القطرية 4200 ريال .. الاماراتية 3100 ريال ... الاتحاد 2300

[البدع]

قررت اسافر قبل 3 اسابيع

وطلبت من مكتب السفريات يشوف لي تذكرة

وهذي النتائج من مكتب السفريات لرحلة الى نفس البلد في نفس اليوم وكلهم ترانزيت باستثناء القطرية

القطرية 4200 ريال ..

الاماراتية 3100 ريال ...

الاتحاد 2300 ريال ...

والحكم لكم انتم

والله يشهد على ماكتبت

[بوطويشم]

السلام عليكم

القطرية من النوع الي تقول اشتر راحتك بدل الترانزيت

بالتوفيق

[captin]

نصيحتي لك الإتحاد
بعد ما تتأكد من وقت الترانزيت في مطار أبوظبي

لأن الإتحاد طيران راقي جدا
وأنا شخصيا جربته مرة إلى لندن ومرة القاهرة

[rashid-1]

أنا أشوف السعر منطقي لأنك ماراح تنتظر و تتشحطط في مطار دبي وأبوظبي والترانزيت هو السبب في أن سعر التذكرة أقل

حط فلوسك في الشمس وأقعد في الظل والفرقيه اللي تعتقد أنك بتوفرها بتصرفها في المطار ياعلى مطعم او بالسوق الحره

[ريتويت]

نصيحتي لك الإتحاد
بعد ما تتأكد من وقت الترانزيت في مطار أبوظبي

لأن الإتحاد طيران راقي جدا
وأنا شخصيا جربته مرة إلى لندن ومرة القاهرة

:victory::victory::victory:

[بوجبر]

اسافر ع القطرية ولا اتشحطط وابدل طائرة وانتظر ساعات...

والرحلة والمباشرة اغلى من الرحلة الغير مباشرة وهاشي معروف !!!

الدفع ولا البهدلة ’’

[vipqtr]

والله توني امس اسأل عن تذكرة دوحة بانكوك دوحة القطرية ب3300 وشي والاتحاد 2300 وشي..
والله يشهد على ماكتبت

[بو الجوري]

أولا بالسلامـه إن شاء الله :)

ثانياً الفرق بين القطريه و الإتحاد 1900 ريال
مب شوي الصراحـه ، خاصه لو لعائلـه :..

يعني لو الترانزيت أقل من 3ساعات ،،
توكل على الله و روح عالإتحاد :..


أنا عن نفسي أحب الترانزيت اللي يكون بوساعتين أو 3 :..

خاصه إذا فرق السعر فوق الـ 1000

لكـن لـو الفرق حول الـ500 ريال بروح عالقطريه :secret:
خاصه إذا عندك يهال :.. الترانزيت متعب

[للصبر اخر]

الاتحاد كثير ارخص من القطريه
الترانزيت متعب لو كان اكثر من 4 ساعات
بالسلامه

[بومحمد المطاوعه]

الله المستعان

ولا نشوف شي من الجهات المختصه

لردع هالشيء ف الدوله

والله قهر

[تمون]

روح على الاتحاد ترانزيت ساعه فالروحه و الرده ساعتين مطار ابوظبي اصلا مابتحس بالترانزيت وانت تتسوق وتاكل شوي ولا منادينك

[مشتاقة لقطر]

امممممم

انا مع اني ما احب القطرية مع ان لي عضوية عندهم ..

بس باقول لكم تجربتي انصافا لهم

انا بالامارات مستقرة فجات في بالي سفرة لتايلاند

فجاة لازم ثاني يوم او اللي بعده اروح قبل رمضان ..

شيكت مع الاتحاد الشخص 6000 درهم شي خيالي بالنسبة لتايلاند ؟؟؟ يعني شخصين 12 الف ؟؟؟؟؟؟؟

رحت شكيت عالقطرية حجزت من النت شخصين 6300 تقريبا .. وكان الترانزيت في العودة عذاااااب كنت سهرانة .. والترانزيت ساعتين حسيتهم سنة ..

قال زوجي توبة مرة ثانية ترانزيت .. دايركت وبسسسسس

[كازانوفا]

توكل على الله باللى تشوف نفسك مرتاح فيهااا
وخلي عنك ايش بتوفر وايش بتصرف

[ريآنه]

لحق واحجز لاني سمعت بيرفعون اسعار التذاكر مرة ثانيه بسبب مشكله في اوروبا
والله اعلم

[ابو شادن]

في معلومه لازم نعرفها قبل لانحكم ... لو انت طالع دوحه لندن دوحه مثلا او دوحه ابوظبي لندن , دائما بتكون ارخص لانك مو طالع من الامارات دايركت بل ترانزيت .. والاسعار تكون ارخص لجلب الزباين ,, وانا متاكد لو تحجز ابوظبي لندن ابوظبي راح تلقاها بنفس السعر او ارخص شوي ,, مو حول ال 2000 بيكون الفرق ...
اتمنى وصلت الفكره

[العنود55]

نصيحتي لك الإتحاد
بعد ما تتأكد من وقت الترانزيت في مطار أبوظبي

لأن الإتحاد طيران راقي جدا
وأنا شخصيا جربته مرة إلى لندن ومرة القاهرة

:victory:

[ريم المدينة]

روح على الاتحاد ترانزيت ساعه فالروحه و الرده ساعتين مطار ابوظبي اصلا مابتحس بالترانزيت وانت تتسوق وتاكل شوي ولا منادينك

ترانزيت ساعة ولاشي ترى وحلاته تلف عالمطار فيها

[hamad almohd]

المباشر دايمن اغلا من الترانزيت الوااحد يشتري راحته وياخذ مباشر والي خاطره ياخذ لفه على مطار ثاني ياخذ ترانزيت بس الترانزيت لو زاد عن 3 ساعات يصير ممل ومتعب

[قريب الدار]

قريب الدار+ كنت العام الماضي في الاردن وكنا طالعين من الدوحه طريق بر اوصارت ظروف برجع الي الدوحه ذهبت الي مكتب القطريه فقالتلي الموظفه سعرالتذكره 100دينار عطيتها الجواز قالتلي انت قطري تدفع اكثر ؟؟؟؟؟؟؟ كم 200 ددينار ؟؟؟؟؟ شرايك " ومن ذالك الوقت ++ اناامقاطع القطريه ++؟؟؟؟؟

[قريب الدار]

:nice:قريب الدار+ كنت العام الماضي في الاردن وكنا طالعين من الدوحه طريق بر اوصارت ظروف برجع الي الدوحه ذهبت الي مكتب القطريه فقالتلي الموظفه سعرالتذكره 100دينار عطيتها الجواز قالتلي انت قطري تدفع اكثر ؟؟؟؟؟؟؟ كم 200 ددينار ؟؟؟؟؟ شرايك " ومن ذالك الوقت ++ اناامقاطع القطريه ++؟؟؟؟؟:nice: