ليش القطري مايتزوج في بيته ؟

[سلطان23]

ليش مايتزوج في بيته ؟

عيب

ولايستحي قدام الشباب

وليش البنت ماتسوي حفلة في بيت أبوها بدل القاعات والصرف الفاضي

وهل في بنت في المنتدى ترضى تتزوج بدون قاعة

[D0ha]

ليش مايتزوج في بيته ؟
عيب
ولايستحي قدام الشباب


يمكن الزواج في البيوت يواجه مشكلة الحجم. فحجم البيوت لا تستطيع استيعاب جميع المدعويين وهذا أحد الأسباب في عدم الزواج في البيوت. لكن مبدأ العيب مستبعد.
زواج أحد زملائي كان بجانب منزله في خيمة متواضعه, وتجمع النساء كان في حوش بيته...فعند سؤالي عن الكوشه وتحضيرات العرس؟ قال: كرسيين واليهال حولها يصفقون, والأكل ربي بارك فيه.

وفي المقابل, زميل أخر لا يزال يقاصد البنك بعد مرور 3 سنين حتى يستوفي تكاليف زواجه..

الدنيا فيها العجب

[المليونير الفقير]

لو يخصصون ملعب من بعض هالملاعب ويخلونه قاعة احتفالات ابرك

[][ الوحيد ][]

حجم المكان من اهم الاسباب

[نووون]

والجو الحار والرطب في الصيف والمتقلب في الشتاء عائق

[al-obaidly]

لو يخصصون ملعب من بعض هالملاعب ويخلونه قاعة احتفالات ابرك

كلام 100في ال ميه

[Mohammed2]

البيت مايصلح لان حجمه مايكفي للمدعوين كلهم وثاني شي اكيد بيكون في اغاني عند الحريم وفي سماعات والصوت بيوصل للجيران وبينزعجون وايد
وفوق هذا بيكون ضغط على الكهرباء كبير ممكن يصير شي مب زين لاسمح الله ويخترب العرس بكبره

الا اذا كان البيت كبير كبير وفيه قاعه كبيره ومجهز وكل شي اوك
لكن البيوت العاديه صعبه وايد

[فتى الجود]

السلام عليكم

بالنسبة لى ولأخوانى كلنا عرسنا في البيت وكان في المجلس

عادى والأمور طيبة

[قطر دزاين]

انا تزوجت في البيت في الشتا والامور كلها تمام الحمدلله
واخواني نفس الشي بيت شعر في براحة وبالعكس كان اول يجون ناس اكثر للعرس من الحين

[بوسلمان 2010]

اخوي سلطان 22 الله يصبحك باالخير عندنا واحد من الجماعة زواج بناته كلهم في البيت يشبك الخيمة مع البيت

ويسوي العرس في البيت ولا يرضى اي وحدة من بناته تتزوج في فندق والي يملج على بنته مايكلمها ولا يشوفها


الا يوم العرس والله جان زين ترد العادات الاوليه الزواج في البيوت الله الله حلو

[elders]

عاد الزواج في البيت اذا كان واسع له ذكرى اجمل وفرحة اكبر

[المدريدي]

ليت الزمن يعود لأيام الأول أعراس في البيت واذا ما في مكان تمد سناحك في الشارع
والكل مبسوط وفرحان وبركه مو الحين قاعات وما أدري أيش وسلفيات والعينيه الله بالخير ما تسد
الا شي بسيط جدا وين ذيك الايام أيام البركه والخير والقلوب المحبه

[chillis]

بعض البيوت صغيره ما تسع وبعدين جونا بعد ما يساعد وثالثا القاعات افضل لان ارتب وانظم وراحه اكثر

[راسي براسك]

أذا كان حجم البيت يساعد ليش لا ؟
بلعكس البيوت أحلى وأشرح ...

الله يعين الجميع

[دلة الرسلان]

أنا اقول لك ليش ماعاد حد يتزوج في البيت بالأضافة لحجم الحوش ، فكر في عدد المعازيم

يعني اقل شيء ميتين مدعوة وبيقعدون يمكن 3- 5 ساعات تخيل الضغط اللي بيصير على

مرافق البيت المختلفة خاصة أن العرس أذا في بيت بتشوف الأطفال والخدامات يوسعون

صدورهم وعليا وماراح تقدر تتحكم في المدعوين وبيجيكم ناس من كل شكل لأن ماتقدر تحط

سكيورتية بأجهزتهم عند بيتك من غير الطقطقة مش حلوة واهداء من فلانة للمعاريس وهل

الفريق يسمعونها ويمكن في طريقهم للمسيد يالله كملت :rolleyes2:

[ضوى]

اتذكر اعراس اول كلها في البيت ، شنهو تغير ، واتذكر كان فيه قانون يمنع الطقطقة لين 1 ، الصراحة البيوت اشرح ، اختي واخوي رحمة الله عليه تزوجوا بالبيت واتذكر ماكان فيه محط ريلي من كثر العالم والناس ماشاء الله

[حسن]

اكثر بيوت هل قطر كبار لكن زبو النسوان وتهويل الموضوع جدام الزوج وضعف شخصيته
وخصوصا ايامنا هذه الرجوله صارت من الماضي الله يرجعها مع ايامنا الاوليه
اما المبررات الي البعض ذكرها تذكرني بحجه الكلسلان لان كله يمسح الصبوره

[chillis]

اكثر بيوت هل قطر كبار لكن زبو النسوان وتهويل الموضوع جدام الزوج وضعف شخصيته
وخصوصا ايامنا هذه الرجوله صارت من الماضي الله يرجعها مع ايامنا الاوليه
اما المبررات الي البعض ذكرها تذكرني بحجه الكلسلان لان كله يمسح الصبوره

لاتقول باجر عندك عيال بنشوف وين بتزوجهم :secret:

[حسن]

لاتقول باجر عندك عيال بنشوف وين بتزوجهم :secret:

لاتخافين انا من الحين اقول حق المره ساعات ان فطوم لازم تعرس في البيت تقولي انت شكلك مال اول وش نسوي والله مبتلشين والله ثم والله لولا صرامتا لكنت اسبح مع الجماعه لكن اطلب من الله ان يثبتني لين اخر لحظه من عمري سار الواحد يجاهد ضد هل التغيرات في مجتمعه والى يحاربها ويرفضها يقولون لك انت متخلف انت موديل قديم الموضه الحين شذي ااااه لونفتك :secret:كان احنا بخير

[R 7 A L]

الله يسلم قاعات الحسا في الاجازات

[حسن]

الله يسلم قاعات الحسا في الاجازات

الله يصبحك بلخير يارحال مادري كم الساعه عندك عندك السلع بعد فيها صالتين وقريبين من بعض الللي له خاطر يبي يتزوج اهنا ك نتوسطله عند بوسعيد المنصوري مايقصر

[بصمة قطرية]

اسباب كثيرة ..
اولاً الحجم ..
ما يناسب عدد المدعوين ..
ثانيا الجو ..
خصوصاً في الصيف ..
ثالثاً ..
البيت بيندمر و يتبهدل خصوصاً اذا كان عرس النسوان ..
فالكل صار يفضل يسوس العرس في قاعة عشان يريح نفسه ..

وحدة من خواتي تزوجت في البيت ..

[chillis]

الله يسلم قاعات الحسا في الاجازات

من صجك ؟ يروحون الحسا علشان يتزوجون :secret:

[chillis]

لاتخافين انا من الحين اقول حق المره ساعات ان فطوم لازم تعرس في البيت تقولي انت شكلك مال اول وش نسوي والله مبتلشين والله ثم والله لولا صرامتا لكنت اسبح مع الجماعه لكن اطلب من الله ان يثبتني لين اخر لحظه من عمري سار الواحد يجاهد ضد هل التغيرات في مجتمعه والى يحاربها ويرفضها يقولون لك انت متخلف انت موديل قديم الموضه الحين شذي ااااه لونفتك :secret:كان احنا بخير

الدنيا تغيرت والناس بعد والواحد قام يدور الارتب والاريح

[حسن]

الدنيا تغيرت والناس بعد والواحد قام يدور الارتب والاريح

ماشوف الشمس قامت تشرق من الغرب ولاشوف الدنيا تغيرت ليش ماتقولين اانتم تغيرتو لين متى وحنا نتهرب من الواقع ومثل مافلت البيوت بتبهدل وماشاء الله الخدم الحين تارسين البيوت
ولازم انتو اعزم كل خلق الله ليش ماتكون على الاهل وبعض الاصدقاء ولا الخوف من السنتهم

[chillis]

ماشوف الشمس قامت تشرق من الغرب ولاشوف الدنيا تغيرت ليش ماتقولين اانتم تغيرتو لين متى وحنا نتهرب من الواقع ومثل مافلت البيوت بتبهدل وماشاء الله الخدم الحين تارسين البيوت
ولازم انتو اعزم كل خلق الله ليش ماتكون على الاهل وبعض الاصدقاء ولا الخوف من السنتهم

شدخل السنتهم نفس الي بنسويه بالفندق بيصير بالبيت ليش الواحد يضيق على عمره بالذات اذا احبابك وايد وماعندك مكان يسع لهم وان كان الجو حار :( الواحد مهب لازم يسويه بفندق خمس نجوم ويصرف صرف اليهد

[Charisma]

كم انت مسكين ايها الرجل ...

مهر خيالي .. قاعه بمادري كم .. كوشه وترتيبات .. دي جيه ومغنيين .. اخراج هولويودي للعرس.. شهر عسل.. ذبايح .. الخ

بعدين تعال فجج ويا البنك ..

وين بيلقون البركه !؟

يوم اسولف مع الاجانب بترتيبات العرس عندنا .. انواع علامات الاستفهام والتعجب
انا مادري هالمظاهر والركض ورى رضا الناس وين بيودينا ..

[chillis]

كم انت مسكين ايها الرجل ...

مهر خيالي .. قاعه بمادري كم .. كوشه وترتيبات .. دي جيه ومغنيين .. اخراج هولويودي للعرس.. شهر عسل.. ذبايح .. الخ

بعدين تعال فجج ويا البنك ..

وين بيلقون البركه !؟

يوم اسولف مع الاجانب بترتيبات العرس عندنا .. انواع علامات الاستفهام والتعجب
انا مادري هالمظاهر والركض ورى رضا الناس وين بيودينا ..

الموضوع بايدك ان طلبت طلبات خياليه لا تاخذها الديره مليانه بنات ومهب كل البنات لهم نفس الطلبات بدال فندق خمس نجوم قاعه او في فندق اقل من 5 نجوم اعصابك بس :secret:

[Charisma]

الموضوع بايدك ان طلبت طلبات خياليه لا تاخذها الديره مليانه بنات ومهب كل البنات لهم نفس الطلبات بدال فندق خمس نجوم قاعه او في فندق اقل من 5 نجوم اعصابك بس :secret:


الاعصاب مرتاحه..

والله الكتاب مبين من عنوانه .. ان البنت ماقدرت ظروف الرجال وانه ممكن يتحمل اعباء الديون وقامت تتشرط تبي وتبي وتبي .. فمع احترامي وخالص تقديري ومواساتي بعد.. من هالاهبل اللي بيكمل مشواره مع وحده مثلها !؟ هذي من بدايتها مب مفتكره فيه بس تبي عرس تفوشر فيه قدام رفيجاتها .....

اميره موناكو على غفله :secret:

[chillis]

الاعصاب مرتاحه..

والله الكتاب مبين من عنوانه .. ان البنت ماقدرت ظروف الرجال وانه ممكن يتحمل اعباء الديون وقامت تتشرط تبي وتبي وتبي .. فمع احترامي وخالص تقديري ومواساتي بعد.. من هالاهبل اللي بيكمل مشواره مع وحده مثلها !؟ هذي من بدايتها مب مفتكره فيه بس تبي عرس تفوشر فيه قدام رفيجاتها .....

اميره موناكو على غفله :secret:

تصدق مرات افكر مع نفسي الاهل الي يطلبون ويبون والبنت الي تبي مايفكرون انهم باجر بنتهم هي الي بتعاني من ديون الرجال ماراح يقدر يعيشها عيشه هنيه حط خطين تحت هنيه ولاحظ قوة اكلمه :secret: وبعدين اسمح لي يعني الرجال الي يوافق يستاهل الي يجيه محد قاله يوافق اي شي ينطلب منه :shy:

[بصمة قطرية]

الموضوع بايدك ان طلبت طلبات خياليه لا تاخذها الديره مليانه بنات ومهب كل البنات لهم نفس الطلبات بدال فندق خمس نجوم قاعه او في فندق اقل من 5 نجوم اعصابك بس :secret:

والله اغلب البنات هالايام يتشرطون ..
وطلباتهم تعجيزية ..
الا العرس في هالفندق ..
و الا الكوشة من هالمحل ..
و و و و ..
ياختي نشوف بعيننا هالاشياء ..
يعني وحدة تمت تقول انا اراعي زوجي وانا اراعيه ...
ما ابي اكلف عليه في شي ..
و كل يوم ناقزة ..
الا ابي العرس في هالفندق ..
و الكوشة من هالمحل ..!! :secret:
و بعدين في بنات ( قلة قليلة طبعاً )
راضيين بحفلة بسيطة بدل العرس عن المخاسير اللي ما لها داعي ..
لكن اهلها رافضين ..
يبون عرس و عرس مب اقل من باقي الاعراس ..

[حسن]

كم انت مسكين ايها الرجل ...

مهر خيالي .. قاعه بمادري كم .. كوشه وترتيبات .. دي جيه ومغنيين .. اخراج هولويودي للعرس.. شهر عسل.. ذبايح .. الخ

بعدين تعال فجج ويا البنك ..

وين بيلقون البركه !؟

يوم اسولف مع الاجانب بترتيبات العرس عندنا .. انواع علامات الاستفهام والتعجب
انا مادري هالمظاهر والركض ورى رضا الناس وين بيودينا ..

بيودونك في ستين داهيه خلك في الجو ابرك لك:victory:

[chillis]

والله اغلب البنات هالايام يتشرطون ..
وطلباتهم تعجيزية ..
الا العرس في هالفندق ..
و الا الكوشة من هالمحل ..
و و و و ..
ياختي نشوف بعيننا هالاشياء ..
يعني وحدة تمت تقول انا اراعي زوجي وانا اراعيه ...
ما ابي اكلف عليه في شي ..
و كل يوم ناقزة ..
الا ابي العرس في هالفندق ..
و الكوشة من هالمحل ..!! :secret:
و بعدين في بنات ( قلة قليلة طبعاً )
راضيين بحفلة بسيطة بدل العرس عن المخاسير اللي ما لها داعي ..
لكن اهلها رافضين ..
يبون عرس و عرس مب اقل من باقي الاعراس ..

لو انا خلهم يتمون بجبود اهاليهم وعقب يوم يعنسون يصيحون عليهم الرجال ينشرا على دينه واخلاقه واخلاق اهله

[حسن]

والله اغلب البنات هالايام يتشرطون ..
وطلباتهم تعجيزية ..
الا العرس في هالفندق ..
و الا الكوشة من هالمحل ..
و و و و ..
ياختي نشوف بعيننا هالاشياء ..
يعني وحدة تمت تقول انا اراعي زوجي وانا اراعيه ...
ما ابي اكلف عليه في شي ..
و كل يوم ناقزة ..
الا ابي العرس في هالفندق ..
و الكوشة من هالمحل ..!! :secret:
و بعدين في بنات ( قلة قليلة طبعاً )
راضيين بحفلة بسيطة بدل العرس عن المخاسير اللي ما لها داعي ..
لكن اهلها رافضين ..
يبون عرس و عرس مب اقل من باقي الاعراس ..

شكرك يابصمه قطريه على صراحتك اللي الكثير من بني جنسك يخاف يقولها وهم في غراره انفسهم مش مقتنعين بالي يسونه لكن خوفا من كلام النسوان عنهم

[Charisma]

تصدق مرات افكر مع نفسي الاهل الي يطلبون ويبون والبنت الي تبي مايفكرون انهم باجر بنتهم هي الي بتعاني من ديون الرجال ماراح يقدر يعيشها عيشه هنيه حط خطين تحت هنيه ولاحظ قوة اكلمه :secret: وبعدين اسمح لي يعني الرجال الي يوافق يستاهل الي يجيه محد قاله يوافق اي شي ينطلب منه :shy:

الله يخليج لاتفكرين مع نفسج مرة ثانيه ...

بس صدقتي .. ساعات حتى البنت تكون مقدره وضع الرجال .. بس تنجبر من طلبات الاهل الام والاب..الخ يحسبون ان لو صار العرس بالطريقه اللي يبونها .. انهم بيضوا الويه يعني .. مايدرون انهم اخنقوا الريال ديون والديون وراها مشاكل والمشاكل وراها طلاق والطلاق وراه طق اصبع ..
وتعال لي عقب يابو وية ابيض:rolleyes2:

[لاجئ عاطفي]

اخبر الاعراس قبل عباره عن خيمه قدام البيوت والحريم في البيوت لين ماتغير الحال وصارت في فنادق مع انه ماشوف ان الاعراس في الخيم فيها اي حرج او عيب بالعكس والله انها كانت اكثر حميميه ولكن اللي صار طفره اجتماعيه وماديه احدثت كل هالتغيرات اللي صارت..

[chillis]

الله يخليج لاتفكرين مع نفسج مرة ثانيه ...

بس صدقتي .. ساعات حتى البنت تكون مقدره وضع الرجال .. بس تنجبر من طلبات الاهل الام والاب..الخ يحسبون ان لو صار العرس بالطريقه اللي يبونها .. انهم بيضوا الويه يعني .. مايدرون انهم اخنقوا الريال ديون والديون وراها مشاكل والمشاكل وراها طلاق والطلاق وراه طق اصبع ..
وتعال لي عقب يابو وية ابيض:rolleyes2:

الحين العرس يهون اسمه عرس المصيبه في حفلات الملجه :( قاعات ومسرح وضيافه من فوشون وفرقه وتوزيعات لا يقل تكلفه عن العرس الا بشي قليل والي بيرضى جذي خله يطق اصبع :secret:

[R 7 A L]

الله يصبحك بلخير يارحال مادري كم الساعه عندك عندك السلع بعد فيها صالتين وقريبين من بعض الللي له خاطر يبي يتزوج اهنا ك نتوسطله عند بوسعيد المنصوري مايقصر


الله يصبحك بمثل
والنعم فيك وفي بوسعيد
اقتراحي للي يقولون البيوت صغيرة او فية اغاني اقترحت لهم قاعات الدول المجاورة ارخص

[Charisma]

بيودونك في ستين داهيه خلك في الجو ابرك لك:victory:

ياعمي خلها على ربك .. انا من توظفت وانا شايل هم الستين داهيه
بس شرايك ياحسن بالبوسنه ؟ يقولون الستين داهيه اهناك تقسمها
على ستين وتطلع لك داهيه وحده بس ومقدور عليها :nice:

[دااانة قطر]

والجو الحار والرطب في الصيف والمتقلب في الشتاء عائق



على اياام قبل عاادي محد كاان يشتكي لا من حر ولا برد والعروس مسكينه يخترب مكياااجها وهي مابيدها حيله
:eek5:

[chillis]

والله اغلب البنات هالايام يتشرطون ..
وطلباتهم تعجيزية ..
الا العرس في هالفندق ..
و الا الكوشة من هالمحل ..
و و و و ..
ياختي نشوف بعيننا هالاشياء ..
يعني وحدة تمت تقول انا اراعي زوجي وانا اراعيه ...
ما ابي اكلف عليه في شي ..
و كل يوم ناقزة ..
الا ابي العرس في هالفندق ..
و الكوشة من هالمحل ..!! :secret:
و بعدين في بنات ( قلة قليلة طبعاً )
راضيين بحفلة بسيطة بدل العرس عن المخاسير اللي ما لها داعي ..
لكن اهلها رافضين ..
يبون عرس و عرس مب اقل من باقي الاعراس ..

للاسف صارت الاعراس عباره عن 3 ليالي غير يوم عقد القران يوم تحني فيه العروس واهلها ويوم الحنه الاساسيه والعرس الكبير وكل واحد لايقل تكلفه عن اليوم الي واغلب الاعراس فيها من التقليد الاعمى الشي الكثير يعني الي ماعندهم يبون يقلدون الي عندهم وهكذا

[chillis]

على اياام قبل عاادي محد كاان يشتكي لا من حر ولا برد والعروس مسكينه يخترب مكياااجها وهي مابيدها حيله
:eek5:

والله قبل كنا نحس بطعم السعاده بالاعراس عكس الحين تحسين بس تاديه واجب وسريع ومافيه اي وناسه

[دااانة قطر]

أنا اقول لك ليش ماعاد حد يتزوج في البيت بالأضافة لحجم الحوش ، فكر في عدد المعازيم

يعني اقل شيء ميتين مدعوة وبيقعدون يمكن 3- 5 ساعات تخيل الضغط اللي بيصير على

مرافق البيت المختلفة خاصة أن العرس أذا في بيت بتشوف الأطفال والخدامات يوسعون

صدورهم وعليا وماراح تقدر تتحكم في المدعوين وبيجيكم ناس من كل شكل لأن ماتقدر تحط

سكيورتية بأجهزتهم عند بيتك من غير الطقطقة مش حلوة واهداء من فلانة للمعاريس وهل

الفريق يسمعونها ويمكن في طريقهم للمسيد يالله كملت :rolleyes2:

مراافق البيت بتنعفس عدل

[دااانة قطر]

والله قبل كنا نحس بطعم السعاده بالاعراس عكس الحين تحسين بس تاديه واجب وسريع ومافيه اي وناسه


وكنا ندخل اي بيت عليه ليتاات بصرااحه كاانت بنت الجيراان اي عرس تنعزم فيه امها تجيني وتقول يالا وانا ورااها :shy: شي والله
الحين لين اسولف عالعياال يضحكون علي ويقولون ماافي اتيكيت :omg::weeping:

[حسن]

ياعمي خلها على ربك .. انا من توظفت وانا شايل هم الستين داهيه
بس شرايك ياحسن بالبوسنه ؟ يقولون الستين داهيه اهناك تقسمها
على ستين وتطلع لك داهيه وحده بس ومقدور عليها :nice:

والله ياخوك انا دئما من مويدي حلات الثوب رقعته منه وفيه وبناتنا فيهم الجمال وكل شي ولا فيبنت من هل الجنسيات تعيضني عن بنت بلادي لكن احنا نقسى شوي عليهم وردودنا تكون عنيفه من خوفنا وغلاها عندنا مش تحقير ولاذل انما حسره للي انشوفه
على فكره عندي خوات ثنتين اذا تبي بازوجك بس وحده اذا خذته لازم امي تاخذها معاك لانها جزاها الله خير هي شايله امي بس ها كلهم فوق الاربعين وبسويلك العرس في البيت وخلهم يقولون انت مال اول:anger1:

[دااانة قطر]

اخوي سلطان 22 الله يصبحك باالخير عندنا واحد من الجماعة زواج بناته كلهم في البيت يشبك الخيمة مع البيت

ويسوي العرس في البيت ولا يرضى اي وحدة من بناته تتزوج في فندق والي يملج على بنته مايكلمها ولا يشوفها


الا يوم العرس والله جان زين ترد العادات الاوليه الزواج في البيوت الله الله حلو

اعرااس الخيام سوااء في البيت او حتى الشاارع كاان عجيب
يازينها من اياام

[ريتويت]

طبعا كل بنت تتمنى عرسها يكون بقاعه ولكن مع الظروف الحاليه في ناس ماتقدر

[chillis]

والله ياخوك انا دئما من مويدي حلات الثوب رقعته منه وفيه وبناتنا فيهم الجمال وكل شي ولا فيبنت من هل الجنسيات تعيضني عن بنت بلادي لكن احنا نقسى شوي عليهم وردودنا تكون عنيفه من خوفنا وغلاها عندنا مش تحقير ولاذل انما حسره للي انشوفه
على فكره عندي خوات ثنتين اذا تبي بازوجك بس وحده اذا خذته لازم امي تاخذها معاك لانها جزاها الله خير هي شايله امي بس ها كلهم فوق الاربعين وبسويلك العرس في البيت وخلهم يقولون انت مال اول:anger1:

:omg::telephone:

[Charisma]

والله ياخوك انا دئما من مويدي حلات الثوب رقعته منه وفيه وبناتنا فيهم الجمال وكل شي ولا فيبنت من هل الجنسيات تعيضني عن بنت بلادي لكن احنا نقسى شوي عليهم وردودنا تكون عنيفه من خوفنا وغلاها عندنا مش تحقير ولاذل انما حسره للي انشوفه
على فكره عندي خوات ثنتين اذا تبي بازوجك بس وحده اذا خذته لازم امي تاخذها معاك لانها جزاها الله خير هي شايله امي بس ها كلهم فوق الاربعين وبسويلك العرس في البيت وخلهم يقولون انت مال اول:anger1:

هههههههههههههههههههههههههههههههههههههههههههههههههه ههه
هههههههههههههههههههههههههههههههههههههههههههههههههه هه
هههههههههههههههههههههههههههههههههههههههههههههههههه ههه
هههههههههههههههههههههههههههههههههههههههههههههههههه ههه
هههههههههههههههههههههههههههههههههههههههههههههههههه هههه


قول امين يا حسن ... عسى الله يرزقك على قد نيتك .. ويحفظ لك هلك ويحفظ لك الوالده عسى الله يطول بعمرها

[chillis]

هههههههههههههههههههههههههههههههههههههههههههههههههه ههه
هههههههههههههههههههههههههههههههههههههههههههههههههه هه
هههههههههههههههههههههههههههههههههههههههههههههههههه ههه
هههههههههههههههههههههههههههههههههههههههههههههههههه ههه
هههههههههههههههههههههههههههههههههههههههههههههههههه هههه


قول امين يا حسن ... عسى الله يرزقك على قد نيتك .. ويحفظ لك هلك ويحفظ لك الوالده عسى الله يطول بعمرها
هههه الكلام ذي ما ياكل عيش:secret:

[Charisma]

هههه الكلام ذي ما ياكل عيش:secret:

اطلعي منها :anger1:

[chillis]

اطلعي منها :anger1:

:( طيب بس بعد ما ياكل رز :(

[qatar girl]

الحمدالله احنا كلنا بنات وشباب تزوجنا في البيت
واعراسنا تقليدية بحته مافي خطوبة وشبكة
بس سوينا حنة وعزمنا بنات عمنا وجيرانا بعد في البيت
وللاسف بدون رؤية شرعيه طبعا ههههههه بس انا كلمت زوجي قبل العرس لانه ملكتنا طولت 6 شهور
البقية ملكتهم قبل العرس بيومين
والحمدالله على كل حال

[khalid 88]

اول شي اشكرك اخوي سلطان على طرحك مثل هالموضوع

واقول للجميع

انا من الناس اللي كنت ارى انه تنقيص القدر امام الناس والناس بتتكلم وشبتقول وش بتخلي

والحمدلله فانا من الناس اللي وضعه المادي الحمدلله وفي نعمه

وكنت بخلي عرسي بالانتر

لكن اصرار زوجتي العجيب على اني ما ادفع هذا المبلغ في فندق هو اللي منعني

وكنت انا واخوي فترة الزواج متقاربه جدا فقلت خلاص انتو الثنتين سوا بس فندق ولا بيت ولو ان بيتهم حوشه واسع

اصرت الا البيت ,, وكان تكلفة عرس الرجال اغلى من عرس الحريم

ومع ان اخوي كان بالفندق وكلفه حروة 200 الف الا ان كل العالم طلعوا يمدحون عرسي

ويشهد الله ما كلفني حتى 40 الف

(( دي جي + كوشه + بوفيه + كراسي وزل + شركة حمايه + تجهيزات ))

بيض الله وجه امرأه عاقله ,, ما اسمحت لي اصرف هالمبالغ على ليله وانتهت

ولو تدرون وش سوينا بالفرق كان نشدتووني (( عندها خوات )) الله يحفظهم من كل شر

ملاحظه هامه :
عيال قبايل ,, وابناء تجار ,, ولاقصور في احد

بس علشان محد يقول يمكن الناس فيهم شي او اقتصاديين او بخلا

[chillis]

اول شي اشكرك اخوي سلطان على طرحك مثل هالموضوع

واقول للجميع

انا من الناس اللي كنت ارى انه تنقيص القدر امام الناس والناس بتتكلم وشبتقول وش بتخلي

والحمدلله فانا من الناس اللي وضعه المادي الحمدلله وفي نعمه

وكنت بخلي عرسي بالانتر

لكن اصرار زوجتي العجيب على اني ما ادفع هذا المبلغ في فندق هو اللي منعني

وكنت انا واخوي فترة الزواج متقاربه جدا فقلت خلاص انتو الثنتين سوا بس فندق ولا بيت ولو ان بيتهم حوشه واسع

اصرت الا البيت ,, وكان تكلفة عرس الرجال اغلى من عرس الحريم

ومع ان اخوي كان بالفندق وكلفه حروة 200 الف الا ان كل العالم طلعوا يمدحون عرسي

ويشهد الله ما كلفني حتى 40 الف

(( دي جي + كوشه + بوفيه + كراسي وزل + شركة حمايه + تجهيزات ))

بيض الله وجه امرأه عاقله ,, ما اسمحت لي اصرف هالمبالغ على ليله وانتهت

ولو تدرون وش سوينا بالفرق كان نشدتووني (( عندها خوات )) الله يحفظهم من كل شر

ملاحظه هامه :
عيال قبايل ,, وابناء تجار ,, ولاقصور في احد

بس علشان محد يقول يمكن الناس فيهم شي او اقتصاديين او بخلا

كل شي فهمته بس الي باللون الاحمر شمعناه :secret:

[قطريه ماركه]

وااااااااايد أسباب ..

أهمها في نظري .. انك ترجع بيتك بعد التعب و العناء و تحصله نظيف ...

[moonبنتnight]

اول شي اشكرك اخوي سلطان على طرحك مثل هالموضوع

واقول للجميع

انا من الناس اللي كنت ارى انه تنقيص القدر امام الناس والناس بتتكلم وشبتقول وش بتخلي

والحمدلله فانا من الناس اللي وضعه المادي الحمدلله وفي نعمه

وكنت بخلي عرسي بالانتر

لكن اصرار زوجتي العجيب على اني ما ادفع هذا المبلغ في فندق هو اللي منعني

وكنت انا واخوي فترة الزواج متقاربه جدا فقلت خلاص انتو الثنتين سوا بس فندق ولا بيت ولو ان بيتهم حوشه واسع

اصرت الا البيت ,, وكان تكلفة عرس الرجال اغلى من عرس الحريم

ومع ان اخوي كان بالفندق وكلفه حروة 200 الف الا ان كل العالم طلعوا يمدحون عرسي

ويشهد الله ما كلفني حتى 40 الف

(( دي جي + كوشه + بوفيه + كراسي وزل + شركة حمايه + تجهيزات ))

بيض الله وجه امرأه عاقله ,, ما اسمحت لي اصرف هالمبالغ على ليله وانتهت

ولو تدرون وش سوينا بالفرق كان نشدتووني (( عندها خوات )) الله يحفظهم من كل شر

ملاحظه هامه :
عيال قبايل ,, وابناء تجار ,, ولاقصور في احد

بس علشان محد يقول يمكن الناس فيهم شي او اقتصاديين او بخلا

عين العقل 00 والله يهنيكم 00

بصراحة انا ايد العرس يكون في بيت ولا في خيمة 00 اشرح وابرك مئة مرة لي فندق 00

[الفهد1]

اخوي سلطان 22 الله يصبحك باالخير عندنا واحد من الجماعة زواج بناته كلهم في البيت يشبك الخيمة مع البيت

ويسوي العرس في البيت ولا يرضى اي وحدة من بناته تتزوج في فندق والي يملج على بنته مايكلمها ولا يشوفها


الا يوم العرس والله جان زين ترد العادات الاوليه الزواج في البيوت الله الله حلو

يا سلام الله عليك ياليت ترجع العادات مثل ماكانت

[حسن]

الحمدالله احنا كلنا بنات وشباب تزوجنا في البيت
واعراسنا تقليدية بحته مافي خطوبة وشبكة
بس سوينا حنة وعزمنا بنات عمنا وجيرانا بعد في البيت
وللاسف بدون رؤية شرعيه طبعا ههههههه بس انا كلمت زوجي قبل العرس لانه ملكتنا طولت 6 شهور
البقية ملكتهم قبل العرس بيومين
والحمدالله على كل حال

انتي ذكرتيني عقب ماخلصنا الملكه زوجتي من هلي عقب الملكه وديت اختي الكبيره ام عكشه مع مرت اخوي يباركون لهم وهم دخلوهم المجلس جلست انا ربع مع اخوالمره كان يقولي دش ماتبي تشوف زوجتك على عرض وافقت دخلني الصاله وجلسنا ننظر نظرات البراءه كانا في درب الزلق
المهم مرت اخوي تقول حق مرت ولد خالي وهي تصير بتن خالي بعد وهم جالسن في المجلس حسن يبي يشوف زوجته قلت لها بنت خالي اي يشوف الريال جالس معاها وماخذ راحته :)

[بوخالد2]

اخوي سلطان 22 الله يصبحك باالخير عندنا واحد من الجماعة زواج بناته كلهم في البيت يشبك الخيمة مع البيت

ويسوي العرس في البيت ولا يرضى اي وحدة من بناته تتزوج في فندق والي يملج على بنته مايكلمها ولا يشوفها


الا يوم العرس والله جان زين ترد العادات الاوليه الزواج في البيوت الله الله حلو
ماعاد ترجع الايام هذه

أنا اقول لك ليش ماعاد حد يتزوج في البيت بالأضافة لحجم الحوش ، فكر في عدد المعازيم

يعني اقل شيء ميتين مدعوة وبيقعدون يمكن 3- 5 ساعات تخيل الضغط اللي بيصير على

مرافق البيت المختلفة خاصة أن العرس أذا في بيت بتشوف الأطفال والخدامات يوسعون

صدورهم وعليا وماراح تقدر تتحكم في المدعوين وبيجيكم ناس من كل شكل لأن ماتقدر تحط

سكيورتية بأجهزتهم عند بيتك من غير الطقطقة مش حلوة واهداء من فلانة للمعاريس وهل

الفريق يسمعونها ويمكن في طريقهم للمسيد يالله كملت :rolleyes2:
هههههههههههههه الله يصبحج بالخير

والله اغلب البنات هالايام يتشرطون ..
وطلباتهم تعجيزية ..
الا العرس في هالفندق ..
و الا الكوشة من هالمحل ..
و و و و ..
ياختي نشوف بعيننا هالاشياء ..
يعني وحدة تمت تقول انا اراعي زوجي وانا اراعيه ...
ما ابي اكلف عليه في شي ..
و كل يوم ناقزة ..
الا ابي العرس في هالفندق ..
و الكوشة من هالمحل ..!! :secret:
و بعدين في بنات ( قلة قليلة طبعاً )
راضيين بحفلة بسيطة بدل العرس عن المخاسير اللي ما لها داعي ..
لكن اهلها رافضين ..
يبون عرس و عرس مب اقل من باقي الاعراس ..
اى والله صدقتي كل هذا و يراعون عيل لو مايراعون شنو الطلبات اللى بيطلبونهااا :eek5:



