بضاعه الاوتلت عندهم ..نيو كولكشن عندنا

[BonBons]

كلنا نعرف النيو كولكشن الليينزل بمحلات فيلاجيو (الماركات) نادر ما يتزامن مع الدول برى بس اللي صار معاي شي يضحك وشي يبيكي

من اسبوعين كنت بالبحرين وماشاء الله المحلات اللي بالستي كلها سيل 50% و 40% وبربري مسوي اشياء على 70%
عجبني الله يعز القارئ جوتي فلات وكان عليه خصم 60% بس للاسف ماحصلت قياسي كان مخلص
وخذتلي لفه على محل ساكس ولقيته مسوي سيل نفس الشس 40% و50% وخميت المحل خخخخخخ

رجعت الدوحه والفلات بخاطري قلت بروح اشيك بفيلاجيو الا احصل عنهدهم سيل على بعض الاشياء ولكن الصدمه لكبرى ان الجوتي اللي ابيه حاطينه على انه نيو كولكشن :eek5:
انا بطلت عيني وحلجي وسالت الفلبينيه الا تقولي يس مااام دس از نيو قولقشن :anger1:

وقلت لها انا توني راده من وكان عليه سيل تقولي يمك نغير ؟ تستعبط الاخت
الا تنقز امريكيه تقولي مايصدقوني اذا قلت لهم جذي
تقول انا اشتري اشياء من الاوت لت هناك اجي الدوحه احصلها نيو كولكشن

تهقون محلات الدوحه يشترون من الاوت لت اللي برى ويبيعون علينا ولا يوردون دايركت ؟
والله احترنا
المهم انا من عقبها قلت مستحيل اشتري اي شي من قسم الماركات اللي بفيلاجيو بطلب بالنت ولا بوصي حد من اهلي برى

مصخوها صج صج عبالهم مقصه

[للصبر اخر]

والله انا ما احب الماركات ولا اشتري من هني
اذا سافرت اخذهم من برااا
لان هني اخر دولة تنزل قطر
الله المستعان

[وطن]

يجوز مب في كل الاشياء

لان كم شغله شفتها تكون نيو كوليكشن
وحتى بموقع الماركة نفسها موجوده

واحتمال موضوع السيل ما جاء وقته عندنا او عندهم اجراءات ما خلصوها
لان مو شرط نكون مع البحرين
مع ان المفروض الموعد واحد في كل مكان للماركة المعينه بس اتوقع قوانين الدولة تفرق

لو سألتيها متى موعد السيل
ورحتي تشوفينه بعدين

[BonBons]

يجوز مب في كل الاشياء

لان كم شغله شفتها تكون نيو كوليكشن
وحتى بموقع الماركة نفسها موجوده

واحتمال موضوع السيل ما جاء وقته عندنا او عندهم اجراءات ما خلصوها
لان مو شرط نكون مع البحرين
مع ان المفروض الموعد واحد في كل مكان للماركة المعينه بس اتوقع قوانين الدولة تفرق

لو سألتيها متى موعد السيل
ورحتي تشوفينه بعدين

فديتج كان عندهم سيل على بعض الاشياء
اللي اقصده انهم يسون سيل بنفس الوقت تقريبا بس مب على نفس البضاعه
بضااعه تكون بالسيل في دوله ثانيه وهني يقولون نيوكولكشن مستخسرين يبيعونها بسعر السيل وهي اصلا المفروض تكون ضمن السيل

[وتبقى الدنيا حلوه]

ترا وايد صارت

حتى بمحلات عاديه

من ككم يوم شفت بدله بموقع مالت يهال حاطين عليها تصفيه انها كولكشن قديم وتنباع ب100 ريال

و بالصدفه مريت فيلاجيو لقيت حاطين عليها نيو كولكشن و سعرها 200 وشوي

وحتى الماركات ترا مو كل شي ينزل عندنا

لان اصحاب البوتيك يروحون ينقون كم قطعه عشان ينزلونها قطر مايجيبون الكولكشن كله

الاشياء اللي تنباع بقطر اغلبها قديمه و سعرها دبل

[ابن الرومي]

الصراحة الدنيا صارت الصغيرة

والكل صار عارف فرق السعر والجودة

قاعدين يقصون علينا شافوا الزيادات واستغلوا كل شي

حتى الصالون الازرق قسم الساعات الاسعار الضعف عن دول الخليج

[وطن]

فديتج كان عندهم سيل على بعض الاشياء
اللي اقصده انهم يسون سيل بنفس الوقت تقريبا بس مب على نفس البضاعه
بضااعه تكون بالسيل في دوله ثانيه وهني يقولون نيوكولكشن مستخسرين يبيعونها بسعر السيل وهي اصلا المفروض تكون ضمن السيل

المفروض ما يصير
لان السيل كامل والزامي على بضايع محدده من الماركة نفسها
مو الوكيل يحدد

يمكن عندنا يلعبون
الله اعلم

[غايه الطواش]

والله اختي انا نادر ما اخذ من الدوحه كله من برا وارخص ولابعد يرجع لج تاكس فري ....
بس الشهاده لله احيان فندي تنزل نفس الكولكشين مع اوروبا ....
ومره في تكرمين جوتي غوتشي اخضر عجبني وقلت باخذه من لندن لاني كنت فتره قصيره وبرح لندن ويوم سالت عن الجوتي في غوتشي لندن قالت لي هاي ليميتد ايديشن حق قطر

[وطن]

اوووووووووووه والله قامو يسوون لنا لمتد ايدشن يا غايه
والله شي جميل

[غايه الطواش]

والله لين الحين في خاطري
لونه اخضر يلمع في مثله صندل في كل مكان بس الاخضر عجيب وكانت نازله معاه كلاتش بس انا ماحب الكلاتش

يله مو من نصيبي الله يهني راعيته فيه

[وطن]

ايه عليها بالعافية صج مب نصيبج

[كود نمبر]

في سنة 2010 شهر 10 كنت مع هلي بلندن للعلاج
رحت حق بايشيستر فيلج اوت ليت يبعد عن لندن تقريبآ ساعه وشويه بالسياره

المهم من ضمن المشتريات شرت لها شنطة يد فرساجي بـ 1299 باوند تقريبآ 7 الاف ريال

حصلتها في الدوحه في شهر 2 2011 توها نازله بـ 25 الف مع الخصم 19 الف

يعني عادي الي عندهم يطرشونه على الاوت ليت عندنا توه ينزل

ولو نروح لمحلات ماكس سبنسر واتش اند ام كلها بضايع العام

[وطن]

في سنة 2010 شهر 10 كنت مع هلي بلندن للعلاج
رحت حق بايشيستر فيلج اوت ليت يبعد عن لندن تقريبآ ساعه وشويه بالسياره

المهم من ضمن المشتريات شرت لها شنطة يد فرساجي بـ 1299 باوند تقريبآ 7 الاف ريال

حصلتها في الدوحه في شهر 2 2011 توها نازله بـ 25 الف مع الخصم 19 الف

يعني عادي الي عندهم يطرشونه على الاوت ليت عندنا توه ينزل

ولو نروح لمحلات ماكس سبنسر واتش اند ام كلها بضايع العام

قصدك بستر فيلج اخوي


وبخصوص ماركس
يمكن مو في كل شي

انا اشتريت من الدوحة قطعه من كم شهر
وكنت في لندن الشهر اللي طاف ولقيتها هناك موجوده


فرق الاسعار في ماركس هو اللي يبي له مراقبه

[الخـود]

بالنسبة لي صار شي عادي ومتوقع دايما...
:)

[فيزيائية]

صار لي هالشي كذا مرة

وعذرهم انه تو واصلهم (في المحل) ....مالنا الا الصمت !!

[doha2012]

انشهد ان حن مضحوك علينا


برا الاوت ليت عندهم بضاعه مالها في محلاتهم مده ويحطونها اوت لت

وعندهم بضاعه ماتنزل الا الاوت لت وتنزل عندهم اوت لت وعندنا جديده وسعرها دبل الدبل

الله المستعان

[غزلان]

ماصرت اخذ من قطر الا الضرورات 95% من مشترياتي من خلال سفراتي على الأقل استفيد من الفي اي تي واضمن انها اصليه ..

حتى العطورات من برا غير وهنيه مالها ريحه كاني احط ماي مع كلونيا

[@سنافية قطر@]

مستغلينا في كل شئ !!!

يات على الماركات يعني؟!!!!!

الله يرحمنا برحمته بس

زيادات الرواتب معاها زيادة شغل ترى وكرف لين المغرب..

يا جماعة الخير ترى فلوسنا متعوب فيها مب لا قيينها في الشارع!!!

تحية لإدارة حماية المستهلك

[الإكسير]

انا شاري العام جاكيت من قوتش من محلات بستر فليج في لندن...الجاكيت خذته 1800 ريال تقريبا...الحين توني شايفه في فيلاجوا ب 14 الف...

[بو خليفه 123]

أختي اتوقع "تحليلي الشخصي" ان وضع البحرين حالياً يختلف عن دول الخليج و وضعهم الآن يعتبر استثنائي نظراً للظروف الراهنه


و بناءً عليه تلقين اقل تنزيلات عندهم تبدأ من 50% و اكثر على المنتجات , والله اعلم حتى ينتعش الاقتصاد البحريني ..


اللي اعرفه في قسم الماركات في فيلاجيو ان الشركه الأم هي من توزع تعاميم التنزيلات و يتم العمل عليه بالتساوي .. خصوصاً الماركات المعروفه مثل البيربري

[وطن]

انا شاري العام جاكيت من قوتش من محلات بستر فليج في لندن...الجاكيت خذته 1800 ريال تقريبا...الحين توني شايفه في فيلاجوا ب 14 الف...

اخوي في بضايع تنزل في التنزيلات بس ما تنقطع يعني من الموديلات الكلاسك المستمره
فـ بعد التنزيلات تكون موجوده وبالسعر الاصلي

احتمال موديل جاكيتك من هالنوع

يعني مثلا من شهر لما كنت في لندن كنت ابي مفرش للسرير من ماركه معينه
وما لقيت المقاس اللي ابيه وكان في التنزيلات
اللي تبيع قالت لي انتظري كم يوم بنجيب كمية جديده
لان هالموديل ما ينقطع من الموديلات المستمره
يعني بعد التنزيلات يرجع سعره الاصلي
وفعلا رجعت لها بعد اسبوع اخذت المقاس اللي ابيه في السيل

ولو الحين ارجع بلقاه بالسعر الأصلي



أختي اتوقع "تحليلي الشخصي" ان وضع البحرين حالياً يختلف عن دول الخليج و وضعهم الآن يعتبر استثنائي نظراً للظروف الراهنه


و بناءً عليه تلقين اقل تنزيلات عندهم تبدأ من 50% و اكثر على المنتجات , والله اعلم حتى ينتعش الاقتصاد البحريني ..


اللي اعرفه في قسم الماركات في فيلاجيو ان الشركه الأم هي من توزع تعاميم التنزيلات و يتم العمل عليه بالتساوي .. خصوصاً الماركات المعروفه مثل البيربري


يجوز
لاني توني جايه من البحرين
شفت المحلات العاديه
تنزيلاتهم وصلت لين 70%
والسوق هااااااااااااادي جدا
ادش بعض المحلات مافي حد غيري
مساكين وكأنهم ينتظرون زباين

[A.R]

