استفسار :ابي معلومات عن تركيا للخبراء

[بوخالد353]

ابي اروح لتركيا بتاريخ 23 هاذا الشهر ان شاء الله وبقعد 5 ايام مع زوجتي وين تنصحوني اقعد!! خبركم انا متزوج من 60 سنه وماعرف الرومنسيه ,,كنت اسمع فيها واحسبها اكله !!:omg: والحين بعد هالعمر قررت اروح وين تنصحوني اسكن ؟ ميزانيتي 500 ريال!!:tease: ههههه ,,وابي شنو فيها اماكن ومطاعم ,, لاني بطيني واموت على الاكل ,,والتسوق اذا ابي شغلات للعيال وين تنصحوني ,,:telephone:سمعت بمنطقة تقسيم

[بوخالد353]

مشكورين حيل على هالمعلومات الطيبه ,,الصراحه خدمتوني !!

[ام الحلوين]

والله اخوي ودنا نخدمك لكن تركيا محد شجعنا نزورها

[الصقر999]

تركيا حلوة بس تحمل البرد هاذي الأيام

في موضوع للأخ ماجد البدر عن اسطنبول في المنتدى اقرأه وانشاء الله بتستفيد

[ام الحلوين]

بعدين ميزانيتك غريبه 500 ريال؟

[الفتى]

الله يعطيك العافيه بو خالد

أنا رحت 2006 سكنت بالرتز و بالأنتر كانوا حلوين وقريبين من شارع تقسيم

الأنتر أفضل

و كاف فندق مرمرة أسطنبول يمدحونه

الله يوفق

[طماطه]

انا توني رايحه لها وايد حلوه وجوها حلو ..

اسكنوا وانتوا مغمضين فندق مرمره تقسيم .. في منطقة تقسيم , كلشي قريب منكم ماتحتاجون حق التكاسي , واغلب المطاعم الي تحت للمشاوي والشاورما ^_^
وفي فنادق ثانيه فخمه بس يبيلها مشي وايد لين توصل شارع تقسيم .. عشان جذي مرمره تقسيم هو الفندق الافضلللل ..

ونصيحه تاخذون لكم سواق يعرف عربي لان هناك شعبهم مايعرفون انجليزي , يعني نادر الي يعرفون ..

واذا تبون فندق رومنسي عندكم فندق سويس اوتيل , عليه اطلاله حلوووه على الجسر المعلق ..

وبس *_*

[بوخالد353]

انا توني رايحه لها وايد حلوه وجوها حلو ..

اسكنوا وانتوا مغمضين فندق مرمره تقسيم .. في منطقة تقسيم , كلشي قريب منكم ماتحتاجون حق التكاسي , واغلب المطاعم الي تحت للمشاوي والشاورما ^_^
وفي فنادق ثانيه فخمه بس يبيلها مشي وايد لين توصل شارع تقسيم .. عشان جذي مرمره تقسيم هو الفندق الافضلللل ..

ونصيحه تاخذون لكم سواق يعرف عربي لان هناك شعبهم مايعرفون انجليزي , يعني نادر الي يعرفون ..

واذا تبون فندق رومنسي عندكم فندق سويس اوتيل , عليه اطلاله حلوووه على الجسر المعلق

وبس *_* مشكوره واحد من الربع نصحني بنفس فندقج مرمره بس لما كلمت السفريات قالي انه قديم وذكرلي الانتر كونتننتل وافندق ثاني 5 نجوم نسيته و4 نجوم بعدبس هم اسمه مسجله عندي بورقه بس بالمكتب ..وكلهم في ميدان تقسيم..وبالنسبه للسايق الربع انصحوني بواحد عربي مجربينه حيل امين اعتقد باخذه..

