@@ آراءكم في هذا المخطط .... @@

[بنـ الدحيل ـت]

السلام عليكم ورحمة الله

هدا المخطط اعجبني ، أخذته عن طريق النت

واتمنى ارائكم ونصائحكم لي :

http://im12.gulfup.com/2011-12-31/1325355179361.jpg (http://www.gulfup.com/show/X22jy5c6a4ypwo)

[naklan]

التصميم حلووو اختي بنـ الدحيل ـت

بس ما يعيبه اختي ان الصاله صغيرة والمطبخ صغير وما فيه استور
لذالك انصح بالتالي غيري غرفة الخادمه فوق البيت مع البنتا هاوس وكبري المطبخ
اضيفي حمام الخادمة له ليصبح مكان الحمام ديرتي كجن يعني للقلي وللطبخ يكون معزول
عن المطبخ بس بينهم باب والغرفة رقم 2 تروح مكان غرفة الخادمه وغرفة الخادمة مكان الغرفة
رقم 2 وتتحول الى استور 3.8× 2.5 وباقي مساحته 70 سنتي نكبر فيها الغرفة , والصالة
والمقلط لهم حل انج تكبرين الصالة متر وتاخذينها من المقلط وبكذا بيصير الوضع
افضل من وجهة نظري المتواضعة

تحياتي اختي واتمنى لج التوفيق في بيت العمر :)
اخوج/naklan

[مالك أمل]

مافيها درسنق روم ( غرفة ملابس )

تجي بين الغرفة والحمام أجلكم الله





بإذن الله خلال يومين راح أنزل ( مخططات فلل + نوافذ ) روعة

بس ذكروني لا أنسى

[المهندس عبدالعزيز]

تأكدي الحمامات ما تكون في اتجاه القبلة

[ضوى]

الله يعيينج يا بنت الدحيل والله تصميم بيتي وايد حلو ودي اشوفج واعطيج اياه وتتشاورين مع نفسج اذا حابة تتواصلين معاي طرشي لي رقمج عالخاص

[khaldoon]

اختي غرف النوم صغيرة شوي

التصميم حلو بس ان شاء الله بتحصلين احسن وما تتسرعي

[khaldoon]

شوفي هذا الموقع مثلا يعطيكي تصاميم فلل من مخططات و واجهات و حددي اللي تبينه و هو يبحثلج

http://www.architecturaldesigns.com/european-house-plans.asp

[لاجل QT]

الله يعينج ويعينى حاليا انا بعد على وشك

ساعات شكل الخريطة عكس الواقع...يفضل تشوفين فلا جاهزة واذا اعجبتج اطلبي الخريطة حقتها ...انا باسوى كذا

وبالتوفيق

[فواز1976]

التصميم فيه عيوب كثيره كان من الممكن تلافيها... منها مثلاً
موقع الصاله وعدد الابواب الي فاتحه عليها مما جعلها موزع اكثر من انها صاله,,
الدرج صغير لدرجه انه يعيق نقل الاثاث الى الدور العلوي
موقع الابواب الخارجيه متلاصقه جميعاً مع مدخل الدور العلوي والذي كما هو واضح مستقل عن الارضي
هذاعدا التوزيع العام والزوايه الحاده الكثيره

[بنـ الدحيل ـت]

جزاك الله خييرا أخوي naklan
ممكن نكبرها مرة أو مرتين
وبالنسبة للقلى ، راح أعمل مطبخ خارجي

_ _ _ _ _

جزاك الله خير اخوي مالك أمل
بانتظار المخططات
_ _ _ _ _ _ _


المهندس عبدالعزيز
إن شاء الله ما أنسى
هذا أهم شيء

جزاك الله خيرا

_ _ _ __



آمين .. ويعين الجميع إن شاء الله
جزاج الله خيرا اختي ضوى
يا ليت والله
شيكي على الخاص


- - - - - - - -



إن شاء الله أخوي خلدون
جزاك الله خيرا على الموقع الجميل

_ _ _ _ _ _



الغالية لأجل Qt
آمين ، ويعين الجميع يا رب
أي والله صدقتِ
أختي انا وايد شفت فلل واعجبتني ،
بس آستحي أطق الباب
واقول لهم عطوني الخريطة
أو أبي أشوف البيت


الله يسعدج


جزاك الله خير اخوي فواز

[بنـ الدحيل ـت]

آراءكم في هذا المخطط ( 2 )


أهم شيء عندي في الدور الأرضي
أربع غرف نوم + ملابس + حمام

غير الملاحق والدور الأول

http://im16.gulfup.com/2012-01-01/132540409961.jpeg (http://www.gulfup.com/show/X1ekimae5vlf)

[لاجل QT]

بنت دحيل عقب مادفعتى رسوم قسيمة الارض شنهو كان الاجراء بعد ذالك....دفعت الرسوم من قبل العيد وهذا انا قاعدة انتظر محد اتصل ولا رد علي

[فواز1976]

هذا افضل كثير من الي سبقه....لكن ما يمنع انه يكون فيه مجال للتطوير في هذا ايضاً.
1. الغرفه 4*6 الافضل يتغير محل بابها للجهه اليسرى المقابله للغرفتين الصغار, هذا راح يعطي للصاله اكثر خصوصيه وراح يكبر حجم غرفه الملابس ,,, وايضاً راح يخلي الدخله على الغرفه اكثر اريحيه بدل ما يكون اول ما يشوف الواحد باب الحمام
2. يفضل اضافه باب خدمه للمطبخ احسن من انه يكون من وسط الصاله , ويفيد في حاله اضافه مطبخ خارجي
3. يوجد غرفتين صالون بالوجهه .... الصراحه ما فهمت استخدامهم خصوصاً انه وحده منهم تفتح فقط على الدرج الخارجي .....ولهذا لم استطع اضافه مقترح
4. شباك غرفه المعيشه (الصاله) الافضل تكبيره لاقصى حد وان يكون من 30سم من الارض الى السقف
5. غرفه الخادمه الافضل ان يكون مدخلها مباشر من غير الاضطرار للمرور من غرفه الغسيل ...
6. اذا كان الدور العلوي منفصل يفضل اضافه مدخل خاص للعائله

[بنـ الدحيل ـت]

هذا افضل كثير من الي سبقه....لكن ما يمنع انه يكون فيه مجال للتطوير في هذا ايضاً.
1. الغرفه 4*6 الافضل يتغير محل بابها للجهه اليسرى المقابله للغرفتين الصغار, هذا راح يعطي للصاله اكثر خصوصيه وراح يكبر حجم غرفه الملابس ,,, وايضاً راح يخلي الدخله على الغرفه اكثر اريحيه بدل ما يكون اول ما يشوف الواحد باب الحمام
2. يفضل اضافه باب خدمه للمطبخ احسن من انه يكون من وسط الصاله , ويفيد في حاله اضافه مطبخ خارجي
3. يوجد غرفتين صالون بالوجهه .... الصراحه ما فهمت استخدامهم خصوصاً انه وحده منهم تفتح فقط على الدرج الخارجي .....ولهذا لم استطع اضافه مقترح
4. شباك غرفه المعيشه (الصاله) الافضل تكبيره لاقصى حد وان يكون من 30سم من الارض الى السقف
5. غرفه الخادمه الافضل ان يكون مدخلها مباشر من غير الاضطرار للمرور من غرفه الغسيل ...
6. اذا كان الدور العلوي منفصل يفضل اضافه مدخل خاص للعائله



ما شاء الله

إضافة رائعة

ومنكم نتعلم الكثير

بارك الله فيكم

[فتى الجود]

السلام عليكم

ابعد عن ان البيت يكون اكثر من مدخل

يعنى 3 مداخل بالواجه والممرات بالمداخل مظيقه البيت

ومدخل للخدمات

واجد كثير

خل الواجه له مدخل واحد
وياليت انك قبل لاتبتدي تمر على بيوت ارضية مبنية عشان تقتنع

عموماً :

في بيت دور ارضي بالخيسة تصميمة حلو وحتى الان هو في التشطيبات

يعنى تقدر تدخل وتشوفه من الداخل وتشوف الأفكار اللى مسويها
ممكن اوصف لك مكانه على الخاص اذا أحتجات انك تشوفه

[فتى الجود]

آراءكم في هذا المخطط ( 2 )


أهم شيء عندي في الدور الأرضي
أربع غرف نوم + ملابس + حمام

غير الملاحق والدور الأول

http://im16.gulfup.com/2012-01-01/132540409961.jpeg (http://www.gulfup.com/show/x1ekimae5vlf)


انا اشوفه احسن من التصميم الاول

وتقريباً البيت اللى في بالى

شكلة بالتصميم قريب بنفس التصميم الثاني

مع بعض الاختلافات البسيطة بالمساحات

[khaldoon]

هذا التصميم الثاني افضل بس الباب بين الدرج و المعيشة ما له داعي و يفضل ازالة الحيطه لانه جمال المعيشة في اظهار الدرج و التتصميم يبين الدرج مثل الغرفة

الحمامات ما عليها ابعاد و شكلها صغيره تأكدي من حجمها و واضح انه ما راح يكون في امكانية عمل جاكوزي بالحمام الرئيسي ...بيكون بصعوبة حمام صغير

غرفة الملابس للنوم الرئيسية 5*7 بتحطي فيها خزانة على شكل حرف ال بالانجليزي...ما تكفي

غرفة المابس للنون الرئيسية 4*6 بعد صغيرة جدا

المخزن صغير جدا

حمام الخادمة وين ممكن يكون فيه بانيو مربع و مرحاض اجلمن الله...ما يكفي شي من الصورة

هذا ما يحضرني على السريع لو لقيت شي ثاني ببلغج لاني مضطر اطلع الحين

[khaldoon]

الفراغ الخارجي بين الدرج و غرفة النوم مب منطقي وممكن يستغل بغرفة اخرى او عمل توسعة في البيت و طبعا بتزيد التكلفه



بس المنطق انه يكون هالفراغ غير موجود اسوة بالجهة الاخرى

غرف النوم 4*5 ...ممكن لو سمحتي تفكري فيها شوي كيف بتوزعين الفرش

احسبي السرير مفرد 1.5*2.0 و المزدوج 2*2م
احسبي الخزانة بسمك 70سم وكل درفة باب 45 او 60 سم و وشفي كم درفة او باب تحتاجين للخزانة

احسبي التشريحة 1.5*0.7 م

احسبي الكومادينو* عدد 2 اللي تكون جنب السرير و فيها ادراج ...ما اعرف ايش تسمونها 60*60سم

بناء على هذه الارقام فكري اشلون بتوزعين الفرش فيها لاني احس انج راح تواجهين مشكله فيها بسبب الشبابيك و المقاس

غرفة الخادمة يا دوب سرير و خزانة صغيره...ايش ابعادها؟

المعيشة بالعة المساحة على حساب الغرف

البيت مقسم من فوق لغرف النوم و بالوسط قسم الخدمات من مطبخ و غسيل و مخزن و معيشة و خادمة

من تحت استقبال

الصالون بمقاس 5*6 اكبر من الصالون الثاني يعني هو الرئيسي

مدخله غير رئيسي ...هل الصالون الكبير بيكون رئيسي و للحريم فقط ؟

مقاسات الشبابيك صغيرة

ممكن تحطي كل المقاسات للغرف علشان نعطيكي معلومات اكثر

[بنـ الدحيل ـت]

انا اشوفه احسن من التصميم الاول

وتقريباً البيت اللى في بالى

شكلة بالتصميم قريب بنفس التصميم الثاني

مع بعض الاختلافات البسيطة بالمساحات

جزاك الله خيرا

[بنـ الدحيل ـت]

الفراغ الخارجي بين الدرج و غرفة النوم مب منطقي وممكن يستغل بغرفة اخرى او عمل توسعة في البيت و طبعا بتزيد التكلفه



بس المنطق انه يكون هالفراغ غير موجود اسوة بالجهة الاخرى

غرف النوم 4*5 ...ممكن لو سمحتي تفكري فيها شوي كيف بتوزعين الفرش

احسبي السرير مفرد 1.5*2.0 و المزدوج 2*2م
احسبي الخزانة بسمك 70سم وكل درفة باب 45 او 60 سم و وشفي كم درفة او باب تحتاجين للخزانة

احسبي التشريحة 1.5*0.7 م

احسبي الكومادينو* عدد 2 اللي تكون جنب السرير و فيها ادراج ...ما اعرف ايش تسمونها 60*60سم

بناء على هذه الارقام فكري اشلون بتوزعين الفرش فيها لاني احس انج راح تواجهين مشكله فيها بسبب الشبابيك و المقاس

غرفة الخادمة يا دوب سرير و خزانة صغيره...ايش ابعادها؟

المعيشة بالعة المساحة على حساب الغرف

البيت مقسم من فوق لغرف النوم و بالوسط قسم الخدمات من مطبخ و غسيل و مخزن و معيشة و خادمة

من تحت استقبال

الصالون بمقاس 5*6 اكبر من الصالون الثاني يعني هو الرئيسي

مدخله غير رئيسي ...هل الصالون الكبير بيكون رئيسي و للحريم فقط ؟

مقاسات الشبابيك صغيرة

ممكن تحطي كل المقاسات للغرف علشان نعطيكي معلومات اكثر

ما شاء الله

معلوماتك غزيرة ومنك نتعلم

جزاك الله خير

[بنـ الدحيل ـت]

هذا المخطط ( 3 )

فلا تبخلوا بآرائكم القيمة


http://im21.gulfup.com/2012-01-01/1325436547351.gif (http://www.gulfup.com/show/X5mixpj7xvauu)

[ابوعلي]

زين سويتي اختي باستشارة الاعضاء وان شاء الله تطلعين باستفادة كبيرة

ونصيحتي لا تملين من الانتظار والاستشارة لكل النقاط المتعلقة بمراحل البناء من الخرايط لاتمام البنا ولا تستعجلين وخذي مرحله مرحلة واستفيدي من النصايح واخطاء الاخرين

وموفقه ان شاء الله

[ana_ana]

السلام عليكم

بالتوفيق اختي ان شاء الله
يفضل تكتبين على ورقة كل متطلباتك في الفيلا والمساحة التقديريه للبناء وتعطينها مكتب يصمم لك على حسب المساحة المتوفره ومخطط الارض وهذا افضل حل واسرع لك ويبعدك عن الحيره لنه هذه المخططات معموله وجاهزه ، والمكتب بيقدم لك اكثر من فكره وهنا انتي طوريها وعدلي فيها لحد ماتتوصلون للنموذج المطلوب

[khaldoon]

هذا المخطط ( 3 )

فلا تبخلوا بآرائكم القيمة


http://im21.gulfup.com/2012-01-01/1325436547351.gif (http://www.gulfup.com/show/x5mixpj7xvauu)

اول شي اختي الحين لما يجي ضيوف بتدخليهم المجلس و على فرض انت عازمتيهم على طعام فبعدين بتخليهم يمرون من صالة المدخل مره ثانيه علشان يروحون غرفة الطعام؟

اعتقد انهم لازم يكونوا جنب بعض او بنفس الاتجاه بس مب مشكله مقبول لسبب واحد انه انت بتصميمج هذا فاصله كل جناح الضيوف عن خصوصية البيت

بس ما يصير مغاسل الضيوف عند غرفة الطعام انها تفتح بباب على المطبخ

صالة المدخل 5.7*3 كبيرة شوي لاني ما اعرف ايش راح تحطين فيها لانها كلها ابواب بس فيها زاوية يسار ممكن تحطي فيها كنب او اي شي وبشكل عام هالصاله مساحة ضايعة نوعا ما

المطبخ مقاسه 5*4 ....احسبي سمك الخزائن 70 سم و شوفي وين بتحطينهم مع وجود ثلاجه و منشفة صحون و فرن و فريزر

ممكن يكونوا من ضمن الخزائن لو انه مع نفس الطقم و الا فكري اشلون بتوزيعهم

يعني الحين المطبخ 5*4...بالنسبة للاتجاه القصير 4 شيلي منه خزاين على الجهتين بيصير 4-1.4= 2.6م يعني هذا عرض المطبخ المتبقي عندج

في مكان لطاولة و كراسي بالمطبخ؟

التصميم هذا ما فيه غرف تبديل الملابس

مثل ما ذكرت من قبل الفراغ بين الدرج و غرفة النوم الرئيسية ليش ما يكون غرفة اضافية او توسعة بالبيت....شكله مب حلو

الممر بين المعيشة و الدرج ضيق و مب مريح خصوصا انه مدخل للعائله

ارجو منج انج توزعي الفرش في غرف النوم مثل ما قلت لج سابقا قبل طرح اي تصميم علشان ما تحتاري وايد

بشكل عام هالتصميم هذا ما انصحج تاخذينه بهالشكل

و شكرا

[بوخالد911]

لو يكون فيه ملحق خارجي بيكون افضل

[Aaziz]

التصاميم جيده و توجيهات الاعضاء ممتازه

بالتوفيق

[بنـ الدحيل ـت]

اول شي اختي الحين لما يجي ضيوف بتدخليهم المجلس و على فرض انت عازمتيهم على طعام فبعدين بتخليهم يمرون من صالة المدخل مره ثانيه علشان يروحون غرفة الطعام؟

اعتقد انهم لازم يكونوا جنب بعض او بنفس الاتجاه بس مب مشكله مقبول لسبب واحد انه انت بتصميمج هذا فاصله كل جناح الضيوف عن خصوصية البيت

بس ما يصير مغاسل الضيوف عند غرفة الطعام انها تفتح بباب على المطبخ

صالة المدخل 5.7*3 كبيرة شوي لاني ما اعرف ايش راح تحطين فيها لانها كلها ابواب بس فيها زاوية يسار ممكن تحطي فيها كنب او اي شي وبشكل عام هالصاله مساحة ضايعة نوعا ما

المطبخ مقاسه 5*4 ....احسبي سمك الخزائن 70 سم و شوفي وين بتحطينهم مع وجود ثلاجه و منشفة صحون و فرن و فريزر

ممكن يكونوا من ضمن الخزائن لو انه مع نفس الطقم و الا فكري اشلون بتوزيعهم

يعني الحين المطبخ 5*4...بالنسبة للاتجاه القصير 4 شيلي منه خزاين على الجهتين بيصير 4-1.4= 2.6م يعني هذا عرض المطبخ المتبقي عندج

في مكان لطاولة و كراسي بالمطبخ؟

التصميم هذا ما فيه غرف تبديل الملابس

مثل ما ذكرت من قبل الفراغ بين الدرج و غرفة النوم الرئيسية ليش ما يكون غرفة اضافية او توسعة بالبيت....شكله مب حلو

الممر بين المعيشة و الدرج ضيق و مب مريح خصوصا انه مدخل للعائله

ارجو منج انج توزعي الفرش في غرف النوم مثل ما قلت لج سابقا قبل طرح اي تصميم علشان ما تحتاري وايد

بشكل عام هالتصميم هذا ما انصحج تاخذينه بهالشكل

و شكرا

ما شاء الله

شرح مقنع والله يجزاك خير

ومنك نستفيد

[بنـ الدحيل ـت]

لو يكون فيه ملحق خارجي بيكون افضل

أكيد بيكون فيه ملحق ودور ثاني

بس أهم شيء عندي الدور الأرضي

كيف بيكون ؟

وجزاك الله خير

[بنـ الدحيل ـت]

هذا المخطط رقم ( 4 )


http://im11.gulfup.com/2012-01-02/1325511011841.gif (http://www.gulfup.com/show/X7ilisymx80w08o)

آراءكم بارك الله فيكم

[khaldoon]

نفس الملاحظات السابقة اختي بالنسبة لغرف النوم و اشلون بتوزعي الفرش فيها

غرفة الملابس بالنسبة للنوم الرئيسيه مثل الممر ما تصلح و غرف النوم الثانيه ما فيها غرفة ملابس

مستغرب اختي انج تحطين مدخل العائله اللي هو اساسي دائما على انه باب فرعي ...و ممر ضيق

يعني انت شوفي مدخل العائله بؤدي الى 4 درجات و بعدين موزع مب واسع بطول 7.3 تقريبا و كأنه ممر معزول ....هل هذا تصميم مريح لاهل البيت؟...الناس تدور على الصالات المفتوحه مب مرات ضيقة

جناح الضيوف معزول تماما بس شوفي كيف نقل الاكل من المطبخ لغرفة الطعام....يفضل انهم يكونون بجانب بعض اسهل للحركه ...يعني اهل البيت يدخلون و يقابلهم ناس تحمل الاكل بنفس الممر مع وجود زوايا يعني الرؤية غير واضحة ممكن يصير تصادم و هالشي خطر؟

المطبخ 4*6 نفس الملاحظات السابقة

الصراحه التصميم ضعيف ومب حلو سواء من الداخل او الخارج

[بنـ الدحيل ـت]

نفس الملاحظات السابقة اختي بالنسبة لغرف النوم و اشلون بتوزعي الفرش فيها

غرفة الملابس بالنسبة للنوم الرئيسيه مثل الممر ما تصلح و غرف النوم الثانيه ما فيها غرفة ملابس

مستغرب اختي انج تحطين مدخل العائله اللي هو اساسي دائما على انه باب فرعي ...و ممر ضيق

يعني انت شوفي مدخل العائله بؤدي الى 4 درجات و بعدين موزع مب واسع بطول 7.3 تقريبا و كأنه ممر معزول ....هل هذا تصميم مريح لاهل البيت؟...الناس تدور على الصالات المفتوحه مب مرات ضيقة

جناح الضيوف معزول تماما بس شوفي كيف نقل الاكل من المطبخ لغرفة الطعام....يفضل انهم يكونون بجانب بعض اسهل للحركه ...يعني اهل البيت يدخلون و يقابلهم ناس تحمل الاكل بنفس الممر مع وجود زوايا يعني الرؤية غير واضحة ممكن يصير تصادم و هالشي خطر؟

المطبخ 4*6 نفس الملاحظات السابقة

الصراحه التصميم ضعيف ومب حلو سواء من الداخل او الخارج



جزاك الله خير

ساضع المخطط الرابع

[بنـ الدحيل ـت]

هذا المخطط رقم ( 4 )

http://im11.gulfup.com/2012-01-02/1325511011192.gif (http://www.gulfup.com/show/X1vndpae06n066)

[توفني ساجدا]

محتاج شوية تعديل...!! بس هو تصميمه حلو بس يحتاج تبديل بعض الأماكن

[بنـ الدحيل ـت]

محتاج شوية تعديل...!! بس هو تصميمه حلو بس يحتاج تبديل بعض الأماكن

مرحبا أخينا الكريم

تعديل مثل ماذا ..؟؟

ليتك توضح لنا لنستفيد

بارك الله فيكم

[ولد العرب]

اختي هل عندك فكرة عن تكلفة المخططات التي وضعتيها مشكورة
اعتقد بانها مكلفة بسبب كثرة الغرف والاساسات والاعمدة والجسور وبالتالي مكلف جدا للاسف
فياليت الاعضاء يفيدون بالتكلفة التقريبية

[بنـ الدحيل ـت]

اختي هل عندك فكرة عن تكلفة المخططات التي وضعتيها مشكورة
اعتقد بانها مكلفة بسبب كثرة الغرف والاساسات والاعمدة والجسور وبالتالي مكلف جدا للاسف
فياليت الاعضاء يفيدون بالتكلفة التقريبية


نعم .. صدقت

ليتهم يفيدونا بالسعر التقريبي

جزاكم الله خيرا

[khaldoon]

هذا المخطط رقم ( 4 )

http://im11.gulfup.com/2012-01-02/1325511011192.gif (http://www.gulfup.com/show/x1vndpae06n066)





المطبخ صغير جدا جدا لا ينفع

جناح غرفة النوم الرئيسية ممتاز

غرف النوم الثانيه مب معتني فيها كثير في التصميم...يعني شوي مظلومة

الصالة الوسطى كبيرة جدا و بالعة المساحة

الطريق بين المطبخ و غرفة الطعام مب منطقي و طويل

ايش العلاقة الواصلة بين الدرج و الفيلا ...يعني كيف ننتقل من الارضي للاول؟ بس من الخارج؟

ليش ما يكون الدرج في وسط الصالة

حلو المدخل المنفصل للعائله هذه المره يعطي خصوصية لاهل البيت

و حلوه الزوايا ال 45 لهذه الفيلا بس تصميم البيت مب منتظم بالمره و الواجهات بتكون صعبه شوي او مب حلوة

ممكن تشيلي الفراغ الخارجي عند المدخل في يمين الفيلا بين المدخل و الدرج و توسعي المطبخ افضل

سؤال لاحظته من التصاميم اللي تحطينها اختي : ليش دايما تحطين 3 غرف نوم بالارضي رغم انه عندج دور اول؟...عادة غرفة النوم بتكون في الاول و غرفة واحده نوم بتكون بالارضي

ايش بتحطين اذا بالدور الاول؟

التصميم لو بتعدلي عليه بيصير حلو و جيد

[بنـ الدحيل ـت]

المطبخ صغير جدا جدا لا ينفع

جناح غرفة النوم الرئيسية ممتاز

غرف النوم الثانيه مب معتني فيها كثير في التصميم...يعني شوي مظلومة

الصالة الوسطى كبيرة جدا و بالعة المساحة

الطريق بين المطبخ و غرفة الطعام مب منطقي و طويل

ايش العلاقة الواصلة بين الدرج و الفيلا ...يعني كيف ننتقل من الارضي للاول؟ بس من الخارج؟

ليش ما يكون الدرج في وسط الصالة

حلو المدخل المنفصل للعائله هذه المره يعطي خصوصية لاهل البيت

و حلوه الزوايا ال 45 لهذه الفيلا بس تصميم البيت مب منتظم بالمره و الواجهات بتكون صعبه شوي او مب حلوة

ممكن تشيلي الفراغ الخارجي عند المدخل في يمين الفيلا بين المدخل و الدرج و توسعي المطبخ افضل

سؤال لاحظته من التصاميم اللي تحطينها اختي : ليش دايما تحطين 3 غرف نوم بالارضي رغم انه عندج دور اول؟...عادة غرفة النوم بتكون في الاول و غرفة واحده نوم بتكون بالارضي

ايش بتحطين اذا بالدور الاول؟

التصميم لو بتعدلي عليه بيصير حلو و جيد

إبداع ما شاء الله في أفكارك

أخوي بالنسبة للدور الأول
غرفتين فقط

غرفة بحمامها مع ملابس
وصالة + حمام

ومطبخ تحضيرية

لأبني مستقبلا لين يتزوج

وبناتي تحت معاي لذلك أفكر أعمل كل واحدة
غرفة ماستر

جزاك الله خيرا

[khaldoon]

إبداع ما شاء الله في أفكارك

أخوي بالنسبة للدور الأول
غرفتين فقط

غرفة بحمامها مع ملابس
وصالة + حمام

ومطبخ تحضيرية

لأبني مستقبلا لين يتزوج

وبناتي تحت معاي لذلك أفكر أعمل كل واحدة
غرفة ماستر

جزاك الله خيرا

الله يحفظهم و يخليهم لج يا رب

سوي فوق مثل ما قلتي و ضيفي عليهم غرفة معيشة و مطبخ صغير

بس غرفتين نوم بيعتبر بيت صغير وما ينفع لين تكبر عائلته ان شاء الله

تحت سوي مثل ما تفضلتي الغرف ماستر بس التكلفة كبيره بهالشكل

[بنـ الدحيل ـت]

جزاك الله خيرا

يعني كم بتكون التكلفة ..؟؟

ألا يعتمد على مساحة الأرض ..؟؟؟

[khaldoon]

جزاك الله خيرا

يعني كم بتكون التكلفة ..؟؟

ألا يعتمد على مساحة الأرض ..؟؟؟

جميعا ان شاء الله

بالنسبة لمساحة الارض ...اول شي احترمي الارتدادات المسموح فيها و صممي الفيلا بحيث تكون داخل حدود هذه الارتدادت و هذا معنى الاعتماد على مساحة الارض

اما بخصوص التكلفه فما يبين اختي من مخطط واحد و بدون واجهات ولا تفاصيل اخرى كثيرة

يعني مثلا الشبابيك و الابواب الاقواس بتكلف اكثر من الشبابيك العادية بالنسبة للخرسانات و نفس الحال للديكورات و البروزات في الحوائط الخارجية

و التكلفه الكبرى بتكون على التشطيب و ليس الخرسانات


اتمنى اخوانا اصحاب شركات المقاولات انهم يفيدونا اكثر بالنسبة للتكلفة
بالتوفيق

[بنـ الدحيل ـت]

