مصنع الأكياس الورقية

[V ! P]

السلام عليكم ورحمة الله وبركاته

من فترة أنا كنت حاط موضوع استشير فيه عن المشاريع اللي ممكن الواحد يقدر يسويها ،، وياتني فكرة أني اسوي مصنع لصناعة الأكياس الورقية و هالفكره طبعا ياتني عقب بحث وتعمق على اساس انه في الفترة الاخيره دول الخليج قامت تتجه لصناعة الأكياس الورقية بحكم انها صديقه للبيئة ،، ودول العالم مثل امريكا واليابان أسبقونا في هالصناعات الورقية ،، وطبعا ما خاب من استشار ،، فشو رايكم في فكرة المشروع ؟؟
وهل حد عنده خلفيه عن هالصناعه والمواد الأولية وتجهيز المصنع والمخاطر في هالمشروع وغيرها يا ليت يفيدنا ...

ومشكورين مقدما

[الصغيره]

انصحك تروح تسوي دراسة مشروع مثل المشاريع اللي تدرسها بعض الجهات وترعاها وتكون انت صاحب الفكره وصاحب الموضوع

فكره روعه

[الإكسير]

والفكره في وقته وحاول تخلص امورك بسرعه
الله يوفقك

[الريـــاني 1]

فكرة رائعة وفي وقت مناسب بس استعجل في التنفيذ وربنا يوفقك

[المليونير الفقير]

اتمنالك كل التوفيق بس ادرس الموضوع من كل الجوانب وتوكل على الله وربي انشاءالله يرزقك

[زهرة بنفسجية]

عطيني رقمك للتواصل
عندي شخص ممكن يفيدك بهالموضوع

[QTR-SOUL]

بالتوفيق ان شاء الله

[V ! P]

انصحك تروح تسوي دراسة مشروع مثل المشاريع اللي تدرسها بعض الجهات وترعاها وتكون انت صاحب الفكره وصاحب الموضوع

فكره روعه

طبعآ اخوي راح اسوي دراسة جدوى كاملة للمشروع الجهة اللي بتمولني تطلب مني هالشي

تسلم الشيخ ماقصرت ع المرور :)

[مرت محمد]

اهم شي الارض تتملك ارض في المنطقه الصناعيه ثمنها مايقل عن عشره ملايين

[|bq|]

مشروع راائع جدا اذا تم تنفيذه بشكل صحيح .. ماعليك غير دراسه المشروع جيداا وتجنب العواقب والاخطاء واالله يوفقك ان شاء الله ..

[ابومريم]

والله يا خوي (وجهة نظري الخاصة) اشوف انه الاحسن تسوي مصنع صناعة اكياس بلاستك مطبوع عليها بجميع الالوان لان هذي ماهي متوفرة اما الاكياس الورقية فعلي حد علمي تطبعها المطابع بمكاينات الاوفست العادية ويتم تجميعها بعد تغطيتها بالسلوفان تمام وتستخدم العمالة غالبا اليدوية داخل مطابع الدوحة لتنفيذ مثل هذه الاعمال فاذا بغيت نصيحتي اوصيك باحضار ماكينة اوفست اسبيد ماستر مثلا تطبع سرررررريع مع خط تجميع وتغليف وتكسير للورق وباذن الله تستفيد باذن الله تعالي

تحياتي لك ولمن يمر علي البوست
ابو مريم