[بوخالد353]

بعدين ميزانيتك غريبه 500 ريال؟ تدرين انا على قد حالي لاني اشتغل حمالي بجبرة الخضره:shy::shy: ويالله بهالسنين ماجمعت الى 3 ملايين ريال وحاطهم وديعه,, ومابي اكسرها :nice:قلت اخذ معاشي ال 500 ريال والاخوان الي بالمنتدا يسوولي قطيه بباقي مصاريف السفره وجذي اكون فراحان وسعيد !! شرايج بالفكره :victory:

[ام الحلوين]

تدرين انا على قد حالي لاني اشتغل حمالي بجبرة الخضره:shy::shy: ويالله بهالسنين ماجمعت الى 3 ملايين ريال وحاطهم وديعه,, ومابي اكسرها :nice:قلت اخذ معاشي ال 500 ريال والاخوان الي بالمنتدا يسوولي قطيه بباقي مصاريف السفره وجذي اكون فراحان وسعيد !! شرايج بالفكره :victory:

للاسف اخوي نحسبك جاد بالموضوع وبغينا نخدمك

[طماطه]

بس فندق الانتر شوي بعيد ..

ومرمره بالعكس حلووو ومب قديم واطلالته عجيبه على شارع الاستقلال وميدان التحرير .. وووسكنت فندق افخم منه بس ماعجبني كثر مرمره لان كل شي حووووله .. السوق والمطاعم والكافيهات ..

[الفهد1]

يمدحون الانتر الي في الحساء كل المولات قريبة منة بالتوفيق في حلك وترحالك

[بوخالد353]

للاسف اخوي نحسبك جاد بالموضوع وبغينا نخدمكههههههه انا جاد بموضوع السفره ,,بس انا بطبعي مرح واحب العبط شوي,, وما استغني عن نصايحكم وخدماتكم

:nice:

[بوخالد353]

بس فندق الانتر شوي بعيد ..

ومرمره بالعكس حلووو ومب قديم واطلالته عجيبه على شارع الاستقلال وميدان التحرير .. وووسكنت فندق افخم منه بس ماعجبني كثر مرمره لان كل شي حووووله .. السوق والمطاعم والكافيهات ..للاسف ماشفت مشاركتج ال الحين,, مريت السفريات وكان عندي 3 خيارات الهيلتو والانتر ومرمره.. وانا اخترت الانتر 4 ايام ب 220 دينار كويتي يعني حوالي 3 الاف ريال والطيران الامراتيه لان التركيه تطير 340 الفجر والامراتيه الانسب بالتواقيت وموعد الرحله 23/1 والعوده 28

[لولو ومرجان]

صباح الخير انا قضيت احلى اجازه في تركيا من 19/12 الى 1/1/2012 الصراحة استمتعنا في كل يوم من السفر ..البلد حلوه وسياحيه من الدرجة الاولى
حجز تذاكر السفر على الخطوط القطريه الحمدلله الرحله كانت موفقه .
سكنا في تقسيم في شقق فندقية اسمها فريزر بليس خمس نجوم اكثر من رائعه يمكن هالخيار مايناسبك لانك مسافر انت وزوجتك بس حبيت اذكر المكان عشان يستفيد منه اللي متابعين الموضوع .
طبعا رحنا الكثير من المناطق التاريخية والمتاحف مثل : ميني ترك "اكثر من رائع "، ايا صوفيا ، دولمابهجة ، جراند بازار ، مصري بازار ...وايضا الجولات البحرية في البسفور وجزر الاميرات وتل الاعراس كانت في قمة الروعة والمتعة .
بالنسبة للاسواق الحمدلله توفقنا في مجمعات جدا راقيه وكان موسم خصومات 50% ،، من هالمجمعات :
فيابورت "الاوتلت " ، فورم ، استينا بارك ، وايضا شارع راااائع اسمه نيشان تاشي فيه كل الماركات والمطاعم الراقيه المشي والتسوق فيه يغنيك عن كل المجمعات .
والحمد لله الشعب التركي شعب خدوم وماصادفتنا اي مشكلة ماعدا في المطار لما رحنا نسوي التاكس فري للاسف ماخذنا الاغراض معانا ورفضوا يرجعون لنا التاكس فري والمشكلة انهم كانوا يمشون الدبلوماسيين واصحاب الدرجة الاولى بدون لايشوفون الاغراض هذا اللي قهرنا وتصرفوامعانا باسلوب وقح للاسف مافيه اي ادب .
عموما اتمنى لك سفره سعيده .

