حريق في المعرض

[بوحمد111]

استفسر اذا صحيح الكلام عن حريق في المعرض الحين

ارجوا الافاده

[للصبر اخر]

ماسمعنا شي

[بومتعب]

الحين انا اشوفه من مكتبي ..... مافي حريق ولا شي ..... بس زحمة سيارات ومواقف مافيه كلش والامور طيبة

[بوحمد111]

وش سالفة سيارات المطافي والناس اللي يطلعونهم من المعرض ومنهم هلي طلعوهم

[الحياة الخالدة]

زين جان سألت أهلك إذا هم شافوا حريق أو حتى دخان

[بوحمد111]

اتصلت لهم ويقولون ما شافو شي ولكن الناس مرتبكين و شافوا سيارات المطافي والامن يطلعون الناس من المعرض

[كازانوفا]

هاي الله يسلمك احتفال عشان اخر يوم لهم ههههههه لا امزح طبعا

[҉ مظلي قطر ҉]

شسالفة ابغي اروح بعد شوي تأكدو لنا من الموضوع الله يزاكم خير

مافيني شدة اضرب خط وارجع

[بوحمد111]

روح والله الحافظ وإن شاء الله ما فيه حريق

[بو خليفه 123]

اتوقع والعلم عند الله لأن الاسعار محترقه (مولعه نار)

جابوا المطافي تطفيها

[للصبر اخر]

اتوقع والعلم عند الله لأن الاسعار محترقه (مولعه نار)

جابوا المطافي تطفيها

انا بعد اقوول
ما اعتقد في شي
الزحمه لان اليوم اخر يوووم

[وجه السعد 2]

صدقت يابوخليفة .. الأسعار مولعة نار و اطلبوا المطافي !!!!!!!

[بوحمد111]

الأسعار مولعة نار و اطلبوا المطافي

يمكن يس ويمكن نو

[ابن البيطار]

امس خذت بعض الشغلات بنص قيمتها

[كود نمبر]

نعم اخوي انا طلعت من المعرض الساعه 12 ونص وسيارتي موقفه خلف المبنى من جهة الخيام
وانا طالع دخلو سيارات الدفاع المدني ورى بعض بس ماكان فيه شي يحترق عطلونا شوي وبعدين تحركو
وراحو من الجهه الاماميه وطلعو هلي من داخل لان السكورتريه قامو يطلعونهم لكن مافيه شي محترق
ماشفنا شي انا طلعت من صوب الشارع الداخلي الي يطلع صوب بيت ديانا ولا فيه حريق
مدري وشسالفتهم بالضيط

[حقيقه]

مافيه شيء تو لي ربع هناك أرسلو لي صورهم وهم يتشرون

[Dana’1]

ما شفت ولا حسيت بشي
انا كنت هناك تقريبا آذن الظهر وانا بالسيارة يعني تقريبا وصلت نفس الوقت الي تقول عنة
تسوقت وصليت وتسوقت وما طلعت الا قريب ال٢ ولاشفت مطافي ولا غيرة اساسا رجال المرور ششفتهم بس بالدخلة اما بالطلعة ما شفت احد منهم الا سيارتهم الي سادة الطريق للتنظيم ببس
والله يحفظ المسلمين آمين يارب العالمين