صوره سريعه من حديقة المتحف الاسلامي

[SPIRIT_OF_QATAR]

السلام عليكم

امس خذت الاهل واليهال ورحنا صوب حديقة المتحف الاسلامي وصورت صور على السريع
لاهم مافي الحديقه .. الموضوع مكمل لموضع اختنا ملكة الزهور

نبدا..

هذي صوره لمكان الالعاب من برع .. مافي غير دخله وحده من ورى السور .. الي جاي من صوب المتحف الاسلامي بيمشي شوي ليوصل للالعاب.. في مواقف ثانيه بس دخلتها مع دخلة الميناء واقرب على طول على الالعاب

http://farm8.staticflickr.com/7010/6691247385_693c935947_z.jpg

وهاي بعض الالعاب من الداخل

http://farm8.staticflickr.com/7170/6691247379_f1979fe59c_z.jpg

كان الخميس العصر وكان زحمه على الالعاب .. في العاب تحصلون يهال يقعدون عليها مايقومون تتمللون وانتوا تنطرون عيالكم يلعبون .. والقعدات حولين الالعاب ماكانت اتكفي العوايل

جنب الالعاب على طول في لعبه من نوع ثاني للي يبي يناقز :nice:

http://farm8.staticflickr.com/7150/6691247383_12be48cfd7_z.jpg

وهل نافوره في الوسط

http://farm8.staticflickr.com/7168/6691247387_1e1380c055_z.jpg

وهذي المراكب البحريه للايجار .. ماعرف اسعارهم محد كان يستعملهم اصلا .. ويبين في الصوره شكل كورنيش الحديقه مقوس

http://farm8.staticflickr.com/7156/6691255823_eb8f2eae55_z.jpg

ممشى جانبي للحديقه

http://farm8.staticflickr.com/7167/6691247393_05ee710543_z.jpg

بعد نهاية الممشى بتشوفون هل منظر :victory:

http://farm8.staticflickr.com/7144/6691255837_0f81fd188c_b.jpg

اذا حد تعب بعد هل مشي ويبي يريح عندك قعدتين كوفي وحده فيها عصاير واكلات خفيفه مثل الحلويات والدونت وغيره والثانيه وراها بشوي بس مشروبات اظن ماركزت عدل
بس نفس ماذكرت في موضوع الاخت ملكة الزهور .. الحلويات والدونت والكوروسون كانوا مكشوفين والذبان عليهم من كل جه فالواحد يحاسب لو بيطلب لايطلب الاكل المكشوف احسن

http://farm8.staticflickr.com/7030/6691247395_51a1e7832c_z.jpg

هذي القعده الثانيه

http://farm8.staticflickr.com/7032/6691255849_122f27a172_z.jpg

وهني يبيعون تذكرات واشياء للذكره .. وياجرون شيسمونهم :shy:الزلاجات مادري سكوترات اليهال الي توقف وتسوقهم
بس مكان التاجير غلط في اخر الحديقه .. المفروض يكون في البدايه

http://farm8.staticflickr.com/7009/6691255843_aefd31c552_z.jpg

عاد هني خذت راحتي في التصوير وطلعت الاستاند وصورت كم صوره عن الخاطر

http://farm8.staticflickr.com/7014/6691255871_ca987b8784_b.jpg

وبعدها صوره للنصب الفني والمتحف الاسلامي .. في اعمال صيانه حولين النصب مايخلون الواحد يقرب وايد

http://farm8.staticflickr.com/7151/6691255861_a53cbe0fcc_b.jpg

وبس هذي الصور على السريع الا اخر صورتين :)

المكان بشكل عام حلو وجهة البحر كان المكان هادي وحلو للتمشايه
جهة البحر كان في نفس تلال صغيره (نفس الصوره الطويله البنوراما .. يبين طرف التله) .. واكثر العوايل والناس الي ماكنوا يبون يشترون شي ويقعدون في قعدات الكوفي شوب كانوا قاعدين فوق التلال يستمتعون بالمنظر

الالعاب كان عليها زحمه مو طبيعيه للعلم انه كان الخميس الساعه 4 العصر.. ماكان ويكاند حتى .. ماظن يتم فيها شي صاحي بعد فتره لو تمت الحديقه بلاش واي حد يدخلها ..

ماكان في مصلى او مكان مخصص الواحد يصلي

في اكثر من مكان شغالين فيهم .. يعني بعد فتره ممكن انشوف اشياء جديده

ان شاءالله التقرير السريع يفيدكم .. ماصورت الخضره والممرات والممشى الي بينهم :)

تحياتي

[هآيدي]

ماشاء الله .. تقرير روعه والتصوير أروع ..

وعجبتني الصورة قبل الاخيرة وآيد : )

ويعطيك العافيه ودمت بهالابداع . .

[محامية قطر]

روعه التصوير أخوي اللي مو على السريع
صراحه عجبوني - بروفيشينال صراحه
سؤال خارج الموضوع لو تكرمت - شنو نوع الكاميرا المستخدمة ؟؟

مشكووووووور على التقرير الجميل

[وطن]

خووووش صور

وطبعا اخر صورتين ماشاء الله عجيبين

الله يعطيك العافية اخوي

[غرِيبهـ]

http://farm8.staticflickr.com/7014/6691255871_ca987b8784_b.jpg

روعة الصور والتقرير

يعطيك العافية

[: بوحمود :]

ابدعت يعطيك العافيه والمكان شكله حلو

[SPIRIT_OF_QATAR]

يعطيكم العافيه على الردود والتعليق :)

اختي محامية
الكيمرا Nikon D3s
العدسه Nikkor 24-70 mm 2.8f

[نوافـ]

مبدع تقرير اكثر من رائع يعطيك الف عافيه

[findi]

ماشاء الله عجبني تصويرك


قواك الله اخوي

[مهرة]

تقرير جميل وصور جميلة وخاصة الصورتين بنهاية التقرير.. يعطيكم العافية وموفقين ان شاءالله ..

[عيون Qatar]

تقرير حلو يعطيك العافية وعساك ع القوة

[SPIRIT_OF_QATAR]

شكرا للجميع ^_^
اسعدني تواجدكم

[sqatar]

تقرير روعه وصور احلى يعطيج العافيه ع المجهود

[بوخالد2]

ابدعت يالغالي

تصويرك الليلي حلو

[بو الجوري]

ما شاء الله ،، خوش لقطات :..

يعطيك العافيه ، يبيلنا زياره مع اليهال :)

[بوعمير]

يعطيك العافيه، وبغيت أنشدك فيه مسجد أو مصلى فالمكان؟

[SPIRIT_OF_QATAR]

يعطيكم العافيه جميعا

اخوي بوعمير للاسف مافي مسجد ولا مصلى في واحد برع تبع المينى بس ماعرف شلون الدخله له وفي في المتحف نفسه بس مشوار بيكون.

عند الالعاب في موظفين سكيورتي قاعدين وحاطين نفس سجاده وحصير ويصلون عليهم وانا صليت معاهم

[بصمة قطرية]

ماشاء الله ..
اللي محلي التقرير هو التصوير ..
مبدع ماشاء الله ..
تسلم يمناك على التقرير الحلو ~
يعطيك العافية ~
ان شاء الله باخذ العيال ..
و بنطلع لكم بتقرير ~

[ALQanas]

تقرير جميل وصور جميلة يعطيك العافية

[SPIRIT_OF_QATAR]

الله يعافيكم
بنتظار تقريرج اخت بصمه :)

[بوحارب]

اشكرك على التقرير الحلو حمستني اروحلها :)

بس غريبة مافيها مصلى !!!!

[بنت شيوخ]

رووووووووووووووووعه الله يعطيك العافيه