هل هذا اسلوب تربيه ؟؟ الى كل ام

[للصبر اخر]

مرحبا ايها الاعضاء الكرام ..
سأقول هنا قصتي
واتمنى الحكم عليها ..
من شهر تقريبا
كنت في زياره الى بيت احد الاصدقاء
كل اسبوعين تقريبا تجمعنا في زياره خفيفة
من كبار وصغار
جاءت ابنة صديقتي فقالت لامها :
يما فلانه شخبطت على المنظره ..
الام ( بصراخ امام الجميع ) ماقلت لج شيلي الأقلام لاتنثرينهم ..
البنت : انا حطيتهم على الطاولة فوق وهي طلعتهم
الام : طلعي برا لا اسطرج يالله ..
لم اتجرأ على النطق فسكت
بعد نصف ساعه جاءت (.... ) التي قامت بالشخبطه على المرآه فقال صديقتي بكل حب ولطف :
ليش شخبطتي ماما مو عيب جي تسوي
فكانت نظرتي للمنظر :omg:
التقينا بعد اسبوعين
ولان الاطفال البنات محبات للعمل الفني اجتمعو لاعداد عمل فني يربطهم
من قص ولزق
جاءت اخت (فلانه) تنزف دم فقامت صديقتي تركض فقالت : ليش ماما شسويتي ؟
البنت : نسوي عمل فني
صديقتي : حاسبي ماما زين .
ومسحت الدم ووضعت مطهر ورجعت لنا
بعد العشاء جاءت ابنة صديقتي واصبعها ينزف الدم فاذا بامها تصرخ
شمسويه انتي
كنا نقص الصور
صديقتي : عميه ماتشووفين كم مره حذرتج انا .
البنت كانت ستبكي طالعت في الموجودين ومسحت دمووعها وخرجت مكسووره


هذه قصص لفتت انتباهي
هل هذا اسلوب تربيه
توبيخ الطفل امام الغير من الناس سواء كبار ام اطفال يعد من التربيه ؟
لو كان نعم
ضعي نفسك ايتها الام في مكان هذا الطفل فماذا سيكون ردك
هل تعتقدين ان الطفل سيعامل باقي الاطفال بحب ؟؟
خاصه من رافتي عليهم امامه ووبختيه امامهم
هل سيكون جيل قادر على العطاء ؟؟
اترك لكم النقاش
فلما تناقشت معهم كان جوابهم
لم تصبحي ام فلن تشعري بهذا الا بعد ماتصبحي ام

وسلامتكم

[شبح الصمت]

تقصدين تفضيل طفل على طفل

هالشيء ما احبه المفروض من الاب والام معاملة الاطفال سواسيه

هذه ماشاء الله عليه هادي هذه حركي

المفروض يتعاملون بنفس المعاملة لانه هالاشياء تسبب لهم عقده نفسيه


الله يحفظ عيالنا من كل شر

والله يقدرنا وننشأهم النشائة الصالحه الي تقومهم في المستقبل وتعينهم على طاعته واحترام الناس لهم ..

الله يجزاج خير اختي

[حسن]

اكيد الام مهب متعلمه وجاهله او مستواها العلمي بدايه الابتدائيه صح

[للصبر اخر]

تقصدين تفضيل طفل على طفل

هالشيء ما احبه المفروض من الاب والام معاملة الاطفال سواسيه

هذه ماشاء الله عليه هادي هذه حركي

المفروض يتعاملون بنفس المعاملة لانه هالاشياء تسبب لهم عقده نفسيه


الله يحفظ عيالنا من كل شر

والله يقدرنا وننشأهم النشائة الصالحه الي تقومهم في المستقبل وتعينهم على طاعته واحترام الناس لهم ..

الله يجزاج خير اختي

لا مو طفل عن طفل
تفضل طفل ولد الجيران على طفلهااا
اللهم امين
ويجزاك

[للصبر اخر]

اكيد الام مهب متعلمه وجاهله او مستواها العلمي بدايه الابتدائيه صح

متعلمه
واعرف وحده جامعيه بعد
انا توقعت بس عند صديقتي هالمشكله
طرحت الموضوع قبل للنقاش وجاتني ردوود افعال ماكنت اتوقعهاا
من جامعين ومثقفييين للاسف

[شبح الصمت]

لا مو طفل عن طفل
تفضل طفل ولد الجيران على طفلهااا
اللهم امين
ويجزاك




اهااااا

يعني تبينها تزاعق على بنت الجيران وتصير الطامه الكبرى ..

ام البنت تزعل عليها وعقب يقولون اطلعت شريرة

معروفه السالفه دامها بنت الجيران لازم يحترمونها واصلا وين امها مفروض امها تقولها ماما هالشيء خطأ

ودامها جلست اطفال خلاص يدرون الطفل كل شيء يحب يسويه بس يوجهونهم التوجيه الصح انه هالشيء اي صح هالشيء لا خطأ لا تسويه

لازم لهم مراقبة بس دامهم جلسه وسوالف وتكركر وين يتابعونهم

مافي الا ميري والا ساري والا هاري اتابع الاطفال ..

الله المستعان

[هتـان قطر]

اكيد الام مهب متعلمه وجاهله او مستواها العلمي بدايه الابتدائيه صح


مهب شرط أخوي حسن

اتذكر أبوي الله يرحمه ما كان يهاوش احد من خواني في حضورنا اذا أخطأوا

كان يدخلهم الغرفة ويقعد معاهم بالساعة لين يفهم الواحد منهم خطأه ويعاقبه عليه

وأخوي اللي مخلص الجامعة دايما يهاوش عياله في أي مكان وما يهمه الناس اللي حواليه

فكنت اسمع أبوي دايما ينصحة ويقوله تحمل تهاوش عيالك قدام الناس

حتى لو أمهم واخوانهم..سكر على ولدك الغرفة وقول اللي في خاطرك


اللي بغيت أوصل له .. ان التربية فن ما يتقنه الا اللي موفقه ربي

ومنور بصيرته وما يهم لا تعليم ولا غيره

وتصرف هذي الام خاطئ بكل المقاييس

وكان الاولى بها انها تكلم البنت بدون محد يسمع او تاخذها

وتطلع وتتناقش معها وتفهمها اذا بغت شي تصوت على أمها

تطلع لها وما تقول مشكلتها قدام الناس وبصوت مسموع

هالشكل بتتعود البنت الشكوى للناس وما راح تحفظ اسرارها

[حسن]

متعلمه
واعرف وحده جامعيه بعد
انا توقعت بس عند صديقتي هالمشكله
طرحت الموضوع قبل للنقاش وجاتني ردوود افعال ماكنت اتوقعهاا
من جامعين ومثقفييين للاسف

الصراحه انصدمت من ردك ان هل التصرفات تصدر من جامعين ومثقفين عيل هناك خلل اما في التعليم ولا المراءه لو تعلمت ماتتغير ابي حد يجاوب على سؤوالي والميك لكم

[للصبر اخر]

احنا ماطلبنا تزاعق على بنت الجيران
كان بامكانها ماتزاعق وتخلي الموضوع لين المكان يفضى
او تاخذها على جنب وتكلمها
الصراخ على الطفل امام الاطفال الاخرين اكبر غلط

[للصبر اخر]

مهب شرط أخوي حسن

اتذكر أبوي الله يرحمه ما كان يهاوش احد من خواني في حضورنا اذا أخطأوا

كان يدخلهم الغرفة ويقعد معاهم بالساعة لين يفهم الواحد منهم خطأه ويعاقبه عليه

وأخوي اللي مخلص الجامعة دايما يهاوش عياله في أي مكان وما يهمه الناس اللي حواليه

فكنت اسمع أبوي دايما ينصحة ويقوله تحمل تهاوش عيالك قدام الناس

حتى لو أمهم واخوانهم..سكر على ولدك الغرفة وقول اللي في خاطرك


اللي بغيت أوصل له .. ان التربية فن ما يتقنه الا اللي موفقه ربي

ومنور بصيرته وما يهم لا تعليم ولا غيره

وتصرف هذي الام خاطئ بكل المقاييس

وكان الاولى بها انها تكلم البنت بدون محد يسمع او تاخذها

وتطلع وتتناقش معها وتفهمها اذا بغت شي تصوت على أمها

تطلع لها وما تقول مشكلتها قدام الناس وبصوت مسموع

هالشكل بتتعود البنت الشكوى للناس وما راح تحفظ اسرارها

صح لسااااانج
اتمنى من الامهات والاباء هالاسلوب في التربيه

[للصبر اخر]

