المساعد الشخصي الرقمي

مشاهدة النسخة كاملة : ttt هل تؤيد وضع كاميرات مراقبة داخل البيوتttt


شبح الصمت
05-01-2012, 11:16 AM
بسم الله والصلاة والسلام على افضل المرسلين

سيدنا محمد صلى الله عليه وسلم


http://www.ghareba.com/newssite/441/129932939211.jpg

بعد الحوادث الي نسمعها ونشوفها من الخدم

لا بد من وضع خط احمر لهم وتخويفهم

ولازم لازم نقولهم انه في كاميرات مراقبة

من أجل سلامة اطفالنا يجب وضع كاميرات مراقبة

وانا ما اسوق لها ولا عندي

ولكن يجب الحذر الحذر الحذر
وتبقى الدنيا حلوه
05-01-2012, 11:18 AM
اتفق معاك حتى اللي ماعندهم يهال لازم يحطون يمكن الخدامه في غياب اهل البيت تدخل حد

وعلى فكره وحده اعرفها تقول كانت جايبه خدامه اندنوسيه << ما اعرف اكتبها

تقول تسوي حق ولدها سندويش و مدري شو عشان تريقه الخدامه و اول ما ترجع رفيجتي تسالها ها ريقتي الولد

تقول لها الخدامه : اي ماما

عاد رفيجتي مركبه كيمرا و تروح تشغل الكيمرا الا الخدامه ماكله اكل الولد واذا قعد يصيح يبي ياكل تقص قطعه و تقطها بالارض عشان ياخذها الولد ياكلها

الواحد شو يقول غير حسبى الله ونعم الوكيل
بصمة قطرية
05-01-2012, 11:20 AM
بصراحة اخوي شبح ..
مع اللي يصير هالايام ..
و الجرايم اللي نسمع عنها في الفترة الاخيرة ..
يفضل وضع كاميرا مراقبة ..
بالذات للي عندهم أطفال صغار ..
قبل ما كنت احب فكرة الكاميرا ..
لكن الحين أؤيد الفكرة و بقوة ..
الحمدلله ما عندي أطفال صغار ..
و انا في البيت يعني مب محتاجة لها ..
اغلب قريباتي و صديقاتي حطوها ..
%حورية قطر%
05-01-2012, 11:20 AM
والله انا اؤيد ،، عالاقل لين جفنا شي نقلفعهم قبل فوات الاوان ،،
الله يكفينا شرهم
لاجئ عاطفي
05-01-2012, 11:21 AM
في الوضع الحالي انتشار العماله السائبة وانتشار معدل الجريمه من سرقة وغيره اصبح لابد من وجود كيمرات مراقبه داخل البيت وعند بوابة البيت وخصوصا داخل البيت في الصاله واماكن الجلوس اليوميه لمراقبه الخادمات .. فانا اتفق واؤيد بشدة ..
al-buainain
05-01-2012, 11:24 AM
اخوي / شبح الصمت

كلامك صحيح ولا عليه غبار انت وضعت احد الحلول

ولاكن

الحل الامثل انك ما اتخلي اعيالك مع الخدم في البيت لحالهم يعني اظهرت الام تاخذ الاعيال معاها

الاب ياخذ الابناء معاه

اتوقع هذا هو الحل الامثل

+

المعاملة الطيبة و عدم تحميلهم اشغال زيادة او امور بسيطه .

تحياتي لك يا الشيخ
بـــــــنت النوخـّــــذه
05-01-2012, 11:29 AM
خل الاهل يراقبون نفسهم مع عيالهم بالاول ولين شافو نفسهم مربيينهم عدل لاهياته ولا تسيب بعدها يفكرن بمراقبة الخدم ويركبون كاميرات 00

الله يحفظ الجميع
بصمة قطرية
05-01-2012, 11:31 AM
اخوي / شبح الصمت

كلامك صحيح ولا عليه غبار انت وضعت احد الحلول

ولاكن

الحل الامثل انك ما اتخلي اعيالك مع الخدم في البيت لحالهم يعني اظهرت الام تاخذ الاعيال معاها

الاب ياخذ الابناء معاه اتوقع هذا هو الحل الامثل

+

المعاملة الطيبة و عدم تحميلهم اشغال زيادة او امور بسيطه .

تحياتي لك يا الشيخ

اخوي صعبة في كل مكان ماخذين العيال معاهم ..
تسوق و لا مستشفى و لا عرس ..!!!!
و اذا كانت الأم موظفة ..!!!
فلوس
05-01-2012, 11:31 AM
شنو وين عايشيين في بيت ولا قاعده عسكريه
كامرات مراقبه وتجسس واكشن وحركات

الي تخاف على عيالها تقعد في بيتها وتهتم فيهم ماتتركهم للخدم
المرسى الأخير
05-01-2012, 11:32 AM
مؤيدة و بشدة

حتى لو البيت مافيه اطفال صغار..

الكاميرا بتخليني اعرف ايش تسوي الشغالة بغيابي خارج المنزل او اثناء الليل

و بالاخير الواحد ما ينسى يوميا يستودع الله على عياله و اهله و بيته


الله الحافظ
وتبقى الدنيا حلوه
05-01-2012, 11:33 AM
شنو وين عايشيين في بيت ولا قاعده عسكريه
كامرات مراقبه وتجسس واكشن وحركات

الي تخاف على عيالها تقعد في بيتها وتهتم فيهم ماتتركهم للخدم

اتفق معاك 100% بس لو كانت ارمله او مطلقه

مين بيصرف عليها وعلى عيالها
مضاربه
05-01-2012, 11:37 AM
شي ضروري الكاميرات سوى كان في اطفال والا مافي
شبح الصمت
05-01-2012, 11:40 AM
شاكر للجميع المؤيدين للكاميرات ..

والي معارضين ودي اعرف شنو الحل البديل !!


لانه صراحه خلاص ما بقى في امان اذا كل يوم نسمع عن هالخدم

واحد من ربعي ناس ملتزمين وناس ماشاء الله عليهم لو اشتغلت عندهم صعب انك تفارقهم

يقولي تصدق شبه يومياً اشم ريحة زقارة قريب حجرة الخدامات

اشوي يقول وتصيد لهم الا الخدم الي عندي يشربون زقارة !!

سؤال من جاب لهم هالزقارة طلع الدريول ..

شوف لين وين وصلت جراءاتهم !!!
Abdulraman
05-01-2012, 11:40 AM
انا ضد وضع الكيمرات داخل المنزل مهما كان البيت له حرمات والخدم لهم خصوصيه ومايصير تراقبهم في غرفهم وفي داخل البيت
وانصح وضع كيمرات لمدخل البيت من الخارج فقط يعني تعرف من يدخل ويخرج من البيت وهذا كفايه
المرسى الأخير
05-01-2012, 11:41 AM
اخوي صعبة في كل مكان ماخذين العيال معاهم ..
تسوق و لا مستشفى و لا عرس ..!!!!
و اذا كانت الأم موظفة ..!!!

:(

صادقة اختي..صعبة نجرجرهم معانا بكل مكان

بالنسبة للموظفة اذا كانوا عيالها اصغر من سن المدرسة.. افضل تسجلهم بحضانة او توديهم عند احد من الاهل ولا انها تخليه بروحه مع الشغالة في البيت حتى لو كانت في كاميرات

بالله الشغالة سوت شي بالولد و شردت..اي عقوبة وقتها بترقع الضرر الي سار (بعيد الشر)


كل الموضوع نحتاج قوانين رادعة صارمة..و شرورهم بتخف علينا بإذن الله
intesar
05-01-2012, 11:42 AM
نعم أؤيد
بصمة قطرية
05-01-2012, 11:42 AM
شاكر للجميع المؤيدين للكاميرات ..

والي معارضين ودي اعرف شنو الحل البديل !!


لانه صراحه خلاص ما بقى في امان اذا كل يوم نسمع عن هالخدم

واحد من ربعي ناس ملتزمين وناس ماشاء الله عليهم لو اشتغلت عندهم صعب انك تفارقهم

يقولي تصدق شبه يومياً اشم ريحة زقارة قريب حجرة الخدامات

اشوي يقول وتصيد لهم الا الخدم الي عندي يشربون زقارة !!

سؤال من جاب لهم هالزقارة طلع الدريول ..

شوف لين وين وصلت جراءاتهم !!!

اخوي شبح ..
وصلت لأكثر من جذي ..
الواحد صار يخاف من بلاويهم ومشاكلهم ..
والله سوالف يشيب منها الراس ..
الله يكفينا شرهم ..
و يحفظ عيالنا ..
بصمة قطرية
05-01-2012, 11:47 AM
:(

صادقة اختي..صعبة نجرجرهم معانا بكل مكان

بالنسبة للموظفة اذا كانوا عيالها اصغر من سن المدرسة.. افضل تسجلهم بحضانة او توديهم عند احد من الاهل ولا انها تخليه بروحه مع الشغالة في البيت حتى لو كانت في كاميرات

بالله الشغالة سوت شي بالولد و شردت..اي عقوبة وقتها بترقع الضرر الي سار (بعيد الشر)


كل الموضوع نحتاج قوانين رادعة صارمة..و شرورهم بتخف علينا بإذن الله

هاي المشكلة ..
مافي قوانين وعقوبات صارمة ..
صارت كثير ان الطفل انترك لحاله في البيت و هربت الخادمة ..
والعيال افضل مكان لهم البيت ..
بالذات لما يكون رضيع طلعة الصبح و تغيير الجو عليه يمرضه ..
المفروض الأم اجازتها ست شهور لين يكبر شوي الولد ..
في امهات مساكين شهرين وتترك الطفل في البيت و تداوم ..
لحد يقول ما في داعي تشتغل ..
محد عارف بظروفها ..
و الحياة الحين جداً غالية ..
و لازم الأم والأب يشتغلون عشان يغطون المصاريف ..

