاب والكتب والتسريحة

لكني قررت بشكل مؤقت ولأني مستعجلة
أشتري غرفة نوم أطفال متكاملة بخزاينها - من الهوم سنتر - ألوانها - أحمر وأصفر وأزرق
فيها أكثر من خزانه مع طاولة الدراسة - وخزانة للألعاب والكتب - قيمتها تقريبا - 5500

طبعا بعد مافقدت الأمل أني أحصل اللي أبيه

[ضوى]

فيه محل بشارع سلوى كيدززون وايد راقي واسعاره معقولة نوعا ما

[محامية قطر]

حبيت أشكر أختي أمل على ترشيحها لي محل بوتري بارن كيد - روعه شوية عليه
سويت عليه سيرج بالنت وشفت أغلب المحلات - الرئيسي بأمريكا بس للأسف مافي تصدير للشرق الأوسط -
بالنسبة لفرع دبي أتصلت عليهم وشفت الموقع والأسعار - تختلف عن أمريكا لكن معقوله - المحل بدبي ما يصدر بضائع خارج دبي -
بكل المقاييس المحل في منتهى الروعه - أثاث ذو جوده عالية وراقي جدا والمحل فيه تقريبا كل مستلزمات وأكسسورات غرف الأطفال - يبيله زيارة دبي
كل الشكر لأختي أمل قطر

بالنسبة للأخت ضوى أحب أشكرها على أقتراحها محل كيدز زون في شارع سلوي - بالفعل زرت المحل وهو عبارة عن غرف أطفال صناعة تركية - الغرف الملونه وبأشكال وألوان مختلفة ورسومات كرتونية -
بس أنا أختى كنت أسأل عن محلات بيع غرف النوم الكلاسيكية - الغرف اللي غالبا تكون لونها أبيض أو أوف وايت وماعليها رسومات - وديزاينها كلاسيكي- هذا النوع ممكن نسميه نادر بقطر ما أعرف ليش يمكن الطلب عليه قليل

عموما بعد البحث والتحري - حصلت محل أسمه فاين أرت - Fine Art
عنوانه بطريق سلوي - عنده غرف نوم أطفال كلاسيك - وعنده أثاث متنوع - اليوم بزوره وأنشاءالله أقولكم رايي

تحياتي للجميع