جامعة القاهرة

[فراشة الدوحة]

السلام عليكم

حبيت استفسر عن الانتساب في جامعة القاهرة هل هو معترف فيع فالوقت الحالي ؟

وكيف وضع الطالبات اللي يبون ينتسبون هل هو مكان خلط فالامتحان او منفصل؟

وشو هي الشروط المطلوبة ؟

واخيرا ابي رايكم ونصيحه حد مجرب

[محمد الجفيري]

الانتساب ممنوع لاتضيعين وقتج الجامعة مابيعترفون فيها
دشي المجتمع ولين خلصتي روحي جامعة قطر بالتوفيق

[فراشة الدوحة]

انا سمعت ان معترف فيه فالوقت ؟

المجتمع مايردون ع اي حد

[محمد الجفيري]

قبل كانوا معترفين فيه الحين ممنوع امس جاي من معادلة الشهادات وسائلهم

[قطري مفلس]

السلام عليكم

اولا الانتساب بخصوص البكاليريوس او الانتساب للماجستير ؟

اذا كان للماجستير فالعملية سهلة وفي كذا اكاديمية هناك ،والاعتراف فيها على حسب شغلك اذا كنتي تشتغلين ،ولها شروط منها : لازم اتكملين 280 يوم للحصول على درجة الماجستير مايعادل 140 يوم في السنة ، لان نظام الاكاديميات هناك نظام كورس مكثف (انا متخرج ماجستير من اكاديمية العلوم المالية والمصرفية )
والى الان لم يتم الاعتراف بشهادتي لاني لم اكمل ال 280 يوم في مصر (طبعا كلام فاضي وقانون اي شي )

اما بالنسبة للبكاليريوس ( سالفة الانتساب لحد الان معلقه ولا احد يعرف لها طريق !! ،، لكن أكثر الطلاب يلتحقون بجامعة الاكاديمية البحرية ولها فرعين الاول في (الدقي) والثاني في (مدينة نصر) ونظام الي في مدينة نصر (نظام كورس مكثف) ،،يعني تروحين مرتين في السنة الى مصر وكل مره تحضرين تقريبا شهرين ،، والكورس قيمته 5000 دولار ،، واكثر الخليجيين والخليجيات فيه واغلبهم من قطر ،،

والكلام كثير عن هالدراسات في أكثر من دولة مو بس في مصر ،،

لو تبين أشرح لك اكثر انا حاضر بس حددي لي هل انتي على حسابك او عن طريق شغلك ،وش نوع التخصص الي تبينه ؟

تحياتي ^_^

[فراشة الدوحة]

انا ابي انتسب عن طريق حسابي الخاص

وخصوصا هالايام اغلب الوظايف يبون جامعيات

[Fendi]

أنا بجامعه القاهره اي استفسار أنا حاضر

[alhajri-100]

نصيحه لاتروحين مصر جامعات فاشله
خصوصاً الاكادمية البحرية كلها غش وبفلوس
ومختلطه ومصر بكبرها دراسه ماتنفع
القاهره مادري وش موضوعها بس الاكادميه
الكلام كثر عليها يعني الطلاب الي ماينجحون ف القاهره كلهم ينقلون الاكادمية والظاهر انهم مب معترفين فيها قريب لان مثل ماقلت الكلام كثر عليها انا كنت بروح لها بس هونت وبروح امريكا منها لغه ومنها شهادة قوية
يعني نصيحتي لس لاتروحين
خلس فجامعة قطر ابرك
وبتوفيق :)