[بوخالد353]

صباح الخير انا قضيت احلى اجازه في تركيا من 19/12 الى 1/1/2012 الصراحة استمتعنا في كل يوم من السفر ..البلد حلوه وسياحيه من الدرجة الاولى
حجز تذاكر السفر على الخطوط القطريه الحمدلله الرحله كانت موفقه .
سكنا في تقسيم في شقق فندقية اسمها فريزر بليس خمس نجوم اكثر من رائعه يمكن هالخيار مايناسبك لانك مسافر انت وزوجتك بس حبيت اذكر المكان عشان يستفيد منه اللي متابعين الموضوع .
طبعا رحنا الكثير من المناطق التاريخية والمتاحف مثل : ميني ترك "اكثر من رائع "، ايا صوفيا ، دولمابهجة ، جراند بازار ، مصري بازار ...وايضا الجولات البحرية في البسفور وجزر الاميرات وتل الاعراس كانت في قمة الروعة والمتعة .
بالنسبة للاسواق الحمدلله توفقنا في مجمعات جدا راقيه وكان موسم خصومات 50% ،، من هالمجمعات :
فيابورت "الاوتلت " ، فورم ، استينا بارك ، وايضا شارع راااائع اسمه نيشان تاشي فيه كل الماركات والمطاعم الراقيه المشي والتسوق فيه يغنيك عن كل المجمعات .
والحمد لله الشعب التركي شعب خدوم وماصادفتنا اي مشكلة ماعدا في المطار لما رحنا نسوي التاكس فري للاسف ماخذنا الاغراض معانا ورفضوا يرجعون لنا التاكس فري والمشكلة انهم كانوا يمشون الدبلوماسيين واصحاب الدرجة الاولى بدون لايشوفون الاغراض هذا اللي قهرنا وتصرفوامعانا باسلوب وقح للاسف مافيه اي ادب .
عموما اتمنى لك سفره سعيده . مشكور اخوي ,,على المعلومات

[ماجد البدر]

شكلك سافرت قبل ما شاوف موضوعك

علشان اخدمك بس ماقلت لنا الميزانيه كم يعني مفتوحة ولا لها حد معين

بنسبة الى فندق مرمرة اسطنبول الي في تقسيم رائع جدا و نظيف ويتوسط منطقة تقسيم حتى لما كنت زهقان اقدر اوصل للبحر و القلاع مشي
ولكن فعلا هو قديم ممكن الواحد ما يلاحض انه قديم ولكنه فعلا قديم ومجدد يعني ان اسكنت فيه 2003 وشوف هو من متى قبل هذا التاريخ
ترى اسطنبول الحين برد وثلوج ان شاء الله يكون خذت احتياطاتك من الملابس الثقيله

[بوخالد353]

مساء الخير اخواني وصلت امس الاثنين الساعه 6 باليل اسطنبول ،، قالولي برد برد!! وخلوني انفض الكبت ماخليت بالطو ولا جاكيت واندروير الى اخذته ولما ركبنا التكسي والى الحراره12 والبرد عادي لدرجه اني نزلت البالطو!! الليله الي قبلها كانت الحراره عندنا بالكويت6 ووصلت الى 3 تحت الصفر المهم وصلنا الفندق الي اهو انتر كونتننتل الي بتقسيم الفندق روعه ومكانه مو بعيد 200 متر من الميدان ،، وكونا وصلنا الفندق 730 بالليل وعلا مابدلنا وحطينا اغراضنا طلعنا الساعه9 للميدان وعلى شارع الاستقالال الممتد من الميدان تمشي وشوبنق ,,الصراحه قضينا 3ساعات فيه وماخلصنا منه وختمناها بعشا باحد مطاعمه المختصه بالشاورما التركيه..وردينا ونمنا من كثر التعب،،تدرون شياب واليوم الثلاثاء قعدنا على ال11 من التعب وطلعنا بالمترو الي محطته بجنب الفندق الى مجمع جواهر مول كبير ووينفع للتسوق وفيه مطاعم وكفيهات وردينا الساعه6 وريحنا،، ونزلنا لشارع الاستقلال مع ان الجو اليوم مطر ،، بس روعه وبردهم حلو،،بكره ناوين على الاولد تاون ،، وبوافيكم بالاخبار اول باول ..مراسلكم من اسطنبول بوخالد