عادي حبيبتي انا شاريه نظارتي توم فورد من سنتين من ميلان اول ما فتحو المحل هني حاطينها نيو كلكشن ودبل سعرها بعد

[almaf1a]

بربري الي في فيلاجيو مسكرينه من قبل بسبب بيعه بضاعه تقليد

[moony]

صح كلامج 100% ,, انا من زمان ملاحظه هالشي من افتحوا البوتيكات بفلاجيووو


لان كل اللي بالاوت لت باوروبا يجي هني نيوكوليكشن .. فريحي بالج وروحي ميلان واشتري من الاوت لت وبتلاقينه توهم منزلينه هني

قاطعوهم مثلي

[تركواز]

الماركات تقهر في قطر



ياليت اللي يطلبون من النت يعطونا مواقع شنط اصليه << دشيت عرض ادري

[نجود]

مو بس بقطر في كل مكان من دول الخليج ,,,.؟؟

[Qatar Knight]

كالعاده نصب عيني عينك والشعب يروح يشتري وهو يضحك هههههه

[qrt_trading]

في في مجمع الاند مارك ومجمع فلاجيو محل جديد اسمه قمبوري أنا أتعامل مع الموقع دايركت في النت ودوم اشتري لبنتي من عندهم لماافتحو المحل صراحة انصدمت كل اللي كنت شاريته لبنتي من سنة توه نازل عندهم كنيوكلكشن استغربت صراحه خاصة الأسعار كانت أغلى من الموقع لما دخلت الموقع بعد ما رجعت البيت فتحت النت الا اشوف هالبضاعة في السيل في الموقع وعندنا احنى نيوكلكشن صراحه من يومها قلت أني ماراح اشتري من عندهم بس راح أخذ من النت على الاقل بنتي راح تلبس بضاعتهم لمدة سنه وبعدها ينزل عندنا.

[Alshoog84]

والله اختي جايز في بعض المحلات مب الكل!
بصراحة ديور منزل كوليكشن الالوان الصارخه ,, فتحت موقعهم لحين موجود ك نيوكولكشن
وال في نفس الشي ,, كل اللي في كاتلوغ سبرينغ 2012 موجود عندهم !
وحتى فندي و غوتشي ,, هم ماينزلون الكولكشن كامل بالتجزئة لاني اذكر كنت في ال في و راويتهم شي كان موجود ع الموقع وقالوا لي هاي فالشيبمنت الجاي
بس في دبي الكولكشن ينزل كامل مكمل

[مخطط قطري]

انا دايمن اشتري من برا حتى القمصان وتي شيرتات والبدل اذا سافرت اشتريهم من سلفردج ولا هارودز ولا لافيت ويكون سيل واقعد 2 ولا 3 سنين اشوف السلام ولا الصالون الازرق توهم جايبنه
وهناك لادفعت تحس انهم يستاهلون عسل على قلبك مب هنيه تدري انهم استغلالين ونصابين واخر ناس توصلهم البضايع

[وطن]

والله اختي جايز في بعض المحلات مب الكل!
بصراحة ديور منزل كوليكشن الالوان الصارخه ,, فتحت موقعهم لحين موجود ك نيوكولكشن
وال في نفس الشي ,, كل اللي في كاتلوغ سبرينغ 2012 موجود عندهم !
وحتى فندي و غوتشي ,, هم ماينزلون الكولكشن كامل بالتجزئة لاني اذكر كنت في ال في و راويتهم شي كان موجود ع الموقع وقالوا لي هاي فالشيبمنت الجاي
بس في دبي الكولكشن ينزل كامل مكمل

صحيح

انا دخلت قوتشي هني وديور في شهر 2
لان كنت ادور هدية حق رفيجتي
واخذت من النيو كولكشن

وبعدها رحت لندن
وشفت نفس الكوليكشن موجود
وهو اللي نازل اخر شي عندهم بعد

ممكن مثل ما ذكرتي يجيبونهم بالتجزئة مو مره وحده

:victory: