استفسار : بخصوص الاماكن السياحيه في الكويت

[ولد الدفنه]

بصراحه محتار اول مرة اروح للكويت سياحه طبعا هل فيه اماكن سياحيه مثل دبي كوفيهات مطاعم ملاهي سينمات اماكن الوناسه يعني وهل ممكن مقارنه الاماكن السياحيه الي فيها مثل دبي .

[كايد الوكره]

الكويت جوها حالياً خورافي

المجمعات ( الافنيوز - 360 - مارينا مول )
المطاعم ( فريج صويلح - الصنوبر - النوخذه - ميس الغانم ) طبعاً هذي مب في المجمعات
مطاعم فاست فود ( كابوريا - كاستلو )

القهاوي صوب دوار البلاجات ( ستار بكس - شوكليت بار )
الاماكن اللي تستحق الزياره ( المركز العلمي - الابراج - سوق المباركيه )

[المتحدث الرسمي]

.....

انصحك تروح مجمع الكوت وتتغدا هناك

القعده مش طبيعيه :nice:


.....

[خشوف]

مافيها الا المجمعات والاسواق

[بوخالد353]

فيها مولات وكفيهات ومطاعم وسينمات وتمتاز عن دبي بانك طول مانت تفتر بالمولات والمطاعم والكفيهات واغلب الموجودين كويتيين وبعض من الخليجيين وقله من الاجانب عكس دبي ال تفتر بالمول جنك ب بومبي والى موسكو!! في منطقة الفحيحيل تبعد 30 كيلو عن وصط العاصمه اسواقه كبيره وتنفع للتسوق وخاصتا الحريم,, وفيه ثلات مولات ,,اجيال ويعتبر صغير والكوت والمنشر وهم متلاصقين واحد على البحر مباشره والي اهو الكوت وفيه مارينا وكوفيهات وسينمات تطل على نوافير وبحيره ومنظر المارينا .. والمنشر صف ثاني وفيه فندق روتانا المنشر وفيه كفيهات ومطاعم وبجانب منطقه الفحيحيل وان على الطريق الساحلي يوجد مول مجك فيه مطاعم وكفييات ولاكن مافيه دور سينما وعلى نفس الطريق الساحلي تجد مجمعات للمطاعم ك فرايديز وفش ماركت وماكدونالد وهارديز وابل بيز وبيتزا هو ت وعدت مطاعم .. مول 360 الي في منطقة جنوب السره على طريق الداءري السادس مول جديد فيه مطاعم وكفيهات ودور سينما,,ولا ننسا الافنيوز والي اهو اكبر المولات بالكويت ويقع بمنطقة الري على طريق الداءري الخامس ..ومنطقه الفروانيه فيها سوق كبير ومولات بس تنفع للتسوق وخاصتا الحريم ,,والي يتعنوله عشان يفصلون جلابيات بمجمع العربيد.. العاصمه فيها سوق شرق على البحر مباشرتا فيه مطاعم وكفيهات وسينمات ..وفيها سوق المباركيه والي فيه عدة اسواق قديمه منها سوق السلاح وسوق المسقف ويمتاز منطقة الاسواق هاذي بالشغلات التراثيه .. وفيه مطاعم مشويات مكشوفه مثل طريقة الحسين بالقاهرة,,ومحلات الحلويات الشعبيه مثل الشمالي للحلويات والي يبيعون الدرابيل وقرص عقيلي والزلابيه وشغلات واجد..ومنطقة السالميه هاذي فيها اكبر الاسواق واكثر المولات,,فيها مارينا مول وهو نصفين واحد بالابحر والثاني مقابل البحر,وفيه سينمات وكفيهات ومطاعم . ومول الفنار وليلا قلري وعدة اسواق,,وفي شغله تمتاز فيها الكويت عن باقي الدول,,كوننا اصبنا بمرض الله يبعدكم عنه وهو هوس الاكل بالمطاعم وهجران مطابخ البيوت,,صار الشعب بطيني!! انواع المطاعم الاوربيه والاسيويه والخليجيه موجوده بمستو اعالي ..وتميزنا بمطاعم السندويتشات والي تدوخ منها بشارع المطاعم بالسالميه ,,بسبب كثره انواع السندويتشات والي من اختراعنا وماتحصلها ببلد ثاني..اتمنا اكون خدمتك وخدمت اخواني الي بالمنتدا وانا حاضر لاي استفسار

[وحيد-الشوق]

احس هالدولة مافيها شيء مع احترامي لشعبها غير الاسواق والمجمعات



فيها مولات وكفيهات ومطاعم وسينمات وتمتاز عن دبي بانك طول مانت تفتر بالمولات والمطاعم والكفيهات واغلب الموجودين كويتيين وبعض من الخليجيين وقله من الاجانب عكس دبي ال تفتر بالمول جنك ب بومبي والى موسكو!! في منطقة الفحيحيل تبعد 30 كيلو عن وصط العاصمه اسواقه كبيره وتنفع للتسوق وخاصتا الحريم,, وفيه ثلات مولات ,,اجيال ويعتبر صغير والكوت والمنشر وهم متلاصقين واحد على البحر مباشره والي اهو الكوت وفيه مارينا وكوفيهات وسينمات تطل على نوافير وبحيره ومنظر المارينا .. والمنشر صف ثاني وفيه فندق روتانا المنشر وفيه كفيهات ومطاعم وبجانب منطقه الفحيحيل وان على الطريق الساحلي يوجد مول مجك فيه مطاعم وكفييات ولاكن مافيه دور سينما وعلى نفس الطريق الساحلي تجد مجمعات للمطاعم ك فرايديز وفش ماركت وماكدونالد وهارديز وابل بيز وبيتزا هو ت وعدت مطاعم .. مول 360 الي في منطقة جنوب السره على طريق الداءري السادس مول جديد فيه مطاعم وكفيهات ودور سينما,,ولا ننسا الافنيوز والي اهو اكبر المولات بالكويت ويقع بمنطقة الري على طريق الداءري الخامس ..ومنطقه الفروانيه فيها سوق كبير ومولات بس تنفع للتسوق وخاصتا الحريم ,,والي يتعنوله عشان يفصلون جلابيات بمجمع العربيد.. العاصمه فيها سوق شرق على البحر مباشرتا فيه مطاعم وكفيهات وسينمات ..وفيها سوق المباركيه والي فيه عدة اسواق قديمه منها سوق السلاح وسوق المسقف ويمتاز منطقة الاسواق هاذي بالشغلات التراثيه .. وفيه مطاعم مشويات مكشوفه مثل طريقة الحسين بالقاهرة,,ومحلات الحلويات الشعبيه مثل الشمالي للحلويات والي يبيعون الدرابيل وقرص عقيلي والزلابيه وشغلات واجد..ومنطقة السالميه هاذي فيها اكبر الاسواق واكثر المولات,,فيها مارينا مول وهو نصفين واحد بالابحر والثاني مقابل البحر,وفيه سينمات وكفيهات ومطاعم . ومول الفنار وليلا قلري وعدة اسواق,,وفي شغله تمتاز فيها الكويت عن باقي الدول,,كوننا اصبنا بمرض الله يبعدكم عنه وهو هوس الاكل بالمطاعم وهجران مطابخ البيوت,,صار الشعب بطيني!! انواع المطاعم الاوربيه والاسيويه والخليجيه موجوده بمستو اعالي ..وتميزنا بمطاعم السندويتشات والي تدوخ منها بشارع المطاعم بالسالميه ,,بسبب كثره انواع السندويتشات والي من اختراعنا وماتحصلها ببلد ثاني..اتمنا اكون خدمتك وخدمت اخواني الي بالمنتدا وانا حاضر لاي استفسار

مثل ماقلت اسواق ومجمعات ومطاعم :rolleyes2:

[بوخالد353]

احس هالدولة مافيها شيء مع احترامي لشعبها غير الاسواق والمجمعات




مثل ماقلت اسواق ومجمعات ومطاعم :rolleyes2: هههههههههه شتوقع من بلد خليجي ,, اثار ومعالم تاريخيه مثلا !! والى ثلوج واشجار صنوبر..

:victory::omen2::omen2:

[آلنـجــلآ]

هههههههههه شتوقع من بلد خليجي ,, اثار ومعالم تاريخيه مثلا !! والى ثلوج واشجار صنوبر..

:victory::omen2::omen2:

هههههههههه وانت الصاج !

بعد دبي مافيها الا اسواق ومطاعم ... اللهم ذا ووك و جي بي ار اللي برى

بالنسبه للموضوع ... كان ودي افيدك بس للاسف مارحت الكويت مع ان ودي اروحها خاصه فالشتا :(

[بوخالد353]

هههههههههه وانت الصاج !

بعد دبي مافيها الا اسواق ومطاعم ... اللهم ذا ووك و جي بي ار اللي برى

بالنسبه للموضوع ... كان ودي افيدك بس للاسف مارحت الكويت مع ان ودي اروحها خاصه فالشتا :( حياج الله اختي النجلا وتشرفين ,,الكويت لازم ماتسرحين بخيالج حيل وتقارنينها بطبيعه النمسا او اثار روما والقاهره ,, بلد خليجي فيه من الانفتاح الشي المقبول للعواءل بالاخص ما اقصد الملتزمين حيل والي مايبون شوفة مره لابسه بنطلون ومطلعه شعرها !!او شوية شباب يغازلون بمول مثل اي بلد خليجي!! حريه مقبوله الى حدا ما,,واجواءها هالايام روعه برد بالاخص باليل مرات تلبسين بالطو ..وبالنهار بالضل هم برد بس اذا تقعدين بكفييهات الكوت او المرينا بدفا الشمس ومنضر البحر والهدوء روعه.. والتسووق للحريم بالذات لي اصدقاء من الامارات وقطر والسعوديه على طول يتسووقون من الكويت لانها تمتاز عن باقي دول الخليج بان فيها ملابس شغل فن كويتي ..للي يبي لان المولات بجميع دول الخليج تكاد تكون نفس المولات بسبب الماركات المتشابهه زارا ,,مانجو ..دبنهامز وووو .. على فكره المواطن داءما مايعرف حيل الاماكن السياحيه بديرته !! لانه متعود بديرته شغل وسياحته بالسفر لدول ثانيه,,انا تعرفت على تقريبا اكثر الاماكن السياحيه والمطاعم من الربع الي يزوروني من دول الخليج لاني احاول افضي نفسي واقوم بالضيافه معاهم وصارو اهم الي يدلوني على الاماكن!! اتمنا اكون خدمتج انتي واخواني الي بالمنتدا..:nice:

[آلنـجــلآ]

بوخالد ثلاثه خمسه ثلاثه

ماقصرت يالشيخ كفيت ووفيت واكيد لو لنا نيّة نزور الكويت ماراح اخليك بزهقك اسئلة :nice:

شوووكرن
:rolleyes:

[بوخالد353]

بوخالد ثلاثه خمسه ثلاثه

ماقصرت يالشيخ كفيت ووفيت واكيد لو لنا نيّة نزور الكويت ماراح اخليك بزهقك اسئلة :nice:

شوووكرن

الساعه المباركه وانا لذتي وسعادتي بالدنيا خدمة الناس ,, وخاصتا اهل قطر اذا شفت لوحه سياره قطريه عندنا يفز قلبي:victory:

[al-sadd]

من شهرين تقريباً رحت انا و واحد من الربع الكويت
كنا نعرف 2 شباب كويتيين فيهم الخير والبركه ورايحين نزورهم
المهم انصحكم بمطعم فريج صويلح ولاتطووووووفكم الشوربه !!!!! شي خيالي
و عندكم مجمعاتهم حلوه تقريبا نفس الي ف الدوحه ولاكن بما انكم بتروحون كعيله يمكن تحصلون سوالف مب موجوده ف الدوحه

وعندكم الافنيوز والمرينا مول

كل هالمجمعات ترى يبيلها دواره يعني خصص يومين بس حق كل هالمجمعات

وعندكم سوق المباركيه حلو

على العموم الكويت نفس اي دولة خليجيه
لاتطولون فيها اكثر من 3-6 ايام بالكثييير
احنا رحنا 3 ايام واستانسنا بس احس ان خلصنا كل شي

على العموم بتوفيق