[ماجد البدر]

حياك الله و بياك

بردهم مش قارص مثل بردنا انا اذكر يوم نطلع على اوزنجول و على منتجع اجاز كانت درجة الحرارة حوالي 11 درجة و الحين عندنا في قطر 11 ولكن تحس ان برد قطر قوي اكثر على ما قالوا صحراوي وتحس بالبروده اكثر

بتوفيق زين سمعنا اخبارك اذا تبي البرد و الثلج روح بورصا

بتوفيق

[بوخالد353]

اليوم رحت للاءولد تاون او سلطان احمد وزرنا المسجد الازرق و صوفيا الكنيسه الي حولوها العثمانيين مسجد وتمشينا بالقراند بازار سوق عود اكثره جمله والاسعار ثلث اسعار الخليج ..بس كان الجو مطر وتاذينا من شيلة الاغراض,, ماطولنا 4 ساعات وردينا وكملنا باقي اليله بشارع الاستقلال والميدان والشوارع الي حول الللانتر كونتننتل ,, وللحديث بقيه

[tooofy]

هلا بوخالد

بخصوص الاسواق والماركات في سيل ؟؟

وشكرا

[ولد ازغوى]

حط بورصه في لستتك اللي يروح تركيا وما يروح بورصه يفوته كثييير من الرحله
وروح مطعم حجي جمال بو شنب و احلى باربيكيو

وفي اسطنبول عندك جزيرة الاميرات حلوه يسوون لك سمك مشوي بس لذيذ
ووو رووح
اورتاكوي اكل عندهم البطاطا المحشيه يم يم لذيذه

اسطنبول ام الكنافه لا تنساها

لاحظوا وصفي كله للالكل لان الاكل في تركيا شي مب طبيعي
و لا تنسى توافينا بالتقرير والصور يالشيبه*

[بوخالد353]

هلا بوخالد

بخصوص الاسواق والماركات في سيل ؟؟

وشكرا اينعم اختي في سيل عندهم باغلب المحلات ,,عندك جواهر مول والقراند بزار الي في الاولد تاون او مثل مايسمونها السلطان احمد,, بس اكثره جمله وعندك شارع الاستقلال الي يمتد من ميدان تقسيم .. وانتبهي لشي المحلات بهالشارع لما تمرينها وانتي ماشيه وتعطيها لمحه تضنينها انها دور واحد وممكن ماتشوفين الي يشدك بس بالغالب تكون المحلات من ثلاث الى 7 ادوار:omg:ويكون امتدادها داخل طويل !! يعني بالاول كنا نمشي ونطوف اكثر المحلات وبعدين بالصدفه طلع المحل الي نمره ونظنه صغير يطلع مول :nice: بالنسبه لبدل البنات والاولاد بالاخص عندج القراند بزار شي خيالي على كلام المره والبدله مالت البنت الي عندنا بالكويت ب 350 ريال حصلناها ب 150 !!بس لاسف هالمحل جمله اقل شي لازم 4 قطع من نفس الصنف واللون والمقاس,,انا بالنسبه لي قامت تسحبني الحجيه من المحلات وبالاخص بجواهر مول والاستقلال من كثر ماشريت تي شيرتات وقمصان وبالطوات ووو,,خافت اخلص الفلوس ونطر,,هههههه

[بوخالد353]

حط بورصه في لستتك اللي يروح تركيا وما يروح بورصه يفوته كثييير من الرحله
وروح مطعم حجي جمال بو شنب و احلى باربيكيو

وفي اسطنبول عندك جزيرة الاميرات حلوه يسوون لك سمك مشوي بس لذيذ
ووو رووح
اورتاكوي اكل عندهم البطاطا المحشيه يم يم لذيذه

اسطنبول ام الكنافه لا تنساها

لاحظوا وصفي كله للالكل لان الاكل في تركيا شي مب طبيعي
و لا تنسى توافينا بالتقرير والصور يالشيبه* هلا ولدي... انا سفرتي كانت 4 ايام وبالشتاء يعني عامل الجو يفرق,,وانا هدفي من الرحله الراحه والاستجمام والقليل من التسووق,,وتركت عيالي بالديره عشان هالشي,, وماحبيت اسوي جدول ملزم لي يحسسني اني بدوام او مراجعات!! يعني متا مانقوم نقوم ان شاء الله 12 الضهر,, وبالنسبه لبورصه كنت ناوي اروح لها بس اتصلت على تكسي من طرف صديق وقالي المشوار3 ساعات ونص ساعه لمكان العباره وساعه الى بالعباره وساعه الي ساعه ونص من الضفه الثانيه الى بورصه !!يعني بيروح 7ساعات للروحه والرده!!قلت انا مو مجبور على الروحه لها,, وجزيره الاميرات قالولي حلوه ومشوارها مو بعيد بس مافضيت وماحسيت بالملل الي يخليني اتعنا لها عشان اغير,, وسلامتك

[بوخالد353]

ابشركم وصلت الي الوطن بسلامه اليوم الفجر والله ستر علينا من التاخير لاننا تاخرنا في مطار اسطنبول 4 ساعات بسبب حالت الطقس الثلج ,,وعلى ماطبينا مطار دبي كان باقي اقل من 45 دقيقه على رحلاتنا للكويت والحمد لله قبل الاقلاع ب 5 دقايق دخلنا الطياره .. طبعا قبل امس الخميس بالليل بدا الثلج بالنزول والجمعه الي كان يوم سفرنا كانت الشوارع مغطاه بالثلج ..روعه طلعنا الصبح ,,ومحاذف بهالثلج تذكرت طفولتي وشبابي لما كنت عند خوالي بجبل كابرون بالنمسا لان امي نمساويه .:tease:.هههههه ووتريقنا بمطعم ايتين سراي على ماعتقد ,, وردينا 12 للفندق وسوينا جيك اوت وللمطار.. الصراحه قظيت احلى 4 ايام وتوفقت فيها والله يسر الامور على عكس تخوفي منها والهم الي كنت شايله لاني لفيت الدنيا بس هالدوله مازرتها ,,وبالنسبه للصور ماعرف ارفعهم وفيني كسل اذا في احد يتفضل ويشرحلى الطريقه بسهوله لان فهمي على قدي اكون مشكور ولكم جزيل الشكر..:nice:

[ماجد البدر]

حمد لله على السلامة تركيا حلوه بس محد مصدقني

و الحذر واجب بس بدون مبالغه
بنسبى الى الصور تقدر تدخل رد متطور ثم تدخل (ارفق ملفات في المشاركة وترفع الصور من كمبيوترك بس تتاكد ان حجمهم مناسب ما يزيد عن 700 بكسل علشان تناسب الناس بدل ماتطلع ترس الشاشة و زيادة لو كان حجمها اكبر من 1000
ولمعرفة حجم الصوره حط عليها الماوس بتطلع لك كتابه لحجم الصورة او الفارة يمين روح على اعدادات او( بربير ) بالانجليزي وشوف حجم الصور
بتوفيق وحمد لله على السلامة

[بوخالد353]

هاذي صور من اطلالة غرفتي

[بوخالد353]

صور للاطلاله والغرفه

[بوخالد353]

صور لشارع الاستقلال وميدان تقسيم والميترو ,,,

[بوخالد353]

جواهر مول

[ولد ازغوى]

قص عليك اللي قالك 3 ساعات لين ما توصل بورصه
بس زين انك استمتعت وتركيا حلو سواء اسطنبول او الاماكن الخارجيه

[بوخالد353]

واخيرا صور الثلج الي نزل اخر يوم ,, وترا مانسيتكم يا اعضاء المنتدى جايب لكم معاي بجيس ثلج :nice:

[ماجد البدر]

http://www.qatarshares.com/vb/attachment.php?attachmentid=78259&d=1327922348

http://www.qatarshares.com/vb/attachment.php?attachmentid=78271&d=1327923793



http://www.qatarshares.com/vb/attachment.php?attachmentid=78276&d=1327924783

http://www.qatarshares.com/vb/attachment.php?attachmentid=78294&d=1327967738

الله عطني شوي ثلج كم مره رحت ولا صادف نزول الثلج

[بوخالد353]

ابشر بالخير وفالك طيب ،، شاحن لكم نساف ثلج بس يبيله اسبوع على مايوصل