تجربتي مع المعرض التجاري (اللي يبي مايخسر في المعرض)

[عنودالصيد]

السلام عليكم ورحمة الله وبركاته
رحت المعرض مع صديقتي وهي من جنسية المصرية وكالعاده نمشي نتفرج ونسوم ونكاسر ونشتري . الغريب والعجيب والمضحك اني في كل مرة اسال عن سعر شيئ يعطوني سعر
وتجي صديقتي بعدي تسال يعطونها سعر ثاني . لا وتاكسرهم بعد ويعطونها .
صرت لما يعجبني شي اسومه وابعد عن المحل وارسلها تاخذه بأقل من سعري واحيان نص السعر . منها جلابية ب600ريال جابت لي سعر ب350
سكوتر اول ماسالته قاللي ب500 ريال . جابته ب 300
واشياء واجد . سويناها لعبه كل ما ابي شيئ ارسلها وتجيبه لي مخفض وهم المستفيدين بعد الله يكرههم مع سوالفهم .. الحين اللي يبي يروح في المراة القادمه انصحه ياخذ له واحد من ربعه من المقيمين . ترى والله بيوفر وااااجد .

شكرا لكم :)

[بو خليفه 123]

جاري الاتصال في سي حنفي



رغم فكاهة اسلوبك و تخيلتكم و انتوا تسوون مداهمات و تمويه للمحلات الا انه يلامس الواقع المرير


و رسالتك المبطنه تعني (البس بنطلون و قميص و اشتر بنصف السعر)

[ام السعف]

بيزيد سعر التمشية مع مقيمة في المعارض حسب الساعة
:(

[ايزو]

في طريقة احسن "لا تروحون المعرض وما راح تخسرون شي"

[أسير الاسهم]

يحسبون لقطريين يمشون ومخابيهم متروسه فلوس .. لا والقطري عندهم انه هامور وما يكاسر يعني ادبل عليه السعر ما بيقول شي

الله يرحمنا برحمته .. غدينا طعام جحوش

[للصبر اخر]

انا بودي خدامتنا
منها فسحه ومنها اخذ اللي ابيه
دام قطر لهم مو لنا
الله المستعان

[عنودالصيد]

الاحلى وحده من ربعنا تقولنا : انا ماروح المعرض التجاري في قطر .
لما يروح السعودية اروح له في جبيل بحكم لها اهل هناك . تاخذ الاشياء بربع السعر بدون مكاسر

صج مقصوص علينا

[قطري مفلس]

والله الموضوع ضحكني ^_^

بس تدرون وين المشكله ؟؟؟!!!

ان أجيب سي حنفي على قولة أخوي بوخليفة ، ويقوم بعد هو يشتري نفس الي أشتريه :(

يعني مافلحنا ،،،

عموما هذا الي صار معكم في المعرض والله صار معي في كراج السيارات لما أطرش احد من الجالية الباكستانية (الله مكثرهم في فريجنا ) ، ، او في شراء اي حاجة والله تطلع الشغله عليه أرخص بواجد ،،، هذا الي يسمونه المضحك المبكي

[بوعمير]

منذ زمن قاطعت مثل هذه المعارض (الكتاب، التجارية، الاثاث ...الخ) لأنه بالأصل تُبنى على النصب وإستغلال الأخرين، فالسعر في بلادهم يصل إلى نصف أو ربع سعر المعروض هنا في قطر، وشخصياً لا أُحب أن يستغل الأخرين طيبه قلوبنا ودماثة أخلاقنا تحت مسى ( غبي عنده فلوس).

[Amal_QTR]

الاسعار للقطرين عليها زياده 60% :victory:

[كازانوفا]

جاري الاتصال في سي حنفي



رغم فكاهة اسلوبك و تخيلتكم و انتوا تسوون مداهمات و تمويه للمحلات الا انه يلامس الواقع المرير


و رسالتك المبطنه تعني (البس بنطلون و قميص و اشتر بنصف السعر)


ولا تنسى اتغيرر لكنتك عشان تمشي امورك هههه:nice:

[كازانوفا]

والله الموضوع ضحكني ^_^

بس تدرون وين المشكله ؟؟؟!!!

