ضروري يا شباب محتار وابي نصيحتكم

[البحار00]

ارجو الإفادة

بخصوص ايل القير والدفرنشات والدبل

موتري كروزر 2006 قير عادي ماشي 150 الف 6 سلندر

هل ضروري أغير ايل القير والدفرنشات والدبل ؟؟؟



لأني بيني وبينكم محتار

ناس تقول ضروري تبدله لانه مع الزمن الأيل يصير مافيه لزوجة


وناس تقول حاسب لاتبدله لانك لو بدلته ممكن تصير لك مشاكل او صوت ونه

بالكرونه بس شيك على كل الزيوت الناقص فيهم زيده بدون ماتبدله


وانا محتار صراحه ابي شوركم علي *

[ولد المنصور]

انا مع الراي الثاني لاتبدل بس زيد اذاناقص ... لاتفكر نهايئا تفتح كبسه الوكاله .

[vtc-4800]

وانا بعد مع الراي الثاني لو ناقص زيده بس

[abdellatif]

مرحبا اخوي

انا بعد مع الراي الثاني بس شيك عليه اذا يبي زيدة زيده نصيحه من مجرب

القير العادي مايبيله علشان مافيه فلتر

تقبل تحياتي

[Aaziz]

الراي الثاني بدون تردد و السبب

طال عمرك لو انك من شريت الموتر جديد او مستعمل ماشي شوي و بدلت هذي الزيوت و الموتر ماشي ٣٠ مثلا و كل ٣٠ الف تبدلها هنا ماراح تصير مشاكل .. لانك بتغير الزيوت و هي للحين محافظه على مستوى لزوجه مقارب لمستوى لزوجه الزيت الجديد .

فا بما انك ماغيرت للحين افضل شي انك تزيد الايل اذا ناقص .. عشان مايصير فرق كبير بين الايل الي ماشي ١٦٠ (يكون ايل خفيف طبها) و الايل الجديد .

و المشاكل الي ممكن تصير بعيد الشر هي ونه كارونه و تهريب في الزيوت

الله يوفقك و يعطيك خير موترك و يكفيك شره

[المبرمج صلاح]

سبحان الله العظيم سبحان الله وبمحمده
بالتوفيق ان شاء الله

[@north_star@]

طبعا الراي الثاني لانه زيت الكرونة مال الوكالة المفروض ما يتبدل بس ينزاد اذا نقص وما عندك مشكلة بتبديل زيت وفلتر الجير كل 30الف كيلو تقريبا