الصراحه انصدمت من ردك ان هل التصرفات تصدر من جامعين ومثقفين عيل هناك خلل اما في التعليم ولا المراءه لو تعلمت ماتتغير ابي حد يجاوب على سؤوالي والميك لكم

انا ماعندي رد
لو عندي مانزلت الموضوع

[شبح الصمت]

احنا ماطلبنا تزاعق على بنت الجيران
كان بامكانها ماتزاعق وتخلي الموضوع لين المكان يفضى
او تاخذها على جنب وتكلمها
الصراخ على الطفل امام الاطفال الاخرين اكبر غلط



انزين يصير اقلب السؤال عليج .. !!


لو اختج الصغيره سوت شيء خطأ وبنت الجيران عندكم من راح تحاسبين !!!

:)

[حسن]

مهب شرط أخوي حسن

اتذكر أبوي الله يرحمه ما كان يهاوش احد من خواني في حضورنا اذا أخطأوا

كان يدخلهم الغرفة ويقعد معاهم بالساعة لين يفهم الواحد منهم خطأه ويعاقبه عليه

وأخوي اللي مخلص الجامعة دايما يهاوش عياله في أي مكان وما يهمه الناس اللي حواليه

فكنت اسمع أبوي دايما ينصحة ويقوله تحمل تهاوش عيالك قدام الناس

حتى لو أمهم واخوانهم..سكر على ولدك الغرفة وقول اللي في خاطرك


اللي بغيت أوصل له .. ان التربية فن ما يتقنه الا اللي موفقه ربي

ومنور بصيرته وما يهم لا تعليم ولا غيره
وتصرف هذي الام خاطئ بكل المقاييس

وكان الاولى بها انها تكلم البنت بدون محد يسمع او تاخذها

وتطلع وتتناقش معها وتفهمها اذا بغت شي تصوت على أمها

تطلع لها وما تقول مشكلتها قدام الناس وبصوت مسموع

هالشكل بتتعود البنت الشكوى للناس وما راح تحفظ اسرارها

الاخت هتان جزاك الله خير على هل الرد واللى بالحمر اتفق معاك ميه بالميه ومن وجهه نظري اصبتي الحقيقه:victory:

[ام السعف]

للأسف اقولها مليون مرة ،، البعض يتعامل في كلامه مع اليهال اسلوب الغوغائيين

انكسرت المزهرية من غير قصد صراخ وسب ،، انشقت الورقة بالغلط صراخ وترزيل

مع الموضوع يمكن احتواءه بلطف وخاصة لو ان الأمر مب مقصود
ولا مكرر من الطفل ،،

اقول تصرف هالأم غلط مليون مرة ،،


وفي المقابل بعد هناك بعض الأمهات رحيمات على عيالهم وشيطاين على عيال الناس
على عكس تصرف صديقتج ،، تلقين اخطاء عيالهم يلمونها بهدوء وبود
واخطاء عيال الناس صراخهم وزعيقهم يوصل آخر الدنيا ،،

[شبح الصمت]

صراحه انا يعجبني الشخص

اسمه بوخزت عين :eek5:

الي يخز الياهل من بعيد ومدري اشلون اوصف لكم عينه

بس من نظرة عينه حبيته

ههههههههاي :shy:

اشدخل قصدي من نظرة عينه خلالاص الياهل يركد تحصلونه زابن مكانه خامر اشدعوه حباره


المهم التربية نفس ما تفضلت اختي هتان ما تجي من درجة تعليمي ولكن تجي من الفن في كيفية معاملتي للطفل اشلون اقدر اتعامل معاه اشلون ومتى اعرف ازقره على الغلطه اشلون اقدر اقوله وفهمه هالشيء صح وهالشيء خطأ

[للصبر اخر]

انزين يصير اقلب السؤال عليج .. !!


لو اختج الصغيره سوت شيء خطأ وبنت الجيران عندكم من راح تحاسبين !!!

:)

اقولها تعالي فوق واكلمها
او لما يروحون اناقشها بالموضوع ودايم تصير بيني وبينها
لان ادري لو انا حد هاوشني والناس قاعده مابستحمل ومابرضاها
فما بالك بطفل

[ام السعف]

الصراحه انصدمت من ردك ان هل التصرفات تصدر من جامعين ومثقفين عيل هناك خلل اما في التعليم ولا المراءه لو تعلمت ماتتغير ابي حد يجاوب على سؤوالي والميك لكم

الخلل في النفس البشرية ،، لا تقول متعلمة او مثقفة او جامعية
مرات كثيرة الطامة الكبرى في التربية والسلوك السيء يصدر منهم،،

النفس اللي ما تعودت على التهذيب الكتب والمراجع ما بتهذبها ،،

اللهم عافنا مما بليت غيرنا ولا تبلينا يارب ،،

[للصبر اخر]

للأسف اقولها مليون مرة ،، البعض يتعامل في كلامه مع اليهال اسلوب الغوغائيين

انكسرت المزهرية من غير قصد صراخ وسب ،، انشقت الورقة بالغلط صراخ وترزيل

مع الموضوع يمكن احتواءه بلطف وخاصة لو ان الأمر مب مقصود
ولا مكرر من الطفل ،،

اقول تصرف هالأم غلط مليون مرة ،،


وفي المقابل بعد هناك بعض الأمهات رحيمات على عيالهم وشيطاين على عيال الناس
على عكس تصرف صديقتج ،، تلقين اخطاء عيالهم يلمونها بهدوء وبود
واخطاء عيال الناس صراخهم وزعيقهم يوصل آخر الدنيا ،،
اي والله اختي
في ناس حق عيالهم مايقولون شي
وعيال الناس يصرخون عليهم
نبي اسلوب صحييح
قادر على بناء جيل

[للصبر اخر]

صراحه انا يعجبني الشخص

اسمه بوخزت عين :eek5:

الي يخز الياهل من بعيد ومدري اشلون اوصف لكم عينه

بس من نظرة عينه حبيته

ههههههههاي :shy:

اشدخل قصدي من نظرة عينه خلالاص الياهل يركد تحصلونه زابن مكانه خامر اشدعوه حباره


المهم التربية نفس ما تفضلت اختي هتان ما تجي من درجة تعليمي ولكن تجي من الفن في كيفية معاملتي للطفل اشلون اقدر اتعامل معاه اشلون ومتى اعرف ازقره على الغلطه اشلون اقدر اقوله وفهمه هالشيء صح وهالشيء خطأ

هههههههههههههه
هذا اخوي
بنظره منه تلاقي الطفل من الخرعه رقد

[وتبقى الدنيا حلوه]

بتصير للبنت عقده نفسيه لما تكبر

[للصبر اخر]

بتصير للبنت عقده نفسيه لما تكبر

صح كلامممج
شاكره تواجدج

[qrt_trading]

بالنسبة لي أنا في اول ثلاث مرات او اربع مرات اكلم العيال وما اهاوشهم اول مرة أجيبها بضحك لكن المرة الثانية اكلمه بجد والثالثة بجفاء واني زعلانه منه الرابعة حرمان من شي غالي عليه اما بعد جذي اذا طلع طوفه وما حس أهني اتجيه الصرخة العدلة والتسفيله اللي مابعدها تسفيله.

[للصبر اخر]

بالنسبة لي أنا في اول ثلاث مرات او اربع مرات اكلم العيال وما اهاوشهم اول مرة أجيبها بضحك لكن المرة الثانية اكلمه بجد والثالثة بجفاء واني زعلانه منه الرابعة حرمان من شي غالي عليه اما بعد جذي اذا طلع طوفه وما حس أهني اتجيه الصرخة العدلة والتسفيله اللي مابعدها تسفيله.

حلوه هاي طووفه
في بعض الاطفال يستهينوون وكانه عاادي
شكرا ع الواجد العطر

[CH Engineer]

صعب الموضوع

[intesar]

اكيد الام مهب متعلمه وجاهله او مستواها العلمي بدايه الابتدائيه صح

التعليم مو دليل على جهل الشخص.. الكثير ثم الكثير من اولياء الامور الحاصلين على أعلى مراتب العلم.. لكن أسلوب التعامل مع الغير أو مع أطفالهم صفر على اليسار..:anger1:

المفروض أن لا يتم عتاب الطفل أمام ومرأى من الكل.. العتاب يكون بين الام وطفلها.. في مكان خاص بهم.. لعل الأم التي وبخت طفلتها أمام الجميع.. لم تعي سوء تصرفها.. دوما نسمع أن الطفل لا يعي.. أو يكبر وينسى.. لكن الطفل يخزن كل ما يمر به في حياته.. ينسى الكثير عندما يكبر.. ويتذكر القليل.. لكن لعل هذا التوبيخ هو ما ظل بذاكرته.. هذا الأسلوب المتبع والتوبيخ العلني.. تنشيء طفلا خجولا.. انطوائيا.. وسوف يعمد إلى دفن الحقائق واللجوء إلى الكذب مخافة التوبيخ في العلن..

ودمتم بود..

[للصبر اخر]

صعب الموضوع

:rolleyes2::rolleyes2::rolleyes2:
منورين الموضوع

[بـــــــنت النوخـّــــذه]

اكيد الام مهب متعلمه وجاهله او مستواها العلمي بدايه الابتدائيه صح

البلا ساعات مايطلع لك إلا من المتعلمين 000 الدرجه العلمية مهب مقياس للتربية

اذا مقياس عيل اشلون قدروا اجدادنا الي مايعرفون يمسكون القلم يربون 00

يا ما ناس يتفلسفون انهم يابلفيت اعلى درجه علميه والمخ فاصل حتى الاسلوب التربوي مايدرون هو شنهو

وشكرا"

[BonBons]

تربيه الاطفال بالوقت صعب جدا ويحتاج فن وطريقه التعامل مع الطفل هي اللي ترسم ملامح شخصيته لما يكبر
من وجهه نظري الطفل لازم يتعلم ان لكل فعل رده فعل لكن بحجم الغلط نفسه لا اكبر ولا اقل
يعني اذا صدر فعل غلط بدون قصد نكتفي بالتنبيه والتنويه والنصح مع توضيح السبب
مثلا الطفل كسر شي بالبيت نتكلم بهدوء لان اللي صار صار ونخليه يساعدنا بالتنظيف واثناء التنظيف نوضح له ان اللي كسره كان غالي او انه كان شكله حلو بالصاله وان لما انكسر كان ممكن يجرح الطفل وياذيه
الطريق الصحيحه ان نشرح الاسباب للطفل لكي يقتنع مب اسلوب المنع والصراخ

اما اذا صدر عن الطفل فعل عمداً بس بنيه حسنه وبدون مضره بهالحاله افضل نظرة الغضب بالاضافه الى الزعل عليه وبعدها تطنيشه صدقوني وعن تجربه لما تتجاهلين الطفل يجن جنونه واذا كلمج تسوين روحج ماتشوفينه يصير مينون يسوي اي شي عشان يلفت انتباهج وممكن يتاثر ويصيح بعدها تقدرين تشرحين له السبب والاسباب وتخلينه يعتذر

واخيرا اذا كان الفعل متعمد بهدف التخريب او الاذيه فلا يمنع الضرب الخفيف على اليد وانا اقول الخفيف الي مايترك اثر جسدي ولكن يترك اثر نفسي وهذا كفيل انه يوضح للطفل الغلط اللي قام به
ولكن للاسف بهالايام اشوف بعض الاهل يضرب ويشتم الطفل بلا رحمه امام اخواته او اهله وجدام الناس يسوي نفسه رقيق مع عياله وياحبيبي وياقلبي ولا ياماما واي يا بابا
بهذي الطريقه نكون : اكسبنا الطفل وسائل العنف وكلمات سب جديده بالاضافه الى النفاق الي يفهمه ويترجمه من طريقه امه وابوة معاه بالاضافه للشخصيه المهزوزة
فلا تستغربون يا من تستعملون هالطريقه لما الطفل يجي يعانفك او يسبك لانه يرد لكم الاسلوب بالمقابل سواء معاكم او مع احد اخوانه او اي شخص اخر

بالنهايه التربيه فن وابداع له اساليب كثيره تعتمد على البيئه المحيطه وجو الاسره ومن وجهه نظري كل ماشفنا الطفل يبتسم مهذب واثق من نفسه كلامه مهذب وافعاله صحيحه يدل على العلاقه القائمه بين الاب والام وطريقه تعاملهم مع بعض وتعاونهم بتربيه طفلهم

[eXpert*]

الأطفال طيور الجنة .

وأهم إستثمار للوالدين ،،

لذلك يجب حسن تربيتهم وتوجيههم .

يا عالم الناس مادري شفيها ،، أطفالكم هاذي أمانة يجب التعب فيهم شويّ.

كله كوم ويوم يقارنون الطفل بطفل آخر كوم .

يعني شوف ولد/بنت فلان أحسن منك في (أي شئ) .

شتتوقعون الولد / البنت يطلعون ؟ غير أصحاب شخصية مهزوزة وضعيفة وغير شجاعة للمواجهة !؟

ما قول غير الذرية نعمة والكثير محروم منها هالله هالله في عيالكم .

[بو طالب]

ونعم التربيه ما شاء الله

اييييييييييييييييييييييييييييه الله يرحم

في ذيك الايام الوالده كانت تطرد ورانا في الحوش بعقال الوالد ونشرد منها في الشارع

لانها ما تقدر تطلع برا

الحين اذا المدرس طالع الولد الصغير بعينه يقعد يبكي يجيه ابو الولد يهاوش المدرس ياخي حطمت

نفسية الولد شوي شوي عليه

[للصبر اخر]

الأطفال طيور الجنة .

وأهم إستثمار للوالدين ،،

لذلك يجب حسن تربيتهم وتوجيههم .

يا عالم الناس مادري شفيها ،، أطفالكم هاذي أمانة يجب التعب فيهم شويّ.

كله كوم ويوم يقارنون الطفل بطفل آخر كوم .

يعني شوف ولد/بنت فلان أحسن منك في (أي شئ) .

شتتوقعون الولد / البنت يطلعون ؟ غير أصحاب شخصية مهزوزة وضعيفة وغير شجاعة للمواجهة !؟

ما قول غير الذرية نعمة والكثير محروم منها هالله هالله في عيالكم .

تنعكس هذه التربيه على نفسية الفرد عندما يكبر

شكرا ع المداخله ..

[للصبر اخر]

ونعم التربيه ما شاء الله

اييييييييييييييييييييييييييييه الله يرحم

في ذيك الايام الوالده كانت تطرد ورانا في الحوش بعقال الوالد ونشرد منها في الشارع

لانها ما تقدر تطلع برا

الحين اذا المدرس طالع الولد الصغير بعينه يقعد يبكي يجيه ابو الولد يهاوش المدرس ياخي حطمت

نفسية الولد شوي شوي عليه

:rolleyes2: :omg: :rolleyes2:

[am5ald]

وايد امهات مايعرفون اساليب التربيه وخصوصاً الجامعيات اللي مادرسو تخصصات تربوية ،
نصيحتي لج اشتري لها هديه كتاب التربية المثالية من جرير وغلفيه تغليف حلو وقولي لها اهديت كل صديقاتي الامهات عشان ماتحس بشي

[للصبر اخر]

وايد امهات مايعرفون اساليب التربيه وخصوصاً الجامعيات اللي مادرسو تخصصات تربوية ،
نصيحتي لج اشتري لها هديه كتاب التربية المثالية من جرير وغلفيه تغليف حلو وقولي لها اهديت كل صديقاتي الامهات عشان ماتحس بشي

ام خالد في ناس يقروون بس مايطبقوون
كنت اتمنى اوصل لاحد الدعاه يتبنى فكره اسلوب التربيه للامهات او حتى الداعيات
بس في شريحه رغم اهتمامها بالندوات الدينيه والبرامج ايضا الا انها مستمعه فقط ولا تطبق
الله المستعاان
شكرا ع النصيحه

[المرسى الأخير]

للأسف اقولها مليون مرة ،، البعض يتعامل في كلامه مع اليهال اسلوب الغوغائيين

انكسرت المزهرية من غير قصد صراخ وسب ،، انشقت الورقة بالغلط صراخ وترزيل

مع الموضوع يمكن احتواءه بلطف وخاصة لو ان الأمر مب مقصود
ولا مكرر من الطفل ،،

اقول تصرف هالأم غلط مليون مرة ،،


وفي المقابل بعد هناك بعض الأمهات رحيمات على عيالهم وشيطاين على عيال الناس
على عكس تصرف صديقتج ،، تلقين اخطاء عيالهم يلمونها بهدوء وبود
واخطاء عيال الناس صراخهم وزعيقهم يوصل آخر الدنيا ،،

ذكرتيني بأمهات الله يهداهم يغضون الطرف عن عيالهم و ما يرضون عليهم حتى لو سووا غلط

بالمقابل تشوفينهم مع عيال الغير شغالين فيهم هواش و ضرب..تقولين انتقام :secret:


و رد للموضوع بشكل عام.. التربية فن يحتاج من الام تتعلم مهارات و أدب التعامل مع أطفالها وكيفية غرس المفاهيم و تربيتهم بشكل صحيح

ما يهم ايش شهادة و نوع التعليم او حتى اذا كانت امية..مهم الام يكون عندها إدراك و وعي بالأسلوب الإيجابي فالتربية..

[عنوووود]

تصدقين عزيزتي :

" نفس الإسلوب يتم ممارسته على الطالبات من قبل بعض المعلمات وياكثرهم العصبيات الي معتمده في التربية على الصرااااااااخ " نفوس لا ترحم ضعف وجهل الصغار "

لكن ،،،،،،،،،،،، لا يوجد توجيه ولا رادع " يتم إحراج الكثير من الطالبات في الصفوف واحيانا في الطابور الصباحي واحيانا في الممرات على أشياء تافهة لا تستحق كل هذه العصبية او الصراخ أو الإهانة "

[للصبر اخر]

تصدقين عزيزتي :

" نفس الإسلوب يتم ممارسته على الطالبات من قبل بعض المعلمات وياكثرهم العصبيات الي معتمده في التربية على الصرااااااااخ " نفوس لا ترحم ضعف وجهل الصغار "

لكن ،،،،،،،،،،،، لا يوجد توجيه ولا رادع " يتم إحراج الكثير من الطالبات في الصفوف واحيانا في الطابور الصباحي واحيانا في الممرات على أشياء تافهة لا تستحق كل هذه العصبية او الصراخ أو الإهانة "

اي والله عاد المدرسات حدث ولا حرررج

[للصبر اخر]

[/color]

ذكرتيني بأمهات الله يهداهم يغضون الطرف عن عيالهم و ما يرضون عليهم حتى لو سووا غلط

بالمقابل تشوفينهم مع عيال الغير شغالين فيهم هواش و ضرب..تقولين انتقام :secret:


و رد للموضوع بشكل عام.. التربية فن يحتاج من الام تتعلم مهارات و أدب التعامل مع أطفالها وكيفية غرس المفاهيم و تربيتهم بشكل صحيح

ما يهم ايش شهادة و نوع التعليم او حتى اذا كانت امية..مهم الام يكون عندها إدراك و وعي بالأسلوب الإيجابي فالتربية..

صح لسانج هذي هي الكلمه الصح