بجد معاناة الله يعين كل أم عندها طفل صغير ..
al saad
05-01-2012, 11:54 AM
نعم ايد 100%
انا امركب 25 كامرة في البيت اتغطي كل الحوش والمداخل البيت والمطبخ ومواقف السيارات وعند خزانات الماء لني شفت العجب
الحذر احسن من الندم

ولاحد يعلق بغير منطق
انا بيتي انسرق والشرطه ماسويت شي والخدامات حفلات في البيت وناس داخلين وطالعين ويوم اشتكيت مالي حق عليهم يقولون حريه شخصيه في يوم اجازتها!!!!!
وتبقى الدنيا حلوه
05-01-2012, 12:01 PM
نعم ايد 100%
انا امركب 25 كامرة في البيت اتغطي كل الحوش والمداخل البيت والمطبخ ومواقف السيارات وعند خزانات الماء لني شفت العجب
الحذر احسن من الندم

ولاحد يعلق بغير منطق
انا بيتي انسرق والشرطه ماسويت شي والخدامات حفلات في البيت وناس داخلين وطالعين ويوم اشتكيت مالي حق عليهم يقولون حريه شخصيه في يوم اجازتها!!!!!

مشاء الله

ما الومك والله وبالذات ان محد جاب لك حقك
تحداني
05-01-2012, 12:06 PM
الحمد لله بيتنا أمان 100% الوالده قايمه بالواجب
وكل المفاتيح عندها .. والخادمات مستحيل يشبرون حوش البيت بدون نظرها
وفي الليل البيبان تنقل لانها تقوم اول وحده


في النهار بيتنا ما يخلي .. الباب الاول للبيت عند مجلس الشباب
والباب الثاني للبيت تحت امر الوالده .. وباب الحوش لا يفتح الا من خلال الانتركوم الداخلي


الكاميرات تنحط في اماكن عامه
وليس لبيت فيه حرمات ونساء ورجال



جملك الله برضاه
المدريدي
05-01-2012, 12:08 PM
صحيح كلامك وحنا مركبين وحده امام المدخل الرئيسي ولكن ايضا يحبذ تركب داخل البيت
بالذات الغرفة الي تجلس فيها الخادمة مع الاطفال
المرسى الأخير
05-01-2012, 12:11 PM
هاي المشكلة ..
مافي قوانين وعقوبات صارمة ..
صارت كثير ان الطفل انترك لحاله في البيت و هربت الخادمة ..
والعيال افضل مكان لهم البيت ..
بالذات لما يكون رضيع طلعة الصبح و تغيير الجو عليه يمرضه ..
المفروض الأم اجازتها ست شهور لين يكبر شوي الولد ..
في امهات مساكين شهرين وتترك الطفل في البيت و تداوم ..
لحد يقول ما في داعي تشتغل ..
محد عارف بظروفها ..و الحياة الحين جداً غالية ..
و لازم الأم والأب يشتغلون عشان يغطون المصاريف ..

بجد معاناة الله يعين كل أم عندها طفل صغير ..


شفتي كيف والله فديتنا احنا الامهات القطريات نعاني (بصمت) :cry2:..و مافيه قوانين تنصفنا احنا الامهات اسوة بالدول المتقدمة

الامور جدا متشابكة فبعض..وكل بلوة تجر وراها بلوة ثانية.. والله المستعان

لو اصحاب الشأن يحلون المشكلة من الجذور و يرتبون امور (الاسرة القطرية) من قوانين و ساعات عمل و دوامات المدارس و حضانات بالدوامات و اجازات امومة (فعالة) و يعطون فرصة للأم و الأب انهم يتفرغون اكثر عشان يشوفون متطلبات الاسرة من الناحية النفسية و التربوية و حتى شغل البيت العادي..صدقيني بيقل اعتمادنا على هالافة الضارة

الله يحفظ لنا عيالنا و بيوتنا و يجعل حيلهم بينهم هالخدم
المرسى الأخير
05-01-2012, 12:17 PM
نعم ايد 100%
انا امركب 25 كامرة في البيت اتغطي كل الحوش والمداخل البيت والمطبخ ومواقف السيارات وعند خزانات الماء لني شفت العجب
الحذر احسن من الندم

ولاحد يعلق بغير منطق
انا بيتي انسرق والشرطه ماسويت شي والخدامات حفلات في البيت وناس داخلين وطالعين ويوم اشتكيت مالي حق عليهم يقولون حريه شخصيه في يوم اجازتها!!!!!


