اعجبك .. وماعجبك

[WGA]

السلام عليكم

هذا اول موضوع لي في المنتدى ..:shy:
فكرة الموضوع:
اللي شاف موقف *ماعجبه في مكان ومايستاهل ينزل موضوع عشانه يكتبه اهني
وبعد اللي شاف موقف *عجبه يجينا .. شكر تقدير اشاده ..الخ

يعني الموضوع للفضفضه :telephone:

انا ببدا
اليوم كنت في حدا المجمعات التجاريه عند الكاشير احاسب ووقف ورانا فلبيني الا جات وحده وقفت جدامه وقالت حق دريولها تعال تعال !!!:rolleyes2: زين ليش؟ الفلبيني مسكين واقف قبل وينطر :( واغراضه اقل من اغراضها ..
لااتقولون فلبيني ماعليها منه الانسان المحترم يحترم حتى البزر والعامل ويوقف بالدور

لي رجعه بموقف صار معاي في المستشفى من فتره بخصوص نفس السالفه مافي احترام حق الدور

[intesar]

معاج حق.. لكن أحيانا الأجانب ما تحترم الدور.. واللي على الكاشير يخلص اللي من بني جنسه.. يعني يعاونه.. هم هاي شي يقهر.. مووووت..

[WGA]

معاج حق.. لكن أحيانا الأجانب ما تحترم الدور.. واللي على الكاشير يخلص اللي من بني جنسه.. يعني يعاونه.. هم هاي شي يقهر.. مووووت..

نادر واللي بيشوفهم مب مخليهم
نورتي الموضوع :happy:

[فـجـر]

انا من كم يوم كنت رايحة مجمع وذنان مودية ولدي للالعاب فلما رحت الطابق الثالث

كان فيه عامل نظافة يكنس ويمسح والطابق شبه فاضي

ولما شافني حسيت انه يمسح بسرعة باتجاهي اقصد كأنه جاي صوبي

انا كنت امشي بطيء لأن ولدي يمشي شوي شوي

لما شفته قرب وايد شلت ولدي ودخلت الالعاب هناك على خبري كان في سيكيورتيه بنات

بس فاليوم اللي رحته كانو محد انا كنت رايحة الصبح

المهم لعبنا وخلصنا ويوم جيت اطلع قلت بوقف صوب بائع الالعاب قدام العاب الاطفال

والا اشوفه فوجهي

فجا يمي ويدور صوبي ويمسح عند رجلي شوي الا قالي وهو مسوي فيس يكسر الخاطر

بما معناه ان وخري بمسح تحتج "" خييييييير"

حسيت ان يطر بشكل غير مباشر ويبي ابخششه

ويمكن متعود يطر بهالطريقة
وبس ماعجبتني هالحركة احسها استغلال

وتكررت معاي الحركة فنفس المجمع داخل الجمعية من عامل ثاني

[vxr 5.7]

آختـي .(wga) مآعليج منـه هذول الآشكـآل عآرفينهم عدل وآللـه بتلقينه الحين مخلص آموره وآقف في الدور بسس جي :(
وزين سوت الحرمه والله آكيد محترره عليهم مآلومهآ وآللـه

[بصمة قطرية]

موضوع حلو .. :victory:

[WGA]

^
منوريين :victory:

...
هذا موقف ثاني
كنت تعبانه واضطريت اروح للمركز الصحي التابع لمنطقتنا ووقفت ورا الحريم عشان اخذ رقم تقريبا كانو 7 انا احسب بالدور وقفت ..ووقفت..وووقفت كل ماجدمت جات وحده جدامي واقول خلها اللحين بتخلص يوم تعبت حاولت ادخل بينهم عشان اخذ الرقم الا وحده تدعي علي وادزني بيدها :rolleyes2: ..خرعتني دعاوي دعاوي ورا بعض مافهمت شتقول!! دووري انتي جيتي ولقيتيني واقفه انطر الدور !! طلعت باحترامي وخليت الخدامه تدخل بينهم بالقوه وتاخذ لي رقم :discuss:

[السهم الشمالي]

أنا عندي مواقف أشاهدها بشكل يومي للأسف
رمي المخلفات من السيارة في الشارع والبصق وووالخ .

ياليت حد يشيل الغبار من على القانون اللي صدر في هذا الشأن ويتم تطبيقة وبحزم .

[تحداني]

يعطوني مخالفه حزام امان وانا اربطها بإحكام
ليش يسون فيني جذي ؟؟ :(

هالموقف المتكرر بإستمرار وايد زاعجني .. ما ادري اصبغ حزامي " فسفوري "
:(



جملك الله برضاه

[تحداني]

ما يعجبني الي يبند التلفون وينهي المكالمه بدون ما يقول " مع السلامه "
هالحركه اتعصبني وايد وارد اتصل مره ثانيه واقول لهم ما قلتوا مع السلامه


عليهم بعض الناس طبع اعوذ بالله


جملكم الله برضاه

[الـمـرقاب]

مايعجبني الفضولي!
خصوصا لما يتعدى مرحلة الفضول إلى الوقاحه! :omen2:
صار لي موقف مع شخص فضولي، فاضطريت اني افصله
من لستة المعرفه إلى أجل غير مسمى! :

[WGA]

امس اتسولف لي وحده من الجنسيه السودانيه اتقولي كانت في المعرض ووقفت عند محل سوري يبيع نعل شافت وحده قطريه كانت اتكاسر السوري على نعال تبي تشتريها الا السوري يقول وبصوت مسموع"شو بيطلع الها تلبس هيك..وبتدلل كمان"!!

[حسن]

من كم يوم رحت المركز الصحي للغرافه تبغي تعطيهم البطاقه الا الحريم جدامك تاركين ماونترهم ويترززون عند الكاونتر المخصص لرجال تروح غرفه اخذ العلامات الحيويه الضعط والحراره للرجال الا وتلقى الحريم مصطفين جدامك وتاركين المكان المخصص لهم تروح للدكتور وانت واقف على الباب الا وحده ومدرعمه وداشه ماكنها تشوفك وش الحل مع هل
البشمرقه:anger1: