العدل بين الخدامــات ..عطوني رايكم ..

[إنّ]

السلام عليكم ..
يمكن العنوان شوي غريب .. :nice:
بس حبيت اتشيركم في موضوع الخدامات وفقاً لمقولة ( ما خــاب من استشــار ! ) :telephone: ..

إذا حصل وصــار عند أي واحد فينـا خدامتين .. :victory:

الأول ولنفرض صـار لها سنة أو أكثر ..
والثانية جديدة ممكن تكون هالجديدة .. جديد عليها الشغل ومحتاجة تعليم وتدريب .. يعني لسى طازا .. وممكن بعد تكون عندهـا خبرة وما تحتاج تعليم أساسي اللهم تتعلم على سياسة المنزل فقط ..

بالنسبة للراتب ..
هل أســاوي بين الخدامة الجديدة والقديمة في الراتب ؟ ..
إذا لا .. متى أساوي الخدامتين في الراتب .. خاصة لو كانت الجديدة خبرة ؟ طيب اللي عندها خبرة مار راح تنظلم لمـا أعطي القديمة راتب أعلى من راتبهـا ؟؟؟؟وما ننسى إن الخدامة القديمة راح يخف عليها الشغل .. يعني راح تاخذ راتب أعلى من الجديدة مع إنهم يأدون عمل مختلف بس متساوي في الجهد .. ؟؟ :omg:

طيب مب فيه ظلم حق القديمة لو ساويتها بالثانية ؟ بحيث إني انزل راتبها علشان يتساوى مع الجديدة ؟ :rolleyes2:
أو فيه ظلم للجديدة بأن القديمة تأخذ أعلى منها والعمل مقسوم بالتساوي بينهم ؟؟! فهل لو ارفع راتب الجديدة علشان يساوي القديمة برد أظلم القديمة ... :omen2:

محتارة صراحة :omen2: اشرايكم ؟؟

[بولينجر]

راتب ثابت ومتساوي للجميع... طول مدة الخدمة.... والاكراميات كذلك متساوية.... ولازم يشوفونج تعطينهم الراتب والاكراميات في نفس الوقت قدام بعض.... علشان تطيب نفوسهم....

[فريخ الشاهين]

انا انصح عقب سنه ساوي بين الرواتب...وهذا مايمنع بين فتره وفتره نعطيهم مبلغ بسيط-اعياد اجتهاد بشغل نجاح اليهال ولاده هاي مناسبات ممكن نعطيهم مبلع بسيط

[khaldoon]

لو القديمة صار لها اكثر من سنتين تستحق راتب اعلى ...يعني ما يصير تبدأ الجديدة بنفس ما وصلت له القديمة من تعب اكثر من سنتين

اما لو القديمة ما كملت سنتين فالخدامتين نفس الراتب

يعني انا اعطي الخادمة راتب اعلى بعد اكمالها سنتين او لما تقرب من اكمال سنتين على الاقل علشان اخليها تقبل انها تظل معانا و ما تتركنا

الحين الجديدة لو اعطيتيها راتب عالي ممكن تترك الشغل بأي لحظه ...بمعنى احتمال تركها للشغل اكبر من ترك القديمة لكم

انت لو جات موظفه جديدة بنفس مستوى وظيفتج تقلبين تاخذ مثلج و انت قديمة اكثر من سنتين بالعمل؟

[بصمة قطرية]

خدامتي القديمة صار لها عندي اكثر من خمس سنين
و الجديدة للحين ما وصلت..
مستحيل اعطي الثنتين نفس الراتب او اساوي بينهم ..
القديمة اكثر ..
مهما يكون سنين الخدمة تفرق ..
و اوزع الشغل بينهم ..
كانوا عندي ثنتين و موزعه الشغل بينهم ..
بس لما اخذ شي لوحدة لازم اجيب للثانية بعد
اساوي في هالشي بس الراتب لا احس حرام في حق القديمة ..

[(محمد)]

عامل الناس كما تحب ان تعامَل


حطي نفسك في موقف الخادمة القديمة


هل ترضين ان وحده جديدة في الشغل تاخذ مثلج وانتي اقدم منها


اختي بشريني عن صحة ابنكم - اتذكر لج موضوع قديم نوعا ما وان ابنج كان يتلقى العلاج ... عساه بصحة وعافيه ... عافاه الله وجعله من الصالحين البارين.

[خزامئ]

باقول لكم تجربتي
كان عندي خدامه لاما كملت سنتين زودت معاشها وكانت نعم الخدامه طول والوقت وكنت احبها جدها
وشفت الشغل زاد عليها وقلت لها بازيدش وباجيب خدامه ثانيه
واذا وصلت الخدامه الي بتشيل معاش الشغل وبيخف عليش باخصم الزياده الاخيره الي كانت عشان ظغط الشغل
قالت مافيه مشكله موافقه وتمينا نص سنه لين رتبنا امورنا وجبنا خدامه ويوم وصلت الخدامه الجديده
وعطيتها المعاش ناقص الزياده زعلت ورجعته وقالت ليش تخصمين من معاش قلت حن متفقين وصكتت
وكم يوم والا هي مختفيه من البيت
شردت

[أم مشعل]

مرحبا ........ مهما كان الشغالة القديمة بيكون راتبها أكثر من راتب الجديدة حتى لو تساوو في كمية العمل

هذا ما له دخل مثل الموظف في الحكومة راتب الموظف القديم أكثر من المعين حديثاً حتى لو كانت كمية العمل

متساوية ......... لكن مكاتب جلب الخدم الآن تختلف في تحديد راتب الخادمة فنشوف الجديدة راتبها أكثر من

القديمة وهالشي من بلدها نفسه يعني مو من المكتب اهنيه المسألة ما فيها ظلم

لكن في مسألة اني أعطيهم الصدقات أو ما شابه فطبعاً فيه مساواة بدون شك

آسفة على الإطالة ..........

[khaldoon]

باقول لكم تجربتي
كان عندي خدامه لاما كملت سنتين زودت معاشها وكانت نعم الخدامه طول والوقت وكنت احبها جدها
وشفت الشغل زاد عليها وقلت لها بازيدش وباجيب خدامه ثانيه
واذا وصلت الخدامه الي بتشيل معاش الشغل وبيخف عليش باخصم الزياده الاخيره الي كانت عشان ظغط الشغل
قالت مافيه مشكله موافقه وتمينا نص سنه لين رتبنا امورنا وجبنا خدامه ويوم وصلت الخدامه الجديده
وعطيتها المعاش ناقص الزياده زعلت ورجعته وقالت ليش تخصمين من معاش قلت حن متفقين وصكتت
وكم يوم والا هي مختفيه من البيت
شردت

اختي الفاضله للاسف معاها حق انها تسوي هالشي....بعد ما تم ترفيع معاشاها بتنزليه....اعرف انكم متفقين بس انت تتكلمي مع ناس ثقافتهم بسيطه جدا و حتى احنا صعب نتقبل هالشي ....عفوا حطي نفسج مكانها في الشغل ...لو نقصوا من راتبج لانهم جاوبوا زميلة لج بتشتغلين مثل اول يوم كان عليج ضغط الشغل و الا بصير لج نفس تشتغلين اصلا و الا بتهدين الشغل


الموضوع انه كل وظيفه لها سقف معين من الراتب ....فتقدري تعطي اخفض راتب مثلا للجديدة و اعلى راتب للقديمة مع الزمن و بالاخير لما ما تقدري تزيديها اكثر لازم اما تستغنين عنها و تجيبي بدالها او انج ترقيها و تصير هي المسؤولة عن الخدم الجدد...يعني غلطة الخادمة الجديدة بتقع عليها هي ايضا لانها بتكون رئيستها و مسؤولة عنها و عن الاشراف عليها...اي تقصير من الخدم كلهم بتكون هي مسؤوله عليه مب بس انج قسمتي الشغل بينهم لا هي مسؤوله عن شغلها و اشراف على شغلهم بعد و على نظافة البيت ككل ...فهمت قصدي الحين

[بصمة قطرية]

باقول لكم تجربتي
كان عندي خدامه لاما كملت سنتين زودت معاشها وكانت نعم الخدامه طول والوقت وكنت احبها جدها
وشفت الشغل زاد عليها وقلت لها بازيدش وباجيب خدامه ثانيه
واذا وصلت الخدامه الي بتشيل معاش الشغل وبيخف عليش باخصم الزياده الاخيره الي كانت عشان ظغط الشغل
قالت مافيه مشكله موافقه وتمينا نص سنه لين رتبنا امورنا وجبنا خدامه ويوم وصلت الخدامه الجديده
وعطيتها المعاش ناقص الزياده زعلت ورجعته وقالت ليش تخصمين من معاش قلت حن متفقين وصكتت
وكم يوم والا هي مختفيه من البيت
شردت

اختي دامج زدتي راتبها غلطانة انج تخصمينه ..
المفروض كنتي تعطينها زيادة من عندج غير راتبها ..
يعني مثلاً راتبها 700 تعطينها راتبها و عقب لو بعدها بكم يوم
تعطينها 100 او 200 و تقولين لها هاي من عندي لج ..

انا اتبعت هالطريقة مع خدامتي و قلت لها هاي مب زيادة في راتبج
هاذ ال200 مني لج ..
و عقب ما تسافرين وترجعين بزيدج ..

[إنّ]

راتب ثابت ومتساوي للجميع... طول مدة الخدمة.... والاكراميات كذلك متساوية.... ولازم يشوفونج تعطينهم الراتب والاكراميات في نفس الوقت قدام بعض.... علشان تطيب نفوسهم....


هلا أخوي بولينجر ..
كانت عندي خدامة قديمة وجاتني جديدة والجديدة كانت خبرة ..
يعني ما تعبت معاها .. وفاقت خدامتي القديمة في الطبخ .. والتنظيف .. حتى في التعامل مع أهل البيت ..
فالبداية راتبهم متساوي ..
وبعدها رفعت راتب الثنتين ..
فالقديمة زعلت .. بس فترة ورضت بالأمر الواقع ..
أما الإكراميات .. يشهد الله إني ما ابخل عليهم ..
وبالتساوي بعد

[إنّ]

انا انصح عقب سنه ساوي بين الرواتب...وهذا مايمنع بين فتره وفتره نعطيهم مبلغ بسيط-اعياد اجتهاد بشغل نجاح اليهال ولاده هاي مناسبات ممكن نعطيهم مبلع بسيط


أنا مشكلتي إن الجديدة جايتني خبرة ..
وتبذل من الجهد الكبير في الشغل والاخلاص ..
وكل ما صارت مناسبة أو والله بدون مناسبة اعطيهم ..
الجديدة قنوعة .. وترضى بأي شي ..

[إنّ]

لو القديمة صار لها اكثر من سنتين تستحق راتب اعلى ...يعني ما يصير تبدأ الجديدة بنفس ما وصلت له القديمة من تعب اكثر من سنتين

اما لو القديمة ما كملت سنتين فالخدامتين نفس الراتب

يعني انا اعطي الخادمة راتب اعلى بعد اكمالها سنتين او لما تقرب من اكمال سنتين على الاقل علشان اخليها تقبل انها تظل معانا و ما تتركنا

الحين الجديدة لو اعطيتيها راتب عالي ممكن تترك الشغل بأي لحظه ...بمعنى احتمال تركها للشغل اكبر من ترك القديمة لكم

انت لو جات موظفه جديدة بنفس مستوى وظيفتج تقلبين تاخذ مثلج و انت قديمة اكثر من سنتين بالعمل؟



اخوي خلدون ..
الحين لو كنت انا موظفة جديدة ..
والتحقت بوزارة ..
وعرفوا مؤهلاتي ..
راح يحطوني في مكان يناسب مؤهلاتي ..
ما يصير لو الموظفة القديمة عندها نفس مؤهلاتي
تأخذ اعلى مني ..
ما أنا اشتغلت في مكان ثاني وتأهلت وجيت الوزارة جاهزة ..
فبيحطوني بنفس الدرجة صح ؟؟

[إنّ]

خدامتي القديمة صار لها عندي اكثر من خمس سنين
و الجديدة للحين ما وصلت..
مستحيل اعطي الثنتين نفس الراتب او اساوي بينهم ..
القديمة اكثر ..
مهما يكون سنين الخدمة تفرق ..
و اوزع الشغل بينهم ..
كانوا عندي ثنتين و موزعه الشغل بينهم ..
بس لما اخذ شي لوحدة لازم اجيب للثانية بعد
اساوي في هالشي بس الراتب لا احس حرام في حق القديمة ..


لو كانت الجديدة ما عندها اي خبرة ما راح اساويهم ..
إذا كملت سنة برفع راتبهـا .. بس المشكلة في اللي جايه خبرة !

[إنّ]

عامل الناس كما تحب ان تعامَل


حطي نفسك في موقف الخادمة القديمة


هل ترضين ان وحده جديدة في الشغل تاخذ مثلج وانتي اقدم منها


اختي بشريني عن صحة ابنكم - اتذكر لج موضوع قديم نوعا ما وان ابنج كان يتلقى العلاج ... عساه بصحة وعافيه ... عافاه الله وجعله من الصالحين البارين.




أنا معاك أخوي محمد ..
بس أنا تفكيري في إن الخدامة الخبرة .. راح واشتغلت وتعلمت ...
وجاتني جاهزة .. وتشتغل بنفس الدرجة اللي تشتغل فيها القديمة ..
وفي أحيان كثيرة تتفوق عنهـا .. هنيه مشكلتي لا أبي أظلم هذي ولا هذي ..

صراحة أخوي فاجأتني .. الله يحفظ عيالك .. ويبلغك فيهم ..
سوى عمليته من 3 شهور .. وتعتبر الثالثة .. وبفضل رب العالمين في تحسن ..
وبين كل فترة وفترة يتعب .. غير وزنه اللي راح .. وأملي في ربي كبير والحمد لله على كل حال .

[إنّ]

باقول لكم تجربتي
كان عندي خدامه لاما كملت سنتين زودت معاشها وكانت نعم الخدامه طول والوقت وكنت احبها جدها
وشفت الشغل زاد عليها وقلت لها بازيدش وباجيب خدامه ثانيه
واذا وصلت الخدامه الي بتشيل معاش الشغل وبيخف عليش باخصم الزياده الاخيره الي كانت عشان ظغط الشغل
قالت مافيه مشكله موافقه وتمينا نص سنه لين رتبنا امورنا وجبنا خدامه ويوم وصلت الخدامه الجديده
وعطيتها المعاش ناقص الزياده زعلت ورجعته وقالت ليش تخصمين من معاش قلت حن متفقين وصكتت
وكم يوم والا هي مختفيه من البيت
شردت


اختي أنا أشوف أحسن حل ..
لو كانت عندي خدامتين وحدة راحت والثانية تمت ..
ومع ضغط الشغل .. راح اعطيها اكراميات ..
فلوس .. بطاقة تلفون تكلم أهلها .. هدية .. إلخ ..
وما راح أعطيها زيادة فلوس ثابتة وبعدين اخصم منها ..
أحسها صعبة شوي ..

[khaldoon]

اخوي خلدون ..
الحين لو كنت انا موظفة جديدة ..
والتحقت بوزارة ..
وعرفوا مؤهلاتي ..
راح يحطوني في مكان يناسب مؤهلاتي ..
ما يصير لو الموظفة القديمة عندها نفس مؤهلاتي
تأخذ اعلى مني ..
ما أنا اشتغلت في مكان ثاني وتأهلت وجيت الوزارة جاهزة ..
فبيحطوني بنفس الدرجة صح ؟؟

خلاص شوفي الجديدة مؤهلة والا ما اشتغلت من قبل

شوفي ردي فوق ....اكتبه لج مره ثانية

كل وظيفه لها سقف معين من الراتب ....فتقدري تعطي اخفض راتب مثلا للجديدة و اعلى راتب للقديمة مع الزمن و بالاخير لما ما تقدري تزيديها اكثر لازم اما تستغنين عنها و تجيبي بدالها او انج ترقيها و تصير هي المسؤولة عن الخدم الجدد...يعني غلطة الخادمة الجديدة بتقع عليها هي ايضا لانها بتكون رئيستها و مسؤولة عنها و عن الاشراف عليها...اي تقصير من الخدم كلهم بتكون هي مسؤوله عليه مب بس انج قسمتي الشغل بينهم لا هي مسؤوله عن شغلها و اشراف على شغلهم بعد و على نظافة البيت ككل ...فهمت قصدي الحين

[إنّ]

فهمت .. بس هذا في حالة لو عندي أكثر من وحدة ..
أنا عندي ثنتين .. القديمة والجديدة ..
الجديدة شغلها بإخلاص وتفاني ..
القديمة نظام مش حالك ..
أنا حالياً مساويتهم في الرواتب ..
القديمة ناوية تسافر لأنها خلصت سنتين ..
وراح أجيب وحدة جديدة ..
هنيه ممكن أعطي الجديدة القديمة راتبها كمـا هو .. بدون تغيير + اكراميات ..
لين توصل الجديدة ..
أما الجديدة الجديدة الراتب اللي راح يحدده المكتب ..
هذا الحل الوحيد قدامي ..

______ خارج الموضوع ____________
إن شاء الله إنك يا أخوي شفت برنامج العريفي ( ضع بصمتك ) أمس
والإعادة كانت الظهر اليوم .. عن التدخين .. تمنيت إنك متابع الحلقة ..
اللي يثبتك ويكتب لك اللي فيه الخير .

[khaldoon]

فهمت .. بس هذا في حالة لو عندي أكثر من وحدة ..
أنا عندي ثنتين .. القديمة والجديدة ..
الجديدة شغلها بإخلاص وتفاني ..
القديمة نظام مش حالك ..
أنا حالياً مساويتهم في الرواتب ..
القديمة ناوية تسافر لأنها خلصت سنتين ..
وراح أجيب وحدة جديدة ..
هنيه ممكن أعطي الجديدة القديمة راتبها كمـا هو .. بدون تغيير + اكراميات ..
لين توصل الجديدة ..
أما الجديدة الجديدة الراتب اللي راح يحدده المكتب ..
هذا الحل الوحيد قدامي ..

______ خارج الموضوع ____________
إن شاء الله إنك يا أخوي شفت برنامج العريفي ( ضع بصمتك ) أمس
والإعادة كانت الظهر اليوم .. عن التدخين .. تمنيت إنك متابع الحلقة ..
اللي يثبتك ويكتب لك اللي فيه الخير .

بارك الله فيكي.....لا والله ما شفته ..بس الحمد لله متوقف تماما الان من الخميس قبل الماضي

يعني صامدون ان شاء الله و الوعد يوم 07/02/2012 ...افحص و اشوف النتيجة و الله يستر:nice:

[بصمة قطرية]

لو كانت الجديدة ما عندها اي خبرة ما راح اساويهم ..
إذا كملت سنة برفع راتبهـا .. بس المشكلة في اللي جايه خبرة !

حتى لو خبرة ..
احس هالشي ما له دخل ..
الأقدم بالنسبة لي احق انها تاخذ اكثر ..
بحكم السنين اللي قضتها عندي ..