الله يعوضك خير باللي انسرق اخوي

صج هذا الي يقهر..لما تروح تلتجأ للشرطة و ما يبردون قلبك و يردون لك اعتبارك

عشان جذي الواحد يلجأ لهالامور الي ما يتقبلها بالاساس..بس الواحد يضطر يطبقها حماية لبيته و اهل بيته بعد الاستعانة بالله
الخـود
05-01-2012, 01:41 PM
أأيد .. وتكون الكاميرا واضحة ,, مب مخفية .. حتى اعرف ناس حاطين هالكاميرات بشكل واضح بس ساعات ما يشغلونها .. من باب تخويف الخدم ..

شكرا
بوحمد111
05-01-2012, 01:43 PM
في الوقت الحاضر الكيمرات اعتبرها جزء من البيت حالها حال الجوال اللي محد يقدر يستغني عنه وبوجود الكيمرات داخل وخارج البيت رادع قوي للي يبي يلف ويدور وانا ولله الحمد ركبت في بيتي ثمان كيمرات مع تسجيل وبكل امانه حاطهم احتياط فيما لو حصل شي عندي الدليل اللي استند عليه

بس المشكلة في التركيب والتوريد السعر المبالغ فيه

تحياتي
فيزيائية
05-01-2012, 03:26 PM
طبعاً أؤيد لأني بكل بساطة حاطتها في بيتي بالرغم من اني ماشتغل
والخدامات لايختلون باطفالي الصغار الا ان وجودها مفيد....
وطبعا الشغالات يدرون بوجودها لان مايجوز وضع كاميرا دون اعلام الموجودين...
طبعا بتسألون شنو الفايدة ؟؟
الفايدة لو فكرت تسوي شي تسويه بره بيتي...
وهالشي افهمه لهم اني اهتم بحمايتهم مثل حماية عيالي وبيتي
ومع كثرة السرقات الخارجية والتربص للبيوت
اعتقد ان اللي يشوف كاميرا معلقة خارج البيت مايفكر يدش ويبوق
الله يعطينا خير هالدنيا ويكفينا شرها
ويحفظ عيالنا وبيوتنا من كل سوء
السحابة
08-01-2012, 03:09 AM
أؤيد بشدة
فرحة ايامي
08-01-2012, 05:15 AM
صباح الخير

نعم اوافق على وضع كاميرات في المنزل سأعود للسبب لا حقاً شكرا لك أخي شبح الصمت
تاجر كشخة
08-01-2012, 07:25 AM
هو يالشيخ الصمت المفروض الواحد يحط كاميرات كزينه لتخويفهم لا أكثر ويفضل انه ينحطون قبل استقدام الخدم لانه وضعهم بشكل مفاجيء للخدم قد يحصل نوع من عدم الثقة بن الخادم ومخدومه
تاجر كشخة
08-01-2012, 07:27 AM
طبعاً أؤيد لأني بكل بساطة حاطتها في بيتي بالرغم من اني ماشتغل
والخدامات لايختلون باطفالي الصغار الا ان وجودها مفيد....
وطبعا الشغالات يدرون بوجودها لان مايجوز وضع كاميرا دون اعلام الموجودين...
طبعا بتسألون شنو الفايدة ؟؟
الفايدة لو فكرت تسوي شي تسويه بره بيتي...
وهالشي افهمه لهم اني اهتم بحمايتهم مثل حماية عيالي وبيتي
ومع كثرة السرقات الخارجية والتربص للبيوت
اعتقد ان اللي يشوف كاميرا معلقة خارج البيت مايفكر يدش ويبوق
الله يعطينا خير هالدنيا ويكفينا شرها
ويحفظ عيالنا وبيوتنا من كل سوء

كلام جميل وان دل يدل على تفتح عقلك :)
شبح الصمت
08-01-2012, 08:13 AM
صباحكم نور وسرور

كثيرة الردود

وشاكر لكم المشاركة

ولكن مثل ما تطرق بعض الاخوه عند تواجد الاهل فالبيت اقفال بعض الكاميرات وعند الخروج تشغيلها للحيطه وهذا الشيء ضروري ..

يجب ان يكون في تخويف
يجب ان يكون في تخويف

مثال الحين لو انا حطيت خزينه وهالخزينه تكرمون حواليها خلنا نقول اسياخ وكلاب بوليسيه ( تكرمون ) هل راح يفكر الحرامي انه يدخل او انه راح يتردد مليون مره ..

هنا المقصد التخويف التخويف
بوخالد911
08-01-2012, 09:15 AM
نعم

صوب الخادمة وغرفة السائق
أين الحل ؟
08-01-2012, 09:17 AM
السلام عليكم
سهاير
08-01-2012, 12:59 PM
بالتاكيد مؤيد للكاميرا

بس دلوني على محل كاميرات رخيصه وجيدة
بـومحمد
08-01-2012, 01:02 PM
مـــــــع وبقوه
شبح الصمت
09-01-2012, 07:40 AM
السلام عليكم

وعليكم السـلام ورحمة الله وبركاته ،،



بالتاكيد مؤيد للكاميرا

بس دلوني على محل كاميرات رخيصه وجيدة

ما ادل ياخوي وان شاء الله يفيدونك الربع

لانه والحمد لله ما عندي غير خدامه والحمد لله والشكر

الله رزقنا فيها وزينه


مـــــــع وبقوه


الله يقدم الي فيه الخير

والحيطه والحذر واجب واجب واجب

والله يحفظ أهل قطر جميـع من شر وكيد شرور النفوس ومرضها ..

اللهم آآمين
رايق البال x
09-01-2012, 07:53 AM
انا مركب كيمرا في بيتي ومرتاح ,
حتى لو ماشغلها كفاية الخدم يعرفون ان فيه احد يراقبهم واذا يبون يسوون مصيبة يسسونها برا البيت ماعندي مانع اهم شي هلي وعيالي
شبح الصمت
09-01-2012, 07:58 AM
انا مركب كيمرا في بيتي ومرتاح ,
حتى لو ماشغلها كفاية الخدم يعرفون ان فيه احد يراقبهم واذا يبون يسوون مصيبة يسسونها برا البيت ماعندي مانع اهم شي هلي وعيالي




الله يعطيك العافيه

هل اخوي تشغلها قولنا اشلون تعاملك مع الكاميرا اشلون تشبكها مع التلفون او لها وضع خاص يعني شاشه خاصة ووين حاطها وهل نفعت معاك والحمد لله

ما قد مره صادك موقف شيء وهل استفدت منها

نبي مشاركاتك من الاشخاص الي عندهم يفيدونا اشلون من ركبوها لين الحين اشلون اوضاعهم الامنية داخل البيت ..

لو تكرمت تثري الموضوع
الغلااا
09-01-2012, 08:23 AM
مع تركيب الكاميرا وبقوة مركبة في بيتي ويدرون عنها الشغالات
شبح الصمت
09-01-2012, 08:25 AM
مع تركيب الكاميرا وبقوة مركبة في بيتي ويدرون عنها الشغالات



الله يعطيج العافيه اختي الغلا

قولي لنا اشلون تقبلهم اشلون تحركاتهم هل تشغلينها دايم

نبي نعرف نبي نوعي الناس لاستخدامها اشلون ومتى وكيف

ولا عليج امر طلب وإلا هو بآمر تقولون لنا فايدتها من ركبتوا لغاية اليوم !!
الرويـس
09-01-2012, 09:40 AM
ما أيد

ما يصير نعالج الخطا بخطأ آخر
شبح الصمت
09-01-2012, 10:03 AM
ما أيد

ما يصير نعالج الخطا بخطأ آخر



وين الخطأ يالرويس

اني خايف على هلي خطأ !!!

غريب امرك قولنا انزين حل يغنينا عن موضوع الكاميرا !!!!
الرويـس
09-01-2012, 10:11 AM
وين الخطأ يالرويس

اني خايف على هلي خطأ !!!

غريب امرك قولنا انزين حل يغنينا عن موضوع الكاميرا !!!!

ماغريب الا الشيطان ياخوي
وكون اني طرحت وجهة نظر فهذا لا يعني اني قسوت على احد

وبعدين اذا تبي تسمع الغرابه بعينها .. يوم انك خايف على هلك ليش تسلمهم لايدي غريبة !!!!


المشكلة ان في معادلة محد راضي يقتنع فيها لاسباب
المعادلة تقول : المره تبي وظيفة تبي دخل مادي تبي سيارة في المقابل عليها انها تضحي بفقد اوقات مهمه من الاسلم جدلا انها تقضيها في رعاية من هم تحتها

لحد يقول انت ضد عمل المراة او ضد السيارة
انا اتكلم في حالات ان من هم تحت رعياتك محتاجين لوجود حقيقي لارباب المنزل

عرفت الحين وين خطأك ؟
الرويـس
09-01-2012, 10:14 AM
نسيت أسال .. ليش زعلت من رأيي ؟
كون انك وضعت حل فهذا لا يعني انه هو الحل اللي مافي غيره واللي يستدعي انك تحنق عليه

انت بالاخر تبي حل سواء كاميرا او قمره
تحداني
09-01-2012, 10:18 AM
المعادلة تقول : المره تبي وظيفة تبي دخل مادي تبي سيارة في المقابل عليها انها تضحي بفقد اوقات مهمه من الاسلم جدلا انها تقضيها في رعاية من هم تحتها




بس يا اخوي الرويس في معادله ثانيه بالمقابل تقول : ضيق الحال وقصر اليد وقسوه الظروف تجبرها على العمل " للبعض " هنا كيف يتم التعامل مع قلق المرأه على فلذات اكبادها ؟؟
او كيف يتم التعامل مع موظفه لا احد لديها يداري اعيالها غير الغريب ؟؟



جملك الله برضاه
رجوان
09-01-2012, 10:21 AM
هاي المشكلة ..
مافي قوانين وعقوبات صارمة ..
صارت كثير ان الطفل انترك لحاله في البيت و هربت الخادمة ..
والعيال افضل مكان لهم البيت ..
بالذات لما يكون رضيع طلعة الصبح و تغيير الجو عليه يمرضه ..
المفروض الأم اجازتها ست شهور لين يكبر شوي الولد ..
في امهات مساكين شهرين وتترك الطفل في البيت و تداوم ..
لحد يقول ما في داعي تشتغل ..
محد عارف بظروفها ..
و الحياة الحين جداً غالية ..
و لازم الأم والأب يشتغلون عشان يغطون المصاريف ..

بجد معاناة الله يعين كل أم عندها طفل صغير ..
صح لسانج كل الي ابي اقوله ذكرتيه :nice::nice::nice:
رجوان
09-01-2012, 10:24 AM
الحمد لله بيتنا أمان 100% الوالده قايمه بالواجب
وكل المفاتيح عندها .. والخادمات مستحيل يشبرون حوش البيت بدون نظرها
وفي الليل البيبان تنقل لانها تقوم اول وحده


في النهار بيتنا ما يخلي .. الباب الاول للبيت عند مجلس الشباب
والباب الثاني للبيت تحت امر الوالده .. وباب الحوش لا يفتح الا من خلال الانتركوم الداخلي


الكاميرات تنحط في اماكن عامه
وليس لبيت فيه حرمات ونساء ورجال



جملك الله برضاه

والي ساكنه في بيت بروحها وماعندها حد يشوف لها الياهال شتسوي!!!؟؟؟
تحداني
09-01-2012, 10:30 AM
والي ساكنه في بيت بروحها وماعندها حد يشوف لها الياهال شتسوي!!!؟؟؟


nice::nice::nice:




عشان جذي يا اخوي كتبت هالمداخله السابقه المقتبسه ..
لان لو كانت اموري طيبه في ناس لا وعندهم ظروف ..






بس يا اخوي الرويس في معادله ثانيه بالمقابل تقول : ضيق الحال وقصر اليد وقسوه الظروف تجبرها على العمل " للبعض " هنا كيف يتم التعامل مع قلق المرأه على فلذات اكبادها ؟؟
او كيف يتم التعامل مع موظفه لا احد لديها يداري اعيالها غير الغريب ؟؟



جملك الله برضاه
al saad
09-01-2012, 10:34 AM
الله يعوضك خير باللي انسرق اخوي

صج هذا الي يقهر..لما تروح تلتجأ للشرطة و ما يبردون قلبك و يردون لك اعتبارك

عشان جذي الواحد يلجأ لهالامور الي ما يتقبلها بالاساس..بس الواحد يضطر يطبقها حماية لبيته و اهل بيته بعد الاستعانة بالله

الشيخ الانسرق يتعوض بس القهر انه حد دخل البيت واحس فيه على راحته والشرطه خذت بصمات وقال اذا حصلناه بنتصل الكلام من سنه ولا شفنا شي
اشلوا اتحس بالامان والحرامي حر ويمكن يمر على البيت كل يوم ولا تعرفه

الله الحافظ
شبح الصمت
09-01-2012, 10:38 AM
ماغريب الا الشيطان ياخوي
وكون اني طرحت وجهة نظر فهذا لا يعني اني قسوت على احد

وبعدين اذا تبي تسمع الغرابه بعينها .. يوم انك خايف على هلك ليش تسلمهم لايدي غريبة !!!!


المشكلة ان في معادلة محد راضي يقتنع فيها لاسباب
المعادلة تقول : المره تبي وظيفة تبي دخل مادي تبي سيارة في المقابل عليها انها تضحي بفقد اوقات مهمه من الاسلم جدلا انها تقضيها في رعاية من هم تحتها

لحد يقول انت ضد عمل المراة او ضد السيارة
انا اتكلم في حالات ان من هم تحت رعياتك محتاجين لوجود حقيقي لارباب المنزل

عرفت الحين وين خطأك ؟


نسيت أسال .. ليش زعلت من رأيي ؟
كون انك وضعت حل فهذا لا يعني انه هو الحل اللي مافي غيره واللي يستدعي انك تحنق عليه

انت بالاخر تبي حل سواء كاميرا او قمره



تصدق اني لا بزعلان ولا شيء

بس انت شكلك اليوم احد مزعلك

المهم ما علينا ان شاء الله تكون مبتسم وانت تقرأ كلامي

وليش الكاميرا اهي بس للخدم والا تخدم أمور أخرى

وعن الحريم انها تجلس في بيتها فرضا حياتهم المعيشيه مهب اوكي ويبون عيالهم يطلعون احسن منهم ويكافحون ..