هذا التصميم عمل لي أحد الأعضاء هنا

وطلبت منه أن أعرضه هنا

فوافق

جزاه الله خيرا

وبصراحة عاجبني تصميمه

والله يوفقه

نموذج ( 5 )

الدور الأرضي

http://www.m5zn.com/uploads2/2012/1/3/photo/010312110133ifm3gkwtpit.bmp (http://www.m5zn.com)

الدور الأول


http://www.m5zn.com/uploads2/2012/1/3/photo/010312110135rcc8vpbov02betx8z.bmp (http://www.m5zn.com)

لا تبخلوا بملاحظتكم

يعطيكم العافية

[khaldoon]

الدور الارضي

كنظرة اولى ممتاز و رائع بس المبطخ مفتوح على غرفة الطعام ...ممكن تسوي حيطه و باب او تخليه مثل ما تبي يعتمد هل انت تستعملين المطبخ الخارجي للطبيخ و الا الداخلي علشان الريحة

خصوصية ممتازة في التصميم لغرف النوم و جناح الضيوف مع عمل غرف تغيير ملابس بطريقة صحيحه لكل غرفة مب على شكل ممرات و حمامات جيدة

سوي الشبابيك و خليها كبيره وفوق السراير

ابعاد الغرف و الممرات ممتازة

انا ان شاء الله بشوفه بكره مره ثانية لانه الوقت متأخر الان

بس التصميم ممتاز مثل ما اشوفه الحين

الله يوفقج ....تحياتي للي صمم الفيلا

[بنـ الدحيل ـت]

جميعا ان شاء الله

بالنسبة لمساحة الارض ...اول شي احترمي الارتدادات المسموح فيها و صممي الفيلا بحيث تكون داخل حدود هذه الارتدادت و هذا معنى الاعتماد على مساحة الارض

اما بخصوص التكلفه فما يبين اختي من مخطط واحد و بدون واجهات ولا تفاصيل اخرى كثيرة

يعني مثلا الشبابيك و الابواب الاقواس بتكلف اكثر من الشبابيك العادية بالنسبة للخرسانات و نفس الحال للديكورات و البروزات في الحوائط الخارجية

و التكلفه الكبرى بتكون على التشطيب و ليس الخرسانات


اتمنى اخوانا اصحاب شركات المقاولات انهم يفيدونا اكثر بالنسبة للتكلفة
بالتوفيق

إي والله يا ليت إخواننا يفيدونا

جزاك الله خير اخوي خلدون

[بو الجوري]

إختي أغلب هالمخططات مرت علي قبل لا أصمم مخططي الخاص :.. :)


نصيحـه

روحي مكتب إستشاري

و قوليلـه أبغي فيلا من دورين بمساحة 500 متر مربع مثلا
و حدديله الغرف المطلوبه ، و مثلا كـم حمام تكرمون
و مجلس و صاله ، و هو بيصمم لـج

عقب قعدي غيري فيـه ،، سواء مساحات أو تغيير أماكن :..

و التغيير طبعاً مجانا لغاية ماتعتمدين المخطط :)


أهم شي قوليله يسوي الفيلا على جنب عشان يكون عندج حوش :..

تراه مهم و الله :..

[دااانة قطر]

تأكدي الحمامات ما تكون في اتجاه القبلة


نقطه مهمه .. في ميزاان حسنااتك


اختي بنت الدحيل الله يوفقك وان شااء الله تستفيدين ونستفيد معااج لأن مقبلين على الموضوع نفسه
ربي يوفقك وشكر للجميع على التوااصل

[صوت الضمير]

اختي العزيزه بيتنا على التشطيب

نموذج المخطط احنا مسوينه عند مكتب تخطيط ..

بحيث انه الدور الاول فيه
غرفه نوم رئيسيه مع غرفة ملابس وحمام
2غرفة نوم بدون حمام
غرفةنوم بحمام
مطبخ تحضيري
صالة

الطابق الثاني :
نفس الطابق الاول

البنت هاوس :
غرفة رئيسيةبحمام +2غرفة بدون حمام

الملاحق الخارجيه
مجلس خارجي+غرفة طعام+غرفة ضيوف+مغاسل+حمام

ملحق خارجي اخر:
غرفةخدم +حمام للغسيل الملابس+حمام

مطبخ خارجي +مخزن

من عيوب التصميم انه لايوجد فيه غرف ملابس ولايوجد غرفة ضيافةللحريم لانه يوجد غرفة ضيافة منفصلةعن البيت بالحمام

اللي يحب يشوف البيت يرسل لي رساله على الخاص بدله مكان البيت
او نسخه من المخطط

وشكرا

[khaldoon]

هذا التصميم عمل لي أحد الأعضاء هنا

وطلبت منه أن أعرضه هنا

فوافق

جزاه الله خيرا

وبصراحة عاجبني تصميمه

والله يوفقه

نموذج ( 5 )

الدور الأول

http://www.m5zn.com/uploads2/2012/1/3/photo/010312110135rcc8vpbov02betx8z.bmp (http://www.m5zn.com)

لا تبخلوا بملاحظتكم

يعطيكم العافية


اختي الطابق الاول هو نسخة لجزء من الارضي و ممتاز بس لما تبني بيت بهالشكل بيكون غير مكتمل كمنظر خارجي و راح يضيع عليكي فرصة عمل ديكورات خارجية ممتدة من الارضي للاول و بعدين الا ما يصير في نية مستقبلا للتوسع و بصير البيت ورشة عمل

لو تقدروا تعملوه كامل دورين بيكون افضل و احسن

بالتوفيق ان شاء الله

[بنـ الدحيل ـت]

تصميم رقم ( 6 )

http://im12.gulfup.com/2012-01-03/1325603473591.jpg (http://www.gulfup.com/show/X7j69p0hgvgo4wo)

آرائكم يا أهل الخبرة

[khaldoon]

الصالون و المعيشة بالعين المساحة على حساب غرف النوم

غرف النوم صغيره كمقاس 3.8 و 3.7م وغرف تغيير الملابس الخاصة فيها صغيره ما تنفع يعني هالجزء مهمل تماما في التصميم

غرفة النوم الرئيسية تطل مباشرة على المعيشة و هالشي ما فيه خصوصية

غرفة الاوفيس عبارة عن ممر اشلون بتكون اوفيس ما تنفع

فراغ السلم الدائري كبير جدا بالنسبة للسلم يعني مساحة ضايعة من اليمين و اليسار...خلي السلم ملاصق للحوائط بدون فراغات و بتكبر المساحة ....ليش في درجين مب تضييع كبير للمساحة و تكلفة زائدة؟

التصميم يحتاج الكثير من التعديل

[بنـ الدحيل ـت]

جزاك الله خيرا

في ناس عاجبهم هالتصميم

وانا قلت أحطه هنا لأرى اقتراحاتكم

تصميم رقم ( 7 )

الدور الأول

http://im19.gulfup.com/2012-01-03/1325613347691.gif (http://www.gulfup.com/show/X2if4crp3lo2s0ww)

الدور الثاني

http://im19.gulfup.com/2012-01-03/132561334743.gif (http://www.gulfup.com/show/X7j9d2da542ccwc)

أرى أنه من عيوبه أن الدور الأرضي لا توجد غرف نوم للأسف

[بنـ الدحيل ـت]

أشكر كل من شارك هنا

جزاكم الله خيرا

[بنـ الدحيل ـت]

طبعا أخذناه من هذا الموقع


http://www.architecturaldesigns.com/european-house-plan-81126w.asp#d

وأتمنى لو تحسبون السعر للبناء

كم بيكلف >>??

http://www.rahac.com/site/index.php?group=calc

[فواز1976]

جزاك الله خيرا

في ناس عاجبهم هالتصميم

وانا قلت أحطه هنا لأرى اقتراحاتكم

تصميم رقم ( 7 )

الدور الأول

http://im19.gulfup.com/2012-01-03/1325613347691.gif (http://www.gulfup.com/show/x2if4crp3lo2s0ww)

الدور الثاني

http://im19.gulfup.com/2012-01-03/132561334743.gif (http://www.gulfup.com/show/x7j9d2da542ccwc)

أرى أنه من عيوبه أن الدور الأرضي لا توجد غرف نوم للأسف

هذا التصميم افضلهم .....

[تحداني]

ما قدرت أفهم وايد في هالتخطيطات .. بس استفدت حقيقه من تجاربكم
كل شي عشان تتعلمه لازم تغامر فيه وتجازف وتجربه .. راح اطبقه في بيت العمر ان شاء الله


جملك الله برضاه

[khaldoon]

ما قدرت أفهم وايد في هالتخطيطات .. بس استفدت حقيقه من تجاربكم
كل شي عشان تتعلمه لازم تغامر فيه وتجازف وتجربه .. راح اطبقه في بيت العمر ان شاء الله


جملك الله برضاه

في مثل معروف يقول اول بيت تبنيه بيعه و الثاني اجره و الثالث اسكن فيه يعني الاول بيكون فيه كثير من الاخطاء مهما حاولت تتفاداها و الثاني الاخطاء اقل بس بعد ما ينفع و الثالث لازم يكون خالي من الاخطاء اللي صارت في اول بيتين

بالتوفيق للجميع ان شاء الله

[khaldoon]

جزاك الله خيرا

في ناس عاجبهم هالتصميم

وانا قلت أحطه هنا لأرى اقتراحاتكم

تصميم رقم ( 7 )

الدور الأول

http://im19.gulfup.com/2012-01-03/1325613347691.gif (http://www.gulfup.com/show/X2if4crp3lo2s0ww)

الدور الثاني

http://im19.gulfup.com/2012-01-03/132561334743.gif (http://www.gulfup.com/show/X7j9d2da542ccwc)

أرى أنه من عيوبه أن الدور الأرضي لا توجد غرف نوم للأسف

في غرفة نوم ماستر بالدور الاول او الارضي مقاساها 5.65*6.72 م2 تقريبا بس انتبهي انه في زاويه كبيرة ماكله من مساحة الغرفه وباقي الغرف

ما فهمت ايش هي ال momoing room?

عيب هالبيت انه زواياه كبيرة جدا جدا يعني بغلبج في توزيع الفرش

افضل انج توزيع الفرش فيه من الحين و تشوفي ينفع او لا و بعدين قولي لنا انه ما في مشكله بتوزيع الفرش و هل هو مناسب لقطعة ارضج اختي قبل اني اقول اي شي عن هذا التصميم

[شمس المغيب]

مرحبا اختي بنت الدحيل

لو إني مافهم وايد في المخططات والتصاميم
وانا حالي حالج طول يومي احوس بالنت ادور مخططات
بس يتراوالي المخططات الأجنبية او الغربية بالاصح ماتصلح لنا ولا لبيئتنا الخليجية
ولاحظي الحمامات وانتوا بكرامة في وسط البيت يعني مافيها شبابيك تهويه
والمطبخ بعد ياي في الوسط حتى لو كان مطبخ داخلي لو يكون مطرف احسن
مافيه ميلس
ومثل ماقال لج الأخ خلدون المخطط فيه زوايا وايد .. يعني يتاج تعديل دقيق وصعب

هذي وجهة نظري

والله يوفقج وتلقين مخطط يناسبج ويسهل عليج وتسكنين البيت وانتي مرتاحة

[فواز1976]

شمس المغيب ........الزوايا ما تشكل مشكله لانها غير حاده.... وبالنسبه الى دوره المياه الداخليه, يعمل لها تهويه ميكانيكيه حالها حال دورات المياه الموجوده بالفنادق, انا اتفق معك انها لو يوصلها اناره طبيعيه يكون افضل لكن ما اعتقد هذه تعتبر مشكله.
اما من ناحيه التوزيع .... فانا اتفق معك بانه لا يلبي متطلبات البيت الخليجي لكن مع قليل من التعديل لاستخدامات الغرف ممكن ان يكون بيت خليجي من الدرجه الاولى.

