وبعدين يالمدارس المستقله تراها مصخت السالفه !!!!

[وتبقى الدنيا حلوه]

علق شعرها في السيارة التي كانت تقودها
طالبة تتعرض لإصابات خلال
رحلة ترفيهية
اشتكى ولي أمر طالبه تعرضت لإصابة بالغة في رأسها بسبب إهمال المشرفات والمدرسات في المدرسة خلال القيام
برحلة ترفيهية إلى احد المجمعات التجارية، وأشار المشتكي الى أنه بعد وصول الطالبات الى موقع الألعاب
خرجت المشرفات والمدرسات وتركن الطالبات يلعبن بسيارات السباقات، ونتج عنه أن علق شعر ابنته في محرك
السيارة التي كانت تقودها ومن ثم سقطت على الأرض وظلت السيارة تجرها لمسافة طويلة إلى أن تدخلت
زميلاتها من الطالبات ورجال الأمن لقص شعرها الذي علق بالمحرك ومن ثم تم نقلها إلى المستشفى وتبين أنها
تعاني من ضربات في رأسها تسببت في تورمه وجروح طفيفة. وانتقد ولي أمر الطالبة إهمال
المدرسات والمشرفات اللواتي رافقن الطالبات وكان من المفترض أن يوجدن في موقع الألعاب لمتابعة الطالبات
وليس إهمالهن وتركهن لوحدهن يلعبن. وقال ولي أمر الطالبة المصابة: يجب على كافة المدارس في الدولة أن
تلغي الرحلات الترفيهية التي أرى أنه لا فائدة لها سوى مضيعة الوقت، متمنيا أن تكون كافة الرحلات المدرسية
تثقيفية على سبيل المثال الذهاب إلى المتاحف والنوادي العلمية للاستفادة منها، حيث ان الذهاب برحلات ترفيهية
من اختصاص أولياء الأمور وليست المدرسه

المصدر جريدة الشرق

اغلب الرحلات للمجمعات التجاريه مال امها داعي بس اموت واعرف ليش يودونهم

وصج كلامهم يخلون البنات بالالعاب ويروحون عنهم يعني وحده بتروح منه مناك محد بيدري عنها

او اذا صار لهم موقف محد بيكون وياهم لان المدرسات لاهيين في الشوبينق

[ضوى]

اشلون يلعبون هالبنات ؟؟ اشلون تطيح الا اذا انها تتحرك بشطانه ؟ ماشاء الله عليهم

[شبح الصمت]

اخبر قبل دراستي قبل 10 سنين

لا كان في رحلات ولا شيء حدنا الكشافه ويلا يلا يوافقون لنا بعد أولياء أمورنا ..

الحين الملاهي السيلين مدري وين ..!!

ودي اعرف هالرحلات على أي أساس على أي أساس

هل هي اجبارية من المجلس الاعلى على المدارس المستقلة

ام هي بترتيب بعض المشرفات والمدرسات

وعلى فكره شوف عيني

في مجمع المدرسات والمشرفات

ينزلون الطالبات يكونون 4 فجأة يكونون 2

والثنتين الباقيين يفترون ويتشرون ..

انا اقول لو ينثبرون في المدارس ابرك لهم

[قطريه أصيله]

حدنا المتحف الوطني وحديقة الحيوان ههههههههه

يآزين ذيك الايام والله

[مرتبش]

الله الحافظ
لكن ما اظن ان المدرسات يلهون عن اليهال ويروحون يتسوقون .. في نفس الوقت اذا اليهال 20 او 50 مع مشرفتين تتوقعون الحوادث او الاخطار تقل او تزيد؟

[بـــــــنت النوخـّــــذه]

نتيجه اهمال:

الاهل
المدرسة
المعلمة
الطالبة

الكل مشترك بمسألة الاهمال 000

الله يستر على بناتكم

[أم مشعل]

الله يقوم البنت بالسلامة ...........

لكن الشي اللي أبي أعرفه هالمدارس اللي تسوي رحلات ترفيهية للطالبات ......يا مودينهم شاليهات الغارية

يا مودينهم مجمع تجاري ولا ما ادري وين .........ليش هالرحلات الل ما لها داعي واللي من اختصاص

الأهل وحدهم ...... ما دام ادارة المدرسة مهب كفو تراقب الطالبات لا توديهم ومثل ما قال أحد الأعضاء

ينثبرون في بيوتهم .......

[وتبقى الدنيا حلوه]

قبل كانت المدارس كالتالي :

وزارة التربيه و التعليم

كانت تربي قبل لاتعلم

واليوم المدارس المستقله

انتوا ادرى

[كلنا قطر 1981]

و ما زالت مسرحيات المجلس الاعلى الاكشن و الفكاهيه و الخياليه باستمرار.......

لا حول ولا قوة الا بالله العلي العظيم

و ما زلت مستغرب مواقف بعض الاهالي من هذا النوع من الرحلات ........

على ايامنا متحف قطر الوطني و مصنع الالبان و الاهل كانوا يعارضون لانه على حسب رايهم

انه مضيعه للوقت و الافضل الاستفاده من الوقت بالدراسه اما الحين فحدث ولا حرج.....

الله يهدينا و يهديهم :)

[بصمة قطرية]

ليش نلوم الأهل ..!!
يعني الحين الأب سمح لبنته تروح لرحلة ترفيهية مع طالبات المدرسة
و صار هالحادث ..
و انتقد الرحلة لأنه شاف الاهمال اللي صار و الحادث اللي تعرضت له بنته ..
نروح نقول اللوم على الأهل ..!!!؟؟؟

بصراحة انا ما امنع اولادي من الرحلات المدرسية
بالعكس اخليهم يروحون ويستمتعون ( الله يحفظهم ) ..

المدرسة دامها نظمت هالرحلات لازم تكون قد المسؤولية ..
و لا خلاص تلغيها من الأساس ..

و لازم يطلعون عدد كافي من المدرسات والاداريات اللي يرافقون الطالبات للرحلات ..

الاهمال في هالحادثة من المدرسات ..
يعني أطفال طبيعي يتحركون و يتشيطنون ( في عدم وجود المدرسة ) ..!!

[للصبر اخر]

حدنا المتحف الوطني وحديقة الحيوان ههههههههه

يآزين ذيك الايام والله

هههههههههه
وان زادو
علاء الديين
هع
ايااام وربي

[وتبقى الدنيا حلوه]

هههههههههه
وان زادو
علاء الديين
هع
ايااام وربي

اي والله

الا شصار في علاء الدين ؟!

[بو طالب]

قبل كانت المدارس كالتالي :

وزارة التربيه و التعليم

كانت تربي قبل لاتعلم

واليوم المدارس المستقله

انتوا ادرى


لا تربي ولا تعلم ولا احنا معينين من الله خير من وراهم .. غير المشاكل والمصايب الي جايه

من ورا هالمدارس وغير تأخير الدوام وغير (( الاصابات البشريه )) الي صارت وقاعده اتصير

وغير وغير ...

[العنيده]

عمرها الرحلات ماكانت عيب بالعكس كنا نروح وبشروط نلتزم فيهااا .. الرحلات ترفيهيه لو كان فيهاا تقييد شوي كنا بخير ..
العيب اذا كانت بدون قوانين والمشرفين يااعمارهم صغيره يايكونون اقل بكثير من عدد الطالبات ..

المفروض في الرحله ينكتب فيهاا عدد الطالبات والمشرفين اللي رايحين معاهم ..



الله يحفظ الجميع يارب ,, وهالاخطاء سبحان الله تصير بس ياريت نتعلم منهااا مب نلغي الرحلات الا نححط قوانين صارمه نفس السنوات اللي راحت .. على الكل طلاب ومدرسين ..
اشياء ضروريه تتوفر لكل الرحلات ..

اهداف
قوانين
عقوبات



هذا اللي نحتاجه ..


تقبلوا مروري

[قطر70]

اللحين ليش اللوم مايكون على ولي الامر اللي وافق ان بنته تروح

خلونا انتكلم بكل صراحه

اللحين شدخل المدرسه في شعر البنت ليكون تبون يخصصون لكل طالبه مدرسه تراقبها

حدث العاقل بمت يعقل

يسمحون لبناتهم بروحون رحلات ومجمعات واذا صار شي قطو اللوم على المدرسه

ناس غريبه

[بصمة قطرية]

اللحين ليش اللوم مايكون على ولي الامر اللي وافق ان بنته تروح

خلونا انتكلم بكل صراحه

اللحين شدخل المدرسه في شعر البنت ليكون تبون يخصصون لكل طالبه مدرسه تراقبها

حدث العاقل بمت يعقل

يسمحون لبناتهم بروحون رحلات ومجمعات واذا صار شي قطو اللوم على المدرسه

ناس غريبه

الوم ولي الأمر و البنت رايحة مع المدرسة ..!!!!
اخوي احنا رحنا رحلات يوم كنا في المدرسة ..
و كانوا المدرسات معانا طول الوقت ..
مستحيل بنت تروح يمن ولا يسار او تفكر تبتعد ..
الحين اروح مجمع الصبح و اشوف طالبات مدرسة
يتمشون بروحهم كل شوي اشوف ثلاث او اربع طالبات ..
استغرب وين المدرسات عنهم ..!!
شلون تاركينهم ..؟؟
و بعدين المجمعات اللي يروحونها مش للتمشي يروحون للألعاب سواء فيلاجيو ولا حياة بلازا ..

و بالنسبة لشعر البنت لو كانت المدرسة او المشرفة عن الرحلة موجودة كان ما تجرأت البنت تتحرك و يصير هالشي ..
على الأقل المشرفة راح تمنعها ..

اذا بنقعد نلوم أولياء الامور خلاص يلغون الرحلات ابرك ~

[كلنا قطر 1981]

اي والله

الا شصار في علاء الدين ؟!

الله يسلمك يا خوي انا بقولك شنو صار

علاء الدين صادوه بدون اقامه و سفروووه و انا خذت المصباح و وديته العنه و سويت عليه كرك

و الحين الامور طيبه عندي و عندي علاء الدين على البيبي توه من شوي دز لي برود كاست يسالني عن المدارس المستقله و المجلس الاعلى يسالني و يقول للحين هم مطنشين العالم و ما يردون عليهم ف وطني الحبيب صباح الخير و لا تعلموا السنع و قاموا يردون على استفسارات الاهالي ؟؟؟؟

ف سكت و ما رديت عليه لانه بصراحه وهقني ب السؤال فا مادري اذا حد ممكن يساعدني و يعطيني اجابه حق علاء الدين و لا استعين بصديقي السندباد ؟؟؟؟؟


و شكرا

[فطووم]

الله يرحم جيل مدرساتنا ومشرفاتنا مب جيل مدرسات ومشرفات هالوقت لاضمير ولامسؤوليه .

[للصبر اخر]

الله يسلمك يا خوي انا بقولك شنو صار

علاء الدين صادوه بدون اقامه و سفروووه و انا خذت المصباح و وديته العنه و سويت عليه كرك

و الحين الامور طيبه عندي و عندي علاء الدين على البيبي توه من شوي دز لي برود كاست يسالني عن المدارس المستقله و المجلس الاعلى يسالني و يقول للحين هم مطنشين العالم و ما يردون عليهم ف وطني الحبيب صباح الخير و لا تعلموا السنع و قاموا يردون على استفسارات الاهالي ؟؟؟؟

ف سكت و ما رديت عليه لانه بصراحه وهقني ب السؤال فا مادري اذا حد ممكن يساعدني و يعطيني اجابه حق علاء الدين و لا استعين بصديقي السندباد ؟؟؟؟؟


و شكرا

هههههههههههههههههههههههههههههههههههههههههههههههههه ههه
خوش قصه
ممقن نساعدك

علاء الدين صارت مغارة علي بابا
يقولون خذاها واحد سعودي بيعيد بناءها
وفي ناس تقول لازالت كما هي
تعددت الروايات في ذلك

[وتبقى الدنيا حلوه]

الله يسلمك يا خوي انا بقولك شنو صار

علاء الدين صادوه بدون اقامه و سفروووه و انا خذت المصباح و وديته العنه و سويت عليه كرك

و الحين الامور طيبه عندي و عندي علاء الدين على البيبي توه من شوي دز لي برود كاست يسالني عن المدارس المستقله و المجلس الاعلى يسالني و يقول للحين هم مطنشين العالم و ما يردون عليهم ف وطني الحبيب صباح الخير و لا تعلموا السنع و قاموا يردون على استفسارات الاهالي ؟؟؟؟

ف سكت و ما رديت عليه لانه بصراحه وهقني ب السؤال فا مادري اذا حد ممكن يساعدني و يعطيني اجابه حق علاء الدين و لا استعين بصديقي السندباد ؟؟؟؟؟


و شكرا

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههه


خخخخخخخخخ كله منك ضحكت بصوت الحين الموظفين يقولون شفيها هالخبله تضحك بروحها

[فطووم]

كلنا قطر 2012 صج والله علاء الدين والله لها وحشه

[intesar]

أنا ما أعرف ليش اللوم دايما على المدرسة.. ليش ما في قدر الله وما شاء فعل.. يا أخي يمكن الطفل يموت وهو بين أحضانك.. هل هذا يعتبر اهمال أو تقصير منك.. يعني يمكن البنت مشاغبة جدا.. ليش تسمعون من طرف واحد.. والشرق ترى كثير من أخبارهم مفبركة.. اسمعوا الطرف الثاني..

ودمتم بحفظ الرحمن..

[للصبر اخر]

كلنا قطر 2012 صج والله علاء الدين والله لها وحشه

مايوحشج غالي
هو بعد يسلم عليج
علاء الدين وياسمينه بعد
>>> لاحد يطلع عن صلب الموضوع

[وتبقى الدنيا حلوه]

هههههههههههههههههههههههههههههههههههههههههههههههههه ههه
خوش قصه
ممقن نساعدك

علاء الدين صارت مغارة علي بابا
يقولون خذاها واحد سعودي بيعيد بناءها
وفي ناس تقول لازالت كما هي
تعددت الروايات في ذلك

انا كلش ما سمعت شي عنها

يعني صكروها والا شلون ؟

والله بخاطري اروح << ارجع شريط الذكريات

[فطووم]

للصبر اخر شسالفه ؟؟؟؟؟؟؟

انا ماقصدي شي !!!!!!!!!!!

[كلنا قطر 1981]

انا كلش ما سمعت شي عنها

يعني صكروها والا شلون ؟

والله بخاطري اروح << ارجع شريط الذكريات

لا الصج صكروها و انا شفت قطار الموت ابو لفه و نص في جده صوب كرنيش جده هاي الصج



عاد علي بابا هذا خبرج فيه عتيج

ترى ابشرج انه صار محترف ف نادي السيليه و له سالفه طويله مع ربعه ال 40 حرامي ماقدر اقولها الحين :d

الله يحفظنا وياكم من كل شر :)

[rawda]

على ايامنا فالمدارس كانو في ناس روسهم تنبط و و و و .. ولاعمرنا سمعنا عن حد اشتكى

اتحسر عالجيل الفاشل اللي بيجينا فالمستقبل .. اللي اولياء امورهم لو اي شي يصير فيهم يلومون المدرسه !!

اخبر مره ودونا سناء وواحد راسه ضرب في سكان السياره وانقص لسانه وخيطوه 3 او 4 غرز ... لاحد اشتكى .. ولاوطني الحبيب ولاغيره !! الولد تعافى واليوم يمكن رجال عنده عيال بعد

[للصبر اخر]

للصبر اخر شسالفه ؟؟؟؟؟؟؟

انا ماقصدي شي !!!!!!!!!!!

ههههههه
مافي سالفه
غشمره لا اكثر
:secret:

[وتبقى الدنيا حلوه]

لا الصج صكروها و انا شفت قطار الموت ابو لفه و نص في جده صوب كرنيش جده هاي الصج



عاد علي بابا هذا خبرج فيه عتيج

ترى ابشرج انه صار محترف ف نادي السيليه و له سالفه طويله مع ربعه ال 40 حرامي ماقدر اقولها الحين :d

الله يحفظنا وياكم من كل شر :)

ههههههههههه

ايااام

خلاص راحت علينا عيزنا

الحين جيل اللي مولودين بالتسعينات

[للصبر اخر]

الحين جيل جنغل زوون
حتى سناء مايعرفوونه

[مسك روز]

الله يرحم ايام حديقة الحيوان والمتحف ومصنع الالبان

اي والله مجمعات

[أم مشعل]

ما دام المدارس فيها اللي فيها من مشاكل وكل يوم شكاوي يا في وطني الجبيب يا في الجريدة عاد

ما نجي يا الأهل وأول ما تجينا ورقة من المدرسة ان فيه رحلة ترفيهية لمجمع أو بحر نروح

موافقين على طول والسبب خل البنت تستانس ......يعلها ما تستانس ....... زين تجيني عقب منصابة

واقعد أتحسر ليتني ما وافقت

[Amal_QTR]

ترى مب يهال .. بنات اعدادي
لا نصير شعب شكاي و كل شي مب عاجبنا !
البنت شعرها طويل و كان مفروض ترفعه .. والله كاتب اللي صار !
و الاهل اللي مب عاجبهم لا يوافقون على الرحله ترى محد غصبهم

[بو الجوري]

و الله هالسالفه مالها خص فالمشرفه و لا المدرسه :..

و الأبو ماعنده سالفه يشتكي ،،

هاي من شطانة البنت ، أو من نوع اللعبه يمكن ماعليها سيفتي

يعني شنو يبي المشرفـه تكون معاها فاللعبه عبريه مثلا !!!! هههههههه



وبخصوص الرحلات هذي ، أنا أشوف مالها داعي :..

خل يودونهم
المتحف الإسلامي أو مثلا زيارة فنار أو جهة عمل أو محمية الدوسري

مب ملاهي و مولات و رحلات بريه ،،

لو شباب بنقول معليه لكـن بنات !! مالها داعي الصراحـه


الله يرحم أيام علاء الدين و المتحف و حديقة الحيوان :(
و غدا من هارديز و إحنا راجعين :(

[kitmat]

والله اذا المجلس الاعلى حاط ومحدد في رياض الاطفال في كل صف 26 طالبة اولا خوش صف مثالي ومالهم مكان على سجادة الدراسه وكل وحدة تدز الثانية شلون تبون ثنتين عينهم عاى هالعدد بدون حوادث لابد في يوم ما بيصير شي وبعدين دخلو اللعبة المدرسه يعني سوبر مان مثلا شلون تنقذها حطو نفسكم مكانها وبعض اليهال شياطين وما يعرفون السنع

[بو الجوري]

ترى مب يهال .. بنات اعدادي
لا نصير شعب شكاي و كل شي مب عاجبنا !
البنت شعرها طويل و كان مفروض ترفعه .. والله كاتب اللي صار !
و الاهل اللي مب عاجبهم لا يوافقون على الرحله ترى محد غصبهم

صحيح كلامـج ،، و أصلا المفروض تتحجب :telephone:

[بو الجوري]

الحين جيل جنغل زوون
حتى سناء مايعرفوونه

أنا عن نفسي للحين أودي عيالي ملاهي سناء
:secret:
و أتم أتذكتر الذكريات :weeping:

في لعبتين أو 3 للحين ماتغيروا :eek5:
و ريحة الملاهي و المكاين للحين نفسها :weeping:

[chillis]

ليش يخليها تروح رحلات كان منعها من الاول كل شي مقدر ومكتوب

[بصمة قطرية]

الله يسلمك يا خوي انا بقولك شنو صار

علاء الدين صادوه بدون اقامه و سفروووه و انا خذت المصباح و وديته العنه و سويت عليه كرك

و الحين الامور طيبه عندي و عندي علاء الدين على البيبي توه من شوي دز لي برود كاست يسالني عن المدارس المستقله و المجلس الاعلى يسالني و يقول للحين هم مطنشين العالم و ما يردون عليهم ف وطني الحبيب صباح الخير و لا تعلموا السنع و قاموا يردون على استفسارات الاهالي ؟؟؟؟

ف سكت و ما رديت عليه لانه بصراحه وهقني ب السؤال فا مادري اذا حد ممكن يساعدني و يعطيني اجابه حق علاء الدين و لا استعين بصديقي السندباد ؟؟؟؟؟


و شكرا

خخخخخخخخخخخخخخخخخخخخخخخخ
قصة عجيبة ..
و مقنعة ..:tease:

[شبح الصمت]

أنا عن نفسي للحين أودي عيالي ملاهي سناء
:secret:
و أتم أتذكتر الذكريات :weeping:

في لعبتين أو 3 للحين ماتغيروا :eek5:
و ريحة الملاهي و المكاين للحين نفسها :weeping:



تصدق بوالجوري

ارحو الملاهي الا الي في الملاهي يقولي تتذكر يوم تجي تلعب وانت صغير
:shy:

والحين ماشاء الله جايب 3 من عيالك ربي يحفظهم لي ويحفظ لكم عيالكم

اي سناء والله احسن من غيرها

[الأصيلة]

قبل شوي أنا كنت في فيلاجيو
والظاهر في الألعاب رحلة مدرسة أما إعدادية أو ثانوية أول ثانوي...
لأن البنات شكلهم شوي صغار ولا قدرت أميز
لأنهم لابسين بناطلين تحت العبايات...
3 بنات طالعين من الألعاب مع مدرسة غير قطرية
ولاعليها عباية سفور
يمشون ما أدري وين رايحين جهة المطاعم
ويلحقونهم 2 من الشباب في سن الثانوية...
أتمنى يسوون مدينة ألعاب خارجية بعيدة عن المجمعات حتى تكون خصوصية أكثر في فترة الصبح
وقت الرحلات...
أما سالفة المجمعات فتواجد البنات المراهقات شوي صعب...
إلا إذا كان الأمر عادي عند مديرة المدرسة ومشرفاتهم والأهل...

[دااانة قطر]

حدنا المتحف الوطني وحديقة الحيوان ههههههههه

يآزين ذيك الايام والله



ومصنع الحديد والصلب ومعرض الكتااب

[بوعلي2]

الله يرحم ايام اول باليابه يوافقون لنا على حديقة الحيوان :(

ومرات يودونا حدايق ثانيه ونطبخ مجبوس دجاج

او المتحف فديييت المتحف

والحين تغيرت الدنيا وزادت المشاكل وكل يوم الا بنت شدخت على ويها الا طاح ضرسها الا متهاوشه مع مادري من

لاحول ولاقوة الا بالله

[intesar]

أنا أشوف مو لازم رحلات للألعاب.. لا للصغار ولا الكبار.. المفروض يحددون رحلات تثقيفية حسب القيمة والموضوع بالدرس عندهم..

منها تكون هالرحلات ترويحية ومنها فا~دة يطلعون منها..

ودمتم بحفظ الرحمن..

[الحريّه]

عمرها الرحلات ماكانت عيب بالعكس كنا نروح وبشروط نلتزم فيهااا .. الرحلات ترفيهيه لو كان فيهاا تقييد شوي كنا بخير ..
العيب اذا كانت بدون قوانين والمشرفين يااعمارهم صغيره يايكونون اقل بكثير من عدد الطالبات ..

المفروض في الرحله ينكتب فيهاا عدد الطالبات والمشرفين اللي رايحين معاهم ..



الله يحفظ الجميع يارب ,, وهالاخطاء سبحان الله تصير بس ياريت نتعلم منهااا مب نلغي الرحلات الا نححط قوانين صارمه نفس السنوات اللي راحت .. على الكل طلاب ومدرسين ..
اشياء ضروريه تتوفر لكل الرحلات ..

اهداف
قوانين
عقوبات



هذا اللي نحتاجه ..


تقبلوا مروري




في الاستبيانات التي تجريها المدارس في مرحلة المراجعة الذاتية , الجزء المتعلق بالطلاب, يطالب فيها التلاميذ بالرحلات الترفيهية بكثرة. و قد تكون واحدة من الإنتقادات التي يوجهها الطلاب للمدرسة إذا تقيدت فقط بالرحلات المنهجية. إذن , فالرحلات الترفيهية هي مطلب مباشر للطلاب, ولا ألومهم. فقد قال علي ابن أبي طالب رضي الله عنه " روّحوا القلوب ساعة بعد ساعةٍ , فإنها إذا أُكرِهَت عميت " . إلا أن للرحلات المدرسية على اختلاف وجوهها قوانين و ضوابط , أهمها نسبة المعلمين إلى الطلاب. و تأتي الإشكالية في أن العدد المرافق للتلاميذ قد لا يفي أحياناً بهذه النسبة خاصة إذا كان بقية المعلمون يؤدون دروساً داخل الصفوف لطلاب آخرون. إلا أن معظم المدارس حريصة على استيفاء شروط هذه الرحلات حرصاً على سلامة الطلاب. و الحوادث أمر ليس مستحيلاً حتى عندما يكون الأطفال مع ذويهم و في صحبتهم . فقد لا يكون سبب الحادث أحياناً غفلة من الأم و الأب , أو المشرفات المصاحبات. فالأطفال بطبيعتهم كثيري الحركة و غير قابلين للتوقع . فحركتهم سريعة وناتجة عن عدم إدراك للعواقب. و بالنسبة للإخوة و الأخوات الذين ما زالوا يتحدثون عن وزارة التربية و التعليم , فإن الأماكن المتاحة هذه الأيام لم تكون موجودة حينئذٍ . و قد ذكر أحد الإخوة مدينة علاء الدين كتجديد أضيف على رحلات الوزارة على أيامه , و أين مدينة علاء الدين الآن ؟ أصبحت ماضٍ سحيق. كما أن مطالب التعليم و المتعلمين حالياً اختلفت عن ذي قبل , فقد أصبحت الأنشطة اللامنهجية جزء لا يتجزأ من واقع التعليم في كل مكان , وهي ليست منكر أتت به المدارس المستقلة .
خوفي أن من يتباكون على الوزارة و يهاجمون المدارس المستقلة , يكونون سبباً في نكسةٍ أخرى تحدث في المدارس المستقلة تضاف إلى النكسة الأولى التي أحدثوها حين بدأ المشروع فأعادوه إلى مربع تصوروا أنه مربع الوزارة واكتشفوا بعد ذلك أن الوزارة ذهبت و أصبح هذا المربع فارغاً إلا من نسخة لا تشبه الوزارة و لم تعد هي الصورة التي كان يطمح إليها المشرّع حين صاغ مبادرة التعليم !
تحياتي

[دااانة قطر]

أنا عن نفسي للحين أودي عيالي ملاهي سناء
:secret:
و أتم أتذكتر الذكريات :weeping:

في لعبتين أو 3 للحين ماتغيروا :eek5:
و ريحة الملاهي و المكاين للحين نفسها :weeping:

انا لين الحين العب مع العيال في سيارات التصاادم
والتنين
شي والله

[حليتان*]

الله يرحم ايام اول باليابه يوافقون لنا على حديقة الحيوان :(

ومرات يودونا حدايق ثانيه ونطبخ مجبوس دجاج

او المتحف فديييت المتحف

والحين تغيرت الدنيا وزادت المشاكل وكل يوم الا بنت شدخت على ويها الا طاح ضرسها الا متهاوشه مع مادري من

لاحول ولاقوة الا بالله

ههههههههههه احنا الي صبيان وثانويه العام ما سوو لنا رحلات غير حديقة الحيوان ومعرض مادري حق وشو <<< وكله حاطين ريولنا :secret:




وبخصوص ترا والله اليهال مشكله :(

[clouds]

اخبر الرحلات يسوونها تكون تكمله لدرس ماخذينه او قاعدين يدرسونه ولازم يكتبون فيه تقرير او بحث بس رحله للغاريه شاليهات ورحله العاب في مجمع تجاري جديده علي!!

[كريمه زيد]

اولا لازم نؤمن بالقدر وهو ان البنت لو كانت مع اهلها بيصيدها نفس الشي
يا جماعة احنا كنا طلاب والمدرسة ماكانت تودينا رحلات وكنا نتضايق ونتمنى رحلة نروحها مع صديقاتنا عن نفسي اودي طالباتي واحرص عليهم واخاف الله فيهم كانهم بناتي وامانة احاسب عليها والله لو تشوفون فرحة البنات وهم طالعين مع بعض ومع صديقاتهم تسوى الكثير عقب هالكرف اللي ينكرفونه مساكين من كل المواد وفي طالبات اهاليهم مايخلونهم يروحون وهاي حرية للاهل وفي طالبات اهلهم ماعندهم وقت يطلعونهم اماكن ترفيية خاصة اني في الخور واشوف اغلب الاهالي يكسلون يطلعون عيالهم من المسافة
لا تكبرون السالفة لا شي يرد القضاء والقدر لكن الصحيح اننا نطالب بزيادة الاحتياط والامان لهم عن نفسي مديرتنا تحرص على طالباتها بشكل كبير وحرصت ان الرحلة للبنات تكون فيها صالة الالعاب مغلقة للطالبات فقط ورفضت اي بنت تدفع ثمن التذكرة واكدت علي ان اكثر من مشرفة تروح معاي
قانون المجلس في اللي يخص الرحلات واضح احيانا تصير اخطاء غير مقصودة ويحاسب المخطئ فيها وحادث وخطأ يكون بسبب اهمال يفرق كثير عن حادث يكون بسبب القضاء والقدر .

[احلى دنياااا]

الحين طلاب هالزمن مب مثل قبل
والزمان تغير واماكن الرحلات تغيرت
لاتحطون اللوم على المدرسات ترى والله مظلومين
الحين تقول للطلاب بوديكم المتحف الاسلامي يرد عليج يقول ودينا فيلاجيو والا الستي ما عادوا يبون هالرحلات
وترى اليهال والبنات فيهم شطانه حتى المدرسات مايقدرون عليهم
يا ليت ترحمون المدرسات وماتقطون اللوم عليهم بس

[كريمه زيد]

قبل شوي أنا كنت في فيلاجيو
والظاهر في الألعاب رحلة مدرسة أما إعدادية أو ثانوية أول ثانوي...
لأن البنات شكلهم شوي صغار ولا قدرت أميز
لأنهم لابسين بناطلين تحت العبايات...
3 بنات طالعين من الألعاب مع مدرسة غير قطرية
ولاعليها عباية سفور
يمشون ما أدري وين رايحين جهة المطاعم
ويلحقونهم 2 من الشباب في سن الثانوية...
أتمنى يسوون مدينة ألعاب خارجية بعيدة عن المجمعات حتى تكون خصوصية أكثر في فترة الصبح
وقت الرحلات...
أما سالفة المجمعات فتواجد البنات المراهقات شوي صعب...
إلا إذا كان الأمر عادي عند مديرة المدرسة ومشرفاتهم والأهل...

ذكرتيني مديرتي نبهت علي ان ممنوع البنطلون واللي بتلبس بنطلون تقعد ماروح الرحلة وفعلا نفذنا وسمعي البنات يا ابله شلون نلعب وشلون نستانس و و و طبعا الاذن الصمخة عندي ممنوع يعني ممنوع وفعلا ماشاء الله عليهم التزموا باللبس وقلت لهم لو تبون تلبسون بنطلون لازم عبايتكم تكون مسكره مو مفتوحة اصلا عشان ماتقولون عقب تبطلت من نفسها :anger1: الحرص والخوف على هالامانة لازم تكون من الادارة والمدرسات مو خوف من المجلس الاعلى الا خوف من الله .

[ضوى]

كريمة زيد ؟؟؟


ياترى انتي من صديقات الطفولة ؟؟؟؟

[كريمه زيد]

كريمة زيد ؟؟؟


ياترى انتي من صديقات الطفولة ؟؟؟؟

هههههههه يمكن حاولت ارسل رسالة خاصة وطبعا لازم ٥٠ رسالة لي عشان اقدر ارسلهم كم اتمنى احصل ربعي ايام الطفولة في منهم مازلنا متواصلين ومنهم اللي انقطعت اخبارهم

[ضوى]

هههههههه يمكن حاولت ارسل رسالة خاصة وطبعا لازم 50 رسالة لي عشان اقدر ارسلهم كم اتمنى احصل ربعي ايام الطفولة في منهم مازلنا متواصلين ومنهم اللي انقطعت اخبارهم

هل لازالت بركة السباحة موجودة ببيت الوالد؟؟ هذه شيفرة وان اجبتي فانت بالفعل صديقة الطفولة

[Riku3]

حسستوني لو كانت المدرسة واقفه الشعر بيخاف يدش في مكينه السيارة !! .. هذا قضاء وقدر واللوم يقع على الاهل الي ماعلموا عيالهم الركاده .. عيل بنت شكبرها ليش تناقز بين السيارات ..

وكلنا رحنا رحلات ويازينها من ايام انتظر ابوي يعطيني 10 ريالات والا 20 واحس اني راهي p: ..

حالياً التخطيط افضل وعدد المشرفين اكثر بس الناس صارت تكبر الامور والاعلام يهول الحوادث بشكل كبير .

طبعاً اتكلم عن مثل هالحادثه مب الي صار للبنت الي طاحت من السيارة من كم يوم .

[elders]

اخبر قبل دراستي قبل 10 سنين

لا كان في رحلات ولا شيء حدنا الكشافه ويلا يلا يوافقون لنا بعد أولياء أمورنا ..

الحين الملاهي السيلين مدري وين ..!!

ودي اعرف هالرحلات على أي أساس على أي أساس

هل هي اجبارية من المجلس الاعلى على المدارس المستقلة

ام هي بترتيب بعض المشرفات والمدرسات

وعلى فكره شوف عيني

في مجمع المدرسات والمشرفات

ينزلون الطالبات يكونون 4 فجأة يكونون 2

والثنتين الباقيين يفترون ويتشرون ..

انا اقول لو ينثبرون في المدارس ابرك لهم


حدنا المتحف الوطني وحديقة الحيوان ههههههههه

يآزين ذيك الايام والله


قبل كانت المدارس كالتالي :

وزارة التربيه و التعليم

كانت تربي قبل لاتعلم

واليوم المدارس المستقله

انتوا ادرى


و ما زالت مسرحيات المجلس الاعلى الاكشن و الفكاهيه و الخياليه باستمرار.......

لا حول ولا قوة الا بالله العلي العظيم

و ما زلت مستغرب مواقف بعض الاهالي من هذا النوع من الرحلات ........

على ايامنا متحف قطر الوطني و مصنع الالبان و الاهل كانوا يعارضون لانه على حسب رايهم

انه مضيعه للوقت و الافضل الاستفاده من الوقت بالدراسه اما الحين فحدث ولا حرج.....

الله يهدينا و يهديهم :)


حتى ايام الحكومة كنا نروح مملكة علاء الدين ....وصاحبتي وقعت من القطار وهو ماشي بس عادي اعتبرنا الموضوع لانها شيطانة من يومها واذا ما وقعت بعلاء الدين كان وقعت بالمدرسة وهي بتنط ههههههههه

الله الحافظ والاهل المفروض انهم عارفين درجة الطاقة عن اولادهم وبناتهم

اللي بحس في صعوبة في التحكم بأبنه ما يوافق على الرحلات ..

[elders]

و الله هالسالفه مالها خص فالمشرفه و لا المدرسه :..

و الأبو ماعنده سالفه يشتكي ،،

هاي من شطانة البنت ، أو من نوع اللعبه يمكن ماعليها سيفتي

يعني شنو يبي المشرفـه تكون معاها فاللعبه عبريه مثلا !!!! هههههههه



وبخصوص الرحلات هذي ، أنا أشوف مالها داعي :..

خل يودونهم
المتحف الإسلامي أو مثلا زيارة فنار أو جهة عمل أو محمية الدوسري

مب ملاهي و مولات و رحلات بريه ،،

لو شباب بنقول معليه لكـن بنات !! مالها داعي الصراحـه


الله يرحم أيام علاء الدين و المتحف و حديقة الحيوان :(
و غدا من هارديز و إحنا راجعين :(

هلأ منعوها تماما هارديز وهم راجعين ...يقطعون القلب قال المديرة لا تتحمل اي مسؤولية بسبب اكل الفاست فووود والبنات طالعين على المتحف الاسلامي بس مشان وهم راجعين ياكلو ماكدونلز ..رجعوا يصيحون واحنا بنقول استهتار بالمدارس المستقلة !! مش بكل شي غلط المدارس المستقلة

[روح الشمال]

مساكم الله بالخير جميع

انا قرأت جميع الردود تقريباً وكلاً ابدا وجهة نظرة مع احترامي لجميع الآراء ...ولكن

اولاً : الغلطة ماهي غلطة البيت او ولي الامر واقول لكم لماذا.. لان ولي الامر او الاهل ثقتهم بالمدرسة ثقه كبيرة وللاسف وبإعتبار المدرسة البيت الثاني والبيت الآمن !! ولكن وما ادراك مايجري من اهمال في المدارس المستقلة واللا مبالاه وفقدان المسؤولية ..

اخذوا مني القصة بحذافيرها ..

الرحلة : العاب فيلاجيو
اليوم : الاربعاء
عدد الفصول : 4 فصول ذهاب للرحلة !!!
المدرسات المرافقات : 8 مدرسات !!
الوقت : 8 صباحاً
مكان التجمع : العاب فيلاجيو

ومنها بدأ الانتشار وماذا حصل حينها ( اخذوا السالفة بالضبط ) انتشروا البنات للالعاب طيب والمدرسات والمراقبات وين راحوا ؟!!!! بعضهم راح الكوفي شوب !! والباقي راحوا يلعبون في القطار !!! ( قمة المسؤولية )!!!!!! هههههههه شر البلية مايضحك المهم و7 بنات راحوا فوق حق حلبة السيارات ((( وبدون اي مرافقة من المدرسات او المراقبات للرحله ))) !!! وهنا بدأت المصيبه ..ومن يتساءل كيف؟... اقول له كيف

"" ترك بنات لوحدهم في الطابق العلوي وبدون مراقبه ومرافقة !!!

"" المدرسات البعض منهم في الكوفي شوب والبعض منهم يتسوق !! والبعض منهم يلعب ( الله واكبر ) هذا هو دوركم ؟!!!

"" هل لعبة الحلبة ( الفرمولا ) لعبة بنات او تصلح للبنات ؟!!!! وهل ولي الامر موافق على الالعاب الخطرة في هذه الرحله ؟!! ام هي لعبة شباب واولاد ؟!!

"" هل اذا العائلة وافقت على الرحله لاتقوم إدارة المدرسة بوضع ضوابط لهذه الرحله وتأمين الرحله من جميع النواحي والا الموضوع ( سبهلله )!!! مثل ما حصل

"" اثناء وقوع الحادث اين المدرسات ؟؟؟!!!!!!!!!!!!! لا تعليق وحدث ولا حرج !!

"" هل المدرسات لو ذهبوا لوحدهم مع اولادهم سيتركون اولادهم يركبون هذه اللعبه الخطرة ؟!!! ( مستحيل طبعاً ) ..

"" طيب ولو فرضنا ان الحادثه هذه لم تقع ووقعت حادثه اسوأ وهي في نفس المكان قام احد العمال في الالعاب بإختطاف بنت واغتصابها او ماشابه ؟!!! ماهي ردودكم يا اعضاء ؟!! بتقولون البنت شيطانه واركبت بروحها وراحت فوق بروحها وهي في سن 13 سنه يعني طفله والا سيتم وضع الاهمال على المدرسة ؟!!!اترك لكم التعليق وبإمانه

حسبنا الله ونعم الوكيل في كل ضمير ميت

[كريمه زيد]

هل لازالت بركة السباحة موجودة ببيت الوالد؟؟ هذه شيفرة وان اجبتي فانت بالفعل صديقة الطفولة

اي موجودة بس احنا طلعنا من بيت غزة من ست سنوات والوالد عطاج عمرة من كم شهر :weeping: الله يرحمه ويغفر ه ويغمد روحه الجنه يارب ويجعل قبره روض من رياض الجنة

[qatara]

الانظمه تتغير غصب على الاهل
واللوم على السيستم
والطاقم التعليمي الذي اخذ وقت العمل للترفيه بالخروج من المدارس بشتى الحجج

يعني بدال ما يعلمون الطالب او الطالبه على النهوض بمبادي الدين والستر والتحفض
لا يودونهم لاماكن الترفيه
وبعض الاماكن والله يخجل البعض من الذهاب اليها
ليس لانها مكروهه او حرام بل لسمعتها

وما يحصل فيها من البعض من قلة الحيا المغازل والتبرج الخ
مثل فيلاجيو واللند وووو

يعني يعلمون الطفل على اللهو والصرف الغير مبرر
بدلا من تعليمه الاقتصاد والمحافضه
كان الناس موديه اولادها ليس للتحصيل العلمي بل للملاهي وليست مدارس

فبدلا من زيارات لمصانع
او مواقع تاريخيه للبلد
او متاحف

الخ

[Riku3]

"" ترك بنات لوحدهم في الطابق العلوي وبدون مراقبه ومرافقة !!!
ليش لازم مرافق شخصي مع كل بنت مثلاً .. وشنو بتسوي بالطابق العلوي ؟ .. لو بترمي نفسها محد بياخذ اثم من انتحارها .. ولو رفيجتها بتقطها من فوق فمحد بيقدر يمنع هالشي حتى لو كانوا الاداريات بعدد البنات .


"" المدرسات البعض منهم في الكوفي شوب والبعض منهم يتسوق !! والبعض منهم يلعب ( الله واكبر ) هذا هو دوركم ؟!!!
الكوفي شوب ممكن لحظه راحه بسيطه تاخذها المدرسات .. ربع ساعه ويرجعون بس مع هذا انا معاك المفروض يكون في دور لكل ادارية لان الرحله عدة ساعات فقط ماتستحق ان يكون فيها بريك .


"" هل لعبة الحلبة ( الفرمولا ) لعبة بنات او تصلح للبنات ؟!!!! وهل ولي الامر موافق على الالعاب الخطرة في هذه الرحله ؟!! ام هي لعبة شباب واولاد ؟!!
ليش كان المفروض يكتبون لهم الالعاب والاهل يختارون المسموح من الممنوع ؟ ..

الاهل لو يشوفون بعض الالعاب ممنوعه المفروض يغرسون هالشي في البنت نفسها لانها مب صغيره ! .. والالعاب كلها مفتوحة للجميع .


"" هل اذا العائلة وافقت على الرحله لاتقوم إدارة المدرسة بوضع ضوابط لهذه الرحله وتأمين الرحله من جميع النواحي والا الموضوع ( سبهلله )!!! مثل ما حصل
السبهلله كانت ان البنت تقرب شعرها من المحرك وتتحرك بحرية في مكان المفروض يكون في سيفتي .. وهنا الخطأ على عامل اللعبه والبنت وليس المدرسة .


"" اثناء وقوع الحادث اين المدرسات ؟؟؟!!!!!!!!!!!!! لا تعليق وحدث ولا حرج !!
لو 20 ادارية واقفين بجانب اللعبه والبنت تتشيطن محد بيمنع الحادث من الوقوع ! .


"" هل المدرسات لو ذهبوا لوحدهم مع اولادهم سيتركون اولادهم يركبون هذه اللعبه الخطرة ؟!!! ( مستحيل طبعاً ) ..
ليش خطيرة .. كلهم بنات وفي سيفتي لو حاله وحده صارت لسبب من الاسباب مايعني ان نعمم التحذير على الجميع .


"" طيب ولو فرضنا ان الحادثه هذه لم تقع ووقعت حادثه اسوأ وهي في نفس المكان قام احد العمال في الالعاب بإختطاف بنت واغتصابها او ماشابه ؟!!! ماهي ردودكم يا اعضاء ؟!! بتقولون البنت شيطانه واركبت بروحها وراحت فوق بروحها وهي في سن 13 سنه يعني طفله والا سيتم وضع الاهمال على المدرسة ؟!!!اترك لكم التعليق وبإمانه
شدخل .

فقط للعلم انا ضد ذهاب بنات لمكان مثل فيلاجيو في رحلات مدرسية بهذه الطريقة .. بس ضد النظر للموضوع بزاوية ضيقه مثل ما يتفضل البعض .

[بـــــــنت النوخـّــــذه]

لو انا مديرة مدرسة بحط قوانين للفتره الترفيهيه للطلبه 000

مافي رحلات عن طريق المدرسة إلا رحله تابعه لدرس معين مثل نظام المدارس الاجنبيه درس اليوم يتكلم عن صناعه البلاسيتك اسوي رحله مدرسيه لمصنع البلاستيك او اي شي يتعلق بالمادة التعليميه ويودون معهم كاميرات للتصوير ومن ثم عمل تقرير عن الرحلة ويقدم في الحصة كبحث 00 وبعد بشترط على المصنع وادارته يفضون المكان من العمال لمده ربع ساعه لان بنات وما نظمن النظرات الشيطانية ويدور معهم مختص يشرح لهم 000 وبعدها انقدم لهم كتاب شكر مختوم من المجلس الاعلى لحسن تعاونهم مع المدارس وبهذي سوينا شراكه مابين التعليم والجهات بالدولة وطلعنا من وراهم بفايده كبيرة 00

اما رحلات ترفيهيه للملاهي ف بشتري لهم كوبونات خاصه مكافأة لتفوقهم ويروحون مع أهلهم الفتره المسائيه 0000


اما رحلات ترفيهيه في الفتره الصباحيه للسينما ولا الملاهي مرفوضه رفضا" باتا" خصوصا" للمرحله الاعداديه والثانويه 000

صراحه انا انصدمت من مدرسة من المدارس الاعداديه مودين البنات رحله للسينما يشوفون فيلم :( امحق تعليم بذمتي يعلمونهم على السينما من صغرهم



ودمتم سالمين

[elders]

لو انا مديرة مدرسة بحط قوانين للفتره الترفيهيه للطلبه 000

مافي رحلات عن طريق المدرسة إلا رحله تابعه لدرس معين مثل نظام المدارس الاجنبيه درس اليوم يتكلم عن صناعه البلاسيتك اسوي رحله مدرسيه لمصنع البلاستيك او اي شي يتعلق بالمادة التعليميه ويودون معهم كاميرات للتصوير ومن ثم عمل تقرير عن الرحلة ويقدم في الحصة كبحث 00

اما رحلات ترفيهيه للملاهي ف بشتري لهم كوبونات خاصه مكافأة لتفوقهم ويروحون مع أهلهم الفتره المسائيه 0000


اما رحلات ترفيهيه في الفتره الصباحيه للسينما ولا الملاهي مرفوضه رفضا" باتا" خصوصا" للمرحله الاعداديه والثانويه 000

صراحه انا اصدمت من مدرسة من المدارس الاعداديه مودين البنات رحله للسينما يشوفون فيلم :( امحق تعليم بذمتي يعلمونهم على السينما من صغرهم



ودمتم سالمين

جميل :victory:

[روح الشمال]

اقتباس




"" ترك بنات لوحدهم في الطابق العلوي وبدون مراقبه ومرافقة !!!



ليش لازم مرافق شخصي مع كل بنت مثلاً .. وشنو بتسوي بالطابق العلوي ؟ .. لو بترمي نفسها محد بياخذ اثم من انتحارها .. ولو رفيجتها بتقطها من فوق فمحد بيقدر يمنع هالشي حتى لو كانوا الاداريات بعدد البنات .

اقتباس




"" المدرسات البعض منهم في الكوفي شوب والبعض منهم يتسوق !! والبعض منهم يلعب ( الله واكبر ) هذا هو دوركم ؟!!!



الكوفي شوب ممكن لحظه راحه بسيطه تاخذها المدرسات .. ربع ساعه ويرجعون بس مع هذا انا معاك المفروض يكون في دور لكل ادارية لان الرحله عدة ساعات فقط ماتستحق ان يكون فيها بريك .

اقتباس




"" هل لعبة الحلبة ( الفرمولا ) لعبة بنات او تصلح للبنات ؟!!!! وهل ولي الامر موافق على الالعاب الخطرة في هذه الرحله ؟!! ام هي لعبة شباب واولاد ؟!!



ليش كان المفروض يكتبون لهم الالعاب والاهل يختارون المسموح من الممنوع ؟ ..

الاهل لو يشوفون بعض الالعاب ممنوعه المفروض يغرسون هالشي في البنت نفسها لانها مب صغيره ! .. والالعاب كلها مفتوحة للجميع .

اقتباس




"" هل اذا العائلة وافقت على الرحله لاتقوم إدارة المدرسة بوضع ضوابط لهذه الرحله وتأمين الرحله من جميع النواحي والا الموضوع ( سبهلله )!!! مثل ما حصل



السبهلله كانت ان البنت تقرب شعرها من المحرك وتتحرك بحرية في مكان المفروض يكون في سيفتي .. وهنا الخطأ على عامل اللعبه والبنت وليس المدرسة .

اقتباس




"" اثناء وقوع الحادث اين المدرسات ؟؟؟!!!!!!!!!!!!! لا تعليق وحدث ولا حرج !!



لو 20 ادارية واقفين بجانب اللعبه والبنت تتشيطن محد بيمنع الحادث من الوقوع ! .

اقتباس




"" هل المدرسات لو ذهبوا لوحدهم مع اولادهم سيتركون اولادهم يركبون هذه اللعبه الخطرة ؟!!! ( مستحيل طبعاً ) ..



ليش خطيرة .. كلهم بنات وفي سيفتي لو حاله وحده صارت لسبب من الاسباب مايعني ان نعمم التحذير على الجميع .

اقتباس




"" طيب ولو فرضنا ان الحادثه هذه لم تقع ووقعت حادثه اسوأ وهي في نفس المكان قام احد العمال في الالعاب بإختطاف بنت واغتصابها او ماشابه ؟!!! ماهي ردودكم يا اعضاء ؟!! بتقولون البنت شيطانه واركبت بروحها وراحت فوق بروحها وهي في سن 13 سنه يعني طفله والا سيتم وضع الاهمال على المدرسة ؟!!!اترك لكم التعليق وبإمانه



شدخل .

فقط للعلم انا ضد ذهاب بنات لمكان مثل فيلاجيو في رحلات مدرسية بهذه الطريقة .. بس ضد النظر للموضوع بزاوية ضيقه مثل ما يتفضل البعض .





بإختصار شديد

وردي عليك بإختصــــــــــــــار

اذا حدثني العاقـــل غلبتـة
واذا حدثني الجاهل غلبني !!

[فيزيائية]

ليش دوم نلوم المدرّسات ؟؟
البنت في مدرسة بنتي
والمدرسة طلبت منها انها تلبس الشيلة لما تلعب
بس البنت ماسمعت كلامها وفصختها ....
وشعرها المفلول شار في اللعبة ....
الحين الغلط على منو ...

[فيزيائية]

وكأم أطالب برحلات مفيدة وآمنة لبناتنا
حتى بنتي مستغربة انهم كبار ويودونهم العاب فيلاجيو!!!

[elders]

بإختصار شديد

وردي عليك بإختصــــــــــــــار

اذا حدثني العاقـــل غلبتـة
واذا حدثني الجاهل غلبني !!

باختصار اشد ..شو رأيك بحكي الاخت فيزيائية ؟

[khaldoon]

صعب أقرأ كل الردود و يمكن الكلام اللي بقوله انكتب فوق

سمعت على لسان مديرة مدرسة مستقله انه كثير و ليس الكل من المشرفات الاجتماعيات مفروضات على المدارس المستقله و يجي توظيفهم فوق ارادة المدرسة المستقله و بعض نوعيات هؤلاء البنات انها صغيرة السن و متحرره شوي ...يعني شكلها يدل على انها مب سوية الخلق من منظرها اصلا و كأن هالوظيفه تعطى لمن لا مؤهل له ...فلج انج تتخيلي طالبات مراهقات بتعاملوا مع مشرفات سنهم قريب من سن المراهقات في اوائل العشرينات و لهم ماضي احيانا مع الشباب فبساعدوا الطالبات المراهقات بحكم قرب السن انهم يفضفضون لهم و يعطوهم من خبراتهم السابقه مع الشباب .....افضل ما اقول اكثر


لا احد يقولي لا تعمم و حرام عليك تظلم المشرفات ...انا ما اعمم و انا اقول شي سمعته و تبون الحقيقة شفت حالة واحده على الاقل تؤكد الكلام اللي فوق بمعنى انه هالشي مب عام بس موجود

كل الاحترام و التقدير للمشرفات اللي يشوفون شغلهم صح ومؤهلات و قديرات و قادرات على احتواء مشاكل الطلبة و الطالبات

[شبح الصمت]

كريمة زيد ؟؟؟


ياترى انتي من صديقات الطفولة ؟؟؟؟


هههههههه يمكن حاولت ارسل رسالة خاصة وطبعا لازم ٥٠ رسالة لي عشان اقدر ارسلهم كم اتمنى احصل ربعي ايام الطفولة في منهم مازلنا متواصلين ومنهم اللي انقطعت اخبارهم




هل لازالت بركة السباحة موجودة ببيت الوالد؟؟ هذه شيفرة وان اجبتي فانت بالفعل صديقة الطفولة


اي موجودة بس احنا طلعنا من بيت غزة من ست سنوات والوالد عطاج عمرة من كم شهر :weeping: الله يرحمه ويغفر ه ويغمد روحه الجنه يارب ويجعل قبره روض من رياض الجنة




اول شيء اختي كريمه
نعزيك بوفاة الوالد
اعظم الله اجركم
والله يغفر له ويرحمه ويجعل قبره روضه من رياض الجنه ويجمعكم معاه في الحوض مع نبينا محمد صلى الله عليه وسلم
والله يصبركم

وشدتني محادثتج مع اختي ضوى

وترى والله مهب قصدي شيء بس استانست انه في اصدقاء حصلوا بعض وبالصدفه سبحان الله



الله يحفظكم ويجمعكم على خير فالدنيا وفي الاخرة في جناته الفردوس يـــارب

:)

[بنت شيوخ]

ياكثر مانشوف الطالبات بالمجمعات بروحهم

ولا مدرسه معاهم

بصراحه صارت الرحلات تخوف