فلم من انتاج شباب قطرين يحكي واقع تحرش الفتيات بالشباب

[Nojoom]

السلام عليكم

قام مجموعة من الشباب القطرين بأخراج فلم يحاكي واقع تحرش الفتيات بالشباب اتمنى ان تشاهدوا الفلم


والحقيقة لو اني شاهدة الفلم قبل تاريخ اليوم الوطني

لكنت من المستكرين لمثل هذة الافلام ولكن بعدها اقول كل شي جايز في هذا الوقت من البنات


http://www.safeshare.tv/w/ArczWZtcZN

السؤال الان الذي يتراود في ذهني عندما يقوم هؤلاء الشباب بكل هذا الجهد والوقت من اجل اخراج هذا الفلم ويستهدف هذة القضية

فلاشك ان هالقضية ليست فقط ماحدث في اليوم الوطني بل تكرر وحدث كثيراً

[R 7 A L]

الواقعه موجودة على ارض الواقع

ونأمل ان يساهم هذا الفلم للحد من هذه الظاهرة

[غايه الطواش]

سؤال ..؟؟
هل تحرش البنات بالشباب ظاهره ليتم تداولها او بعض تصرفات الفئات الشاذه ادت الى تعميمها..؟؟؟
اذا كانت نسبه قليله جدا شاذه مايعني انها ظاهره ؟؟
من رخصتكم بروح اشوف الفلم

[sara jsm]

حتى لو واقع المفروض مانمثله وننشره بهالطريقة ,,
ممكن نعالج القضيه بس مانكرر في هالواقع عشان مايصير الامر عادي عند البعض ,,
للاسف اغلب الدراما الخليجيه تاخذ الاحداث وتسلط عليه الضوء بكل تفاصيله الدقيقة ,,
بس نسوا قضيه معالجه الظاهرة بشكل صحيح ,,

[Nojoom]

الواقعه موجودة على ارض الواقع

ونأمل ان يساهم هذا الفلم للحد من هذه الظاهرة



اللهم امين

شكرا لك

[Nojoom]

سؤال ..؟؟
هل تحرش البنات بالشباب ظاهره ليتم تداولها او بعض تصرفات الفئات الشاذه ادت الى تعميمها..؟؟؟
اذا كانت نسبه قليله جدا شاذه مايعني انها ظاهره ؟؟
من رخصتكم بروح اشوف الفلم

اتفق معاج انها شاذة ولكن ممكن خلال فترة قصيرة تتحول الى ظاهرة

والدليل الي شفناه في مسيرة اليوم الوطني

وصدقيني لو ما تنمع المسيرة في هالسنة راح نشوف مشاهد اوقح من الي شفناها هذي السنة

انا من ناحية ضد نشر مثل هالامور ولكن من ناحية ثانية اقول لازم نسلط الضوء عليها كانوع من الضغط على الجهات المسؤلة حتى تكون رادع في المرات القادمة

[حليتان*]

فلم سخيف امانتاً

وماقول ان مافي ..لا في


بس طريقة الفلم سخيفه :(


والسموحه لاحد يزعل

[Nojoom]

حتى لو واقع المفروض مانمثله وننشره بهالطريقة ,,
ممكن نعالج القضيه بس مانكرر في هالواقع عشان مايصير الامر عادي عند البعض ,,
للاسف اغلب الدراما الخليجيه تاخذ الاحداث وتسلط عليه الضوء بكل تفاصيله الدقيقة ,,
بس نسوا قضيه معالجه الظاهرة بشكل صحيح ,,


بعد اتفق معاج

في طرق اكثر ايجابية في الاصلاح

وراح اذكر لج قصة

كان فية واحد عاق في ابوه مايهتم فيه وكله صايع مع الشباب وكان هو ولد ابوه الوحيد والباقي بنات

فاراح واحد ماهو مطوع بس حكيم وفي سن الولد تقريبا اقترب من الولد لحد ماصاروا اصدقاء

وبعدها وداه فريج كان فيه شخص معروف ببره في البوه الي مايشوف كان دوم وكل صلاه يودي ابوه المسجد ماسك يده ويصلي معاه وينطره لين مايخلص ويرده

المهم صاحبنا الحيكم تعمد يخلي الولد العاق يشوف مشهد الابن وهو يودي ابوه المسجد

وقام يمدح فيه يقول ما شاء الله عليه الكل يمدحه مو مقصر في ابوه ويابخته والله لو ابوي حي لسوي نفسه واكثر

الولد العاق تاثر في هالكلام وقام يتغير في تعامله مع ابوه والبر فيه


هذا نوع من اساليب التوجيه الغير مباشر

لانه لو كلمة على طول وقاله انت عاق وانت بتدخل النار ....الخ طبع الانسان مايحب الذم ممكن ماراح يهتدي

[Nojoom]

فلم سخيف امانتاً

وماقول ان مافي ..لا في


بس طريقة الفلم سخيفه :(


والسموحه لاحد يزعل


محد بيزعل منك للامانة انا مالي اي علاقة بالفلم شفته ونقلته لكم

بس تمنيت لو انك تذكر ليش على قولتك سخيف

[غايه الطواش]

رجعت بعد ماشفت الفلم

بصراحه اروح مولات اورح فود كورت عمري عمري عمري ماشفت بنت ترقم صبي او تدعس الرقم بيده
صبي ماشفت يدعس رقم بيد بنت شلون بنت ...
التصوير كان بشكل جدا مبالغ فيه
اشكرهم على جهودهم ..ولا اقلل من قيمه تعبهم

بس
اسمع وايد بنات يتحرشون بشباب اشدعوه ولا مره بحياتي شفت ...ماحب اصدق كل الي اسمعه
ممكن اشاره من صبي ويلاقي قبول من بنت بس بنت تكتب الرقم او الكود البي بي يعني احسها قويه

[حليتان*]

محد بيزعل منك للامانة انا مالي اي علاقة بالفلم شفته ونقلته لكم

بس تمنيت لو انك تذكر ليش على قولتك سخيف

تحس ان تمثليهم مب بجديه

وزمان اول وكل واحد زلفه عكس :omen2: والملابس وطريقة التصوير

وفي مبالغه وايد

وفي ملاحظات ثانيه بس اتحفظ عليها :nice:

[بـو خـالد]

رجعت بعد ماشفت الفلم

اسمع وايد بنات يتحرشون بشباب اشدعوه ولا مره بحياتي شفت ...ماحب اصدق كل الي اسمعه
ممكن اشاره من صبي ويلاقي قبول من بنت بس بنت تكتب الرقم او الكود البي بي يعني احسها قويه


بكل امانه انا صارت لي حالتين:

الحاله الاولى: نزلت من السياره ودخلت محل لخمس دقائق وبعدها رجعت فلقيت ورقه ورديه فيها رقم وكتابه على مشاشات السياره

الحاله الثانيه: كنت في فيلاجيو واقف خارج احد المحلات انتظر رفيجي ففجأه ومن بين كل المساحات الموجوده في فيلاجيو جاءت بنت ووقفت جنبي بيني وبينها اقل من متر اللي يشوفها يقول زوجتي وتمت واقفه اكثر من خمس دقائق لكن ما عطيتها حتى نظره وحده بعدها راحت


انا لو شفت الفيديو ما راح اصدق قبل خمس سنين ما راح اصدق

لكن شخصيا وبكل امانه صارت لي حالتين لكن ما ادري ايش مدى انتشار هذا الامر

[السيف5]

بصراحة وبكل وضوح مثل مافي شباب هم اللي يتحرشون ويلاحقون البنات
أيضا هناك بنات هم اللي يلاحقون الشباب والكل يدري ليش نخش على
أعمارنا أشياء موجودة ....!

[غايه الطواش]

بصراحة وبكل وضوح مثل مافي شباب هم اللي يتحرشون ويلاحقون البنات
أيضا هناك بنات هم اللي يلاحقون الشباب والكل يدري ليش نخش على
أعمارنا أشياء موجودة ....!

ياخوي احنا ماقلنا مب موجود ليش الكل يقول موجود بس احنا مانشوف :shy:

خاطري اشوف :shy:

[وطن]

رجعت بعد ماشفت الفلم

بصراحه اروح مولات اورح فود كورت عمري عمري عمري ماشفت بنت ترقم صبي او تدعس الرقم بيده
صبي ماشفت يدعس رقم بيد بنت شلون بنت ...
التصوير كان بشكل جدا مبالغ فيه
اشكرهم على جهودهم ..ولا اقلل من قيمه تعبهم

بس
اسمع وايد بنات يتحرشون بشباب اشدعوه ولا مره بحياتي شفت ...ماحب اصدق كل الي اسمعه
ممكن اشاره من صبي ويلاقي قبول من بنت بس بنت تكتب الرقم او الكود البي بي يعني احسها قويه

غاية حبيبتي
من كم سنه كنت امشي في اللاند وخذت الصدمه بنفسي
محد قال لي

سمعتها ترقمه بصوت عالي
تمشي حذاه هي ورفيجتها وتضحك وتقول له الرقم بصوت عالي

سمّعت اللاند بكبره

[OREO]

يعطيهم العافيه على المجهود و بكل امانه عجبني الفلم و خاصه ان الظاهره شي من الواقع و نشوفها بشكل يومي في المجمعات و الاسواق ،،،

ربي يهديهم ان شاءالله ،،،

[R 7 A L]

الشباب الى قاموا بالعمل والفلم الله يعطيهم العافية على المجهود في هذه الفقرة


بس احس الفلم ناقص
لو كان في نهايته توعيه ان الى يصير من تحرش البنات بالشباب
غير جائز في ديننا ولا عاداتنا ولا تقاليدنا وفوق كل هذا النفس البشرية ترفض هذا السلوك

[intesar]

لا بأس بالفيديو.. يعني هذا الواقع .. بالفعل أصبح الرجل أكثر خجلا من المرأة.. الله يستر على بناتنا.. بنيات وصغيرات بالعمر بروحهم بالمولات وآخر كشخة ودلع.. بالزول كفو نطلع من غير أمهاتنا.. تنحش رجولنا.. صج الله يستر على بناتنا لأن هذا واقع حتى بأجواد العمل..

دمتم بود..

[intesar]

بس فيه شيء نسيت أضيفه الشباب بالحاضر رقم البنت اللي كانت رافضة المغازلة.. لكنها يوم عطاها خذت الرقم.. يعني النهاية مو واضحة عدل.. أو كانوا يقصدون يسوونه نهاية كوميدية..

[Charisma]

الفلم اخراجه مب موفق ..
والظاهره موجوده ولاحد يقولي فئه قليله .. والله ان الواحد صار ينحرج من حركات البنات
تبون حلول !؟
موجوده .. يطولي اعماركم .. نبي هيئه للامر بالمعروف والنهي عن المنكر ..
يتمشون بالمولات بخيزران ومايفرقون بين صبي وبنت .. اللي مب محتشمه واللي مب حاشم عمره
ويتحرش ببنات خلق الله .. يجرجرونه\ ـا قدام العالم ..
بس اللي حاصل الحين للاسف انهم مركزين عالشباب
ونسوا بعض البنات اللي هم ساس البلا في اغلب حركات المغازل ..

وبعدين تخيلوا معاي لو ان البنات يطلعون محتشمات .. لا ميك اب ولاقذله ولا عطور
ولا عبايات مخصره ولا حركات مياعه .. بذمتكم بتلقون احد من الشباب يغازل ؟ لا والله
الشباب ان شافوا وحده محترمه احترموها وان شافوا وحده ارخصت بعمرها ارخصوها .. ومصخروها

كل هالعفسه من ميك اب ولبس وقذله .. عشان يقولون عنج ستايل؟ تحسبين انج بتلفتين الانظار
وبتصيرين حديث الساعه ؟ لا والله انج ترخصين بعمرج وتضحكين خلق الله عليج وعلى مياعتج
ولبسج الماصخ.. ومحد بيحترمج بلبسج وستايلج السخيف .. راح تصيرين عرضه للطنازه ونغزات الشباب
وراح تعطين انطباع للكل من يشوف سخافتج ان هلج ماعرفوا يربونج ولا وراج اخوان يصلبونج
النتيجه = شوهتي سمعه اهلج + مصخرتي بعمرج + ورخصتي بنفسج

هالكلام موجه لهالنوع من البنات .. ولا اغلب بنات قطر ماعليهم قصور يعرفون السنع ومحتشمات ولايرضون يرخصون باعمارهم.

[alfahad1]

الفكرة حلوه لكن مبالغ الاجنبي لو يشوف بيصدق ان هذا صاير عندنا

والتمثيل لك عليه متى اهل البحر يسلمون خشم هذه العادة من الباديه

[المليونير الفقير]

والله انا اشوف ان الفلم ماصخ وماله داعي كلش لان هالظاهره مب موجوده الا حالات نادره وشاذه وكثير مايدرون عنها لاشباب ولابنات والحين مسوين هالفلم يبون يفتحون عيون البنات على هالسوالف والله قمة المسخره ولابارك الله فيهم ولافي عملهم

[Dawn]

انا حسيت ان الفلم يتناول قضيه الجنس الثالث صراحه ،، لايكون هالبلشتيه يمثلون شباب قطر ؟؟ :omg:
صراحه ما قدرت اكمله طويل وممل وانا شخصيا ما اشجع فن التمثيل في قطر حتى لو يبلفيت يهدف الى توصيل رساله للجمهور
مع احترامي يعني

[تغلبية]

يعطيهم العافية الشباب على الفيلم ..

محاولة لتكبير جزء من الواقع ... وهو واقع فعلا .. ووصلت جرأة البنات ان يحطون كلنكس الترقيم بيد الشباب وخاصة في الاصانصيرات !

