مشاهدة النسخة كاملة : :::...برامج الايفون...يازينها...لكنها...حراااااام...:::
The Master
14-01-2012, 10:48 AM
http://www.shoppingblog.com/pics/jailbreak_toys_iphone_app_magnets.jpg
عالم التلفونات…والبرامج…من فينا مايحب البرامج…خاصة في التلفون…وتحلـي برامج التلفون في اوقات الانتظار…مثلا عالق في الزحمة…والسيارة تمشي خطوتين واتوقف…فا هنا مافي شي احلي من التلفون لكسر الملل…واستغلال الوقت…
طبعا يا برنامج مفيد ولا لعبة …ولا اي حاجة…
الايفون…لايختلف اثنان علـى انه عمل نقلة كبيرة في عالم التلفونات…
خاصة برامجه…مافي شي يجي علـي بالك…الا ولقيت له برنامج…في الايفون…
في برامج لها قيمتها…وتدفع لها فلوس لشرائها…وبرامج تم وضعها من قبل مطوريها ب بلاش…كلن وعلـي حسب رغبته…
لكن…دخل علينا برنامج اسمه سيديا…وهو انك تعمل كراك للايفون…اي انك تكسر الحماية في الايفون…وبذلك تقدر اتحكم في الايفون كما تريد من ناحية انزال البرامج او تغيير السيستم او او او…
وتم اصدار برنامج اسمه انستالوس…وهذا برنامج ترفع فيه برامج تم كسر الحماية لها…وبذلك تقدر اتنزلها في الايفون المكرك…
الخلاصة…انك تقدر اتنزل برامج ب بلااااااش…للايفون المكرك…من خلال برنامج انستالوس…والبرامج المكركة لا يمكن انزالها الا عندما تكسر حماية الايفون…
مممممم…برامج ب بلاش…كا فكرة…اكيد جميلة…ويسال لها اللعاب…ومغرية…
فا مثلا برنامج سعره ب 100 دولار…اي 365 ريال قطري…تقدر اتنزله ب بلاش…بدون لا تدفع ريال واحد…
من لا يشده هذا العرض…وهذا الامر؟؟؟…
لكن…خلونا انشوف الفكرة من جانب اخر…
وانلخصها لكم في مثال بسيييط…
محل من المحلات…يبيع سلعة من السلع…
جا علي وشرا السلعة ب 500 ريال…
وبعد اسبوع…علي شاف صاحبه سالم…وكانت عنده نفس السلعه…
ودار هالحوار بينهم…
علي: اوه اوه…يا الله على القلد…يعني شفتني شريت هالسلعة قمت قلدتني وشريتها…
سالم: خف علينا اقول…لاشفت السلعة عندك ولا ادري بها…امس شفتها في محل وشريتها…
علي: اها…بكم شريت السلعة…
سالم: ب 200 ريال…
علي بقق اعيونه وقال: نعم ياخووووويه؟؟؟…عسى ماشر…اتقص على من؟؟؟…
سالم: يتلفت يمين ويسار ويقول: اشفيه هذا؟؟؟…كبرك عشان استعبط عليك؟؟…اي شاريها ب 200 ريال امس…واذا تبغي باوريك الفاتورة…ليه انت بكم شريتها؟؟؟
علي والحزن يخيم عليه قال: ب 500 ريال…لا ونفس المحل…
سالم ماسك ضحكته متشمتا…وقال: عشان اتعرف بس…وعطاه نظرة على جنب…
انتهى المثال…
علي متحسر وزعلان…انه خسر 300 ريال…وغيره ربحها…وشي يقهر…انه هو يدفع هالمبلغ وغيره يستفيد منه بسعر ارخيص…
هذا صار ب رغبة من المطور نفسه والشركة نفسها اللي عملت الخصم…فما بالك لو ماكانت لها يد في هذا الامر…
وهذا ينطبق عليه موضوع البرامج المكركة…
فا ناس تبذل جهد وتعب وتدفع افلوس للتطوير وصنع البرامج…واتبيعها عشان تقدر تستفيد وتربح من وراها…وانت تاخذها باردة امبردة…فا اين قول الرسول عليه الصلاة والسلام"اعط الاجير اجره قبل ان يجف عرقه"
اليس استخدامك للبرنامج يعتبر انك استخدمك عمل شخص ما…ويجب عليك اعطاءه اجره وخاصه انه وضع مبلغ لهذا البرنامج…
وناس تدفع افلوس للبرامج وتشتريها ب المبلغ المحدد لها…وتتبع القوانين…
وناس اتنزل البرامج ب بلاش…
اليس هذا يعتبر ظلم…ويعتبر غش؟؟؟
قال الرسول عليه الصلاة والسلام"من غشنا فليس منا"
فا عندما انت تشتري سلعة بمبلغ وغيرك يستخدمها ب بلاش وبدون موافقه صاحب البرنامج…اليس هذا يعتبر غش…
حط نفسك مكانه…ماهو شعورك؟؟؟
وعلى فكرة…
ترا الافلام والبرامج والمسلسلات اللي اتنزلها من النت واللي طرحت ب مبالغ مالية لمشاهدتها…وانت قاعد اتنزلها ب بلاش…تعتبر نفس الحالة…
وايضا بكلامي ليس فقط ل برامج الايفون…
فا كلامي ايضا ينطبق على باقي برامج التلفونات…
والبرامج للكمبيوترات…وغيره من الامور المكركة اللي ناس تدفع لاجلها افلوس…وانت تستخدمها بلاش…
تراك محاسب يوم القيامة عليها…
فا هل تسوى عليك الكم ريال اللي تدفعهم…انك تؤثم عليها؟؟؟
وعشان الخلاصة اذا كنت انت صح ب فعلك ام خطا…
عليك ب اتباع قول الرسول عليه الصلاة والسلام:
"استفت قلبك، البر ما اطمأنت إليه النفس واطمأن اليه القلب، والإثم ما حاك في النفس وتردد في الصدر، وإن أفتاك الناس وأفتوك"
فا حكم عقلك واستفته…
في ان غيرك يدفع افلوس ل يستخدم السلع والبرامج …وانت تستخدمها ب بلاش…
والله وراء القصد…
وهالموضوع حبيت اني افيدكم فيه…خاصه ان حنا غافلين عنه…ويمكن مافكرنا فيه…فا هذه فرصة للتفكير…وتحكيم العقل…لتصرفاتنا…ومعاملاتنا…
وللعلم…
مافي حد فاتحته في هالموضوع…وان ما اقتنع لكلامي…
اشوفه عقب فترة…تأثر…وقام ينزل برامج ب فلوس…وكنسل الكراك…
فا من فينا لايخاف الله سبحانه…ووخاصة انه ب الامكان تفادي الاثم…والظلم…والامر جدا سهل والاسعار ارخيصة...
ولكم القرار…
اخوكم علي...
شميرام
14-01-2012, 10:56 AM
انا ادفع فلوس بالايتونز بس ادفع دبل سعر للأسف لان صقر يبيعها دبل
في نقطه بعض البرامج اللي سعرها 99 سنت ذي اصلا بلاش يعني لو سويت جل بريك بتطلع فري والدفع لضمان الحمايه من قبل شركه الابل والله اعلم
qrt_trading
14-01-2012, 11:13 AM
أخوي الظاهر انك ما تشتري بطاقات الاي تون صراحة حرامية الصح إللي انت قلته ال ١٠٠ دولار يعني ٣٦٥ ريال لكن لما تشتري البطاقة تشتري ال١٠٠ دولار ب٤٩٩ ريال علشان جذي في بعض الألعاب حرام اشتريها لانها مؤقته يعني تلعب فيها اشوي ولا اللعبة امخلصة ومش من نوع الألعاب اللي ممكن انك تلعبها مره ثانية تتملل خلاص هي مرة وبعدها ماتفتحها او حتى تحذف اللعبه من الأساس مثل الألعاب المستري او الهايد اند سيك
أخوي الظاهر انك ما تشتري بطاقات الاي تون صراحة حرامية الصح إللي انت قلته ال 100 دولار يعني 365 ريال لكن لما تشتري البطاقة تشتري ال100 دولار ب499 ريال علشان جذي في بعض الألعاب حرام اشتريها لانها مؤقته يعني تلعب فيها اشوي ولا اللعبة امخلصة ومش من نوع الألعاب اللي ممكن انك تلعبها مره ثانية تتملل خلاص هي مرة وبعدها ماتفتحها او حتى تحذف اللعبه من الأساس مثل الألعاب المستري او الهايد اند سيك
تقدرون تشترون بطاقات الايتيونز بسعرها الاصلي مباشرة من موقع ابل الامريكي ويرسلونها لكم عن طريق ارامكس…
او ممكن تشترونها من بعض المواقع ويرسلون لكم الكود مباشرة للايميل وياخذون حوالي 10 ريال زيادة على سعرها الاصلي …
أنا اتفق معاك في الموضوع
حرام ناخذ جهد غيرنا بارده مبرده بدون دفع خصوصا ان هالبرنامج مثلا بفلوس مو ببلاش
لو الواحد بس يحط نفسه مكان صاحب البرنامج
وحد جا وسرق تعبه وعمله بدون اي اهتمام وبدون دفع المبلغ اللي غالبا يكون رمزي
شنو شعوره
هل يرضى حد يبوق منه شغله ؟!!
