&& حُرية * حُرية * حُرية &&

[خليفـة]

http://up.3ros.net/get-1-2012-tn99zf51.jpg (http://up.3ros.net)


اليوم سلمكم الله كنت مع شخص عزيز علي .. ودخل وقت وجبة العشاء علينا .. واحترنا وين نتعشى !
فقال لي رفيجي اش رايك بالمطعم الفلاني ؟ قلت له انا ما اعرفه والله بس اذا عاجبك مشينا
وبحكم ان رفيجي يشيش وانا ما أشيش .. اختار هذا المكان الظاهر .. ولما وصلت هذا
المكان .. انصدمت من الي شافته عيني :eek5: .. والله اني ما ابالغ .. انصدمت
شفت بنات بلادي هناك بالعشرات .. وكل وحده مجابله لها واحد .. وتسولف
والشيشية في يدها .. طبعا مسألة الشيشية مسألة عادي عند أغلب أهل
الشام وما فيها أي شي عندهم .. وهذي حريتهم وانا احترمها .. لكن
عندنا احنا .. الوضع مختلف نوعاً ما .. الي ضايقني اكثر شيء
اني شفت وحده ومعاها 5 أطفال .. يشهد الله انهم خمسة
وكانت تشيش جدامهم .. وتنفخ عليهم وتضحكهم
انا ما اعرف اش ذنب هالأطفال المساكين
يتحلمون جوا أمهم الخطير ! ما يحتاج
اذكر الملاحظات الثانية الي شدت
انتباهي .. واحتمال ان هالشي
معلوم لدى الكثيرين .. لكني
اول مرة اشوفه بعيني
اليوم من غير لا
يقول لي أحد


السؤال الحين :
هل المسألة حرية شخصية ؟
اذا كانت الإجابة بـ نعم .. أعتقد ان القادم سيكون أسوأ
والله اعلى وأعلم

خليفـة

[بوحمد2]

القادم طوفه بعيد الشر

[بوطويشم]

السلام عليكم

طبعاً مب كل من لبس غترة صار قطري و مب كل من لبست عباه قطرية

بس ما ننكر ان للأسف ان هناك بنات صغار من أهل قطر ام 18 و 20 يشيشون وكل ذي عشان لفت النظر

و ياليت يكون هناك دور توعوي و اجراءات قانونية شديده لنتشار الشيش و خاصة سوق واقف

الله يهدي الجميع

[بصمة قطرية]

لا حول ولال قوة الا بالله .. :(
قسم بالله شي يعور القلب ..
الله يهديهم ~:(

[naklan]

هلا اخوي خليفة الموضوع تعدى الحرية الشخصية
يبيلهم خيازرين منقعة في ماي وملح هههه بس المشكلة في
المقابل تلقى اضعاف هالعدد شباب بالمئات جالسين طول
يومهم في الشيشة شيشة وكرك :secret:

[تغلبية]

اذا حرية شخصية .. بنقول كيفهم .. لكن مظاهر مقززة وسلوكيات خاطئة أمام الاطفال

في أماكن عامة ما أعتقد إنها حرية شخصية !

انا كنت استغرب لي قالوا فيه قطريات يشيشون .. وما أصدق من الاساس

لين شفت بعيني جايتنا الشغل وحدة تسال عن خدمة معينة من صباح الله خير ..

الشكل مريب .. والتصرف والاسلوب عجيب ..

والريحة .. أعوذ بالله .... ريحة التتن منها حشر المكتب .. قرفتنا من الصبح

شكلها كانت طووووول الليل تشيش .. ولما عمرت الطاسة مرت تشوف مصالحها

علماً بانها قطرية اصل وفصل الله يستر علينا وعلى نساء المسلمين

[MAZEN37]

الحل منع اماكن الكوفي شوب

[intesar]

الحل منع الشيش نهائيا أو يتصرح في أماكن محدودة بالبلد.. من صوب مانعين التدخين ومن صوب فاتحينه على البحري بحجة السياحة..

[سان سيمون]

للأسف بالفعل بدوا بنات الدوحة يشيشون ويدخنون و هذا من باب الحرية الي المرأة تطلبها لانه كل يوم والثاني ابي اطلع مع رفيقاتي هذا الرجال خانقني ما يخليني تتنفس وطلع عليه عيوب الدنيا ومستعدة تخرب بيتها على حساب طلعاتها وطبعا مثل ما انت شفت هذا للأسف الوضع الماساوي ومثل هالنوع من الأمهات المفروض تسقط حضانتها لو يتربون العيال عند مرت الاب يمكن اهيا أبرك منها خلقا
ومن واقع عملي اشوف الي يشيشون من تشجيع النسوان بعضهم البعض مثلابنروح لمطعم ونشيش وفيه مطرب وما الى ذلك ، والمرأة العاقل هي الي اتحدد المكان المناسب الي تروح له والناس الي تقعدمعهم( الحمد لله عمري ماطلعت مع قروب العمل في عزومة ) لان لي تحفظاتي وقواعدي لانه بما ان احنا من جنسيات مختلفة وعوائل مختلف فالمباح عندهم عيب ومنقود عندي والعكس صحيح، مع انهم في الفترة الاخيرة يقولون لي افلانه ما راح انشيش بس تطلعي معانا في عشاء او شاليه أقولهم اسمحواليهذا وقت اعيالي وأهلي وحياتي الشخصية *

[فيروزه]

لا حول ولا قوة الا بالله

الحرية لاهل سوريا انشاله الله ينصرهم يارب

[المــزن*]

موقف مقرف جداً..!
الله يهديهم هالبنات والله يهدي ولي الأمر
الي مايدرون وين يروحون بناتهم!!!

[ام السعف]

الله يهديهم ،،
مصخوها وايد
لا حول ولا قوة الا بالله

وين حقوق الطفل من اللي قاعد يصير ؟

[خليفـة]

الله يرحم ايام أول
والله انها كانت ايام جميلة

[لاجئ عاطفي]

موقف صار لي انا بعد عزمني واحد من ربعي عالعشا في كتارا وهالمطعم يقدم اكل وشيشه وقدامنا مجموعة بنات من كلامهم ولهجتهم مايحتاي اقول ومنهم منقبات المشكله ان المنقبه اتشيل نقابها اول ماتجلس واتشيش وشيشه ورى شيشه وكأن الموضوع عادي جدا :)

[خليفـة]

موقف صار لي انا بعد عزمني واحد من ربعي عالعشا في كتارا وهالمطعم يقدم اكل وشيشه وقدامنا مجموعة بنات من كلامهم ولهجتهم مايحتاي اقول ومنهم منقبات المشكله ان المنقبه اتشيل نقابها اول ماتجلس واتشيش وشيشه ورى شيشه وكأن الموضوع عادي جدا :)

الحياة عندهم حلوه خالص خالص
ياخي الي لها مزاج تشيش
أقل شي تستر على نفسها
مب جدام الله وخلقه وبكل بجاحه
الله المستعان

[تحداني]

البنت الي تمارس هالسلوك وقدام العالم والناس ولا حيى ولا مستحه
هاذي مريضه .. وتعاني من خلل في شخصيتها ودماغها الآدمي
نسأل الله عز وجل لها الشفاء في القريب العاجل


جملك الله برضاه

[بوحارب]

الله لايبلانا وين متربيين ذولي البنات !!

[محمد]

ارجع و اقول .. مثل هالظواهر السبب فيها الرجال قبل النساء ..

لين غاب الرجل بمعنى الرجل من البيت .. امور كثيره بتصير ..

[ام السعف]

ارجع و اقول .. مثل هالظواهر السبب فيها الرجال قبل النساء ..

لين غاب الرجل بمعنى الرجل من البيت .. امور كثيره بتصير ..

ونحن بدورنا نقول : لافض فوك يا محمد

[مريومة]

عَنْ عَدِيِّ بْنِ حَاتِمٍ , قَالَ : أَتَيْتُ النَّبِيَّ صَلَّى اللَّهُ عَلَيْهِ وَسَلَّمَ وَفِي عُنُقِي صَلِيبٌ مِنْ ذَهَبِ ,

قَالَ : فَقَالَ لِي رَسُولُ اللَّهِ صَلَّى اللَّهُ عَلَيْهِ وَسَلَّمَ : " يَا ابْنَ حَاتِمٍ ، أَلْقِ هَذَا الْوَثَنَ مِنْ عُنُقِكَ " .

قَالَ : فَأَلْقَيْتُهُ . قَالَ : ثُمَّ افْتَتَحَ بِسُورَةِ بَرَاءَةَ ،

فَقَرَأَ حَتَّى بَلَغَ إِلَى قَوْلِهِ : اتَّخَذُوا أَحْبَارَهُمْ وَرُهْبَانَهُمْ أَرْبَابًا مِنْ دُونِ اللَّهِ سورة التوبة آية 31

قَالَ : قُلْتُ : يَا رَسُولَ اللَّهِ ، مَا كُنَّا نَعْبُدُهُمْ .

فَقَالَ النَّبِيُّ صَلَّى اللَّهُ عَلَيْهِ وَسَلَّمَ : " أَلَيْسَ كَانُوا يُحِلُّونَ لَكُمُ الْحَرامَ فَتَسْتَحِلُّونَهُ ,

وَيُحَرِّمُونَ عَلَيْكُمُ الْحَلالَ فَتُحَرِّمُونَهُ ؟ " قَالَ : قُلْتُ : بَلَى . قَالَ : " فَتِلْكَ عِبَادَتُهُمْ "

والله المستعان

[للصبر اخر]

هذول ماوراهم رياايل تربيهم
ماقول غير الله المستعان
الله يصللح الحال

[(بوطلال)]

نعم حريه شخصيه ومحد له حق عليهم سوا ولي امرهم :rolleyes2:

[موضي قطر]

بصراحة منظر يغث الله يعين .. مادري وين اهلهم ..

معقوله مايدرون ؟!!

[هدى ورحمه]

http://up.3ros.net/get-1-2012-tn99zf51.jpg (http://up.3ros.net)


اليوم سلمكم الله كنت مع شخص عزيز علي .. ودخل وقت وجبة العشاء علينا .. واحترنا وين نتعشى !
فقال لي رفيجي اش رايك بالمطعم الفلاني ؟ قلت له انا ما اعرفه والله بس اذا عاجبك مشينا
وبحكم ان رفيجي يشيش وانا ما أشيش .. اختار هذا المكان الظاهر .. ولما وصلت هذا
المكان .. انصدمت من الي شافته عيني :eek5: .. والله اني ما ابالغ .. انصدمت
شفت بنات بلادي هناك بالعشرات .. وكل وحده مجابله لها واحد .. وتسولف
والشيشية في يدها .. طبعا مسألة الشيشية مسألة عادي عند أغلب أهل
الشام وما فيها أي شي عندهم .. وهذي حريتهم وانا احترمها .. لكن
عندنا احنا .. الوضع مختلف نوعاً ما .. الي ضايقني اكثر شيء
اني شفت وحده ومعاها 5 أطفال .. يشهد الله انهم خمسة
وكانت تشيش جدامهم .. وتنفخ عليهم وتضحكهم
انا ما اعرف اش ذنب هالأطفال المساكين
يتحلمون جوا أمهم الخطير ! ما يحتاج
اذكر الملاحظات الثانية الي شدت
انتباهي .. واحتمال ان هالشي
معلوم لدى الكثيرين .. لكني
اول مرة اشوفه بعيني
اليوم من غير لا
يقول لي أحد


السؤال الحين :
هل المسألة حرية شخصية ؟
اذا كانت الإجابة بـ نعم .. أعتقد ان القادم سيكون أسوأ
والله اعلى وأعلم

خليفـة

انها من تبعات العولمه والتجنيس والانفتاح ودخول جنسيات غير خليجيه لقطر بكل موروثاتها الشعبيه التي تعتبر متداوله بينهم ومنهم تعلم اصحابنا وربعنا ولما جربوا عجبهم .انا شفت بعيني فتيات قطريات مسترجلات يمارسن هذه الهوايه لتعزيز فكره الرجوله في ذواتهم
انها تداعيات العصر الجديد بكل مافيه ..نحن على بضع خطوات لنصبح دبي 2 ولكن بشئ من التحفظ الاعلامي والاختلاط المجتمعي ..وتقرب المزيد حيث سترى مالا ستصدقه عيناك

[خليفـة]

انها من تبعات العولمه والتجنيس والانفتاح ودخول جنسيات غير خليجيه لقطر بكل موروثاتها الشعبيه التي تعتبر متداوله بينهم ومنهم تعلم اصحابنا وربعنا ولما جربوا عجبهم .انا شفت بعيني فتيات قطريات مسترجلات يمارسن هذه الهوايه لتعزيز فكره الرجوله في ذواتهم
انها تداعيات العصر الجديد بكل مافيه ..نحن على بضع خطوات لنصبح دبي 2 ولكن بشئ من التحفظ الاعلامي والاختلاط المجتمعي ..وتقرب المزيد حيث سترى مالا ستصدقه عيناك

كل الشكر والتقدير على هالمشاركة الي بينت لي أمور كنت اجهلها في السابق
شكرا جزيلاً مرة أخرى يا هدى ورحمة

:)