استفسار عن فندق العنوان دبي مول

[شيخ القبيلة]

ياجماعة بغيت استفسر منكم عن فندق العنوان دبي مول لاني بصراحة الشهر الجاي عندي دورة في دبي والدورة راح تكون في هذا الفندق .
فبغيت اعرف تجاربكم عن الفندق لاني ناوي اسكن فيه .:)

[بو خليفه 123]

افضل فندق من ناحية موقع استراتيجي

قريب من ساحة النوافير .. قريب من برج خليفه .. قريب من دبي مول

كل ماذكر اعلاه يمكن يبعد عن غرفتك دقيقتين

تحت فيه مطعم اسمه نعناع ريوقه حلو اذا انت تحب تقعد الصبح بدري قبل لا تروح الكورس تتريق

و بعد انتهاء الكورس عندك كل شي متوفر في دبي مول


الليموزين متوفر بشكل دائم سعر التوصيل 70 درهم الا اذا كنت ناوي تستأجر سياره

عند استلام الغرفه حاول تطلب Burj view

اكله ممتاز و خدمة الغرف + التنظيف 10/10


اتمنى لك التوفيق في رحلة العمل

[Mohammed2]

نعم الفندق فوق الممتاز
وسعر الليله ١٤٨٦ ريال من booking.com

[ريتويت]

الفندق حلو صراحه خصوصا وهو يطل علي برج خليفه مع انه ٤ نجوم!!

[deema117]

آنا سكنت في فندق العنوان ( وسط المدينة ) في أواخر ديسمبر 2011م لأني ما لقيت حجز في الفندق اللي ذكرته بس قالوا لي أن غرفه أكبر من اللي ناوي تحجز فيه وأخذت الغرفة من سفريات ريجنسي بـ 1775 ريال فالليلة والصراحة طلع شيء مرتب وحلو وراقي ، ومكانه مقابل مجمع دبي مول بالضبط بينهم جسر مشاه صغير يعني كم خطوة وأنت فالمجمع .

[غزلان]

فيه فندقين بنفس الأسم الأول العنوان دبي مول وهو الى بوسط مجمع دبي مول

والثاني العنوان دوان تاون

سكنا بالأثنين وكلهم حلوين
الأول احلى مافيه انه بوسط المجمع مايحتاج تطلع برا وكل شي متوفر عندك

بخصوص داون تاون مانصح فيه بالصيف لأنه منفصل عن المجمع لازم تنزل اللوبي وتطلع برا الفندق وتاخذ اصانصير ثاني وتمشى لمجمع دبي مول

[شيخ القبيلة]

أشكركم اخواني واخواتي على مساعدتي بالمعلومات بشأن فندق العنوان دبي مول
وان شاء الله راح اسكن فيه:)

[Mohammed2]

الفندق حلو صراحه خصوصا وهو يطل علي برج خليفه مع انه 4 نجوم!!

الفندق 5 نجوم مب 4 !!

[عذب الكلام 1]

حلو مرتب مزبوط

[بنت شيوخ]

الفندق موقع بس

بس خدمه عاديه جدا

يعني بس تكسب المكان ان دبي مول وبرج خليفه عندك بس


انا سكنت فيه 15 يوم

ماعجبني كلش بس موقعه روعه