لو انا خلهم يتمون بجبود اهاليهم وعقب يوم يعنسون يصيحون عليهم الرجال ينشرا على دينه واخلاقه واخلاق اهله

ماعاد اتفكر العوايل بالكلام هذا كل همهم عرسهم احلى عررس و المعرس ياكلها هههههه ديون و عوار راس

و هم بيضوا وجهم قدام معازيمهم و ابلعها يالمعرس :secret:

[بوخالد2]

كل شي فهمته بس الي باللون الاحمر شمعناه :secret:

يعني كلن يبي يتزوج من خواتها اذا هذا تفكيرها و سنعها

[chillis]

ماعاد ترجع الايام هذه

هههههههههههههه الله يصبحج بالخير

اى والله صدقتي كل هذا و يراعون عيل لو مايراعون شنو الطلبات اللى بيطلبونهااا :eek5:


ماعاد اتفكر العوايل بالكلام هذا كل همهم عرسهم احلى عررس و المعرس ياكلها هههههه ديون و عوار راس

و هم بيضوا وجهم قدام معازيمهم و ابلعها يالمعرس :secret:
والله ليش دايما نشرهه على المره الرجال الي يوافق باي شي يقولونه له يتحمل وما يتكلم :) ليش ما عنده شخصيه اذا بعض الحريم ماعندهم عقل هو بعد يصير بدون عقل :(

[alnoida]

لو يخصصون ملعب من بعض هالملاعب ويخلونه قاعة احتفالات ابرك


أنا مره حضرت عرس في نادي قطر في الصاله المغلقه - هل ألغوا هذا النشاط؟؟؟
اوتقصد تخصيص ملعب كقاعة احتفالات مجانية؟؟


اخوي سلطان 22 الله يصبحك باالخير عندنا واحد من الجماعة زواج بناته كلهم في البيت يشبك الخيمة مع البيت

ويسوي العرس في البيت ولا يرضى اي وحدة من بناته تتزوج في فندق والي يملج على بنته مايكلمها ولا يشوفها


الا يوم العرس والله جان زين ترد العادات الاوليه الزواج في البيوت الله الله حلو


فيه ناس عندهم نفس العادات ومستمره الى اليوم لكن الترتيب مختلف
الخطيب يشوف البنت لكن الملكه يوم العرس
كتب كتاب ودخلة هههههههههههههههه


وذلك تحسب لأي ظرف ممكن ان تتطلق البنت او تترمل قبل زواجها

[البريمي (م)]

هيييييه المشكله ماهي مشكلة الصالات ولا الطلبات وين اللي يبي الزواج من العيال الحين يالله يالله يقتنع انه يتزوج الله يرحم حال البنات ويستر عليهم لا يروحون يدورون الرياجيل عشان يعرسون

[مهرة]

مو كل البيوت تتسع للمعازيم وتكاليف العرس من وإلى .. احنا بعايلتنا الحناء او اذا فيه حفلة خطوبة او حتى الملكة في حوش البيت ياحلاته والله وحتى مجالسنا تكفي كحفلة صغيرة مو عرس كبير ومع ذلك بعضنا كان عرسهم بالبيت حلو ومرتب واهم شي يحطووون العشا بسرعة وتلحق عدل عالتوزيعات..:nice:

ولكن الي مقتدر والله معطية ليش مايسوي عرسه في قاعة لا هو عيب ولا حرام.. والعروووس الزينة تستاهل..:shy:

[intesar]

هو الزواج في البيوت من ناحية الامان أفضل.. بس مثل ما تفضلوا الأخوان والأخوات.. الجو وحجم البيت ما يساعدون.. لو يسوون قاعات مخصصة ومستورة للعروس يكون شيء طيب..

ودمتم بود..

[البريكاني]

المفروض يكون في البيت وكذلك البنت يكون في بيتها

وليس للجو أو المكان عذر في ذلك
وش المشكلة لو تمت الدعوة لإناس قليل !!!!! يعني لازم الدعوة للشعب كله
هي ليله والناس المفروض تقدر الحال
والله ييسر أمور كل الشباب

[alkatalony]

أنا عطيت المره 300,000 شامله المهر والقاعه والتجهيزات وكل شيء قتلهم هذا اللي أقدر عليه والحمدالله مشى الحال ولكن الحريم ما يعجبهم العجب لازم كل شيء فايف ستار علشان جذي حطو هم فوق ال 300,000 ميتين الف زياده والله يعين الشباب الصراحة على تكاليف العرس اللي مالها داعي

[M&F]

والله ان الوحده مهما سوت في عرسها لازم الناس بيطلعون مليون عيب في العرس :rolleyes2: ما يعجبهم العجب ولا صيام في رجب

الا المعرس قصير
الا العروس دبه
الا الاكل مب حلو وتوزيعاتهم مب شي
الا الورد ما ادري شفيه ...... الخ :tease:

ياليت الواحد يتزوج وياخذ زوجته ويروحون شهر عسل لا عرس ولا عوار راس وبعد ما يرجعون يسوون لهم عشا بسيط وكان الله غفورا رحيما :nice:

بس اهم شي الوحده تلبس فستانها وتكشخ عشان زوجها :shy:

وترى فيه بنات واايد يرضون بالزواج البسيط اهم شي الستر والله

والله يزوجكم كلكم ان شاء الله :nice:
اللي متزوج الثانية عادي :tease:

[A.L.I]

ومن قالك محد يسوي العرس في البيت

وبلعس هاي شرف الي وحق ابوي وخواني

وانا سويت العرس في البيت

[بوخالد911]

وطر مضى

والله يرحم أيام قبل


قبل بحوش البيت
وعيش ولحم ومشروبات غازية وماي

الله يرحم بس

[سر يا قلم]

يعطيكم العافيه

انا اتفق مع بو سلمان 2010

انا تزوجت والحمدالله
وكان نسيبي شارط علي شرط
ان العرس الحريم يكون في البيت
وماشوف البنت الا يوم العرس
والحمدالله رب العالمين اموري طيبه

يمكن الناس اتشوفه صعبه لكن والله العظيم ان شي طيب عن تجربه
وادا الله عطاني عمر راح اعمل نفس الطريقه في عيالي انشالله

يعطيكم العافيه

[بوخالد911]

ومن قالك محد يسوي العرس في البيت

وبلعس هاي شرف الي وحق ابوي وخواني

وانا سويت العرس في البيت

:nice::nice::nice::nice:

[qrt_trading]

عادي يصير ليش لا بالنسبه لي أنا زوجي سوى عزيمه في البيت وعزم الأهل وربعه اما أنا صراحة بيت أبوي كان صغير وما ينفع انسوي فيه اي عرس فاجرت خيمه وحطيتها عند بيت اختي الكبيره وعزمت الحريم والامور والحمد لله مشت ولا خسرت ولا شي تقريباً 7000 ريال بين الخيمه والبوفيه هذا كان من 8 سنوات اما الحين ما ادري كم راح يكلف.

[ام السعف]

ممكن يصير للقنوعين اما اللي غير قنوعين طبعا لا

حتى لو حوشهم يساعد والجو يساعد
بيقولون نبي في قاعة

[ام شيخه]

يازين اعراسنا يوم كانت في الحوش والله انه لها طعم ثاني كلش غير عن الحين يكفي المعازيم :ok2:اللي كلن يجيك ويوجبك من خاطر موب الحين يجون بس عشان يتطمشون على العرس وش حطوا ووش سووا :con2:
وبالتوفيق للي ماعرس للحين

[بـــــــنت النوخـّــــذه]

ليش مايتزوج في بيته ؟

عيب

ولايستحي قدام الشباب

وليش البنت ماتسوي حفلة في بيت أبوها بدل القاعات والصرف الفاضي

وهل في بنت في المنتدى ترضى تتزوج بدون قاعة

عاد الناس وكفيهم هذا استحباب فندق ولا غيره ألي يبغي كيفه حتى لو يسوون عرسهم بالكورنيش

مايصير نجبر الكل ليش ماليش وتستحون ومادري شنهو لان هذي الامر بالاتفاق بين الزوجين راضيين كيفهم 00

الاهم يربون بنتهم عدل على السنع لا باجر اتروح بيت ريلها واتسود وجيهم هذا الاهم

والي يترحمون على ايام الماضي يلا همتكم رجعو ايام الماضي00 وبلا تحندي

دمتم سالمين

[chillis]

انا الي مستغربه منه اذا الكل رافض القاعات ومايسوي الا بخيم ليش مافي حجوزات لقاعات الافراح ؟ من كثر الافراح من الي يحجز فيهم لاتقولون لي اجانب :(

[روح الاطلس]

ليش حفلات زواج من الاساس؟؟

حفله صغيره بين اهل العروس والمعرس وكان الله عفورا رحيما

اما حفله ونعزم فيها اللي نعرفه واللي مانعرفه بس تملية عدد وكل مازاد العدد زاد الكلام والانتقاد اشوف انها مالها داعي كلش

بس شنسوي اذا المعرس هو اللي يصر على الحفلة؟!! وماعنده مشكلة يقط 300 ألف في ساعتين مايستانس فيها الا المعازيم!

هناك عقليات سطحية :)

[النهار]

مشاءالله المدارس المستقله ترس وفيها قاعات كل قاعه اكبر من الثانيه ليش هالمدارس ماتستفيد وتفيد الناس

[الخـود]

والله .. في الآونة الأخيرة .. صرت أسمع عن بنات تزوجوا في بيتهم أو في بيت حد من الأهل .. يعني حفلة عائلية بسيطة ..

[الحريّه]

أي موضوع تضع المرأة يدها فيها , يصل إلى هذه النهاية ! بعد عمل المرأة , ووصول المادة إلى يدها أمسكت هي بزمام بعض الأمور و بالتدريج إلى أن أصبحت هي المخطط الأول في حياة الأسرة إلا من رحم ربي . ( بتزعل النسوان ألحين ! لكن كلمة حق عند سلطان جائر :tease:)
أسوق مثلاً آخر وهو سوالف القرنقعوه التي اصبح الصرف عليها لا يقل عن الحفلات المذكورة.
و أعود إلى حفلات الزواج التي تحوّلت إلى :
حفله للملجه
حفله للبس الشبكه لا تقل شكلا و مضموناً عن حفلة الزواج . فهي تقام في فندق وتمسك العروس باقة الورد وتسير أمام المعازيم . ويوضع بوفيه متعدد الأصناف , وتجلس أم العروس أمام الباب تستقبل المعازيم ! رأيته بأم عيني وصرخت : اللــــــــــــــــــــــــــــه أكبر :eek5:
أما العريس فمسكين . بين أم منساقة وراء المظاهر المُهلكة , و أخت تريد أن ترتدي ثوباً كلفها الكثير لزواج أخيها الحبيب .
كلام موجه للرجال " طلعوا منها النسوان , و امسكوا زمام الأمور , و ستعود الأمور إلى حالها إن شاء الله !
تحياتي :victory:

[chillis]

أي موضوع تضع المرأة يدها فيها , يصل إلى هذه النهاية ! بعد عمل المرأة , ووصول المادة إلى يدها أمسكت هي بزمام بعض الأمور و بالتدريج إلى أن أصبحت هي المخطط الأول في حياة الأسرة إلا من رحم ربي . ( بتزعل النسوان ألحين ! لكن كلمة حق عند سلطان جائر :tease:)
أسوق مثلاً آخر وهو سوالف القرنقعوه التي اصبح الصرف عليها لا يقل عن الحفلات المذكورة.
و أعود إلى حفلات الزواج التي تحوّلت إلى :
حفله للملجه
حفله للبس الشبكه لا تقل شكلا و مضموناً عن حفلة الزواج . فهي تقام في فندق وتمسك العروس باقة الورد وتسير أمام المعازيم . ويوضع بوفيه متعدد الأصناف , وتجلس أم العروس أمام الباب تستقبل المعازيم ! رأيته بأم عيني وصرخت : اللــــــــــــــــــــــــــــه أكبر :eek5:
أما العريس فمسكين . بين أم منساقة وراء المظاهر المُهلكة , و أخت تريد أن ترتدي ثوباً كلفها الكثير لزواج أخيها الحبيب .
كلام موجه للرجال " طلعوا منها النسوان , و امسكوا زمام الأمور , و ستعود الأمور إلى حالها إن شاء الله !
تحياتي :victory:
والرجال الي يمشي ورا كلام النسوان هل يستحق نطلق عليه كلمة ..... :) العتب الاول والاخير عليه لان ماله كلمه من الاساس

[قطري !]

والرجال الي يمشي ورا كلام النسوان هل يستحق نطلق عليه كلمة ..... :) العتب الاول والاخير عليه لان ماله كلمه من الاساس



نطالب بالمساواة مع المرأة ..


هضمتوا حقوقنا وتعديتوا عليها ..

[حقيقه]

أنا أفضل العرس فالحوش إذا كان الجو حلوو

بس المشكله الناس الحشريين اللي بيعفسون العرس بدون عزيمه

[chillis]

نطالب بالمساواة مع المرأة ..


هضمتوا حقوقنا وتعديتوا عليها ..

تطالب بشنو مساواه مين والناس نايمين انا معاك :( بس صح كلامي ولا

[قطري !]

تطالب بشنو مساواه مين والناس نايمين انا معاك :( بس صح كلامي ولا




أكيد كلامج صحيح


لا بارك الله في قوما ولوا أمرهم إمرأه ..

لاكن لانتجاهل ان هناك نساء مسيطرات علي بعض الرجال ضعفاء الشخصية ويسيرونهم علي أهواءهم..


زمان أول الزوجه تكون تحت امر زوجها حتي لو كان هذا الزوج غير قيادي او ضعيف شخصيه .... اما الحين عسي ربي يعينهم

[chillis]

أكيد كلامج صحيح


لا بارك الله في قوما ولوا أمرهم إمرأه ..

لاكن لانتجاهل ان هناك نساء مسيطرات علي بعض الرجال ضعفاء الشخصية ويسيرونهم علي أهواءهم..


زمان أول الزوجه تكون تحت امر زوجها حتي لو كان هذا الزوج غير قيادي او ضعيف شخصيه .... اما الحين عسي ربي يعينهم

نتناقش انا وانت :anger1: زمان اول كل شي كان غير :( واذا الرجال ضعيف شخصيه لا يتشكى لين يصير اسد

[قطري !]

إذا تناقشت انا وإنتي مصيرنا تدرين وينه ... هههههه



بس بجد والله كل مصخوها اهل العروس وطلباتهم في هالزمن ..



اللي نخبره قبل العرس هو اللي يصير له حفل ... الحين .. الخطوبة , الحنا, الشبكه مادري الدبله مادري شنو اللخ




يعني المعرس ينتفون ريشه قبل الدخله ..

[chillis]

إذا تناقشت انا وإنتي مصيرنا تدرين وينه ... هههههه



بس بجد والله كل مصخوها اهل العروس وطلباتهم في هالزمن ..



اللي نخبره قبل العرس هو اللي يصير له حفل ... الحين .. الخطوبة , الحنا, الشبكه مادري الدبله مادري شنو اللخ




يعني المعرس ينتفون ريشه قبل الدخله ..

والله بنتهم الي بتبهدل باجر وبعدين هناك للرجاله هههه :telephone: لازم تهاوش بالنقاش يعني :anger1:

[قطري !]

والله بنتهم الي بتبهدل باجر وبعدين هناك للرجاله هههه :telephone: لازم تهاوش بالنقاش يعني :anger1:


اي الحين سنة 2012 هواش علي طول


من يحط العضو موضوع الا يستلمونه ويخلون موضوعه ..ههه







ستااااااايل

[chillis]

اي الحين سنة 2012 هواش علي طول


من يحط العضو موضوع الا يستلمونه ويخلون موضوعه ..ههه




ستااااااايل

على حسب الشخص ترا :secret: واعتقد فاهم قصدي :shy:

[قطري !]

على حسب الشخص ترا :secret: واعتقد فاهم قصدي :shy:


:telephone: ترا بعلم عليج

[chillis]

[COLOR="Indigo"][B]=قطري !;7896484]



[SIZE="5"]:telephone: ترا بعلم عليج [/QUOTE]

علم :fight:[QUOTE

[وتبقى الدنيا حلوه]

احس العرس شي تافه

لان الواحد يخسر و يصرف عشان الناس و بالنهايه الناس بيقولون من زين عرسهم << والله صج

الواحد يسوي حفله صغيره ويصرف الفلوس على شهر العسل ابرك

[بصمة قطرية]

على حسب الشخص ترا :secret: واعتقد فاهم قصدي :shy:

الحين بيتركون الموضوع و بيهدون فيج ..:tease:

[Flanah]

والله انا اتفق مع اغلب الاراء وايام الماضي الجميل اللي ما يتكرر :)
بس هم بعد اقول ان قبل غير والحين غير..صح الريال مب ملزوم يحط على ظهره ديوون علشان عرس اهوو مب قاعد فيه الا ساعه وزوجته مب قاعده الا 4 ساعات ومحد مستانس الا المعازيم طبعا ..هذا اذا ما كان عندهم تعلقيات وماعجبهم العرس:)
بس عندي تعليق هل كانت اسعار القاعات والفنادق نفس قبل؟؟
على سبيل المثال من 10 سنوات كان الفندق بو 5 نجوم القاعه فيه ما تتعدى ال 40 الف الا اذا كان فيه اضافات
والحين القاعه ف مثل هالفنادق تنفتح ب 100 اف ليش؟؟؟
انا أأيد الفكرتين على حسب الاوضاع..بس بحدود ومن غير محد يتكلف فوق طاقته
والله يهنيهم ويعينهم ف نفس الوقت :)

[chillis]

الحين بيتركون الموضوع و بيهدون فيج ..:tease:

:( نقاشه هواش

[لاجل QT]

احس العرس شي تافه

لان الواحد يخسر و يصرف عشان الناس و بالنهايه الناس بيقولون من زين عرسهم << والله صج

الواحد يسوي حفله صغيره ويصرف الفلوس على شهر العسل ابرك

:nice:

[بصمة قطرية]

:( نقاشه هواش

خخخخخخخخخخخخخخخ :secret:

[intesar]

أنا أشوف لو عزومة صغيرة.. وياخذ عروسته شهر عسل أحسن.. ولا تنسون وايد من اللي سوي الهوايل وادفعوا مبالغ ضخمة بعروسهم .. الله ما بارك لهم ووقع الطلاق.. اللي يقهر اللي يقولك يوم بالعمر.. الا هاليوم بداية الحياة بين الزوجين.. العبرة الحياة بعد هالليلة.. مو بالعرس والفشخرة..

[fahad123]

انا متعجب من الناس اللي يقولون ليش ماتشوف خطيبتك او ليش ما تكلمها

انا متملك وصارلي الحين 6شهور والله ماشفتها ولا كلمتها ولا حتى افكر اسوي كذا
الا بعد ما ادخل عليها هذاك اليوم


هذي عاداتنا وتقاليدنا الرجال مايشوف زوجته الا ليلة العرس (الدخله) مهما طولو متملكين مايكلمها ولآ يشوفها ابددددددددددددددد


وبالنسبه للاعراس في البيوت اخوي في تاريخ 1/12/2011 عرسه وكان النسوان في البيت والحمدلله الاعرس كان افضل مايكون واحلا مايكون والكل يمدح العرس

ولآ مخاسير ولآ حجز قاعات بملغ وقدرة


وبعدين اللي يقول ان البنت تتشرط او اهل العروس يتشرط على المعرس انا اول مره بصراحه اسمعها


لآن انا واخواني لما تملكنا احنا اللي حددنا المهر مو ابو البنت وابو البنت ما اشترط
لآن عندنا في عاداتنا وتقاليدنا احنا عيب ابو البنت يتشرط على زواج بنته

المهر 60 مع الدزه وصلى الله وبارك

عاد انت بكيفك تبي تسوي عرسك في البيت او في صالة او ان شاءلله في المريخ اهل العروس مايتحكمون فيك ولا في عرسك اهم ماعليهم بنتهم يجهزونها وبس
اهم اللي يحجزون لها الكوشه والديجي حق العروس وتجهيزات العروس

والرجال عليه حجز الصالات اذا يبي يعرس في الصاله او الخيام اذا بيحطها في الخيام وبسسسسسسس


انا استغرب والله من اللي يقول ان المهر صار 300الف << شاري لكزس انا والا وين عايش
منو ذا اللي مايبي بنته تتوفق


الحمدلله كلن عنده خير وكلن معين خير لكن البركه في الشي القليل وليس الكثير
المفوشر والكماليات اللي مالها داعي اشوفها تبذير ((ب الديوووون))

[qatara]

الكتاب ينعرف من عنوانه

[نوت]

ياما صارت زواجات بالبيوت ومن اروعها وابركها وللحين فيه ناس يعرسون في البيت
وعن اسباب الزواج في القاعه فالأسباب كثيره ,,اما
بسبب ضيق مساحة البيت
الجوا الي لايطاق بالصيف اوالبرد بالشتا
عدم ازعاج الجيران بالأصوات العاليه للطق والأغاني وخاصة مجالس الرجال القريبه
الضغط على الكهربا وانفصالها دائما اثناء الأحتفال
المعاناه للأهل العروس والدمااار الشامل والأوساخ لبيتهم بعد العرس
اعجبتني عاده حلوه عند بعض العوائل بالسعوديه وهذولا العوائل من المقتدرين ,هذولا قاموا يسوون الأعراس بالبيت بشكل راقي وحلوا ويعزمون فيه ناس معينيين بالأضافه الى الي يعزون على الطرفين ومن باب ان الغرض من حفلة العرس الأشهار وبعدها يسافرالعروسين شهر العسل وعند عودتهم يعمل للعروس حفله وعشى بيت اهل المعرس والباقي من الفلوس والعانيات الي جاتهم ياسسون به بيت الزوجيه بيت صغير على قدهم وبكذا استانسوا وفروا كثير من البذخ والمصاريف الي مالها داعي واستفادوا منها ,وسلامتكم

[الصغيره]

ليش مايتزوج في بيته ؟

عيب

ولايستحي قدام الشباب

وليش البنت ماتسوي حفلة في بيت أبوها بدل القاعات والصرف الفاضي

وهل في بنت في المنتدى ترضى تتزوج بدون قاعة

للعلم فيه عايلات كثيره بقطر تتزوج بالبيت ومازالت عايلات كثيره تتزوج بالبيت سواء البنت او الولد

وانا تزوجت بالبيت وبنتي تزوجت بالبيت ومشش معناه انا ضد القاعه لكن بيوتنا كبيره واللي بنجهزه بالقاعه بنجهزه بالبيت

وارقى العوايل يفضلون زواج البنت ببيت اهلها

والله يوفق الجميع

[الصغيره]

انا متعجب من الناس اللي يقولون ليش ماتشوف خطيبتك او ليش ما تكلمها

انا متملك وصارلي الحين 6شهور والله ماشفتها ولا كلمتها ولا حتى افكر اسوي كذا
الا بعد ما ادخل عليها هذاك اليوم


هذي عاداتنا وتقاليدنا الرجال مايشوف زوجته الا ليلة العرس (الدخله) مهما طولو متملكين مايكلمها ولآ يشوفها ابددددددددددددددد


وبالنسبه للاعراس في البيوت اخوي في تاريخ 1/12/2011 عرسه وكان النسوان في البيت والحمدلله الاعرس كان افضل مايكون واحلا مايكون والكل يمدح العرس

ولآ مخاسير ولآ حجز قاعات بملغ وقدرة


وبعدين اللي يقول ان البنت تتشرط او اهل العروس يتشرط على المعرس انا اول مره بصراحه اسمعها


لآن انا واخواني لما تملكنا احنا اللي حددنا المهر مو ابو البنت وابو البنت ما اشترط
لآن عندنا في عاداتنا وتقاليدنا احنا عيب ابو البنت يتشرط على زواج بنته

المهر 60 مع الدزه وصلى الله وبارك

عاد انت بكيفك تبي تسوي عرسك في البيت او في صالة او ان شاءلله في المريخ اهل العروس مايتحكمون فيك ولا في عرسك اهم ماعليهم بنتهم يجهزونها وبس
اهم اللي يحجزون لها الكوشه والديجي حق العروس وتجهيزات العروس

والرجال عليه حجز الصالات اذا يبي يعرس في الصاله او الخيام اذا بيحطها في الخيام وبسسسسسسس


انا استغرب والله من اللي يقول ان المهر صار 300الف << شاري لكزس انا والا وين عايش
منو ذا اللي مايبي بنته تتوفق


الحمدلله كلن عنده خير وكلن معين خير لكن البركه في الشي القليل وليس الكثير
المفوشر والكماليات اللي مالها داعي اشوفها تبذير ((ب الديوووون))

بخصوص فقرة ان العريس يكلم خطيبته انا ضد ها لسبب ان اللي تكلموا وشافوا بعض قبل العرس كنهم مش معاريس ليلة العرس هي ماله منه وهو مال منها ومشاكلهم اكثر مما لو كانوا ما شافوا بعض

من حقه النظره الشرعيه او على الاقل الصور لكل منهم ومش صوره وحده لا كذا صوره ومش صوره مكياج وبهرجه لا

[intesar]

أعتقد اذا ملجوا وانعقد قرانهم.. ما فيها شي فهي حلاله.. خلهم يعرفون بعض أحسن من أن الطلاق يقع ويكون بينهم يهال.. هذي وجهة نظري..

[ضوى]

ماشاء الله خلال السنة الماضية حضرت خطوبتين لبنات من اهلنا في البيت ماشاء الله حسيت ان امهات العروستين عازمين العالم كلهم من كثر الزحمة والناس ، وماشاء الله استانسنا واااايد ووايد خذنا راحتنا لا امن يوقف عند الباب يقول وين تلفوناتكم ولا تفتيش داخلي كأنه مجرمات

[تحداني]

بيودونك في ستين داهيه خلك في الجو ابرك لك:victory:

:):):)


ممكن يصير للقنوعين اما اللي غير قنوعين طبعا لا

حتى لو حوشهم يساعد والجو يساعد
بيقولون نبي في قاعة




جابتها لكم من الآخر ست الحسن والدلال

الله يرزقكم بالي خاطركم فيه

جملكم الله برضاه

[Red rose]

أنا أشوف لو عزومة صغيرة.. وياخذ عروسته شهر عسل أحسن.. ولا تنسون وايد من اللي سوي الهوايل وادفعوا مبالغ ضخمة بعروسهم .. الله ما بارك لهم ووقع الطلاق.. اللي يقهر اللي يقولك يوم بالعمر.. الا هاليوم بداية الحياة بين الزوجين.. العبرة الحياة بعد هالليلة.. مو بالعرس والفشخرة..

:victory:

بارك الله فيك

[بوحارب]

وين البنت اللي ترضى وبكرة انكسر باب بيتهم :D:court::tease:

[حيهور]

عادي ياخوي اول كانت الاعراس تقام في بيوت العروس والمعرس شي طبيعي

بس الان عشان القيل والقال والفلوس الزايدة او سهولة الديون لدى البنوك صارالامر يفرض علينا القاعات وغيرها بعذر شيسمونه تبيض الوجه

وانا عن نفسي ماحصلت حرمة ترضى بالبيت بس زوجة هلي بالبيت الحمدالله

واذا حصلتوا لي حرمة ترضى بالبيت خبروني في هالزمن هذا شي نادر

[وتبقى الدنيا حلوه]

أعتقد اذا ملجوا وانعقد قرانهم.. ما فيها شي فهي حلاله.. خلهم يعرفون بعض أحسن من أن الطلاق يقع ويكون بينهم يهال.. هذي وجهة نظري..

مب حرام و الدين حلل هالشي و اذا العادات حرمت هذي عادات غبيه لانها تحرم الحلال !

و صح كلامك ما اتخيل كلللش ما اشوف ريلي الا بليلة العرس وانا ما اعرف عنه غير اسمه بحس ان في شي غلط بالموضوع يعني كأن اممممممممممم مدري شلون اقولها


اول ما يملج تصير مرته شرعا

[ضوى]

عادي ياخوي اول كانت الاعراس تقام في بيوت العروس والمعرس شي طبيعي

بس الان عشان القيل والقال والفلوس الزايدة او سهولة الديون لدى البنوك صارالامر يفرض علينا القاعات وغيرها بعذر شيسمونه تبيض الوجه

وانا عن نفسي ماحصلت حرمة ترضى بالبيت بس زوجة هلي بالبيت الحمدالله

واذا حصلتوا لي حرمة ترضى بالبيت خبروني في هالزمن هذا شي نادر

ياكثر الحريم اللي يشترون الريال مهب جيبه ، انوي وتوكل على الله وشوف الله بيفتحها بويهك وخل هالشي من شروطك قبل لا تتقدم يعني قيس نبض البنت واهلها ان وافقت يعني تبغي ريال ماتبي صراف الي متحرك

[وتبقى الدنيا حلوه]

الغريب ان بنات وااااااايد اعرفهم و حتى بنات من الامارات

والله ما اكذب عليك يقولون احنا بنتكفل بكل شي بس نبي نتزوج ؟!

مع ان وايد اسمع ان اغلب البنات مايبون يتزوجون عشان ياخذون حريتهم

[حسن]

وين البنت اللي ترضى وبكرة انكسر باب بيتهم :D:court::tease:

بيتي له بابين كبار اختار اي واحد والوعد باكروخلني اتصل حق بوزار اخبره يحضر شاهد:telephone:

[قطري !]

الغريب ان بنات وااااااايد اعرفهم و حتى بنات من الامارات

والله ما اكذب عليك يقولون احنا بنتكفل بكل شي بس نبي نتزوج ؟!

مع ان وايد اسمع ان اغلب البنات مايبون يتزوجون عشان ياخذون حريتهم



وينهم .. الله يسعدهم دنيا واخره ... ابي اللي بتدفع المهر :fight:

[sweet qatar]

بالعكس مصاريف عرس البيت اضعاف القاعات..ترى القاعات توفر وايد..

اخوي اذا ودك تعرس وخايف من المصاريف، كل الي تحتاجه نية صادقة انك تكمل نص دينك ، طمع في الاجر و وقاية من الحرام.

وربك بيسر لك امورك، لاتفكر وايد في الاسباب

[وتبقى الدنيا حلوه]

وينهم .. الله يسعدهم دنيا واخره ... ابي اللي بتدفع المهر :fight:

افاااا

عطوك باند!!

[فـيـراري قطر]

بالعكس مصاريف عرس البيت اضعاف القاعات..ترى القاعات توفر وايد..

اخوي اذا ودك تعرس وخايف من المصاريف، كل الي تحتاجه نية صادقة انك تكمل نص دينك ، طمع في الاجر و وقاية من الحرام.

وربك بيسر لك امورك، لاتفكر وايد في الاسباب



الشيخه من وين يبتي هالكلام؟

من قالج البيت يكلف اضعاف القاعه؟

من صجج انتي؟

ايجار القاعه بروحه(عظم على قولتهم) بدون اكسسوارات وورد وسوالفكم الي ماتنتهي من 50الف وفوق شلون نفس تكاليف البيت تكلمي بعقل اختي

[بـــــــنت النوخـّــــذه]

احسن

8
قلتها لان شفت شي وكان المفترض من زمان يصير من ملاحظتي اهههه والفال للي في بالي اههههه

[alma3ani]

كلام سويت قطر عدل

السؤال الي لازم ينطرح شلهدف انك اتسوي العرس بلبيت هل القصد المصاريف

فريح نفسك البيوت اتكلف اكثر من القاعات

وانا ما اجيب كلام من عندي هشي عن واقع تجربه

زواج اختي صار بلبيت لان قبلها بفترة صار عندنا حالة وفاة

وقلنا بنسوي الزواج بلبيت بس بعد ما بدينا نعزم ماقدرنا خصوصا اهل المعرس اعزمو كل الي يعز عليهم

وحسينا ان المكان مابيزي ولازم خيمه فجبنا خيمه فتخيلو سعر الخيمة ابروحها مثل سعر القاعه

من غير الطاولات والكراسي والتزين والكوشه والبوفيه والسكيورتي

ولا اتقولون لي هاي مظاهر لان هاي اشياء اساسيه الا اذا تبون اتقعدون الناس على الارض او تعزمونهم وما اتسون لهم عشى او ما اتجبون سكيورتي علشان تظمنون الامن

فكل الاشياء الي اتسويها بلقاعه ترا اتسويها بلبيت نفس الشي

بلعكس القاعات اتوفر عليك احيانا البوفيه يكون مشمول واحيانا الطاولات والكراسي والفنادق يعطونك سويت مجانا مع القاعه بعكس يوم زواج اختي اطرينا بحجز اسويت بلفندق

من غير طقم الضيافه واحلويات كلها نفس الشي

فانا افضل القاعات افضل وعن واقع تجربه اقل شي ما يعتفس البيت عندك

وثاني شي ما اتصير عندك زحمه ببيت حتى بطلع وبروحه لاني لاحظة في شباب الله يهديهم يوقفون حوالي البيت بعذر ياخذون اهلهم بس يوقفون جدام باب البيت ويكشفونه

وتخيل بعد العرس الي سويناه ثاني يوم عازمين نسايبنا بلبيت على الغدا فتخيل اشلون متى بيخلص العرس وترجعون اترتبون لان ثاني يوم في غدا وبليل في الهدية يعني ابورحها لويه

وبعد ما خلصنا كل هلويه حسبنا التكاليف وطلع ان القاعه بتكون وايد اوفر لنا

وترا مب شرط المعرس هو الي يتكلف لان مثل حالتنا بحكم العرس بلبيت عطون افلوس العشى من غير المهر

بس مع ذالك ماكفة واظطر الوالد يدفع نفس المبلغ الي حطوه للعشى واكثر اشوي لان هم متصورين انه بلبيت ومافي تكاليف مايدرون ان نفس التكاليف بظبط واتزيد الي بتسويه بلقاعه بتسويه بلبيت وبدال ما بتدفع اجار قاعه بتدفع اجار خيمة وهي نفس السعر بظبط بس مع انك بتحتاس وبتبهدل

وانا ما اشوف الموضوع فشخره بلعكس صار هشي واقع ما تقدر اتغيره لان كل شي غالي

والمفروظ يكون في دعم من الدوله للقاعات علشان ما يغلون اسعارهم على المواطنين ويسونها مثل السعودية القاعه ما اتكلفهم 10 الاف

ونفس الشي يراقبون اسعار تزين الحفلات لان هم الي المفروظ اتكون عليهم رقابه من اعارهم الغالية

لان مثل ما يتكلف المعرس حتى اهل العروس يتكلفون