الأفضل والفرق في تركيب الشبابيك

[ابوعلي]

السلام عليكم ورحمة الله وبركاته

استشارة :nice:

الأفضل عند تركيب الشبابيك في الفيلا والفرق بينهم

هل التركيب من الداخل أفضل

ام التركيب من الخارج

والمقصد من الخارج ان المشاهد للفيلا يشوف الشبابيك بنفس مستوى حائط الفيلا

اتمنى وصلت المعلومه صح

وانتظر نصايحكم

[ANONYMOUS]

عليكم السلام والرحمه


كشكل انا حبيت التركيب من برع ،، وخصوصا ان بيكون عندك نفس الرف في الغرفه مكان الدريشه

بس يوم نويت اركب الكل قال لي لا

عاد انا قلت خلني مع العالم


من العيوب التركيب الخارجي ان يمكن تخر الدريشه ايام المطر وخصوصا اذا السليكون بدا يعنفص

[ابوعلي]

عليكم السلام والرحمه

كشكل انا حبيت التركيب من برع ،، وخصوصا ان بيكون عندك نفس الرف في الغرفه مكان الدريشه
بس يوم نويت اركب الكل قال لي لا
عاد انا قلت خلني مع العالم
من العيوب التركيب الخارجي ان يمكن تخر الدريشه ايام المطر وخصوصا اذا السليكون بدا يعنفص

بارك الله فيك اخوي على الرد

وانا بخاطري اخلي الشبابيك من برع ولكن قلت اخذ رايكم واشوف السلبيات

ولو خليت الشباك من الداخل بيكون المكان للاتراب والله يكرمكم وصاخة الطيور

[naklan]

هلا بك يا مراقبنا العام العزيز ابوعلي :nice:

اخوي ابوعلي تركيب الشبابيك من الخارج ضاهرة جديدة على قطر والخليج
وقليل من يعمل بهذي الطريقة ولها عيوب من حيث التعرض للجو مباشرة يعني
ضاهره للمطر وللشمس وبعدين فريم الشباك له اطار زايد وين بيروح انا مقتنع
بالتركيب من الداخل اضمن من التعرض مباشرة للعوامل الجوية السيئة احنا
ما عندنا الى حر وغبار قد يكون جيد لبلدان جوها غيرعن دول الخليج :)

واذا كنت مصر وراغب في التركيب الخارجي فاعمل سنبل دريشة وحدة واذا اقتنعت
بها ركب البيت كامل بس لا تنسى اذا ركبت النوافذ خارجي انه مالك مكان تركب شبك
حماية للبيت ( شبك الحرامي ) وهو ضروري خاصة للدور الارضي

واذا عن مشكلة الحمام والطيور تحط دمية لافعى وشرط ما تشوفهم او دبابيس او
الاسلاك الشائكة الي توضع في ارضية الشباك من الخارج وبتقوم بالواجب مع اني
من محبين الطيور والحمام وافرح بشوفتهم على شباكي
حتى لو اصبغ مكان تواجدهم كل سنة :)

تحياتي اخوي ابوعلي
واتمنى لك التوفيق في بيت العمر
ومنزل مبارك باذن الله

اخوك/ naklan