قررت أدرس Part Time في بريطانيا

[abo saif]

السلام عليكم ورحمة الله وبركاته
قررت أدرس في بريطانيا Part Time لدراسة الدكتوراه
وذلك للأسباب التالية
1- الجامعات البريطانية تهتم بسيرتك العلمية والعملية قبل لا تفكر هل عندك شهادة لغة انجليزية أم لاء وهذا الشرط يكون متأخر
احتمال يعملون معاك مقابلة ويقولون هذا كفؤ للدراسة بدون شهادة ILETS
يعني الموضوع مرن إلى أبعد درجة.
لآن هم دائما في ايجاد للحلول التي تقف أمام الطلاب
2- لو درست وأخذت بعثة دراسية ايش السيناريوا
نص الراتب راح ... تأخر في الفرص الوظيفية
أذا متزوج و زوجتك تشتغل ... قانون الموارد البشرية اجاز لزوجتك اجازة بدون راتب (( يرجى مراجعة هذه المادة))

3- لو درست على البعثة راح ارجع على نفس الدرجة ولا في حافز أبداً

4- على فكرة لو أخذت Part Time معترف بالشهادة في جميع دول العالم الا قطر يمكن ، صح هذا مهم و أرجع على نفس النقطه السابقه وهي انك راح ترجع على نفس درجتك الماليه
يعني
5- أخذ Part Time أطور نفسي أطور قدراتي الذاتي والبحثيه وأتلقى التعليم من جامعات عالمية ومعترف فيها في قطر والعالم
لكي أطور و أسهم من تطوير بلادي قطر

في أمان الله

تحياتي لكم أبو سيف

[missperfect]

وعليكم السلام ورحمه الله وبركاته

الله يوفقك ياااارب

[بوخالد911]

الله وياك

موفقييييييين

[مهرة]

الله يوفقكم اخوي وان شاءالله اذا الله كتب لك وكملت دراستك ياريت اتفيدنا من تجربتك ..

موفقــــــــــــــــــــين يارب ..

[(عبدالله)]

موفق ان شاء الله يا بوسيف

أنا تفكيري بالضبط نفس تفكييرك.. اللهم إني قررت أدرس ماجستير وخلصت سنة كاملة وبادي في الثانية ولله الحمد..

أعقلها وتوكل.. الأيام تمشي بسرعة وبتشوف نفسك خلصت..

[المهندس عبدالعزيز]

اخ ضربت على الجرح

لا تشتكي لي ابيلك

انا افكر امشي بدربك واخذ البارت التايم

المشكلة يوم اروح الجامعات للماجستير يقولون لي بس بارت تايم، اقول لهم ابي بارت تايم يقولون انت عكس كل الطلبة ، كل الطلبة يبون فل تايم اريح لهم وممكن يشتغلون بس شنقول...

[هدوء الليل]

الله يوفقك اخوي ان شاء الله

ويوفقنا وياك يارب

:)

[تحداني]

ما أقدر أفهم شخص يدرس دكتوراه وماجستير عشان يطور نفسه بس
دون حاجه العمل لتلك الشهاده ولا لتلك الخبرات طيب ليش اتروح تدرس


ليش أصرف وأخسر بس عشان ينقال لي دكتور ولا عشان اقدر استفيد منإا بشكل مادي ومعنوي


وفوق هذا الدراسه ابهالطريقه غير معتمده ويظل الواحد يعاند
وماجستير بدون ايلز ممكن اذاك كان الطالب خريج جامعات اجنبيه


اما غير كذا صعبه اشوي

دام انك قررت توكل على الله
جملك الله برضاه

[D0ha]

السلام عليكم
اخوي اتمنى لك التوفيق والتطور في العمل والدراسه
حبيت اوضح لك وللأخوان...معظم الجامعات ترفض استقبال طلاب للدراسة البارت تايم...وهذا البرنامج محصور للأنجليز والمواطنيين الاوربيين فقط
اعتقد ان قضية البارت تايم بعد مرفوضه من الجانب القطري....يعني انت مابين طرفين رافضين البارت تايم

الله يعينك

[بلوتنيوم]

نبي نصير دكاترة
ونلبس نظارات :cool:

بس اهم شيء
يختلف المحتوى الفكري والعلمي لحامل الدرجة
قبل وبعد الدكترة :)

[تحداني]

اي محتوى فكري الله يرضى عليك
الا اصاب البعض الاكثر شزفرينيه




جملك الله برضاه

[abo saif]

missperfect

بوخالد 911
مهره
شكرا على التفاعل
ولكم مني كل التوفيق

[abo saif]

موفق ان شاء الله يا بوسيف

أنا تفكيري بالضبط نفس تفكييرك.. اللهم إني قررت أدرس ماجستير وخلصت سنة كاملة وبادي في الثانية ولله الحمد..

أعقلها وتوكل.. الأيام تمشي بسرعة وبتشوف نفسك خلصت..


:)
أخوي عبدالله أسأل الله انه يوفقك يا رب والتعليم زين يوسع مداركك وهديبك الله بتوفيقك إلى الطريق السليم

والله ويفقك اخوي الغالي

[abo saif]

اخ ضربت على الجرح

لا تشتكي لي ابيلك

انا افكر امشي بدربك واخذ البارت التايم

المشكلة يوم اروح الجامعات للماجستير يقولون لي بس بارت تايم، اقول لهم ابي بارت تايم يقولون انت عكس كل الطلبة ، كل الطلبة يبون فل تايم اريح لهم وممكن يشتغلون بس شنقول...

المهندس عبدالعزيز اعقلها وتوكل على الله

شوف الدراسات العليا غير غن البكلريوس حتى الدكاتره طريقة تعليمهم الحوار والمناقشه والتصحيح يختلف تماما عن البكالريوس

وعلى فكرة يا عبدالعزيزموسسة قطر بيئة خصبة للقطرين وبالذات الباحثين لو يعني كل سنه يجيها 20 قطري راح نتقدم بشكل ملحوظ
ودعواتي الصادقة لك ان الله يوفقك

[abo saif]

ما أقدر أفهم شخص يدرس دكتوراه وماجستير عشان يطور نفسه بس
دون حاجه العمل لتلك الشهاده ولا لتلك الخبرات طيب ليش اتروح تدرس


ليش أصرف وأخسر بس عشان ينقال لي دكتور ولا عشان اقدر استفيد منإا بشكل مادي ومعنوي


وفوق هذا الدراسه ابهالطريقه غير معتمده ويظل الواحد يعاند
وماجستير بدون ايلز ممكن اذاك كان الطالب خريج جامعات اجنبيه


اما غير كذا صعبه اشوي

دام انك قررت توكل على الله
جملك الله برضاه

يا مرحبا اخوي تحداني الزمن

تأكد أخوي ان العمل دايم في حاجة للقدراة المبدعه و الخلاقة للتطوير
بس انا بحالتي الخاصة أعمل في جهة تحتاجة قدرات وعقليات متعلمه وعلى مستوى باحثين
وذلك للتطوير و انا اطور نفسي لاجد حلول للمشاكل اللي اوجهها في عملي لكي نرتقي بالعمل للافضل وتقديم خدمة أفضل

اما النقطة الاخرى اللي اثرتها مو عشان ينقال لي دكتور
لا غلطان
يسمونها في اوربا طالب باحث ... او متدرب باحث
والدكتوراه هي منهجية تدريبية على عملية البحث فأنا لما ادرس قاعد اتلقى الطرق السليمه العلمية لكي أكون باحث على أسس علميه سليمه اتلقاها من أفضل الجامعات المعترف بها في العالم


ثالثا الدراسه بالطريقة ذي معتمدة لكل طالب من انحاء العالم وهم يعتمدون على نوع البحث ومكان البحث
وعلى فكره ترا جامعات بريطانيا تفضل الدراسه بطريقة Part Time وذلك انه ما يخسرهم بالجامعه موارد اكثر لان تدري في اوربا كل شي محسوب بدقه
واضرب لك مثال أنا عندي صديقي قطري أخذ الدكتوراه بطريقة Part Time من بريطانيا الان هو من الكفاءات القطرية المرموقه وعلى رأس الهرم في جهة عملة وفوق هذا معترف في شهادة ودرس فصل دراسي في جامعة تصنف الثانية على العالم وهو جامعة
كامبرج

هذا دليل كافي

وشاكر لك مرورك واثرائك للموضوع

تحياتي لك
ولك مني أحلى الدعوات

[IPOD]

للتصحيح والأفادة اخوي بخصوص الـ ielts

اجباري يكون عندك او بما يعادلة وهذا لسبب مالة علاقة بالجامعة بل بوزارة الداخلية البريطانية الي تطلب من كل طالب خارجي يكون عندة هذة الشهادة لأصدار رقم الـ cas وهذا الرقم الي يخولك لفيزا الدراسة ومن غيرة الجامعة ماتقدر اتدخلك لانها بتكون خايفة من المسائلة القانونية من قبل السلطات.

