اتمنى مساعدتي بسفره مع العائلة الى دبي

[qatare999]

السلام عليكم ورحمه الله وبركاته...

اخوانى الاعزاء والاعضاء ارجو مساعدتى فى سفرتى لدبى من ناحيه السكن وبرنامج لى وللعائله بمده اقصاهااا 7 ايام فقط

تبدا الاجازة بتاريخ 12-2-2012 الوصل الساعه 3 عصرا ان شاء الله والعوده بتاريخ 18-2-2012م الساعه 8 ونص ليلاً اتمنى مساعدتى باسرع وقت بالتالى :

1- سكن فى شقق فندقيه لعائله تتكون عدد افردهااا من 7 بالغين و6 اطفال و3 مربيات المجموع ( 16 ) المطلوب عدد شقق فندقيه بـ3 غرف وصاله على ان يكون قريب من المجمعات والسوق الصيني وقريب من المترو
ويوجد بها خدمات قريبه من سوبر ماركات ومطاعم وصيدليه ويفضل لو بسعر معقول

2- برنامج لرحله للمده والتواريخ المذكوره اعلاه علمااا

ودمتم شاكرين واتمنى مرسالتى لكيفيه الحجز بالفنادق حسب ماوصلنى اسعاركم افضل بكثير فى انتظار تفاعلكم

[روح الاطلس]

الشقق افضل لك تحجز عن طريق مكتب وارشح لك مكتب عرب لينك بالتلفون تحجز وتحول لهم الفلوس عن طريق اي محل صرافة ويرسلون لك بالفاكس وانت بمحل الصرافة تأكيد الحجز وفيه شقق حلوة قريبة من محطه المترو وجديدة


انا جربت كاسلس البرشا مرتين الشقه واسعه جدا ونظيفة وجديدة وقريب منها محطه مترو ويقع خلف امارات مول

وتحجز عن طريق عرب لينك يعطونك سعر ارخص من لو رحت وحجزت مباشرة منهم

http://www.arablinkdubai.com/packagesnew.aspx

بس لو بتستخدم المترو مع عائلة كبيرة ما انصحك بيكلفك اكثر من لو انك حاجز سيارة او رايحين بتاكسي

بالنسبة للاماكن عندك القرية العالمية - جميرا بيتش - المولات

[روح الاطلس]

هنا المزيد

http://www.arablinkdubai.com/Tours.aspx

[qatare999]

تحياتي لك واشكرك

بس انا ابغي شقه من 3 غرف

[المــزن*]

اخوي فندق رمال روتانا حلووو ونظيف نظام شقق فندقية

والاماكن الترفيهيه:
-القرية العالمية يبيلك يومين تسوق + ألعاب :nice:
- دبي مول = اكواريوم وعرض النوافير الراقصة
-الامارات مول = عالم الثلج
- مدينة جميرا حلوووة
- الواد وادي الالعاب المائية
-فيستفال سيتي
- السوق الصيني

[روح الاطلس]

اخوي اقرا عدل في الموقع اللي حطيته لك لانه يشمل اغلب شقق وفنادق دبي

فيه

غرفه بصاله
غرفتين بصاله
3 غرف بصاله
4 غرف مع صالة
وفيلا بأربع غرف قرب امارات مول بسعر 2500 درهم


كل شي متوفر ومكتوب لك جنبه السعر

بالتوفيق :)

[ضوى]

اختي روح الاطلس جربتي الحجز معاهم ؟؟ اوكي كانوا ؟؟

[تحداني]

بس لو بتستخدم المترو مع عائلة كبيرة ما انصحك بيكلفك اكثر من لو انك حاجز سيارة او رايحين بتاكسي







المترو معاج حق مب عملي ابدا للعوائل الكبيره
ركبته هالمره وتحسفت .. بهدله ومرمطه ومشوار .. وتاليتها " صداع "


اتمرين كل دبي عشان توصلين .. :(


جملك الله برضاه

[تحداني]

سفره سعيده ان شاء الله

دبي مول
امارات مول
الوافي
حمر عين
برجمان
غرير
ابن بطوطه
ماركاتو


المنتجعات والشاليهات
جميرا بيج
المارينا


الحدائق المائيه ..

آآآه على مطاعمهم .. في كل فندق من فنادقهم مطعم ماله حل
روح اطلنطس
جزيره النخله
فراري في بوظبي
في ام القيوين في حديقه رائعه


عندك حتا
وحفيت


عندك بعد برج خليفه ..
عندك قريه البوم تاخذ جوله بحريه مع عشاء جميل .. ويمكن صداع :)




جملك الله برضاه

[روح الاطلس]

اختي روح الاطلس جربتي الحجز معاهم ؟؟ اوكي كانوا ؟؟

ايه وكان هالمكتب من اروع المكاتب اللي حجزت معاهم اتصلت بالتلفون وطلبت غرفه ورحت امارات مول - دخلت صرافة الانصاري سويت تحويل مبلغ حجز ليلة وحده دفعتها وانا واقفه وصلني بالفاكس تأكيد الحجز تمشيت بامارات مول لين الليل ورديت للغرفة جاهزة وتنتظرني ^_^

تعاملهم سريع - ثقه - ارخص من الحجز المباشر - يقدمون خدمات مجانية مثل فطور مع الغرفة او سيارة مجانية طول فترة الاقامة

[روح الاطلس]

المترو معاج حق مب عملي ابدا للعوائل الكبيره
ركبته هالمره وتحسفت .. بهدله ومرمطه ومشوار .. وتاليتها " صداع "


اتمرين كل دبي عشان توصلين .. :(


جملك الله برضاه

المترو حلو كتجربه وينفع لشخص او شخصين بس وللناس الرايقه اللي تبي تجربه بس عائلة كبيرة صعب ويوقف عند كل محطه ناس راكبه وناس نازلة

[fhd4]

بالنسبة للشقق يعتمد على الميزانية …

لكن يبيلكم على الاقل شقتين ٣ غرف او شقة ٣ غرف و شقة غرفتين …

هذي بعض الفنادق الممتازة من موقع booking …

أرجان روتانا المدينة الاعلامية

أرجان روتانا برجمان

فريزر

انتركونتيننتال فيستيفال سيتي ريزيدنس

فلورا بارك

فلورا كريك

أسكوت بارك

هذي الفنادق اسعارها ما بين ١٥٠٠ ريال الى ٢٠٠٠ ريال لشقة ٣ غرف لليلة الواحدة لكن بدون الضرائب وهي ٢٠٪ …

ما انصحكم ابدا بالميترو … اجروا سيارة كبيرة او سيارتين واخذوا معاكم الجارمين …


الاخوان ماقصروا معاكم في الاماكن السياحية … مول دبي بروحه يبيله يومين وبعدين عندكم اتلانتس او وايلد وادي…

السوق الصيني يبيله مشوار لانه خارج دبي …

[qatare999]

الله يعطيكم الف عافيه واشكركم على تفاعلكم

[باراكودا]

فندق تشلسي عنده نظام شقق وقريب من المولات بشارع الشيخ زايد
والجدول المقترح لمدة سبعة ايام :
مول دبي يومين مول الامارات يوم والسوق الصيني يومين والقرية العالمية يوم
والممشى _jbr _ في منطقة المارينا يوم . مع تمنياتي لكم بقضاء أجازة سعيدة .

[Bozizoo]

الله لا يهينك ادخل المسافرون العرب بتحصل كل الي تبيه من معلومات
والجماعه هنا ماقصروا معاك
اذا بتروح بالطياره انصحك وانصح الاعضاء بحجز الفنادق من مطار
دبي في كتب اسمه واارد دستنيشن
World destination
هذا أرخص مكتب و أرخص من كل المواقع بس ماتقدر تحجز ان طريق التلفون ولا النت
لازم تحجزه من مكتب المطار
يسمى النظام لاست منت شك ان
Last minute check in
و صباحكم خير

[مشتاقة لقطر]

بلسلامة ان شالله

[مهره]

الفنادق او الشقق إمباسي الشارقة او ذا ادرس في دبي مول راقي جداً واقترح في الامارات الثانية احسن اخف عن الزحمة والإزعاج مثل الشارقة او عجمان