حركات البنات واضحة وتنشاف عالملأ في المولات .. اللي في الفيلم نفس الواقع

نهاية الفيلم ان الشاب عطى الرقم للبنت اللي تنهيهم عن الترقيم ..
حتى لو كانت الحركة موب مقصودة انها ترقيم وحرة للبنت ام شيله صفراء او اذا كان الحركة مقصودة تكون كوميدية لكن خربت الهدف والمعنى من الفيلم
كان من الافضل انهم يرمزون الى الستر والفضيلة وان البنت المسترة محد راح يتعرض لها وهي اللي تكبر بعين الشباب.

[<اضرب واشرد>]

هالممثلين نفسهم يحتاجون ممثلين يمثلون عن ظاهرتهم ووضعهم هم وعن أزمة الهوية وأزمة التمثيل عندنا

[فريج النجادة]

والله انا اشوف ان الفلم ماصخ وماله داعي كلش لان هالظاهره مب موجوده الا حالات نادره وشاذه وكثير مايدرون عنها لاشباب ولابنات والحين مسوين هالفلم يبون يفتحون عيون البنات على هالسوالف والله قمة المسخره ولابارك الله فيهم ولافي عملهم

اتفق معاك البنت الي فيها خير لا تنزل الى تصور مثل المقاطع

ولا حتى الرجال !!!

[احبك يابلد]

الله يرحمنا برحمتة اصلا الي يمثلون لا يمثلون المجتمع القطري ولا ينتمون للمجتمع القطري ولا يعرفون
عادات المجتمع القطري لا في السابق ولا حتى العادات الدخيله لا ولا يعرفون سلوكيات المنحرفين في المجتمع القطري انا انصحم لا يمثلون مجتمع الي يجهلونه عنه اضعاف ما يعلمونه والشاطر يفهمني

[bo_hamad]

الاحداث هذه تصير واوقات اشوفها قدامي في المجمعات التجارية

[شبح الصمت]

ههههههههههههههههههههاي

وقسم بالله ضحكت من قلبي

[khaldoon]

بصراحه ما اعجبني التمثيل

المشهد الاول لقيت بنت تعطي مجال للشباب مثل ما قلت من كم يوم هي تعطي الضوء الاخضر و بعيدن تعطي الضوء الاحمر و بعدين ترمي ماي بوجه واحد يعني كأنها تلعب فيهم وما كانت جدية في العفة ...ايش استفدنا من المشهد؟

كان الاولى انهم يجيبون المشهد انه مثل هذه التصرافه راح يكون فيها صرامة اكثر او عقاب اكثر في ذلك الوقت

المشهد الثاني اللي فهمته انه بنتين و ولد صغير و معهم خلنا نقول امهم منتظرين عريس و يجي اثنين يسلمون على شاب من الاهل و هو ولي العروس و بعدين يجي مأذون...سؤال ليش ما كان في واحد ثالث كشاهد ثاني على كتب الكتاب

يعني انا شفت 3 شباب و واحد مأذون مثل ما فهمت

الاول بيكون ولي العروس و الثاني العريس و الثالث رفيج العريس و شاهد اول طيب وين الشاهد الثاني و الرابع هو المأذون

ممكن احد يفهمني اذا انا غلطان؟

المشهد الثالث يعني البنات مب بس يرقمون لا مب شايفين خير بالمره و لا كأنهم شافوا شاب و يطاردون الشباب بطريقه مبالغ فيها و الشباب بالاول مستحيين و بعدين يجلسون على طاولة ولا كأنه صار شي ولا ترقيم ولا كأنهم متذكرين انه من شوي رقمهم 3 بنات و يسولفون مع بعض عادي و بعدين ما فهمت الشباب رقموا البنات و الا علموهم درس

الفيلم طويل جدا و الرساله بالاخير غير واضحة

[بوسلمان 2010]

الله يهدي الجميع والسبب هو الانفتاح ياجماعة والله الله يعينا من قضب الله علينا

[chillis]

الفلم تافهه ومبالغ فيه :) والي مسوينه ما عندهم سالفه وعمري ماشفت بنت تدعس الرقم اشكره بايد الرجال والموضوع ماله معنى اسمح لي لان ماستفدنا شي طيب عطنا حلول :)

[شبح الصمت]

عالعموم تعليقي على الفيلم

اولا انا ضحكت لانه صج فيلم يضحك وحركات الممثلين تضحك

غصب الشباب والبنات يبون يصيرون ممثلين :tease:

هههههههههههههههه

ظاهرة انه بنات يتحرشون ما نقول مافي هالظاهره موجودة ولكن مب نفس ما حطو

بس انه بنت تسجل رقمها صراحه يمكن إذا أنجبرت فيه يمكن يمكن تسويها ( طبعا هالبنات السبيل ) والسموحه عالكلمة

واخر حركة انها جالسه وتأشر له اووووووووووووه يا كثرها

عادي شباب مقابلين بنات في طاولة وحركات بالعيون

وما يحتاي اقول لكم اسأمي الكوفيات الي تصير فيها هالسوالف :secret:

بس صج قهرها تبي الرقم راح وعطى رفيجتها وعاد رفيجتها اول شيء مسكينه مستحيه وخجوله ويوم عطاها الرقم تهاوشوا

ههههههههههههههههههههههههاي مشكلة فرقهم رقم

المهم الموضوع مبالغ فيه بس موجود ومحدن ينكر هالشيء

والله يستر علينا فوق الارض وتحت الارض ويوم العرض

[بلوتنيوم]

بكل امانه انا صارت لي حالتين:

الحاله الاولى: نزلت من السياره ودخلت محل لخمس دقائق وبعدها رجعت فلقيت ورقه ورديه فيها رقم وكتابه على مشاشات السياره

الحاله الثانيه: كنت في فيلاجيو واقف خارج احد المحلات انتظر رفيجي ففجأه ومن بين كل المساحات الموجوده في فيلاجيو جاءت بنت ووقفت جنبي بيني وبينها اقل من متر اللي يشوفها يقول زوجتي وتمت واقفه اكثر من خمس دقائق لكن ما عطيتها حتى نظره وحده بعدها راحت


انا لو شفت الفيديو ما راح اصدق قبل خمس سنين ما راح اصدق

لكن شخصيا وبكل امانه صارت لي حالتين لكن ما ادري ايش مدى انتشار هذا الامر

انا بعد صادفتني هالحالة ثلاث مرات
لازم نشوه نفسنا يعني :)

[chillis]

انا بعد صادفتني هالحالة ثلاث مرات
لازم نشوه نفسنا يعني :)

:omg: اصدق :secret:

[قطري !]