هل هو خطأ

ولو ما كان في اخوات يعملون هل تتوقع انه المجتمع راح يكتمل من دونهم ..
al saad
09-01-2012, 10:38 AM
ترى فكرة تركيب الكاميرات مب شرط انه اتراقب الخدم انا شرحت لهم انه لحمايتهم من اي حرامي يدخل البيت او اذا صار هوشه ولا حد غلط على حد الكامرة هي الحكم وهم تقبلها لنها في مصلحتهم
ام السعف
09-01-2012, 10:44 AM
ما ادري ،،

مرات اقول انحطها انخوف فيه الخدامة ،، ومرات كثيرة اقول لا
وربنا الحافظ ،، في الأخير لو بو العيال طق في راسه ركب ما نقدر
نقول له لا دام انه يبي يركب ،

فالموضوع بشكل عام بيكون راجع له ،، واحنا عناصر محايدة في الموضوع،،

لذلك اشوف كل حسب ظروفه يقرر ان كان بحاجة لها او لا ،،
وربنا يستر من اللي بيتسجل من خلال هالكاميرات ،،
شبح الصمت
09-01-2012, 10:46 AM
ترى فكرة تركيب الكاميرات مب شرط انه اتراقب الخدم انا شرحت لهم انه لحمايتهم من اي حرامي يدخل البيت او اذا صار هوشه ولا حد غلط على حد الكامرة هي الحكم وهم تقبلها لنها في مصلحتهم


ما ادري ،،

مرات اقول انحطها انخوف فيه الخدامة ،، ومرات كثيرة اقول لا
وربنا الحافظ ،، في الأخير لو بو العيال طق في راسه ركب ما نقدر
نقول له لا دام انه يبي يركب ،

فالموضوع بشكل عام بيكون راجع له ،، واحنا عناصر محايدة في الموضوع،،

لذلك اشوف كل حسب ظروفه يقرر ان كان بحاجة لها او لا ،،
وربنا يستر من اللي بيتسجل من خلال هالكاميرات ،،


السالفه فيها آمان وتخويف

صدقوني مب عشان شيء الواحد يكون مرتاح مرتاح

اصلا لو انا مريت على بيت وانا انسان عادي بشوف كاميرا هل راح اسوي حركة او تسول لي نفسي اني استعبط .. َ!!!
ام السعف
09-01-2012, 10:52 AM
الشبح ،، اللي يبي يبوق ما تردعه الكاميرات ،، واللي يبي يدخل البيوت يحصل منافذ
ومساعدة من اللي في البيت لو قدموا له الدعم اللوجتسي ،،

ما اتشوف مرات كثيرة في الأفلام اشلون يبوقون بيوت مدحوبة كاميرات مراقبة
:d
الرويـس
09-01-2012, 10:53 AM
تصدق اني لا بزعلان ولا شيء

بس انت شكلك اليوم احد مزعلك

المهم ما علينا ان شاء الله تكون مبتسم وانت تقرأ كلامي

وليش الكاميرا اهي بس للخدم والا تخدم أمور أخرى

وعن الحريم انها تجلس في بيتها فرضا حياتهم المعيشيه مهب اوكي ويبون عيالهم يطلعون احسن منهم ويكافحون ..

هل هو خطأ

ولو ما كان في اخوات يعملون هل تتوقع انه المجتمع راح يكتمل من دونهم ..

ببتسم
الرويـس
09-01-2012, 10:54 AM
الشبح ،، اللي يبي يبوق ما تردعه الكاميرات ،، واللي يبي يدخل البيوت يحصل منافذ
ومساعدة من اللي في البيت لو قدموا له الدعم اللوجتسي ،،

ما اتشوف مرات كثيرة في الأفلام اشلون يبوقون بيوت مدحوبة كاميرات مراقبة
:d

والشاهد Little Spies
شبح الصمت
09-01-2012, 10:55 AM
الشبح ،، اللي يبي يبوق ما تردعه الكاميرات ،، واللي يبي يدخل البيوت يحصل منافذ
ومساعدة من اللي في البيت لو قدموا له الدعم اللوجتسي ،،

ما اتشوف مرات كثيرة في الأفلام اشلون يبوقون بيوت مدحوبة كاميرات مراقبة
:d

هههههههههههاي

عاد توقعين حراميتهم نفس حراميتنا

تصدقين انه اغلب هالافلام انها تحرض للسرقة



ببتسم


:)

يا جعلها ما تفارق شفاتك

:)
ام السعف
09-01-2012, 10:59 AM
ببتسم

هه هه هه
:(


والشاهد Little Spies

:(

هههههههههههاي

عاد توقعين حراميتهم نفس حراميتنا

تصدقين انه اغلب هالافلام انها تحرض للسرقة



:)

ادري ادري

محد علمنا على الغلط الا هم :telephone:
الرويـس
09-01-2012, 11:00 AM
هههههههههههاي