اتفق مع الاخ خلدون انه عليكي تراجعي ابعاد الارض الي عندك وكم يبقى بعد الارتدادت لانه المخطط كما هو واضح ماخذ شكل طولي.

التكلفه ..... صعب تحديدها بالضبط لعدم وضوح مواد التشطيب , لكن يمكنك حساب مجموع مساحات البناء وضربها بسعر المتر المتعارف عليه (التكلفه راح تكون تقريبيه ايضاً)

[alme3mary]

السلام عليكم
أختي بنت الدحيل ... زي مالاخوه الافاضل قالوا قبلي لازم انك تتأكدين ان المخططات تصلح لارضك لان ممكن يعجبك المخطط ومايركب بالارض عندك .. لذلك اشوف ان الافضل انك تسوين سكتش على نفس الارض بنفس طلباتك ... روحي اي مكتب استشاري وعطيهم طلباتك وصورة مخطط الارض ويعملولك اسكتش على ارضك يوزعونلك في الفيلا والغرف والملاحق واذا عندك مجلس خارجي او ماشابه ... وبذلك بتلاقي الموضوع بدأ يكون اسهل عليكي ... اما عن التكلفه فمافي احد يقدر يقولك كم البيت بيكلف بالظبط الا بعد الانتهاء من كامل المخططات ( المعماري والحديد والكهرباء والماء وكيوتل والصرف الصحي ( أجلَّكم الله ) .. لكن من الممكن ان يكون السعر تقريبي وذلك بحساب مساحة البناء الاجمالية وتضربيها في سعر المتر الدارج في السوق ... واتوقع بس مو متأكد ويفيدونا اخوانا المقاولين هنا ان السعر الحين حدود 1800 ريال للمتر تشطيب ديلوكس ... يعني بها الشكل اذا قلنا ان مساحة بيتك 700 متر مربع بيكون التكلفة 800 ضرب 1700 يساوي 1260000 ( مليون وميتين وستين الف ) وطبعا هذا الكلام تقريبي معرض للزيادة والنقصان لين لاتكمل كل الخرايط ... وان شالله تبنين بيتك على خير ...

اخوي فواز التهوية الميكانيكية للحمامات ( اعزكم الله ) غير مقبولة بالتخطيط العمراني اللي يدرس الخرايط ليعتمدها .. الا في حالات المجالس والملاحق الخارجية وتحـــــتاج موافقة من رئيس القسم ... وزي ماتفضلت وقلت الاحسن التهوية والانارة الطبيعيه للحمامات .....

وفقكم الله أجمعين لما يحبه ويرضاه

[بو الجوري]

إختي بنت الدحيل

لا تتعبين نفسـج مع مخططات النت
:)

ريحي راسج و ودي مخطط الأرض لأي مكتب إستشاري
و عطيه تفاصيل الفيلا ،، من عدد الغرف و الصالات و المجلس
و قوليله مابغي البناء يزيد مثلا عـن 550 متر :..

و بعدها إعرضي علينا الإسكتش و إن شاء الله بتكون المساعده
و الإقتراحات أفضل
و بترتاحين الصراحـه :..

وعادي تمي غيري فيه لين ماتقتنعين :..

[بنـ الدحيل ـت]

إختي بنت الدحيل

لا تتعبين نفسـج مع مخططات النت
:)

ريحي راسج و ودي مخطط الأرض لأي مكتب إستشاري
و عطيه تفاصيل الفيلا ،، من عدد الغرف و الصالات و المجلس
و قوليله مابغي البناء يزيد مثلا عـن 550 متر :..

و بعدها إعرضي علينا الإسكتش و إن شاء الله بتكون المساعده
و الإقتراحات أفضل
و بترتاحين الصراحـه :..

وعادي تمي غيري فيه لين ماتقتنعين :..


كلامك صحيح

الأكثر مدحو هذا النموذج

نموذج ( 5 )

http://www.qatarshares.com/vb/showthread.php?t=491861&page=5

بس اشلون اعرف مساحة البناء ؟

[توفني ساجدا]

الشيخه الله لا يهينك روحي على استشاري وعطيه صوره عن مخطط الأرض و عطيه فكره عن تصورك لتصميم البيت وهو بسويلك الي تبينه وتقدرين اتعدلين المخطط لين تعتمدينه له كلها ما تكلف اكثر من 15 الف.
ونصيحه لا تاخذين مليون رأي و رأي مع احترامي للجميع،،
بس يفضل انك تاخذين رأي اهل البيت الي بيسكنون معاك.
لأن اراء الناس وايد وماراح اتعرفين شلي تبينه في الاخير من كثر الاراء
بس اذا في مهندسين استشاريين هني اتمنى لين اتسوين المخطط تعرضينه عليهم وتستفيدي من خبراتهم.
اتمنى لك التوفيق.

[بنـ الدحيل ـت]

الشيخه الله لا يهينك روحي على استشاري وعطيه صوره عن مخطط الأرض و عطيه فكره عن تصورك لتصميم البيت وهو بسويلك الي تبينه وتقدرين اتعدلين المخطط لين تعتمدينه له كلها ما تكلف اكثر من 15 الف.
ونصيحه لا تاخذين مليون رأي و رأي مع احترامي للجميع،،
بس يفضل انك تاخذين رأي اهل البيت الي بيسكنون معاك.
لأن اراء الناس وايد وماراح اتعرفين شلي تبينه في الاخير من كثر الاراء
بس اذا في مهندسين استشاريين هني اتمنى لين اتسوين المخطط تعرضينه عليهم وتستفيدي من خبراتهم.
اتمنى لك التوفيق.



أكيد بالتأكيد أخي الكريم

دائما أخذ مشورهم

جزاك الله خيرا