مكاتب الخــدم .. وحقوق المواطن المهضومة ..!!

[بصمة قطرية]

بسم الله الرحمن الرحيم
السلام عليكم ورحمة الله و بركاته ..

مكاتب الخـــدم ..

كثرت الشكاوي في الفترة الأخيرة على مكاتب الخدم ..
خصوصاً مسألة الأسعار الخيالية ..
يعني أقل خادمة ب 7000 أو 8000 ريال ..
و الرواتب ارتفعت ..
و الضمان ثلاث شهور ..

هالشي في كل المكاتب ..

بعد الثلاث شهور لو جات الخدامة و قالت ما ابي اشتغل خلاص تبي تسافر ..
تعال يالكفيل ادفع تذكرتها ..!!
( ممكن الكفيل قبل لا يجيب الخدامة يبلغ المكتب ان لو الخدامة جات بتسافر قبل السنتين هي تتكفل بتذكرتها )
و هالشي احنا نسويه مع كل خدامه نجيبها وتوافق على الشرط وتوقع عليه ..
بعض المكاتب صارت تحط هالشرط من ضمن شروطها اللي تلتزم بيها الخادمة ..
أوكي شي طيب ..

لكن المشكلة مش في سعر التذكرة ..
المشكلة الفلوس اللي يدفعها الشخص للمكتب ..
مب حرااااام ال 8000 او ال9000 تروح علينا ..
و نجي ندفع مرة ثانية من اول و جديد عشان نجيب خادمة ثانية ..

اللي نبيه من وزارة العمل انها تضمن حقوقنا ..
يا ليت ينضم شرط اجباري لكل مكاتب الخدم ..
ان لو الخادمة بتسافر قبل السنتين مش بس تتكفل بالتذكرة ..
لاء
ترجع نص المبلغ اللي اندفع للمكتب ..
يعني 4500 ريال ترجع للكفيل ..
صدقوني بهالطريقة ما راح نشوف هروب للخدم ..
و لا راح نشوف خدامة تشتغل لين تنتهي مدة الضمان الثلاث شهور و عقب تقول ما ابي ..

تشتغل ثلاث شهور و بعدها تقول خلاص ما ابي
تروح البيت الثاني و نفس الحالة ..
و الثالث ...
كل بيت ثلاث شهور ..
و احنا نتم نعاني و ننتظر من شهر لين شهر ونص عشان توصل الخدامة ..
مثل ما بلدانهم تحط شروط ..
احنا بعد نبي شروط تجبرهم و تلزمهم بالعقد ..
يعني قبل السنتين التذكرة عليها ونص المبلغ يرجع ..

مب كل شخص قادر يدفع هالمبالغ الخيالية للمكتب ..

و شغلة ثانية ..
ليش الرسوم تختلف من مكتب لين مكتب ..!!؟؟؟
اللي يقول الرسوم 8000
و اللي 8500
واللي 9000
حتى الراتب يختلف ..
800 - 850 - 900
و يوم سألت احد المكاتب ليش سعرك يختلف عن غيرك ..؟
قال :
هالشي مش بايدنا ..؟
قلت له لا تقول لي مش بايدنا ..
لما يكون السعر ثابت في كل المكاتب فعلاً مش بإيدك ..
لكن كل مكتب حاط لي سعر لا طبعاً بإيدك هالشي ..

[مضاربه]

انا اضم صوتي الصوتك المشكله الي نعاني منها مب في الخدم بس الا مكاتب الخدم هم ساس البلا يعلمون الخدم التمرد حسبي الله عليهم يفهمون الخادمه اول ماتوصل اذا ماعجبج البيت الي تشتغلين فيه بنوديج بيت ثاني بس لاتشردين قبل ثلاث شهور

[روح الاطلس]

الحل الوحيد لتخفيض سعر الخدم هو فتح مجال للدول الثانيه وعلى وزارة العمل وضع سقف اعلى على المكاتب وعدم تجاوزه وليكن 5000 ريال ( قبل اربع سنوات كنا نجيب الخادمة على 4500 ) الحين مبالغة بشكل كبير

هذا غير انه الاندونيسيات المفروض ينزل سعرهم بما انه السعودية وقفت تأشيرات لهالدولة

وغير انه من فترة فتحوا التراخيص لمكاتب الخدم وفي السابق كانت موقوفه

على كثرة المكاتب ماشفنا نزول بالاسعار وكأنهم متفقين فيما بينهم

[بصمة قطرية]

انا اضم صوتي الصوتك المشكله الي نعاني منها مب في الخدم بس الا مكاتب الخدم هم ساس البلا يعلمون الخدم التمرد حسبي الله عليهم يفهمون الخادمه اول ماتوصل اذا ماعجبج البيت الي تشتغلين فيه بنوديج بيت ثاني بس لاتشردين قبل ثلاث شهور

هاي المشكلة ..
البلا في المكاتب ..
لو يشدون شوي على الخدم كان ارتحنا ..
يعني يقولون للخادمة انج لو ما بغيتي تشتغلين في هالبيت بعد انتهاء فترة الضمان ( الثلاث شهور ) راح ترجعين نص المبلغ من راتبج ..
صدقوني بنرتاح ..
و على الأقل نضمن حقنا ..
مش كل ثلاث شهور طلب جديد وانتظار ومخاسير ..

[بصمة قطرية]

الحل الوحيد لتخفيض سعر الخدم هو فتح مجال للدول الثانيه وعلى وزارة العمل وضع سقف اعلى على المكاتب وعدم تجاوزه وليكن 5000 ريال ( قبل اربع سنوات كنا نجيب الخادمة على 4500 ) الحين مبالغة بشكل كبير

هذا غير انه الاندونيسيات المفروض ينزل سعرهم بما انه السعودية وقفت تأشيرات لهالدولة

وغير انه من فترة فتحوا التراخيص لمكاتب الخدم وفي السابق كانت موقوفه

على كثرة المكاتب ماشفنا نزول بالاسعار وكأنهم متفقين فيما بينهم

اذا فتحوا المجال لدول ثانية ..
هل المكاتب راح تنزل اسعارها ..؟؟
قبل كنا نجيب عن طريق شخصي ..
و كان ما يكلفنا شي يا دوب التذكرة والفحص الطبي يعني ربع اللي ندفعه الحين للمكاتب ..
ليش ما يفتحون المجال نفس قبل ..
ليش منعت سفارتهم ..
بالذات الفلبين ياما جبنا قبل ..
الحين ممنوع لازم عن طريق مكتب ..!!!
نتمنى وزارة العمل تكون لها خطوة ايجابية وفي صالح المواطن ..
تحدد الاسعار للمكاتب
و تلزمهم بالشروط عشان تمنع التلاعب من بعض المكاتب ..

[khaldoon]

اتمنى تتوحد الاسعار او جعلها بفروق لا تتعدى 500 ريال بس المشكله الموظف لما يقولك مش بايدينا لانه بالحقيقه يقصد بسبب ايجار المكتب و مكانه و اتساع المكتب و عدد العاملين فيه و جشع صاحب المحل نفسه...هذا معنى مش بايدينا

شفت عدة حالات انه الخادمة تظل جيدة و مقبولة اول 3 شهور وبعدها يبتدي النكد و هذا يدل على انه المكتب موصيها انه ما راح يتهاون معاها لو سببت له مشاكل و خساير قبل هذه الفتره فهي تتحمل 3 شهور بالطول و العرض او بعد طبع الاقامة للخادمة لو تم هالشي قبل 3 شهور و بعدها ما في مشكله لانه المكتب انتهى تهديده لها و الله اعلم لانها مب شكلها صدفه انها تصير في كل مره

[بصمة قطرية]

اتمنى تتوحد الاسعار او جعلها بفروق لا تتعدى 500 ريال بس المشكله الموظف لما يقولك مش بايدينا لانه بالحقيقه يقصد بسبب ايجار المكتب و مكانه و اتساع المكتب و عدد العاملين فيه و جشع صاحب المحل نفسه...هذا معنى مش بايدينا

شفت عدة حالات انه الخادمة تظل جيدة و مقبولة اول 3 شهور وبعدها يبتدي النكد و هذا يدل على انه المكتب موصيها انه ما راح يتهاون معاها لو سببت له مشاكل و خساير قبل هذه الفتره فهي تتحمل 3 شهور بالطول و العرض او بعد طبع الاقامة للخادمة لو تم هالشي قبل 3 شهور و بعدها ما في مشكله لانه المكتب انتهى تهديده لها و الله اعلم لانها مب شكلها صدفه انها تصير في كل مره

هالشي أكيد أخوي خلدون ..
مستحيل يكون صدفة..!!
و الكل عارف هالشي ..
و على هالأساس نطالب بحفظ حقوقنا ..
مثل ما المكاتب تحفظ حقوقها ..