بخصوص بطاقات الاي تون
ممكن أي حد مسافر من اهلكم يجيبها لكم من بره
او مثل ما قالوا الاخوان مباشرة من موقع ابل او الموقع اللي يرسلون على الايميل الكود
السكين
14-01-2012, 12:14 PM
كلام صحيح وأنا أنزل البرامج من الابل ستور واغلبها رخيص ومهما نزلت يطلع لي مبلغ لا يذكر مقارنة بقيمة البرامج والألعاب .. اعتبر نفسك تشتري لك وجبة من مطعم ولا عطر ولا اي شي استعمال شخصي ترى اغلبها بـ 99 سنت إلا البرامج العملاقة والتخصصية يمكن هي الغالية ..
شكراً مستر ماستر :)
بن مفتاح
14-01-2012, 12:48 PM
الله يبعدنا ويبعدكم ويبعد الجميع عن الحرام ..
اعتقد ما فيه حد منا خالي من الذنوب .. ويا ليتها ذنوب بسيطة ولا حول ولا قوة الا بالله .. فما تسوى انزود ذنوبنا وسيئاتنا .. وعسى الله يغفر للجميع ..
جزاك الله خير اخوي على التنبيه ..
(محمد)
14-01-2012, 12:54 PM
جزاك الله خير يالغالي
Grnas
14-01-2012, 01:29 PM
http://jerrycards.com/
موقع يبيع لك بطاقات ايتونز بأسعار حلوة
يمكن تقدر تاخذ ٢٠٠ دولار ب٢٢٩ دولار
Grnas
14-01-2012, 01:31 PM
انا ادفع فلوس بالايتونز بس ادفع دبل سعر للأسف لان صقر يبيعها دبل
في نقطه بعض البرامج اللي سعرها 99 سنت ذي اصلا بلاش يعني لو سويت جل بريك بتطلع فري والدفع لضمان الحمايه من قبل شركه الابل والله اعلم
في خيارين لكل مطور نظام: تنزل البرنامج مجاناً او انك تشتريه بأقل شي من ٩٩ سنت إلى الرقم اللي يبغي يحطه مطور البرنامج
سيديا يعمل لك واجهة تشابه ابل ستور ويكتب السعر مجاناً
The Master
14-01-2012, 04:17 PM
انا ادفع فلوس بالايتونز بس ادفع دبل سعر للأسف لان صقر يبيعها دبل
في نقطه بعض البرامج اللي سعرها 99 سنت ذي اصلا بلاش يعني لو سويت جل بريك بتطلع فري والدفع لضمان الحمايه من قبل شركه الابل والله اعلم
الحمدلله اهم شي انك تدفع...
اما سالفة بلاش والسعر ب 99 سنت...فا هذي لا اتفق معاك...
اهم شي انك قلت...الله اعلم...
تشكر عالمرور :nice:
The Master
14-01-2012, 04:19 PM
أخوي الظاهر انك ما تشتري بطاقات الاي تون صراحة حرامية الصح إللي انت قلته ال 100 دولار يعني 365 ريال لكن لما تشتري البطاقة تشتري ال100 دولار ب499 ريال علشان جذي في بعض الألعاب حرام اشتريها لانها مؤقته يعني تلعب فيها اشوي ولا اللعبة امخلصة ومش من نوع الألعاب اللي ممكن انك تلعبها مره ثانية تتملل خلاص هي مرة وبعدها ماتفتحها او حتى تحذف اللعبه من الأساس مثل الألعاب المستري او الهايد اند سيك
الله يعينكم الصراحة على هالبوق...واستغلال الناس...
والاعضاء ماقصروا عطوك الحلول...
وفي النهاية الحل بيدك...