:omg: اصدق :secret:




:eek5:

[chillis]

:eek5:

وانت كم مره :telephone:

[almaf1a]

بصراحه ما اعجبني التمثيل

المشهد الاول لقيت بنت تعطي مجال للشباب مثل ما قلت من كم يوم هي تعطي الضوء الاخضر و بعيدن تعطي الضوء الاحمر و بعدين ترمي ماي بوجه واحد يعني كأنها تلعب فيهم وما كانت جدية في العفة ...ايش استفدنا من المشهد؟

كان الاولى انهم يجيبون المشهد انه مثل هذه التصرافه راح يكون فيها صرامة اكثر او عقاب اكثر في ذلك الوقت



بالعكس الوضع عادي جدا في المشهد الاول واكاد اجزم ان الكثير من شباب الزمن هذا تزوج بالطريقة هذي
كان يشوف بنت الفريج وهو يعرفها بنت من وهي تعرفه ولد من
واي ضوء اخضر تقصده؟؟؟؟!!ضوء اخضر لوشو بالضبط؟؟

يمكن تكون غير ملم بحياة القطريين بالسابق لكن الواقعه هذي عاديه جدا خصوصا في ذيك الفترة الي كانت الناس تخاف ربها واقصى ما يمكن ان يصل له الشخص نظرة او قبول للتقدم بالزواج

[بوعلي2]

تحس ان تمثليهم مب بجديه

وزمان اول وكل واحد زلفه عكس :omen2: والملابس وطريقة التصوير

وفي مبالغه وايد

وفي ملاحظات ثانيه بس اتحفظ عليها :nice:

ههههههههههههه

والازره طق طق ومنشي الغتره :secret:

.................................................. ..

ماقول غير الله يرحمنا برحمته والله يقدم الخير ويبعد عن الجميع كل الفتن والسوء والمكروه

اللهم امين

[الـخـالـدي]

فلم تافه وماله داعي .. مصخره من البدايه لين الاخير

نعم في بنات يتحرشوف في شباب وفي شباب يتحرشون فبنات بس اللي طلعو فالفلم بلشتيه مع احترامي لهم

[مريش]

مادري ليش البنات زعلانين !!
حنا وصلنا عام 2012 ترى

باقولكم موقف وهالموقف يمكن من 8 سنوات إذا مش أكثر

بنات بالاعداديه يمشون بالجمعيه ويغازلون
ويتحرشون بالشباب ويقولون أنا أبي هذا وكل وحده تختار الي تبي

مستغربين من الحين لما البنت ترقم !!

الله يبعد عن بناتنا هالسوالف

العدل عدل والخربان خربان

والله يستر على الجميع

[شبح الصمت]

ههههههههههههه

والازره طق طق ومنشي الغتره :secret:

.................................................. ..

ماقول غير الله يرحمنا برحمته والله يقدم الخير ويبعد عن الجميع كل الفتن والسوء والمكروه

اللهم امين




بوووعلي

حبيب الملاييين

تخبر القصه الي قلتها لي يوم كنت تمشي وطاحت عليك وحده من السماء ما تدري من السطح مدري بوحارب حاذفها من الطياره ..

وانت تمشي على درب المزروعه

المهم ما علينا من الطويله

العبري الي احذاك ماله حل ياخي

:tease:

[alfahad1]

يالربع طحتوا فيهم

لكل فيلم فيه سلبيات انتم حطمتوهم مره وحده

[شبح الصمت]

يالربع طحتوا فيهم

لكل فيلم فيه سلبيات انتم حطمتوهم مره وحده




صدقني مب تحطيم الله يوفقـهم كان يبون يوعون المجتمع او يفيدونا بشيء

بس نشوف شيء سلبي ونقول انه ايجابي ما يصيررررر

صج في اشياء تستوي

بس حدث العاقل بما يعقـل

يعني لو اقولك اني مره كنت اتمشى وجات وحده لفت علي ووقفتني يوم سالتها خير قالت لي !! :nice:


الشيخ ممكن رقمك والا بدعمك ..!!

بتصدقني :omen2:

او اذا بقولك مره قاعد اشرب كوفي في الكوفي شوب

وجاتني وحده قالت لي الشيخ ممكن اجلس معاك !!!

:shy:

[بوعلي2]

بوووعلي

حبيب الملاييين

تخبر القصه الي قلتها لي يوم كنت تمشي وطاحت عليك وحده من السماء ما تدري من السطح مدري بوحارب حاذفها من الطياره ..

وانت تمشي على درب المزروعه

المهم ما علينا من الطويله

العبري الي احذاك ماله حل ياخي

:tease:



هلا وغلا بحبي ومستقبل غيري مرحبا السااااااااااع :shy:

شوف عيل بما انك فتحت الموضوع عيل باقول لهم القصه :telephone:

طبعا انا وشبح الصمت اجمل ثنين بالفريج بس :weeping:

جمالنا نادر فطاحت علي وحده وانا امشي بالجمعيه => تحسه مواليد السبعينات سوالف جمعيات وتلفون سياره :shy:

فطاحت علي وتمت اترجاني تبغي رقمي وانا ريولي ترتجف من الربكه والسبب اني لابس فانيله وحاط صورتي عليها وانا صغير :(

وهذي صورتي

http://t1.gstatic.com/images?q=tbn:ANd9GcQ7ydJLqnJWZVIVMS6_IT337Jm61yGK0 Lo6OweQLZzpWW4_NKIwdw

عيوني تجنن طالعه على عيون شبح الصمت :shy:

حتى الجن يعشقنا من جمالنا كل واحد فيه 4 :(

فمان الله لاحد يكلمني تلفوني مقطوع :weeping:



انا اختفيت


انا اختفيت

انا اختفييييييييييييييت escape


:sneaky:

[chillis]

صدقني مب تحطيم الله يوفقـهم كان يبون يوعون المجتمع او يفيدونا بشيء

بس نشوف شيء سلبي ونقول انه ايجابي ما يصيررررر

صج في اشياء تستوي

بس حدث العاقل بما يعقـل

يعني لو اقولك اني مره كنت اتمشى وجات وحده لفت علي ووقفتني يوم سالتها خير قالت لي !! :nice:


الشيخ ممكن رقمك والا بدعمك ..!!

بتصدقني :omen2:

او اذا بقولك مره قاعد اشرب كوفي في الكوفي شوب

وجاتني وحده قالت لي الشيخ ممكن اجلس معاك !!!