عن تجربة قريبة للدراسات العليا

[(عبدالله)]

مرحبا أخوي

أنا طالب ماجستير سجلت قبل سنة بالضبط في الـmba بجامعة مانشستر والآن أنا في السنة الثانية..
لا طلبوا مني لا أيلز ولا غيره مع ان الموضوع مب صعب بالنسبة لي ولله الحمدوالمنة
جبت 5.5 في أول تجربة لي..
لكن ما أعتقد الموضوع إجباري مثل ما تفضلت


للتصحيح والأفادة اخوي بخصوص الـ ielts

اجباري يكون عندك او بما يعادلة وهذا لسبب مالة علاقة بالجامعة بل بوزارة الداخلية البريطانية الي تطلب من كل طالب خارجي يكون عندة هذة الشهادة لأصدار رقم الـ cas وهذا الرقم الي يخولك لفيزا الدراسة ومن غيرة الجامعة ماتقدر اتدخلك لانها بتكون خايفة من المسائلة القانونية من قبل السلطات.

عن تجربة قريبة للدراسات العليا

[qatar girl]

ممكن اسماء جامعات بارت تايم في بريطانيا
انا افكر في الماجستير
وطبعا موظفة ولا يبون يعطوني تفرغ للدراسة
وكم مرة لازم اروح بريطانيا خلال السنة

[abo saif]

للتصحيح والأفادة اخوي بخصوص الـ ielts

اجباري يكون عندك او بما يعادلة وهذا لسبب مالة علاقة بالجامعة بل بوزارة الداخلية البريطانية الي تطلب من كل طالب خارجي يكون عندة هذة الشهادة لأصدار رقم الـ cas وهذا الرقم الي يخولك لفيزا الدراسة ومن غيرة الجامعة ماتقدر اتدخلك لانها بتكون خايفة من المسائلة القانونية من قبل السلطات.

عن تجربة قريبة للدراسات العليا

تسلم اخ IPOD

ترا انا سمعت مثل كلامك ببس انا مره كلمت السفارة وقال لي اذا طرشت لك الجامعة cas number تروح على التاشيرات بالسفارة البريطانيه
وكلمتهم بالتاشيرات وقالوا لي اذا اعطوك cas number ما يحتاج ilets
اما درجة الايلتس اتوقعها المطلوبه للتاشيره هي 4.5 ذي الدرجة اي واحد بالثانويه يقدر يجيبها
لك تحياتي

[abo saif]

qatar girl

كل الجامعات اللي ببريطانيا تعمل بارت تايم
بس انتي شوفي الجامعه المعتمده من المجلس الاعلى وفق التخصص المطلوب
على هذا الرابط
http://www.sec.gov.qa/hei/universities/2011-2013/3-United_Kingdom_list.pdf

[IPOD]

مرحبا أخوي

أنا طالب ماجستير سجلت قبل سنة بالضبط في الـmba بجامعة مانشستر والآن أنا في السنة الثانية..
لا طلبوا مني لا أيلز ولا غيره مع ان الموضوع مب صعب بالنسبة لي ولله الحمدوالمنة
جبت 5.5 في أول تجربة لي..
لكن ما أعتقد الموضوع إجباري مثل ما تفضلت

صحيح كلامك اخوي كلامي الي اقولك عنة قانون جديد بدى مفعولة في مارس 2011 للاسف

[IPOD]

تسلم اخ ipod

ترا انا سمعت مثل كلامك ببس انا مره كلمت السفارة وقال لي اذا طرشت لك الجامعة cas number تروح على التاشيرات بالسفارة البريطانيه
وكلمتهم بالتاشيرات وقالوا لي اذا اعطوك cas number ما يحتاج ilets
اما درجة الايلتس اتوقعها المطلوبه للتاشيره هي 4.5 ذي الدرجة اي واحد بالثانويه يقدر يجيبها
لك تحياتي


صحيح بس المشكلة ان رقم الكاس يطلع من وزارة الداخلية ومش من الجامعة ومن شروط الاس الايلتس والنسبة 5.5 اقل شي

[(عبدالله)]

أان بعرض عليج تجربتي

أنا طالب في جامعة ماشستر (Manchester Business Schoo)

برنامج الMBA حائز على ترتيب 29 عالمياً بتقييم الFT

الجامعة أو الSchool لأنها للدراسات العليا لها 7 فروع عالمية (وليس مكاتب تمثيلية)

أحد الفروع في دبي في قرية دبي للمعرفة

نظام الدراسة كالتالي:

(1) البرنامج عبارة عن 3 سنوات (6 فصول دراسية) بمعدل فصلين في السنة الأول يبدأ يناير والثاني يوليو.

(2) الفصل الواحد فيه 3-4 مواد، كل مادة بيكون لها كتاب أو كتابين + كتاب مرشد يعلمج خطة الدراسة للمادة أول وبأول + واجب دراسي + اختبار في المجلس البريطاني.

(3) المطلوب من الطالب يحضر ورش للمواد اللي خذها بمعدل أسبوع كامل كل فصل (يعني أسبوع واحد كل 6 شهور)، بحيث يكون اليوم كامل من الصباح إلى المسا مع تقديم بريزنتيشن لكل مادة.

(4) طوال الفصل يوجد تواصل أون لاين مفتوح للنقاش مع الطلاب وطاقم التدريس لمن أراد.

(5) رسوم الدراسة مقسمة على 6 دفعات تقريباً 20-22 ألف ريال للدفعة.

(6) يمكن للطالب بدال حضور الورش في الجامعة بدبي إنه يحضر في أي فرع ثاني ومنها الجامعة الأم في مانشستر ببريطانيا.

(7) التخرج بيكون في حفل في جامعة مانشستر ببريطانيا.

والله الموفق



ممكن اسماء جامعات بارت تايم في بريطانيا
انا افكر في الماجستير
وطبعا موظفة ولا يبون يعطوني تفرغ للدراسة
وكم مرة لازم اروح بريطانيا خلال السنة

[qatar girl]

مشكورين اخواني وماقصرتو
والله يوووفقني واسجل في احد التخصصات واتمنى تسويق
هل الدراسة سهله للي ترك الدراسة من 7 سنوات
الحمدللة خريجة جامعية

[(عبدالله)]

الله يحييج

مابقول سهلة ولا صعب.. بس اللهم الموضوع يبي له متابعة
يعني مجرد تقرين بمعدل ساعتين في اليوم أو 10 ساعات في الأسبوع
كل الأمور بتصير عليج سهلة وميسرة

والأهم من كل ذي.. مجموعة الدراسة اللي معاج

الله أكرمني إن معاي 6 وأنا سابعهم شايلين بعض، لدرجة إن أحياناً نطنش الدراسة
لمدة أسابيع ونرجع 3 أسابع قبل الامتحان ونلحق..
طبعاً كنا نطنش لأسباب مب إهمال.. لأن الواحد منا أقل شي يداوم يومياً لين 4-5 المسا وعنده
مرة وعيال..

وإذا انتي تشتغلين في شركة بترول أو شركة أو مؤسسة تتبع منهج إداري عالمي
بتكون الأمور أسهل وأسهل لأن اللي تتعلمينه بتشوفين في وقاع عملج
وبتفتح لج أفاق للتطوير

والله يوفقج




مشكورين اخواني وماقصرتو
والله يوووفقني واسجل في احد التخصصات واتمنى تسويق
هل الدراسة سهله للي ترك الدراسة من 7 سنوات
الحمدللة خريجة جامعية

[الحجاجي]

الله يوفقك يابوسيف

ويوفق الجميع ..

العلم رحلــة مالها نهاية ..
واللي يوصل لحلاوة البحث العلمي ماراح يتوقف عند الدكتواره في مجال معين ..

كل الود

[abo saif]

صحيح بس المشكلة ان رقم الكاس يطلع من وزارة الداخلية ومش من الجامعة ومن شروط الاس الايلتس والنسبة 5.5 اقل شي

تسلم اخ ipod ذي معلومة جديدة و انا انشاء الله راح اتأكد من المعلومه
وبالنسبة حق 5.5 ماهي صعبه انشاء الله بسيطه جدا

ولك مني اجمل تحيه

[qatar girl]

جزاكم الله خير على هالمعلومات

[abo saif]

يعطيك العافيه اخوي الحجاجي
و انا اتوقع تجربتك الشخصية مع البارت تايم مفيده جداً

ولك مني اجمل تحية

[alma3ani]

انتو الحين اكلمون عن البارت تايم والفل تايم يزن الفرق بينهم ان البارت تايم ما اتخلص بسرعه مثل الفل

انا ادرس الجامعه في بريطانيا والفل تايم انخلص ب 3 سنوات من غير احتساب فونديشن

وال بارت تايم انخلص ب 5 سنوات من غير احتساب الفونديشن

فلموضوع كله على حسب التفرغ لا اكثر

بس انا عندي سؤال بنسبة للبارت تايم لاني ناوي بعد ما اتخرج اكمل ماجستير على طول بس احتمال الشغل الي باعثني ما يوافقون ويقولون انطر ونبعثك بعد 5 سنوات وهشي ما ابيه ابي اخلص مره وحده لهشي هل بينفعني البارت تايم والفل تايم بلماستر سنه فكم مدة البارت تايم للماستر وابي شرح للي عنده خبره يعني كم يوم اروح لهم في بريطانيا وكم مدته وهل تنصحوني في البارت تايم او الفل تايم