ماهو رأيكم بالطوارق ؟

[حمد]

الى جميع من استخدم الفولكسواجن ( الطوارق ) بالنوعين 8 سلندر و 6 سلندر ... شرايكم في هذه السياره من جميع النواحي .

ومقارنتها بالسيارات من نفس الفئه الـ X5 وغيرها مثل البورش والاودي وماشابه .

ياريت اتفيدوني .... وحتى لو واحد سمع شي زين او شين عن السياره .

حتى الوكاله وخدمتها .

ومشكورين

[BURBERRY]

انا ملاحظ ان سعر الطوارق يطيح بسرعه

[23سلطان]

انا ملاحظ ان سعر الطوارق يطيح بسرعه

اضف ان ليس به ثلاجة

وليس به رباعية الدفع للصحراء (دبل عود)

والله اعلم

[الوحيد]

السعر كل يوم للاعلى لكثرة الطلب عليه وسال وشوف
السارة دفع رباعي على طول الطرق نفس البورش والرنج ويفصل بعد 80
وفيه دبل عود.
وفيه ثلاجة
على حسب المواصفات

[cola]

السعر كل يوم للاعلى لكثرة الطلب عليه وسال وشوف
السارة دفع رباعي على طول الطرق نفس البورش والرنج ويفصل بعد 80
وفيه دبل عود.
وفيه ثلاجة
على حسب المواصفات.

تبيع الطوارق يالوحيد ؟؟؟؟ كم بغيت فيها وشنو مواصفاتها ولونها وموديل اي سنه ؟؟؟؟ ومشكور يالحبيب

[بنت العز]

عيبها ان اذا سويت حادث في الطوارق تنتظر شهر او اكثر من زحمة السيارات
وتعطل امورك لين يغيرون او يطلبون قطع الغيار

[Qa6ar]

انا ماكنت معطيها بال لين ماشفت اللي عارضينها بالاند

طلعت موتر بالمواصفات الموجوده يعني حدث ولاحرج بالمواصفات

مع اني شفت برنامج لسعيد الهاجرى على الواحه رايح بها للبر وماعليها كلام بخصوص

العزم والقوه

[23سلطان]

السعر كل يوم للاعلى لكثرة الطلب عليه وسال وشوف
السارة دفع رباعي على طول الطرق نفس البورش والرنج ويفصل بعد 80
وفيه دبل عود.
وفيه ثلاجة
على حسب المواصفات .



انا رحت اللاند مارك قبل اسبوع وشفت الطوارق وكلمت وكيلهم الي كان عراقي الجنسية

وشفت السيارة الطوارق عارضينها

ويوم سالته عن الثلاجة قال مافيه (قال ان المكيف يبرد الي داخل الصندوق - يعني لاوم تشغل المكيف حتى في الشتاء)

ويوم سالته عن الدبل العود قال بعد مافيه وقال ان الدبل صغير بس ويفصل بعد 100 كيلو

[حمد]

انا الصراحه ماطير مخي الا السياره الي كانت معروضه في لاند مارك .... شي فضييييع :eek:

بعدين انا طلبت اذا ممكن ان تكون في مقارنه بين السيارات الي من نفس الفئة ؟ اتمنى اشوف حد عنده خبره .

والصراحه اكثر الشباب خارج النت يمدحون السياره . :strong

ويقولون ان الوكالة تطورت عن اول من ناحية الخدمه , وهالشي عقب ماتغير الوكيل قبل كم شهر .

[Chambray]

ممكن تعطونا ترتيبكم

البورش - الطوارق - الأم أل (مرسيدس) - الأكس فايف (بي أم ) - الرنج سبورت - الرنج العادي !!