هذي نتائج منع البالون واستغلال العماله الاسيويه من شبابنا

[قطر70]

السلام عليكم ورحمة الله وبركاته


رحت من كم يوم ادور تواير بالون 16 في طريق سلوى تميت احوس واحوس واحوس واحوس ومالقيت

كلمة واحد من ربعي سالته وين احصل قالي روح عند محل فلان وعند فلان بالاخص واتصلي من عنده

رحت له واتصلت في الريال وكلمه مع اني جيته من قبل وقالي ماعندي بس يوم كلمه رفيجي قاله ان شاء لله

سالني كم تاير تبي قلت له 4 تواير سيام قالي في بس التاير الواحد بــ

هني الصدمه اقولكم ولا مايحتاج





لا بقولكم بكم التاير الواحد بـــ ( 1500 ريال ) :omg:

شسالفه يعني 4 تواير 6000 ريال :eek5:

شمركب انا تواير من ذهب اذا تواير الرنج ماتوصل 6000 ريال

قلت له مابي التواير خلهم لك سبحان الله وانا طالع ولا جا موتر وشلهم 6000 ريال

صج التواير نادر نحصلها بس مو اي سعر هم يقولونه ناخذه خل التواير عندهم تخيس يعلي ماركبت بالون

سالة واحد ثاني توه مركب من الحساء قالي التاير الواحد 780 مع اني والله شاريهم قبل على 600 ريال من الحساء

بس هم يشوفون موتر قطري على طووووووووووووووول 780 طرشلهم موتر سعودي بياخذهم على 600
لين متى والتجار بيلعبون فينا صحيح ان التواير نادره بس ماتوصل لـ 1500 للتاير

والمشكله ان وايد شباب يركبون من عندهم ولا عليهم من شي


(((مـــنــــقــــــول مــن مـنـتـــدى قـطـــــري)))

عندي سؤال يسدح نفسه

هل هذا الشي اللي يبون يوصلون له ادارة المرور والهيئة العامة للمواصفات والمقاييس ؟

وننتظر تعليقاتكم الطيبه :nice:

[حليتان*]

طبعاً ..


يارجال هذا هم منعو البالون وليحن العالم تركب

وحتى الميجر ارتفع سعره

[فريخ الشاهين]

الا يا خوي من الخبالة الزايدة ولا فيه احد يركب بوالين ب 6000 ريال

وبالنسبة لسوق الحسا محد رفعه الا هالناس اللي حتى سعر المواد نفسها في الدوحه ماتعرفها بس أنا في الحسا أكيد ارخص

يقولي واحد من الشباب من اهل الحسا راح يشتري سلعة من السوق وشافها غالية قال لراعي المحل ليش السعر غالي .... رد عليه راعي المحل تبيها اشترها ماتبيها خلها بيجوني اهل قطر وبيشترونها ....

إحنا بلانا منا وفينا وانا اخوك ....

[ask_and_get]

حرام والله .. لعبتهم التجار الحين !!

[قطر70]

طبعاً ..


يارجال هذا هم منعو البالون وليحن العالم تركب

وحتى الميجر ارتفع سعره

اي والله صدقت ياخوي

انا رايح ابي اركب ميجر قالي على 980 :eek5:

وفي الامارات على 600 واللي خاطري اعرفه وين حماية التاجر عنهم قصدي حماية المستهلك :weeping:

[قطر70]

الا يا خوي من الخبالة الزايدة ولا فيه احد يركب بوالين ب 6000 ريال

وبالنسبة لسوق الحسا محد رفعه الا هالناس اللي حتى سعر المواد نفسها في الدوحه ماتعرفها بس أنا في الحسا أكيد ارخص

يقولي واحد من الشباب من اهل الحسا راح يشتري سلعة من السوق وشافها غالية قال لراعي المحل ليش السعر غالي .... رد عليه راعي المحل تبيها اشترها ماتبيها خلها بيجوني اهل قطر وبيشترونها ....

إحنا بلانا منا وفينا وانا اخوك ....

اي والله خباله

المشكله ان اذا انا وانت تركنها له في غيرك بيشتري وهذا اللي مخرب السالفه ومقوي ظهور البوهنود

[قطر70]

حرام والله .. لعبتهم التجار الحين !!

اي والله لعبتهم

بس وين الجهات اللي منعت البالون ليش مايترصدون للمخالفين من المحلات