:shy:

تتوقع ممكن يصير :rolleyes2:

[شبح الصمت]

هلا وغلا بحبي ومستقبل غيري مرحبا السااااااااااع :shy:

شوف عيل بما انك فتحت الموضوع عيل باقول لهم القصه :telephone:

طبعا انا وشبح الصمت اجمل ثنين بالفريج بس :weeping:

جمالنا نادر فطاحت علي وحده وانا امشي بالجمعيه => تحسه مواليد السبعينات سوالف جمعيات وتلفون سياره :shy:

فطاحت علي وتمت اترجاني تبغي رقمي وانا ريولي ترتجف من الربكه والسبب اني لابس فانيله وحاط صورتي عليها وانا صغير :(

وهذي صورتي

http://t1.gstatic.com/images?q=tbn:ANd9GcQ7ydJLqnJWZVIVMS6_IT337Jm61yGK0 Lo6OweQLZzpWW4_NKIwdw

عيوني تجنن طالعه على عيون شبح الصمت :shy:

حتى الجن يعشقنا من جمالنا كل واحد فيه 4 :(

فمان الله لاحد يكلمني تلفوني مقطوع :weeping:



انا اختفيت


انا اختفيت

انا اختفييييييييييييييت escape


:sneaky:

اااي ايام قميله ائوي

ياخي ليش تذكرني
:cry2:


هيضت مشاعري ياخي ذكرتني بالماضي القميل ئوي



تراني وراك مختفي بس

حبو بعض حبو بعض

escape

[شبح الصمت]

تتوقع ممكن يصير :rolleyes2:



يمقن اي ويمقن لا

:shy:

[الحياة الخالدة]

^^^^^^^

عطونا بعد من هالسوالف

و اللـــــــه الفيلم اللي مسويينه الثنائي المرح أحلى من فيلمهم :nice:

[chillis]

^^^^^^^

عطونا بعد من هالسوالف

و اللـــــــه الفيلم اللي مسويينه الثنائي المرح أحلى من فيلمهم :nice:

شوفي انا صج ماروح مجمعات وايد بس القليل الي اروحه ماشوف الي شفته بالفلم تتوقعين لهم مستقبل باجر مع وداد الكواري :secret:

[الحياة الخالدة]

شوفي انا صج ماروح مجمعات وايد بس القليل الي اروحه ماشوف الي شفته بالفلم تتوقعين لهم مستقبل باجر مع وداد الكواري :secret:


يبي لج تروحين أكثر .. و تركزين في حركاتهم أكثر .. عشان تشوفين

عني أنا .. ماقط شفت .. يمكن لأني ما اركز
بس أكيد هالشي موجود .. لأن الكل يقول إنه موجود

و بالنسبة لمستقبلهم الفني .. محتاجين تدريب أكثر لموهبتهم .. و لازم يتبناهم مخرج عالمــــي :secret:

[شبح الصمت]

بوعلي

الحين هذولي مب مصدقين

قولهم يوم انا وانت رايحين البحر

وفي شلة بنات يلاحقووونا واحنا نشرد لين وصلنا قريب حدود البحرين


عقب يوم انك قلت لي شبح خلاص

انا اختفيت

انا اختفيت

اشوي نزلنا نغاوص وذيك الحوريه الي غاوصت ورانا وماسكه شاشه وحاطه رقمها

تخبر
تخبر

ياخي تكفى قولهم

:shy:

[آلنـجــلآ]

اي اكيد في شدعوه مافي

اللي يقول مافي الظاهر يمشي وهو راقد

[chillis]

:shy:
بوعلي

الحين هذولي مب مصدقين

قولهم يوم انا وانت رايحين البحر

وفي شلة بنات يلاحقووونا واحنا نشرد لين وصلنا قريب حدود البحرين


عقب يوم انك قلت لي شبح خلاص

انا اختفيت

انا اختفيت

اشوي نزلنا نغاوص وذيك الحوريه الي غاوصت ورانا وماسكه شاشه وحاطه رقمها

تخبر
تخبر

ياخي تكفى قولهم

:shy:

http://up.arab-x.com/Dec11/NpB86808.bmp (http://up.arab-x.com/)
تخبر هذي

[chillis]

اي اكيد في شدعوه مافي

اللي يقول مافي الظاهر يمشي وهو راقد

الظاهر ما فهمتي بلي نقصده :) صباح الخير

[شبح الصمت]

مسكين بوعلي

اشكره الحين يطاردونه

اشوفه ما رد علي

الله يكون في عونك ياخوووي

[آلنـجــلآ]

الظاهر ما فهمتي بلي نقصده :) صباح الخير

صباح النور

وشلّي فالموضوع ماينفهم؟ : ) لهالدرجه صعب ؟ وليش حكمتي اني ارد عليج انتي؟ :rolleyes2:

بغض النظر شلون الفلم صوّر الاحداث والممثلين .. بس هي موجوده

[MzYoN-QaTaR]

انا ضد هذا الفيديو

مفروض ما ينتشر

[قطر70]

اكبر غلط هالفيديو

المفروض تكون فيه توعيه مب ينتشر ويفتح عيون كانت مسكره

واخذ شمايت من اهل الخليج اللحين بيقولون كل بنات قطر هالشكل

اقول راعي الفيديو يبي يكحلها عمها مع فلمه الهابط

[intesar]

اكبر غلط هالفيديو

المفروض تكون فيه توعيه مب ينتشر ويفتح عيون كانت مسكره

واخذ شمايت من اهل الخليج اللحين بيقولون كل بنات قطر هالشكل

اقول راعي الفيديو يبي يكحلها عمها مع فلمه الهابط



متى بتوعون.. ترانا اهل قطر مو كلنا ملاك.. واللي انحط بالفيديو واقع.. يعني لازم يكتب تحت الفيديو مو كل بنات قطر.. بالأمس كان المغازل من تحت الطاولة.. والبنت ما تتجرأ ترقم.. اليوم العكس صاير.. البنت هي اللي ترقم.. بس لو تشيلون صورة الملا~كة عن عيونكم .. وتشوفون اللي يصير بالعين المجردة..
الله يستر على بناتنا..

[بوعلي2]

بوعلي

الحين هذولي مب مصدقين

قولهم يوم انا وانت رايحين البحر

وفي شلة بنات يلاحقووونا واحنا نشرد لين وصلنا قريب حدود البحرين


عقب يوم انك قلت لي شبح خلاص

انا اختفيت

انا اختفيت

اشوي نزلنا نغاوص وذيك الحوريه الي غاوصت ورانا وماسكه شاشه وحاطه رقمها

تخبر
تخبر

ياخي تكفى قولهم

:shy:


مسكين بوعلي

اشكره الحين يطاردونه

اشوفه ما رد علي

الله يكون في عونك ياخوووي


والله اسسسسسسسسسف توني انتبه :shy:

لحقونا ذاك اليوم فكل مكان :weeping:

تدودهنا يالذيب كلونا اكل :(

تصدق كنت قابض خط الشمال والا اشوفهم فوق جسور خط الشمال يأشرون علي :(

نمت وحلمت فيهم يحلقوني وحلمت فيك كنك تنقذني منهم :(

يالله شنسوي ههههههههههههههه حسبي الله على بليسك المكان هتز من الضحك والله انت مش ممكن هههههههههههههههههه

:tease:

الله يحفظنا منهم يالغالي وانا سويت لي سرداب تحت البيت لوقت الحاجه انخش فيه :weeping:

[شبح الصمت]

والله اسسسسسسسسسف توني انتبه :shy:

لحقونا ذاك اليوم فكل مكان :weeping:

تدودهنا يالذيب كلونا اكل :(

تصدق كنت قابض خط الشمال والا اشوفهم فوق جسور خط الشمال يأشرون علي :(

نمت وحلمت فيهم يحلقوني وحلمت فيك كنك تنقذني منهم :(

يالله شنسوي ههههههههههههههه حسبي الله على بليسك المكان هتز من الضحك والله انت مش ممكن هههههههههههههههههه

:tease:

الله يحفظنا منهم يالغالي وانا سويت لي سرداب تحت البيت لوقت الحاجه انخش فيه :weeping:


:shy:

[الحياة الخالدة]

والله اسسسسسسسسسف توني انتبه :shy:

لحقونا ذاك اليوم فكل مكان :weeping:

تدودهنا يالذيب كلونا اكل :(

تصدق كنت قابض خط الشمال والا اشوفهم فوق جسور خط الشمال يأشرون علي :(

نمت وحلمت فيهم يحلقوني وحلمت فيك كنك تنقذني منهم :(

يالله شنسوي ههههههههههههههه حسبي الله على بليسك المكان هتز من الضحك والله انت مش ممكن هههههههههههههههههه

:tease:

الله يحفظنا منهم يالغالي وانا سويت لي سرداب تحت البيت لوقت الحاجه انخش فيه :weeping:


ليش اللي ملاحقينك حلاقين :secret:

[ام السعف]

في بنات يتحرشون في الشباب ويرقمون بعد

وفي حريم يتصيدون للشباب والرجال

الموضوع او الفيلم مع اني ما شفته بس موجود

واللهم استر علينا وعلى جميع أمة محمد ،،

[الدوحة 2010]

متابع

[بوعلي2]

ليش اللي ملاحقينك حلاقين :secret:

حلاقه كانت :telephone:

:omg:


مشيها ههههههههههههههههههههه :secret:

[الأصيلة]

فلم تافه وماله داعي .. مصخره من البدايه لين الاخير

نعم في بنات يتحرشوف في شباب وفي شباب يتحرشون فبنات بس اللي طلعو فالفلم بلشتيه مع احترامي لهم



خلك منهم بلشتيه وإلا غيره...
المهم الفكرة...
لكن ياليت كان في الفيلم عقوبة للي تتجرأ لهذا الحد...
المشكلة نهايته كملوا المغازل وأمورهم طيبه...

[قطر دزاين]

انا ما كملت الفلم لانه سخيف واللي مسوين الفلم لا اعتقد انهم قطرين اصل وفصل
لانه يخفي عليهم اشياء كثيره عن اهل قطر

قديمآ كنت البنت تقعد عند الدريشه وتداعب الشباب سود الله وجيهم هم وفلمهم

[almaf1a]

بعد موضوع ادعاء المثالية قمنا نشوف ناس تتجرا وتقول الي يصير لها
بما ان حصلنا طرف وهم الملحوقين
ياريت نشوف اللاحق
علشان تكتمل القصه

[Qtr95]

كمدمن ومخرج أفلام ..

طريقة تصوير الفلم بسيطة جداً وهذا شي طبيعي بالنسبة لشباب
ما عندهم معدات تصوير ذات جودة ..
لكن , بالنسبة للقصة , تحتاج لبعض التعديلات :).
في بداية الفلم , في الماضي , أحد الشباب انعجب بالبنت , وراح وخطبها ..
لكن في المستقبل , البنت هي اللي انعجبت في الصبي وراحت ورقمته ..
اعتقد بأن هالشي يربك المشاهد ويعرقل رسالة الفيلم ,خاصة أنه فيلم توعوي؟

لكن ..

اعجبتني فكرة ان البنات هم اللي يتمكيجون ويتصيدون للصبيان ..

[عابر سبيل]

انا ما كملت الفلم لانه سخيف واللي مسوين الفلم لا اعتقد انهم قطرين اصل وفصل
لانه يخفي عليهم اشياء كثيره عن اهل قطر

قديمآ كنت البنت تقعد عند الدريشه وتداعب الشباب سود الله وجيهم هم وفلمهم

لو كملتيه...كنتي عرفتي اسماء كل
من بالعمل...بدءا بصاحب الفكره مطر الدوسري الى الولد الصغير
الى الفنان فالح فايز و المكتب الهندسي
اللي وفر لهم دعم..بشكل او آخر...

بغض النظر عن "جودة" العمل و غيره
و بغض النظر عن الجدل عن واقعيته او المبالغه فيه...

انا هالعمل يذكرني بقول المولى:
(الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ
وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ )


*
*
،،
نسأل الله العفو و العافيه
و الستر في الدنيا و الآخره

[bus3od]

لا تعليق

عشان يتمون يلحقوني :tease:

[الماريّة]

ماعجبني الفلم كلش

والبنات شلون رضوا يمثلون

ولا بعد شعورهم ظاهره حشششششى مب بنات قطر

فلم فاشل

[مهرة]

فيلم عـــــــــــــــــــــــــــجيب ,, بس ترى هاي غيض من فيض وماخفي كان أعظم ..

يعطيهم العافيه الي مسويين الفيلم ..

[بوحارب]

الحمدلله والشكر

المفروض مايخلون نفس هالأشكال تمثل المجتمع

وكل المجتمعات فيها الصالح والطالح

يعني وش بنستفيد من هالتمثيل السامج بتتعدل الأحوال مثلا !!!

لا ماظن

وماضحكني الا البنت يوم املجوا عليها ماصدقت على الله هههههه

[R 7 A L]

الحمدلله والشكر

المفروض مايخلون نفس هالأشكال تمثل المجتمع

وكل المجتمعات فيها الصالح والطالح

يعني وش بنستفيد من هالتمثيل السامج بتتعدل الأحوال مثلا !!!

لا ماظن

وماضحكني الا البنت يوم املجوا عليها ماصدقت على الله هههههه



كلامك يذكرني
بالمسلسلات الكويتية بالتحديد
تعطي صورة بعيدة جداً عن الواقع الى عندهم
او يتناول شريحة قليلة بينما الاغلبية بعيدة عن اجواء مسلسلاتهم .

[تغلبية]

مادري ليش البنات زعلانين !!
حنا وصلنا عام 2012 ترى

باقولكم موقف وهالموقف يمكن من 8 سنوات إذا مش أكثر

بنات بالاعداديه يمشون بالجمعيه ويغازلون
ويتحرشون بالشباب ويقولون أنا أبي هذا وكل وحده تختار الي تبيمستغربين من الحين لما البنت ترقم !!

الله يبعد عن بناتنا هالسوالف

العدل عدل والخربان خربان

والله يستر على الجميع

صحيح .. شوف عيوني شفت بنات ياشرون على شلة شباب كل وحده تختار اللي تبيه علشان تبتدي المطاردة والترقيم :rolleyes2:

[توشيبا]

احلى شي في الفيلم انهم يتكلمون عن المغازل والترقيم البنات في الفيلم من وين جابوهم @@

[توشيبا]

ماعجبني الفلم كلش

والبنات شلون رضوا يمثلون

ولا بعد شعورهم ظاهره حشششششى مب بنات قطر

فلم فاشل

سلامي علييييييييييييييييييج :nice:

[كحيلآن]

صراحه فلم سخيف .. وخساره تعبوا عليه .. وأعتقد أن فيه بهارات شوي .. أنا رجال واروح مجمعات بس ماذكر صار هالموقف قدامي أو قدآم أحد من ربعي .. أو أحد قاله.. بس يمكن حالات نادره وشاذه.. بس ليتهم خلوه عن الاخوانيه .. لآنه صج واقع يرفع الضغط..

[كحيلآن]

متى بتوعون.. ترانا اهل قطر مو كلنا ملاك.. واللي انحط بالفيديو واقع.. يعني لازم يكتب تحت الفيديو مو كل بنات قطر.. بالأمس كان المغازل من تحت الطاولة.. والبنت ما تتجرأ ترقم.. اليوم العكس صاير.. البنت هي اللي ترقم.. بس لو تشيلون صورة الملا~كة عن عيونكم .. وتشوفون اللي يصير بالعين المجردة..
الله يستر على بناتنا..

وين صورة الملائكه الي حاطينها..؟ انا وآحد أسبوعياً فالستي والا فيلآجيـو ( اتمشى والله العظيم مآسوي شي غلط ههههههه )

ماشوف هالحركات حتى اغلب الشباب فيهم حياء والبنات صح أنهم مخرباتها من ناحية اللبس .. يعني القصد من العباية والشيلة الستر بس هم ماخذينها زينه ويجذبون عيون الشباب من دون قصد 100% يعني يمكن يبون حد يخطبهم نفس الجزء الاول من الفلم بس المشكله الي بالفلم شافوها فـ بيتها .. هذي وين يلقونها ..؟ عند كآرٍفوٍرٍ :shy:

المهم .. فكرة نشر الفلم خاطئه وتحملو عاد الحين أغلبية شباب الخليج اذا شافوا هالفلم بتصير عندهم هالفكره ان بنات قطر هم الي يرقمون الشباب .. وبيجون يفرون ويدورون ويحوسون فالمجمعات وتلقينهم لآبسين شيرتات وكآتبين من ورى ترى شفنا الفلم :shy: :(

[دنيا الاسهم]

مادري شيبي يوصلة المؤلف والممثلين
ماخبرت بنت ترقم شاب .. وايد تبالغون

[intesar]

وين صورة الملائكه الي حاطينها..؟ انا وآحد أسبوعياً فالستي والا فيلآجيـو ( اتمشى والله العظيم مآسوي شي غلط ههههههه )

ماشوف هالحركات حتى اغلب الشباب فيهم حياء والبنات صح أنهم مخرباتها من ناحية اللبس .. يعني القصد من العباية والشيلة الستر بس هم ماخذينها زينه ويجذبون عيون الشباب من دون قصد 100% يعني يمكن يبون حد يخطبهم نفس الجزء الاول من الفلم بس المشكله الي بالفلم شافوها فـ بيتها .. هذي وين يلقونها ..؟ عند كآرٍفوٍرٍ :shy:

المهم .. فكرة نشر الفلم خاطئه وتحملو عاد الحين أغلبية شباب الخليج اذا شافوا هالفلم بتصير عندهم هالفكره ان بنات قطر هم الي يرقمون الشباب .. وبيجون يفرون ويدورون ويحوسون فالمجمعات وتلقينهم لآبسين شيرتات وكآتبين من ورى ترى شفنا الفلم :shy: :(


تعتقد ايش راي شباب الخليج ببناتنا.. بالأول بنات قطر كانوا معروفين بحشمتهم وأدبهم وأخلاقهم.. لكن في الحاضر.. أشوف بلاوي.. ما أدري يعني كل هالبنيات اللي بالمولات مو قطريات.. مو من أهل قطر.. يعني بكل بلد الزين والشين.. وهم حبوا يعرضون مشكلة منتشرة عندنا.. يعني ظاهرة كبيرة.. مو نادرة.. لا تغضون الطرف وتقولون ما شفنا.. يمكن الفيديو مو ذاك المستوى.. لكن مشكلة موجودة.. أحييهم كبداية..

دمتم بحفظ الرحمن..

[قطري2012]

مافيه داعي يعملون فلم لهذي المسخره الموجوده عند فئه قليله
دخيله على المجتمع القطري المحافظ ويعممونها على انها ظاهره :anger1:

[ريتويت]

مافيه داعي يعملون فلم لهذي المسخره الموجوده عند فئه قليله
دخيله على المجتمع القطري المحافظ ويعممونها على انها ظاهره :anger1:

:victory::victory:

[intesar]

صحيح دخيلة.. والبنات اللي نشوفهم مو قطريات.. لا الظاهرة متفشية بشكل كبير.. هذولي قطريات للأسف..

[كريمه زيد]

انا شفت بنات للأسف يسوون نفس الحركة بس مو يقطون الرقم بس يتلصقون ويغزون الشباب غز لين ياخذون الرقم تصرف مستهجن مو طبيعي صراحة ومعيب

[بوحارب]

تعتقد ايش راي شباب الخليج ببناتنا.. بالأول بنات قطر كانوا معروفين بحشمتهم وأدبهم وأخلاقهم.. لكن في الحاضر.. أشوف بلاوي.. ما أدري يعني كل هالبنيات اللي بالمولات مو قطريات.. مو من أهل قطر.. يعني بكل بلد الزين والشين.. وهم حبوا يعرضون مشكلة منتشرة عندنا.. يعني ظاهرة كبيرة.. مو نادرة.. لا تغضون الطرف وتقولون ما شفنا.. يمكن الفيديو مو ذاك المستوى.. لكن مشكلة موجودة.. أحييهم كبداية..

دمتم بحفظ الرحمن..

شباب الخليج الحين صاروا ييجون الدوحة عشان بنات قطر بس مب عشان بنات الهوى اللي في الفنادق ان وجدوا

الحين الواحد مايمشي في شارع او سوق او مجمع او حتى دكان الفريج الا يشوف وحده بعبايتها وفي كامل زينتها الواحد يستغرب هذي رايحة عرس ولا رايحة وين !!

على عالعموم سمعة البنت القطرية مب مثل قبل ابدا فشلونا والله بقلة حيائهم !

[chillis]

شباب الخليج الحين صاروا ييجون الدوحة عشان بنات قطر بس مب عشان بنات الهوى اللي في الفنادق ان وجدوا

الحين الواحد مايمشي في شارع او سوق او مجمع او حتى دكان الفريج الا يشوف وحده بعبايتها وفي كامل زينتها الواحد يستغرب هذي رايحة عرس ولا رايحة وين !!

على عالعموم سمعة البنت القطرية مب مثل قبل ابدا فشلونا والله بقلة حيائهم !

والشباب :secret:

[intesar]

بالعرف والتقاليد الشباب ما يعيبهم شي.. لذا المشكلة بالبنات أكبر..

[ودي أكون]

انا ما كملت الفلم لانه سخيف واللي مسوين الفلم لا اعتقد انهم قطرين اصل وفصل
لانه يخفي عليهم اشياء كثيره عن اهل قطر

قديمآ كنت البنت تقعد عند الدريشه وتداعب الشباب سود الله وجيهم هم وفلمهم

كفيت ووفيت بالرد المختصر

[المقاول]

الاغلبية تجنبوا الهدف من تصوير هذا الفلم وطرحة في المنتدى وتوجهوا الى طريقت التصوير والاطراف التي تقوم بالتصوير ... وكلن يطرح ردة حسب بيئته ومجتمعة .
اولا نشكر صاحب الفكرة على جهودة حتى لو كان هناك اخطاء بس نشكرة على الهدف الذي يريد الوصول الية وهو الردع.

[فـيـراري قطر]

حسستوني يالربع ,,,

الحين لو البنت جات ووقفت احذى الريال بتقنعني فهالايام الريال بينحاش عنها؟

اقول لاتحلمون والله لو وقفت حذاه انه بتم لين نهاية الدوام وهو لاصق ابها عينو خير بس

[بـــــــنت النوخـّــــذه]

سؤال ..؟؟
هل تحرش البنات بالشباب ظاهره ليتم تداولها او بعض تصرفات الفئات الشاذه ادت الى تعميمها..؟؟؟
اذا كانت نسبه قليله جدا شاذه مايعني انها ظاهره ؟؟
من رخصتكم بروح اشوف الفلم


خلونا من الفلم ونرجع لارض الواقع انتي رحتي المعرض وشفتي شباب قطر المحترم اشلون يرقمون المغربيات ألي يبيعون ملابس جدام الكل:looking: شفت بعيني ترقيم على الهواء مباشرة :eek5: وبالدور بعد
ياترى ليش هالتصرفات الغير سويه من بعض شبابنا المحترم 000


بشكل عام الخطأ موجود بين الجنسين عديمي التربية *_*
دمتم سالمين

[بو الجوري]

ماقدر أشوف الفيديو من الدوام :..

لكـن عالعموم ، صح إنـه فيه بنات قطريات فاصخين الحيا :..
و لحد يقول مب قطريات :secret: و طبعاً أنا أقول البعض و إن شاء الله إنهم قلّه :..

و في بعض البنات تلاقيـها لابسه عبايه و حاطه مكياج و الخصل برع ، و إبتسامات و ضحكات مع رفيجاتها
توحيلك إنها فرري ، لكن روح كلمها ،، بتشرشحك :nice: البعض طبعاً

و موضع تحرش البنات فالشباب ،
أنا أشوفـه غلط ينقال عنـه ظاهره :..
الصراحـه بعض الشباب هـم اللي يتحرشون و يقزووون :eek5:
أكثر من البنات وممكن نقول عنها ظاهره ،،
بغض النظـر إذا لبس البنت و ميوعتها هم السبب :shy:

لكـن سالفة إن البنت ترقم الشاب هاي قويـه :nice:
ماقد سمعت فيها ،، ممكن تتمييع أو تسوي حركات و تعطيه الضوء الأخضر إنه يرقم
لكـن هي ترقم ،، مامرت عليّ
ولا قد وحده رقمتني :shy:


عالعموم الله يستـر على بناتنا و بنات المسلمين
و إن شاء الله البنات يتسترون أكثر
و الشباب يثقلون شوي :nice:

و بس :(

[القحطاني505]

فيلم فاشل جدًا لا يرقى لمستوى تعزيز الأخلاق والثوابت الدينية

حين تريدون التحدث عن التحرش والمعاكاسات

كان ينبغى ألاّ تأتوا بنساء ليسوا بمحرمٍ لمن في الفيلم فما أظهرتوه هو تأييدٌ لمبدأ الاختلاط والتكشف

[كلنا قطر 1981]

بصراحه ما اعجبني التمثيل

المشهد الاول لقيت بنت تعطي مجال للشباب مثل ما قلت من كم يوم هي تعطي الضوء الاخضر و بعيدن تعطي الضوء الاحمر و بعدين ترمي ماي بوجه واحد يعني كأنها تلعب فيهم وما كانت جدية في العفة ...ايش استفدنا من المشهد؟

كان الاولى انهم يجيبون المشهد انه مثل هذه التصرافه راح يكون فيها صرامة اكثر او عقاب اكثر في ذلك الوقت

المشهد الثاني اللي فهمته انه بنتين و ولد صغير و معهم خلنا نقول امهم منتظرين عريس و يجي اثنين يسلمون على شاب من الاهل و هو ولي العروس و بعدين يجي مأذون...سؤال ليش ما كان في واحد ثالث كشاهد ثاني على كتب الكتاب

يعني انا شفت 3 شباب و واحد مأذون مثل ما فهمت

الاول بيكون ولي العروس و الثاني العريس و الثالث رفيج العريس و شاهد اول طيب وين الشاهد الثاني و الرابع هو المأذون

ممكن احد يفهمني اذا انا غلطان؟

المشهد الثالث يعني البنات مب بس يرقمون لا مب شايفين خير بالمره و لا كأنهم شافوا شاب و يطاردون الشباب بطريقه مبالغ فيها و الشباب بالاول مستحيين و بعدين يجلسون على طاولة ولا كأنه صار شي ولا ترقيم ولا كأنهم متذكرين انه من شوي رقمهم 3 بنات و يسولفون مع بعض عادي و بعدين ما فهمت الشباب رقموا البنات و الا علموهم درس

الفيلم طويل جدا و الرساله بالاخير غير واضحة

والله اخوي خلدون انا اتفق وياك بالراي 100%100

في البدايه على بالي انه الشاب يعرف البنت :rolleyes2:

لانه في ضحك و لعب و هو يحاول يكلمها و هي تضحك و ترش عليه ماي و اشدخل بنات قطر قبل رازين وجيهم عند الدرايش :anger1: :anger1:

في كل الحقبات الي قاموا بتمثيلها هم فاشلين

و القهر انه في نهاية الفلم انه الرجال قام و رقم البنت المحترمه و هذه رساله حق الكل انه الرجل يدور البنت المحترمه

بس الغباء انه البنت المحترمه فجاه قامت تتهاوش مع رفيجتها على الرقم crazy crazy

خربوا كل المعنى و الهدف من الفلم :rolleyes2:

فلم فاشل و المستغرب انه الممثل فالح فايز مشرف عليه و يفترض انه يكون افضل من هالمستوى بشكل كبير

وجهة نظر شخصيه :)

[asad100]

ما اقتنعت بان البنات يتحرشوا
الواقع يقول الشباب يتحرشوا منذ فجر التاريخ ولا زالوا

[فلوس]

الي يقولون البنات مايسوون جي يروحون كتارا ويشوفون قله الحيا على اصولها