من يحفظ حقوقنا ..؟؟
والله حرام كل ثلاث شهور يدفع الشخص رسوم خادمة جديدة ..!!؟؟

[khaldoon]

هالشي أكيد أخوي خلدون ..
مستحيل يكون صدفة..!!
و الكل عارف هالشي ..
و على هالأساس نطالب بحفظ حقوقنا ..
مثل ما المكاتب تحفظ حقوقها ..

من يحفظ حقوقنا ..؟؟
والله حرام كل ثلاث شهور يدفع الشخص رسوم خادمة جديدة ..!!؟؟

عندي اقتراح خطر ببالي الان و انا أقرأ ردج اختي ما اعتقد اني شفت قبله اي اقتراح بشري او بيطري بيحفظ حق الزبائن من مسألة هروب او استرجاع الخدم اول 6 شهور على الاقل او خلال مدة العقد اللي هي سنتين و الله اعلم... و الهدف من هذا الاقتراح هو التحكم بهذه الصدفه اللي هي صدفة فعلا :rolleyes2:

ليش ما يكون في رقابة على مكاتب الخدم من ادارة العمل بانه يتم احتساب الحالات اللي يتم فيها استرجاع الخادمة او هروبها و نشوف هالخادمة دخلت البلد عن طريق اي مكتب استقدام للخدم بحيث انه كل مكتب يثبت عليه تكرر هذه الحاله عدد معين من المرات يوضع عليه علامة اكس او يتم اغلاقه مؤقتا مع التشهير به مثل ما تسوي البلدية مع المطاعم المخالفة او نهائيا لو تكررت هذه الحالات ....علشان الناس تعرف نوعية المكاتب اللي تتعامل معاها و انها من النوع اللي اغلب خدمه يسوون مشاكل او انه هالمكتب متبع هذا المنهج مع الاخذ بعين الاعتبار انه مرات بيكون سبب الاسترجاع من الزبون نفسه لو ما عنده سبب مقنع (يعني دلع منه او انه مب عاجبه شكلها اما لو جاء و قال انه الخادمة يجوز انها تدعي انه عندها صرع و الزبون خاف منها على عيلته فمعاه حق بهذه الحالة)

ايش رأيكم :eek5::eek5::eek5:

[المسك1969]

كم من سؤال:

هل الأخوة في إدارة العمل ما يعانون كما نعاني؟

هل أن حقوقهم لا تسلب منهم مثلنا؟

هل يرون أن مبلغ الخادمة بسيط جدا ويُسهل دفعه؟

ألم تهرب لديهم خادمة؟ أو اضطروا لأرجاع أي خادمة كونها لا تريد العمل أو وجدوا عليها شيئا؟

أليسوا مواطنين مثلنا ويحدث لهم مايحدث لنا؟

إذا فلما كل هذه القوانين لصالح الخادمة التي قد لا تستحق المبلغ المدفوع للمكتب؟

ولما ليس لنا حقوق يحافظون لنا عليها؟ ولما نخسر أموالنا ظلما؟

حقيقة أختي الكريمة حفظكِ الله لم أتعرض لأمور مما ذكرت ولله الحمد وأسأله أن يسخر خدمي لي ولأولادي ولكن أرى في ارتفاع الاسعار ظلما للمواطن فالخادمه لا تكلفه ثلاثة آلاف ريال خليه يضيف عليها الفين ريال لتصبح خمسة آلاف ريال... خليها ستة آلاف

ولكن أن أدفع كما دفعت هذه المرة منذ أيام مبلغ تسعة آلاف ريال لخدامة مسترجعه والله العالم تصيب أو تخيب ثم يفرض علي المكتب أن لو ارجعتها بعد ثلاثة ايام يخصم مني ثلاثمئة ريال... هذا ظلم بعينه وحرام واستغلال للمواطن المحتاج سبحان الله

وقد قلت للموظف في المكتب أن هذا حرام ولا اعتقد أن صاحب المكتب يريد أكل الحرام فكيف أن لي اسبوع تجربة وأن ارجعتها بعد ثلاثة أيام لعدم صلاحها يخصم من المبلغ؟ ليش؟

جزاكم الله خيرا

[بوحارب]

المواطن مسكين ماكلها من صوب

الله يكون في العون بس

[سارا البدر]

خدامتنا من 3 ايام شردت
:(
وتوها ما كملت 6 شهور

وين حقنا ؟ احنا نشتغل للخدامات اصلا
في السنه ندفع لخدامتين وكل وحده اعل من الثانيه