عاد توقعين حراميتهم نفس حراميتنا

تصدقين انه اغلب هالافلام انها تحرض للسرقة




شفت شلون ؟

والدليل تصريح شريف مقاطعة امريكية ان في احد الافلام كان سبب رئيسي بتطبيق خطططه بالواقع .. عاد تعال يوم الواحد يبوق بيت والبيت تحصله ملغم كاميرات .. انجاز وعادي يسمي نفسه ( كايدهم)
:(
شبح الصمت
09-01-2012, 11:01 AM
هه هه هه
:(



:(


ادري ادري

محد علمنا على الغلط الا هم :telephone:


شفت شلون ؟

والدليل تصريح شريف مقاطعة امريكية ان في احد الافلام كان سبب رئيسي بتطبيق خطططه بالواقع .. عاد تعال يوم الواحد يبوق بيت والبيت تحصله ملغم كاميرات .. انجاز وعادي يسمي نفسه ( كايدهم)
:(



في الاول والاخير

وعشان ما نطلع من مسار موضوعنا

الحمد لله على نعمة الامن والامان عندنا

ولكن الكاميرات للخدم لأنه بعضهم صراحة ما ينعطون وجه اهنيه المقصد ..
بونـ ايف
09-01-2012, 11:16 AM
انا غير مؤيد للكيمرة داخل البيت
ثانيا :- والأهم
ولكن الشئ اللي نبي نعرفة هل الخدامة لها دخل في تربية الاولاد ؟؟؟؟؟
للاسف صارت الخادمة هي الام في هذي الايام
خاصة للاطفال اللي من يوم وعى على الدنيا وهو يشوف هالخدامة قدامة هي اللي تاكله وهي اللي تشربة واذا مرض تروح معاه المستشفى لا ومراات تدرسه ... الخ غير اعمالها المنزلية يعني ماشاء الله خداامة فل ابشن خخخخ
وللعلم ترى في امهاات تغار من الخدامة لان الطفل لما امه تجي من الشغل يستقبلها ببرود شئ عادي متعود انها كل يوم تطلع وتعود البيت لاكن اذا راحت الخدامة تلاقيه قالب البيت ويبكي وامكن مايشتهي ياكل وامول ماتجي الخامة يستانس ويفرح لا ويقولها ماما بعد:secret::eek5:

بصراحة كم واحده تقول حق خدامتها
ميري : نومي فهودي
ميري : شوفي فهودي وش فيه يبكي
ميري : تعالي روشي فهودي .. أكليه .. شربيه........
ميري .. ميري .. ميري ..........
كثيـــــــر من الأمهات قد تخلت عن حق الأمومه إلى الخـادمات
وكأن احساس الأمومة .. الحب .. الحنان .. العطف .. ( الأمومي ) يشترى بالريالات
في الاخير الخادمة او الشغالة مثل النار لها فوائد ولها مضار
شبح الصمت
09-01-2012, 02:42 PM
انا غير مؤيد للكيمرة داخل البيت
ثانيا :- والأهم
ولكن الشئ اللي نبي نعرفة هل الخدامة لها دخل في تربية الاولاد ؟؟؟؟؟
للاسف صارت الخادمة هي الام في هذي الايام
خاصة للاطفال اللي من يوم وعى على الدنيا وهو يشوف هالخدامة قدامة هي اللي تاكله وهي اللي تشربة واذا مرض تروح معاه المستشفى لا ومراات تدرسه ... الخ غير اعمالها المنزلية يعني ماشاء الله خداامة فل ابشن خخخخ
وللعلم ترى في امهاات تغار من الخدامة لان الطفل لما امه تجي من الشغل يستقبلها ببرود شئ عادي متعود انها كل يوم تطلع وتعود البيت لاكن اذا راحت الخدامة تلاقيه قالب البيت ويبكي وامكن مايشتهي ياكل وامول ماتجي الخامة يستانس ويفرح لا ويقولها ماما بعد:secret::eek5:

بصراحة كم واحده تقول حق خدامتها
ميري : نومي فهودي
ميري : شوفي فهودي وش فيه يبكي
ميري : تعالي روشي فهودي .. أكليه .. شربيه........
ميري .. ميري .. ميري ..........
كثيـــــــر من الأمهات قد تخلت عن حق الأمومه إلى الخـادمات
وكأن احساس الأمومة .. الحب .. الحنان .. العطف .. ( الأمومي ) يشترى بالريالات
في الاخير الخادمة او الشغالة مثل النار لها فوائد ولها مضار



الله يعطيك العافيه بونايف

بس خلنا من الخدمات واليهال وتعلقهم فيهم

احنا نتكلم عن الامن داخل البيت وخارجه ..

نبي شيء يخوفهم ويحسون انهم مراقبين عشان خلاص تدري انها اي غلطه بتسجل
امـ حمد
09-01-2012, 03:15 PM
وانا أؤيد وضع كميرات وبشده من كثر جرائم الخدم