حقوق مشتري العقار من البائع

[alfahad1]

السلام عليكم ورحمة الله

بغيت اعرف ما هي القوانين التي تحفظ حقوق مشتري العقار من البائع

هل هناك مده ضمان يحق للمشتري ان يطلب من البائع تصليح شي في العقار
اذا تم اكتشاف مواد البناء رديئة جدا وسبب هذا إتلاف في العقار

هل القانون هنا مع المشتري

منتظر ردودكم

[naklan]

هلا اخوي alfahad1

نعم لك حق بالشكوى اذا طلع في البيت غش وتلاعب
وبالخصوص اذا كان غش كبير تلجى الى المحكمة وترفع قضية عليهم
وتطلب تعويض او اصلاح على المقاول وتغرم الاستشاري وتستند الى التعهد الي قدموه
الى البلدية وهو تعهد بصلاحية البيت وبتلقاه في ملف البيت الي محفوظ في ارشيف
اليلدية بشرط ان البيت تم تنفيذه كاملا من الشركه واثبتت ان الخطا والتقصير
منهم بس شنهو الخطا الي لقيته كبير او صغير

موفق اخوي :)

اخوك/naklan

[alfahad1]

تسلم وما قصرت يا طويل العمر

المشكله واللي تكررت اكثر من مره

أعزك الله بيبات المجاري كان فيها تسرب في حمام وتوزع ماي المجاري في السقف

فتشوف البناية من برع ومن داخل طبقة مبلله من ماي المجاري اضافه الى تشقق

والجبس يبيله تغيير حق نص البنايه

اشرايك يا شيخ المنتدى

[SULTAN1]

اخوي الله يعينك وهذي مشكله البنيان التجاري ،كثير من الناس توهقت في مثل هذي البيوت وطلعت العيون بعد مرور عدة اشهر ،السؤال متى اشتريت البيت ؟

[naklan]

تسلم وما قصرت يا طويل العمر

المشكله واللي تكررت اكثر من مره

أعزك الله بيبات المجاري كان فيها تسرب في حمام وتوزع ماي المجاري في السقف

فتشوف البناية من برع ومن داخل طبقة مبلله من ماي المجاري اضافه الى تشقق

والجبس يبيله تغيير حق نص البنايه

اشرايك يا شيخ المنتدى



الله يسلمك يالغالي :nice:

رأيي انه ما يحتاج انك تشتكي المحكمة حبالها طويلة :(
المبين انه عندك مشكلة في العازل وعندك مشكلة تسريب في بيبات الصرف
يبيلك شيل ارضية الحمام كاملة والبانيو وتاسس من جديد على طريقة صحيحة
تشيل عازل القار ووتعمل جديد وتعبيه ماي وتختبره 7 ايام واذا ما كان فيه
تسريب تركب بيبات الصرف واحرص على شراء الاغراض بنفسك بيبات
بحريني قولف للصرف وقلو امريكي لان بعض السباكين يلزقون بقلو
رخيص ومخصص لبايبات الكهربا ويرجع يسرب بعد سنه وترجع
لنفس الدائرة تشيل وتركب وبعد تركيب الصرف تغمره بالماء
وتجربه لمدة يومين وبعدها تركب الحمام الله يعينك على
الغثى وبعد الانتها تصبر اسبوعين واذا كانت الامور
طيبة تبتدي بتصليح الاماكن المتضررة في الجبس

موفق اخوي وكان الله في عونك :)
اخوك/ naklan

[alfahad1]

شكرًا اخوي naklan

سلطان مرحباً فيك الفيلا شاريها من سنه وهذه ثاني مره تصير في نفس الفيلا