ان أجيب سي حنفي على قولة أخوي بوخليفة ، ويقوم بعد هو يشتري نفس الي أشتريه :(

يعني مافلحنا ،،،

عموما هذا الي صار معكم في المعرض والله صار معي في كراج السيارات لما أطرش احد من الجالية الباكستانية (الله مكثرهم في فريجنا ) ، ، او في شراء اي حاجة والله تطلع الشغله عليه أرخص بواجد ،،، هذا الي يسمونه المضحك المبكي



مش من حقه بصراحه :rolleyes2:
كيف يشتري مثلك وانت ما مثلك حداااا:nice:

[سما الوطن]

كلام صحيح

انا بعد بالصدفه كان معي مقيمه ... فعلا اخذت لك اكثر من قطعه بسعر منخفض جدا

[بوخالد911]

شي غريب فعلا


لا بد من الاستعانة بصديق حنفي ؛ مرعي ؛ شوقي ................

ليش ما يتم تحديد الأسعار مسبقا ؟!؟!؟!

[doha2012]

اللي يبي جيوبه لايروح


مخاسير وكلها موجوده في شروه وزون:)

[الفيصل]

المشكله ماعندي صديق

لذلك بستخدم حيلة التمويه>>بلبس لبس تنكري بس مدري يجي او مايجي :)

هنا يأتي حماية المستهلك لحمايتنا من النصب والاحتيال والزيارده في الاسعار

ولكن حماية المستهلك ( لا أرى - لا أسمع - لا أتكلم )

بعد فوات الفوت بيطلعون لنا بتصريح صحفي مع شوية مكياج وبتسامه :)

[qataria]

احنا اللي جبناه لنفسنا البنات يتسابقون على الاشياء الغاليه علشان التزبي و الشباب نفس الشي هذا غير السيارات اللي ولعت وهم يشترون فيها.

كنت في معرض الكتاب مع صديقتي وتميت اكاسره على سعر الكتب و يقولنا انتوا ما تاخذون ماركات ما تشترون شنط ماركه هذه سعرها ولاشي جنب اسعار الماركات اللي انتوا تاخذونها. قلتله لا انا ما اخسر فلوسي بهالطريقة.
قالي انتوا اهل قطر هالسنة فيكم شي غريب الكل يكاسر و اذا السعر ما عجبكم طلعتوا.

قلت في خاطري اخيرا صحصحنا شوي لهالاستغلال والنصب اللي نفضتوا فيه جيوبنا.

[M&F]

الله يكرههم من يشوفونا يقولون جا الكنز :eek5:

صج صج صج شي يقهر :)

واللي ما عنده صديقه من جنسية عربية وش يسوي :weeping:

[قطري مفلس]

مش من حقه بصراحه :rolleyes2:
كيف يشتري مثلك وانت ما مثلك حداااا:nice:


سانكيووو ماي فريندز :victory: كللك زوووء تأبرني :shy:

[A bin M]

المفروض في تحديد للاسعار

[فتى الجود]

السلام عليكم

هذا دليل على عنصرية التجار

ضد المواطن القطري

[نيساني]

عيل اسكوتر واحد ب 300 طال عمرج ماخذ 3 حبات من السوق الصيني في دبي ب285 يعني الواحد ب95

افضل نوع عندهم الالمنيوم

وشكرآ

[مهرة]

ياحليلج يالعنووود ... حلوة الحركة بس أنا هالنوع من المعارض ماتستهويني .. موفقة حبيبتي وسلمي على أبله نظيرة .. هههههههههههه

[ابن البيطار]

اعتقد في مبالغه فالموضوع والسبب اني لما اروح لمحل واسئله عن السعر يقولي مثلا 300 واقوله 200 او باروح عنك تلاقينه مثلا ينزل 20 او 50 واذا ماشريت منه ورحت عنه مايناديني . والتاجر يبي يبيع سواء قطري او مصري المهم يبيع ويصرف البضاعه . يعني عشان تعرف كم قيمة السلعه الفعلي عط البايع سعرك وروح عنه وهو بيناديك اذا يناسبه او بيعطيك اخر سعر ممكن يقدر ينزله .

[البحار00]

أنا المعرض مادري به ولا رحته

بس عندي شيء دائماً اسوية اذا رحت الحسى بروحي

ما البس ثوووب البس بدله ولا رياضه

علشان مايعرفون اني قطري

[قطري2012]

يات عليهم :weeping: من تم ما قص علينا :omg:خلوها على الله:anger1:

[غايه الطواش]

خلاص المعرض الياي بقط العباه والشيله وبروح اشتري عبي وميني دراعه :)

[بوخالد2]

منذ زمن قاطعت مثل هذه المعارض (الكتاب، التجارية، الاثاث ...الخ) لأنه بالأصل تُبنى على النصب وإستغلال الأخرين، فالسعر في بلادهم يصل إلى نصف أو ربع سعر المعروض هنا في قطر، وشخصياً لا أُحب أن يستغل الأخرين طيبه قلوبنا ودماثة أخلاقنا تحت مسى ( غبي عنده فلوس).