والحين ابوي يقول مافي خدامه >< والحل يعني

لين متى بيتم الشعب القطري بنك متحرك عند المكاتب
حسبي الله ونعم الوكيل

[ام مضاوي]

هاي المشكلة ..
البلا في المكاتب ..
لو يشدون شوي على الخدم كان ارتحنا ..
يعني يقولون للخادمة انج لو ما بغيتي تشتغلين في هالبيت بعد انتهاء فترة الضمان ( الثلاث شهور ) راح ترجعين نص المبلغ من راتبج ..
صدقوني بنرتاح ..
و على الأقل نضمن حقنا ..
مش كل ثلاث شهور طلب جديد وانتظار ومخاسير ..

هذا المفترض ..والمكاتب شعليها دام هذا الشي يزيدها غنى
هذا الشي من المفترض يكون بالاتفاق مع سفارتهم مثل ماسفارتهم تفرض علينا شروط هم حنا لابد يكون لنا شروط ..ومنها الشرط اللي انتي ذكرتيه

عاد مره اقول لخدامه جبتها بعد شهر انتظار ماعجبها الحال قالت مايبي بيبي ، قلتلها انا جايبتج انتي حقي مو حق غيري منتظرتج شهر ودافعه فيج قرابة التسع الاف ..تدرين شردت علي قالت بعد انا دفعت خمس الاف :rolleyes2: مت من الضحك خمس الاف فلبيني قرابة الخمسية ريال عندنا ، يعني تستلم معاش شهر ولا شهرين وترد بلادها هم كسبانه خخخخ خليها على الله بس

والمشكلة ان مشكلة الخدم مو بس عندنا بالدوحة لا الا في كل دول الخليج تقريبا ،، فليش ماتعاضد دولنا في قانون بموضوع الخدم وهو ان اي خادمة اتسافر بدون اي سبب وجيه قبل السنتين ماتدخل اي دولة خليجية لي اتعدي السنتين ..لان صار عندهم بمكاتبهم نوع من العصابات على قولة اخوي مافيا يتفقون مع الخدامة من البداية روحي ولاتكثرين عن سنه ورجعي وبنوديج بلدة ثانيه وهذا الشي يزيد من دخلهم طبعا بدل ماتقعد الخادمة سنتين لاء تقعد سنه ويكونون خلال السنتين بدل مايكسبون 3 الاف في السفره يكسبون 6 في السفره ..وهذي شطاره منهم بس لي عرفوا انهم ماراح يقدرون يطلعون لاي دولة خليجية الا اذا كملوا السنتين في الدولة اللي هم فيها وخذوا شهادة حسن سيرة وسلوك ..ذاك الوقت بيتسنعون

بس وينا يادول الخليج متى نجنمع على مصالحنا

ربج كريم والله يعوضنا بالي فقدناه خير يارب

[الصغيره]

كل شي بقطر له حل الا مشاكل الخدم

دريولنا خذا الليسن من شهر وفاجانا بهروبه ومعه الليسن

وش الحل مدري

حسبي الله والنعم الوكيل

[مهرة]

الله يعينا ماندري من وين نترقع .. بخصووص هالموضوع وانفتح بليز من الي عنده خدامة فلبينيه متنازل عنها(( مع ان الكل يتشكى ويتمسك بمكفولته قد مايقدر)) او اقدر اجيب وحدة بعقد شهري لين ماتجي المربية محتاجتها ضروري..

[مضاربه]

المفروض وزاره العمل تتدخل في حل مثل هذي الامور الخادم ماعجبه العمل عندي يرجع فورا الى بلده مايتنقل من بيت لين بيت بتشوفون ذيك الساع شلون المكاتب بيستعدلون لاعبين لعبتهم ويكسبون من ورى كل خادمه مسترجعه وانا شذنبي ان الخادمه متمرده وليش الفلوس ماترجع كامله مافي قانون بهالشي

[رايق البال x]

الواحد يقول ( حسبي الله ونعم الوكيل ) وكفى
وزارة العمل لو تبي تسوي شي بتسويه بيوم واحد ، لكن الظاهر مال عمه ما يهمه عادي عندهم ان المواطن ينقهر وينظلم دامهم مرتاحين وخدمهم عندهم ،،

[hasss1969]

بتوصل خدامتنا خلال ايام الله يستر ماتعمل هالحركات...مع ان صاحب المكتب رجل طيب ووعدني بخدامة جيدة لكن لازلت في قلق..