مشلكه في البلاكبيري porsche design

[qtr-1234]

السلام عليكم

عندي مشكله في البورش ديزاين صارلي سبوعين استعمله ومن اول اسبوع لما اضغط زر الباك يطلعلي كم حرف وساعات يفتح محادثه ثانيه وبعدين يطلع يعني مب على طول والمشكله عند واحد من ربعي بعد....

حد يعرف الحل لو سوفتوير ولا عيب مصنعي ؟:(:(:(

[abdo222]

التلفون شاريه بالسعر الفلاني ويطلع فيه هال العيب !!! روح للضمان وسوي لهم فضيحه مناك،، حتى لو موضوع سوفت وير ، مستحيل زر الباك يتبرمج يصير شيء ثاني،، روح لهم وخلهم يعطونك واحد جديد

[vxr 5.7]

اخوي عنده نفس المشكله ورآح يبي يعدله قالو لازم الضمان قالهم الضمات اتصالات ارفضـو لانه مآخذه من الامارات

روح صوب المحل الى آنته شاريه منهم وبيعدلونه لك هذا نظام لازم يمسحونه وينزلون الاصدار الجديد علي حسب كلام المصري الى في محل السيـف الى ف شـآرع ال شـآفي < فضحتـة

[mE mYself & i]

وبطاريته تعبانه اكثر من البولد ٩٩٠٠

[Qtr_Qtr]

انا عندي نفس المشكله .... ممكن نعرف شنو الحل

[اليحصبي]

رجعه الضمآن
مشاكل البيبي لاتنتهي :$

[بوجاسم566]

الله يعيـن طلبـتة من امريـكا :o

[قطر88]

افكر اخذ لي واحد

يا الربع اللي استخدمه يقول لي افضل من 9900

[qatar2004]

ههههه اذا بذيك الحكايه ودافع عليه مبلغ واخرتهاا هذي مشاكله


هههههه لاتخاف امزح معاك .. هذي 100% سوفت وير يعني برمجه مشكله في الاصدار دايماًُ التلفونات الجديده يكون فيها هالنوع من المشاكل

[Qtr_Qtr]

صح كلامك في مشكله ... في السوفت وير بس لحد الحين مانزل له شي .....

[qtr-1234]

Qtr والله ياخوي انا خليته نفس ماهو واستخدمه لكن ينرفزني ساعات

انا حاليا انطر ينزل بلاكبيري جديد وباخذه بداله

[آنا غيــر]

وااو شباب منتدانا كشووخين :)

[ll_4u_ll]

السلام عليكم
ياخوي هالمشكله بالضبط عندي وكرهتني فستخدامه
لين جيت اضغط على الزر اللي فالنص تطلع لي حروف
واكثر شي حرف الـ(ك) وحرف الـ(ت)
فصلت البطاريه وخليته يومين وشغلته نفس الشي
وارساله مب لين اهناك لك عليه دايماً يفصل ويطيح ارساله
اذا حد يعرف حل للمشكله يفيدنا
والله يجزاكم كل خير

[طموحي عالي]

نفس الحاله عند ؤايد ناس نبي حل

[ll_4u_ll]

انا الحل اللي سويته رجعت على الايفون جوال اساسي
والبلاك بيري ركبت كرت ثاني بس حق الماسنجر
لان بصراحه شركة البلاك بيري فاشله وعمرها مراح اطور من مشاكلها
هالعيوب دايماً فكل موديل لازم عيب ورجعت على ٩٩٠٠
واليورش رجعته فكرتونه لين ينزل سوفت وير ولا انشوف له حل
المشكله مب حاله الارسال يقطع دايما واذا قطع ورجع يرجع فل بس اذا تكلم حد ماتسمع صوت
لازم تفصل البطاريه وتركبها مب حاله طول يومك تفصل وتركب

[Abdulla86]

انا خذته من اكسيوم ونشبت لهم نشبه والله العظيم ان جهازي بدلولي اياه مرتين وانا الحين ثالث جهاز استخدمه فعلاً اكسيوم جداً متعاونين و ماعندهم مشكله في الربليسمنت