كلام سليم

[rashid700]

انا لا رحت ولا بروح مافي فايده
خساااااااااااره

[مالك أمل]

أخوي حصل بشت شتوي سأل عن سعره قال صاحب المحل بـ 1400

قال أخوي بـ 200 باخذه

قال صاحب المحل عشانك زبون شيله بـ 300 ريال

ـــــــــــــــــــــــــ

- متى طلع اخوي زبون للمحل والمعرض تو مفتوح ؟
من 1400 إلى 300 يعني 1100 راحت على اللي مايعرف لهم

[دااانة قطر]

وخلص المعرض

[باراكودا]

تسلمين ...فكرة حلوة المرة الجاية بناخذ معانا الخدامة .

[aboumajd]

اسعار المعرض غاليه السبب هو ايجار الاستانت غالي جدا جدا انا عرفت انه احدى الاستاندات ايجاره 45الف ريال قطري وانتو احكموا الان ليش الاسعار غاليه

[الصغيره]

للاسف ناس كثير ما تكاسر على طول تدفع وحده خذت خاتم ب900 ريال نزلته لها 600 ريال

[بوحارب]

أخوي حصل بشت شتوي سأل عن سعره قال صاحب المحل بـ 1400

قال أخوي بـ 200 باخذه

قال صاحب المحل عشانك زبون شيله بـ 300 ريال

ـــــــــــــــــــــــــ

- متى طلع اخوي زبون للمحل والمعرض تو مفتوح ؟
من 1400 إلى 300 يعني 1100 راحت على اللي مايعرف لهم

عرفت المحل اللي تقصده عند السوري وهذا انا اعتبره اكبر نصاب في المعرض

[دااانة قطر]

اعتقد في مبالغه فالموضوع والسبب اني لما اروح لمحل واسئله عن السعر يقولي مثلا 300 واقوله 200 او باروح عنك تلاقينه مثلا ينزل 20 او 50 واذا ماشريت منه ورحت عنه مايناديني . والتاجر يبي يبيع سواء قطري او مصري المهم يبيع ويصرف البضاعه . يعني عشان تعرف كم قيمة السلعه الفعلي عط البايع سعرك وروح عنه وهو بيناديك اذا يناسبه او بيعطيك اخر سعر ممكن يقدر ينزله .

صح انا هذا اسويه

[الدمعه]

المفروض المعرض يستوي لغير المحلات الموجوده بقطر..

المفروض يجيبون اللي بالاساس مالهم مكان وذيك الساعه بتشوفون الاسعار شلون ترجع

مثل قبل .. في اخر الايام بيقطون السعر والسبب مايبون يحملون بضاعه ووزن وتكاليف ..

اما اللي عندهم محلات اهنيه مب هامه المشترى احين تهمه الدعايه اكثر .. وعادي

عنده بيشترون من المحل اذا ماشروا من المعرض يعني مب متكلف فوق طاقته ..

انا استغربت في اخر يوم .. السوريين بالذات .. كنت واقفه مع ابو العيال عند محل الجواتي

كرمكم الله .. قالت له وحده تبغي مقاس يقولها قبل لااطلعه سعره كذا ..

والثاني محل البلايز يقول حق المره قبل لاانزله سعره كذا .. يعني تهديد مثلا والا شنو ..

طبعا مجرد اسمع هالكلام مااشتري يهمني صاحب المحل يحترم الزبون .. مب يتكلم بهالطريقه ..
والله شرينا من عند التايلنديه والصينيه بكل ادب وذوق تخدم وتطلع وتروينا الالوان

والمقاسات .. لا ونزلت من السعر .. لدرجة ان في حرمه سالتني بكم خذتي قلت لها

مادري كم لانها نزلت وايد.. 9 جلابيات ب 500 حسبتهم لي ...

انا مب ملزومه اخذ شي مب مقتنعه بسعره ..

مثل محل كويتي يبيع بلايز .. سمت بلوزه شيفون تقولي ب 450 .. عسى ماشر ..

لا وتقول براعيكي بالسعر .. شنو تراعيني بالسعر...:rolleyes2: