بعد منع البالون , تلاعب في اسعار الاطارات!!

[PGR]

السلام عليكم ,,, هاليومين ادورلي تواير , على العموم مب محصل بالون فقعدت اسئل عن الميجر ,, نوع من الانواع حصلته في وكالته اب 625 ريال ,,,, سئلت اكثر من محل برع وكل محل له سعر , اللي يقولي 850 ريال ولما اقوله الوكالة تبعه ارخص يقولي 720 ؟؟ واللي يقولي 750 وعقب يقولي 650 ؟؟ كلمت حماية المستهلك يقولي هذي السلعه غير محدده من قبلنا ,, انت تقدر تروح تشتري من المحل الارخص ؟ قلت له اوكي انا عرفت انه هالمحلات حراميه شلون عن اللي ما يسئل ويروح على طول يركب من اي محل وهو لاحول ولا قوه؟ عطيته اسم محل من المحلات قالي خلاص حولنا الشكوى وان شاء الله بنتصرف عاد مادري صج بيسوون شي ولا لا ,, الله المستعان وحاسبوا يا شباب

[كود نمبر]

انا مركب مياجر للفي اكس ار 2006 في الاحساء رنق 16 على 620 ضمان سنه
والله يعين اهل الحساء علينا

[بوعلي2]

انا مركب مياجر للفي اكس ار 2006 في الاحساء رنق 16 على 620 ضمان سنه
والله يعين اهل الحساء علينا

فيكسار و2006 ورنق 16 :telephone:

شكلك مبدل الرنقات مركب اصغر ارخص :shy: :tease:

[بوعلي2]

يالذيب الكل قام يتضرب فينا الحين مالنا غير الله

ومثل ماقلت شوف ردت فعلهم عليك ؟ يقول لك السلعه غير محدده من عندنا

عيل وين نروووووووووح احنا ؟

ماعطينهم الضوء الاخضر للتلاعب فينا

وانا بروحي محتر من هالتواير ركبت سوموتومو شواهين مياجر واخرتها طلع حرف b يعني مايستحمل حرارة الصيف وينصلخ الله يحفظنا ان شاء الله

تريث وانت تدور تواير ويستحسن واسمعها مني ركب مياجر دنلووووووووووب وفك عمرك تواير الشركه هذي اضمن من انك اتدور شي ثاني

وشكرا

[Dream Team]

ماقول إلا الله يعينا على التجار وعلى اللي اسمهم حماية المستهلك

امحق إداره والله

[saad1125]

انا حصلت الاطار في الاطارات العالمية بعد الخصم 1650 رحت الخبر خذيته ب 930 ريال فقط

[PGR]

الله المستعان واشكر الجميع على المرور وارجوا منكم اخذ الحذر

[كود نمبر]

فيكسار و2006 ورنق 16 :telephone:

شكلك مبدل الرنقات مركب اصغر ارخص :shy: :tease:

بو علي الموتر في الطبيله موجود وتوايره عليه والفاتوره للحين في درجه
والموتر من خذيته وهذي رنقاته :fight:

[limited]

بو علي الموتر في الطبيله موجود وتوايره عليه والفاتوره للحين في درجه
والموتر من خذيته وهذي رنقاته :fight:

اخوي كود نمبر
الرجال ما يكذب كلامك بس الصحيح ان رنقات الوكاله حق ألفي اكس أر والجي اكس أر 2007 و2006 كلها 17

فيمكن انت مالك ثاني للموتر والمالك الاول بدل الرنقات



وتقبل تحياتي

[ذيب ازغوى]

لا ياخوان جميع الكروزرات من موديل 98 الى 2007 رنقات 16

[بوجاسم566]

لا ياخوان جميع الكروزرات من موديل 98 الى 2007 رنقات 16

غلطان الشيخ عندنا جكسارين 2003 و 2004

وكلهم رنقاتهم 17

انا اتكلم عن فئة الجكسار والفكسار

اما الجي اكس و الجي استنادر 16

[Dream Team]

الكروزرات من ٩٨ إلى ٢٠٠٢ كلهم كانوا ١٦ .. من الفكسار للجي

رنق الفكسار وبعض الجكسارات

http://www.haraj.com.sa/userfiles11/2011-01-24/ba07ea9275d5f220799ce1b519806825.jpg

رنق الجي اكس

http://www.haraj.com.sa/userfiles20/2011-12-31/a18ad9cfe5de956a783a25c69e0a1ddd.jpg

الجي

http://up.qatarbike.com/images/j0d6gkx5fe01rjvikk9.png

من موديل ٢٠٠٣ إلى ٢٠٠٧ .. الفكسار والجكسار حجم رنقاتهم ١٧ .. والجي اكس والجي ١٦

رنق الفكسار والجكسار من موديل ٢٠٠٣ إلى ٢٠٠٥ حجم ١٧

http://l.yimg.com/qn/uaesm/up/uploads/ed8a42563f.jpg

والجي اكس والجي نفس الرنقات اللي في الموديلات السابقه

رنق الفكسار والجكسار موديل ٢٠٠٦ و ٢٠٠٧ حجم ١٧

http://www.haraj.com.sa/userfiles21/2011-11-11/d7a9a5d3d916fb66489d6ac197413a8b.jpg

والجي اكس والجي نفس الموديلات القديمه وماتغيرت رنقاتهم

[آهـل شَـرق]

سوق الحسى والخبر مستغلين الوضع .. ملوان 17 كنت احصله في الكعبي على 750 اقاصصه واشل التاير بـ 675 ريال ,, لقيت التاير لي في الخبر على 775 حاولت يمين يسار ما قدرت انزله! توكلت على الله وخذته وامري لله!

[آهـل شَـرق]

المختصر المفيد لو رحت يمين او يسار .. بتلاقيهم مستغلين حاجتك

[boamir]

والله يبطوون الجبد

انا قبل 3 شهور رحت المحلات إلي بسلوى وكنت ابي رنق دنلوب او برجيستون حجري حجم 700 16
حق الجمس تواير صغيره من قدام وكانت أسعارهم 550 تقريبا بس للأسف الشديد ماشريت
قبل اسبوع رحت حق نفس المحلات علشان اركب التواير إلى حصلت سعرهم 750
بطووا جبدي الصرااحه مره وحده طارت الأسعار

[almaf1a]

وانا بروحي محتر من هالتواير ركبت سوموتومو شواهين مياجر واخرتها طلع حرف b يعني مايستحمل حرارة الصيف وينصلخ الله يحفظنا ان شاء الله


اخوي شلون اعرف اذا التواير نوع b او لا
لاني شاريهم من فتره

[PGR]

اخوي شلون اعرف اذا التواير نوع b او لا
لاني شاريهم من فتره

اخوي اقرى المعلومات اللي على التاير وبيكون مكتوب لك عليها مثال
http://www.gm.ca/images/goodwrench/services/article_5_decodingtiremarkings.jpg

بتشوفه اللي تحت(Treadwear, Traction and Temperature grades) وبالتوفيق

[فرحة الكواري]

من شهر تقريبا بدلت للسيارة

لاندكروزر 2010 من ميزانية دبي تواير دنلوب 950 للواحد :)

[almaf1a]

اخوي اقرى المعلومات اللي على التاير وبيكون مكتوب لك عليها مثال
http://www.gm.ca/images/goodwrench/services/article_5_decodingtiremarkings.jpg

بتشوفه اللي تحت(treadwear, traction and temperature grades) وبالتوفيق

الف شكر

[do7ani]

ميزانية دبي
امس مبدل 4 تواير سعر الواحد 750 ريال
قبل 4 شهور نفس التواير ونفس الماركه مبدلهم للموتر الثاني بسعر 600 ريال للواحد

[ابوالكلام]

للأسف الحكومة تدعم الاستثمارات ونحن ندفع الثمن والتجار مدلعين عندنا

[ANONYMOUS]

انزين ابي اركب بوالين للفكسار 2008

من وين في الاحسا ؟ او في الرياض ؟

اصلا ماعرف يصير او لا ؟؟

وشكرا

[jwar]

دنلوب 16 في الخبر بــ 550 ريال ( بالون)
وفي تواير بالون اسمها ( مالون) 17 اللي معاي ركب 5 بــ 4000 بالظبط

[..er..]

الله يعز الامارات ف المصفح اسيام بـ 600 درهم

وفـ الحسآ بـ 740

والاحسن اللي رايح تمشى ياخذ من الامارات ولا يوصي حد من ربعه ويركبها في سلوى

[qu.edu.111]

آلله يعيينكم ..!!