دكتور للصدفيه

[qatari_xp]

السلام عليكم ورحمة الله وبركاته

الله يسلمكم عندي ولدي ذابحته الصدفيه الاكزيما ومقطعته ومكان الحساسيه كله دم

من الحكه ....عمره خمس سنين

جربت حسن عبدالله ولاجاب نتيجه

ياليت الي مجرب دكتور ممتاز ينصحني وجزاكم الله خير عموما

[محامية قطر]

ماعليه شر إنشاءالله
أخوي ليش ماتعرضة على دكاتره بره .. أنا أسمع أن في بمصر أحسن علاج للصدفية
وهي عموما بالنسبة للأطفال عارض فقط يعني فتره وراح ينتهي بإذن الله
سو سيرج في Google وشوف أفضل علاج للحالة بره وشوف تجارب الأخرين
وأنشاءالله تحصل علاج مناسب

[qatari_xp]

ماعليه شر إنشاءالله
أخوي ليش ماتعرضة على دكاتره بره .. أنا أسمع أن في بمصر أحسن علاج للصدفية
وهي عموما بالنسبة للأطفال عارض فقط يعني فتره وراح ينتهي بإذن الله
سو سيرج في google وشوف أفضل علاج للحالة بره وشوف تجارب الأخرين
وأنشاءالله تحصل علاج مناسب

الشر مايجيك ان شاء الله

اشوف الموضوع بسيط مايحتاج لدكتور من الخارج ان شاءالله

وعموما الحاله معاه من زمان بس مع العلاج تخف شوي وترد

فقلت خلني اسال يمكن حد جرب دكتور وفاده بعد الله

عموما لاهنتي على الرد

[شبح الصمت]

الله يشفيه يــارب ويحفظه لك

[الامير]

مايشوف شر...انا من زمااااان سمعت عن دكتور سوداني للجلد في العين وهو معروف عندهم شوف لك احد في العين او قطري يعرف احد في العين يمكن يدلك لان عالج ناس كان اعلاجهم مستحيل طبعااا هم اسباب ولكن شافي الله سبحان وتعالى.

[qatari_xp]

الله يشفيه يــارب ويحفظه لك

جزاك الله خير ويحفظلك غاليك

[qatari_xp]

مايشوف شر...انا من زمااااان سمعت عن دكتور سوداني للجلد في العين وهو معروف عندهم شوف لك احد في العين او قطري يعرف احد في العين يمكن يدلك لان عالج ناس كان اعلاجهم مستحيل طبعااا هم اسباب ولكن شافي الله سبحان وتعالى.


اول شي مشكور وجزاك الله خير على مشاركتك

وان شاء الله نلقى حد في الدوحه

ومشكور مره ثانيه

[مريومة]

شوفي الدكتور حازم في عيادة الرميلة

على فكرة الصدفية والاكزيما تزيد حدتها في الشتاء

وتحتاج دائما ترطيب بالفازلين .. لان جفافها يؤدي الى تشققها وظهور الدم

والصدفية احيانا يكون سببها صدمة وتزيد مع الانفعالات النفسية

والله يشافيه

[بومحمد55]

أخوي في دكتور لبناني أسمه الدكتور أحمد أنس غازي أستشاري أمراض جلديه وتناسليه

في فريج كليب ورى المطابخ الشعبيه وهذا رقمهم 44871573

و الصراحه دكتور ممتاز وأنا جربت عنده وفادني والشفاء من الله سبحانه

[بصمة قطرية]

دكتور حازم في عيادة الجلدية رميله ..
افضل منه في علاج الصدفية ما في ..
و هالكلام من خلال تجربة لناس قراب ..
راحوا الامارات وغيرها ما استفادوا ..

و الرقية الشرعية و قراية القرآن ..
في الغالب مرض الصدفية ( عين ) ..
و مثل ما قالت مريومه ..
يزيد في الشتا ..
و مع الانفعالات النفسية والعصبية ..
الله يشفيه و يشفي مرضى المسلمين ~

سؤال ..
من قال لج ان اللي فيه اكزيما و صدفية ..!!!
اللي اعرفه ان الاكزيما والصدفية ما يجتمعون مع بعض ..!
مادري يمكن انا مضيعه ..
بس تأكدي اختي ..
روحي المركز الصحي واخذي تحويل مستعجل على رميلة
و اطلبي الدكتور حازم ..
لو قالوا لج لا بيشوفه دكتور ثاني ..
روحي لغرفة الدكتور و كلميه ..

[بصمة قطرية]

على فكرة ..
الاكزيما اللي تصيب الأطفال ..
تخف مع الوقت ..
يعني كل ما كبر الطفل تخف ..
لين تختفي ان شاء الله ..
ولدي كان يعاني من الاكزيما و كان وايد يتعب منها ..
قال لي الدكتور ان شاء الله كل ما كبر راح تخف والحمدلله ..
الفترة اللي كان عاني فيها
استخدمت علاج واحد بس ..
رحت خان الصابون ..
اللي موجود في المجمعات ( كشك ) منتجاته طبيعية اعشاب ..
خذت من عنده صابونه خاصه بالاكزيما و كريم لونه بني ..
ماشاء الله منن اول استخدام بينت النتيجة ..

[بوعلي1]

وعليكم السلام
ماتجوف شر

اخوي زور موقع( ملتقي الشفاء الاسلامي) القسم الطبي وان شاء الله بتحصل العلاج

[fahad123]

انا اخوي معه صدفيية نفس اللي ف ولدك ويمكن اعبر منه

الصدفيه اللي فيه تنزف دم وشكلها مقرف وتحكه واحيان يمووووووت من كثر مايحكها
وماخلا ولا دكتور الا وراح له حتى نصحوه في دكاتره في سوريا والاردن ومصر وراح لهم كلهم

لدرجة انهم ذكرو له دكتور عراقي يجي الاردن على طلبك انت وعلى حسابك تحجز له التذكره والفندق علشان يقابلك ويفحصك ويعطيك العلاج بعد ما يرجع للعراق يرسلها لك فيدكس وراح له ومانفع معه


نصحوه ناس في الدكتور فهد الباكر وبعد الله سبحانه خف كل شي لدرجة انه مابقى منها الا اثار بسيطه بس

بس عطاه حمية من بعض الاكل مع العلاج ونصايح ثانيه يسويها من ضمنها ما يلبس اي شي جلد او صوف


انصحك وبقووة تروح حق دكتور فهد الباكر وعسى ربي يشفيه لك

[qatari_xp]

جزاكم الله خير جميعا

ماقصرتوا وبيض الله وجيهكم

[qatar girl]

اخوي الله يشفي ولدك يارب
انا باقولك عن واحد عمره 65 سنة وفيه الصدفيه من زمان وعجز مع علاجها
وعالجة دكتور شعبي في قطر بزيت المره والله انه راحت منه كلش
ونفس الشي عالج بنت صغيرة من الصدفيه بنفس الزيت والحمدالله تعافت
بحاول اجيب لك رقمه واسمه باذن الله
وجرب لانه هو بنفسه يسوس الزيت عنه في المعمل
وهو قطري وخبير بالطب الشعبي يعني مب من العطاريين

[للصبر اخر]

شوفي المستشفى الايراني بدبي
وما عليه شر ان شااء الله

[الخـود]

بالنسبة للصدفية .. في مصر سمعت في علاج له .. لكن انا انصح تجرب الدكتور فهد عبدالله .. وان شالله خير