The Master
14-01-2012, 04:20 PM
تقدرون تشترون بطاقات الايتيونز بسعرها الاصلي مباشرة من موقع ابل الامريكي ويرسلونها لكم عن طريق ارامكس…
او ممكن تشترونها من بعض المواقع ويرسلون لكم الكود مباشرة للايميل وياخذون حوالي 10 ريال زيادة على سعرها الاصلي …
:nice:
The Master
14-01-2012, 04:22 PM
أنا اتفق معاك في الموضوع
حرام ناخذ جهد غيرنا بارده مبرده بدون دفع خصوصا ان هالبرنامج مثلا بفلوس مو ببلاش
لو الواحد بس يحط نفسه مكان صاحب البرنامج
وحد جا وسرق تعبه وعمله بدون اي اهتمام وبدون دفع المبلغ اللي غالبا يكون رمزي
شنو شعوره
هل يرضى حد يبوق منه شغله ؟!!
بخصوص بطاقات الاي تون
ممكن أي حد مسافر من اهلكم يجيبها لكم من بره
او مثل ما قالوا الاخوان مباشرة من موقع ابل او الموقع اللي يرسلون على الايميل الكود
تشكرين اختي عالمرور...والاضافة الجميلة...احسنتي :nice:
وحبيت اضيف...ان بعض المطورين...يسوون خصومات بعض الاحيان ويكون السعر ارخيص للالعاب...وايضا احيانا اتكون بلاش لمدة يوم او يومين...فا عليك المتابعة...
ويامرحبا بك اختي وطن...
The Master
14-01-2012, 04:24 PM
كلام صحيح وأنا أنزل البرامج من الابل ستور واغلبها رخيص ومهما نزلت يطلع لي مبلغ لا يذكر مقارنة بقيمة البرامج والألعاب .. اعتبر نفسك تشتري لك وجبة من مطعم ولا عطر ولا اي شي استعمال شخصي ترى اغلبها بـ 99 سنت إلا البرامج العملاقة والتخصصية يمكن هي الغالية ..
شكراً مستر ماستر :)
هلا بك اخوي السكين...
لاهنت عالاضافة...وكلامك صحيح...المبالغ لاتذكر حتى...
العفو اخوي...وان شاء الله الناس تصحى...:nice:
The Master
14-01-2012, 04:27 PM
الله يبعدنا ويبعدكم ويبعد الجميع عن الحرام ..
اعتقد ما فيه حد منا خالي من الذنوب .. ويا ليتها ذنوب بسيطة ولا حول ولا قوة الا بالله .. فما تسوى انزود ذنوبنا وسيئاتنا .. وعسى الله يغفر للجميع ..
جزاك الله خير اخوي على التنبيه ..
امين يارب...
ويجزاك يارب اخوي بن مفتاح...
وتشكر على المرور والتعليق...:nice:
The Master
14-01-2012, 04:28 PM
جزاك الله خير يالغالي
وجزاك يارب...:nice:
عزيزوف
14-01-2012, 05:04 PM
اخوي حتى ترى الاحتكار حرام ... دام ابل متبعين سياسة الاحتكار.!!!!!!!!!
خلنا احنا بعد نتبع معاهم سياسة الجلبيرك مافيها شي .....!!!!!!!
Lap top
14-01-2012, 06:05 PM
صح حرام والله ؟؟!!
بس حزات والله ما يسوا علينا ... نزل برنامج او لعبه والمبلع مبالغ فيه والله
Lap top
14-01-2012, 06:09 PM
اممممم احتكار في الابل لا لا ما اعتقد ..
لان برنامج الواتس اب ينزل مجاني في البلاك بيري لمدة سنه ؟؟!
بس احنا نزله بفلوس من الابل ستور
و الحين البراماج و الالعاب كلها تنزل مجانيه في الجالالكسي تاب ؟؟!! جفتوا الظلم بس
كل الود
مهـاقطــر
جرح الزمان
14-01-2012, 06:10 PM
جزاك الله خير أخوي الماستر
بصراحة ولا افكر اني اسوي الجلبيريك اللي يقولون عنه
للصبر اخر
14-01-2012, 09:27 PM
انا اتفق معاك في كل كلمه
وما افضل عمل الجلبرييك
ولا افكر اني اسويييه
جزاك الله خير
وبخصووص البطاقات في مواقع كثير يطرشونها عن طريق الايميل وارخص من هني
اخوي حتى ترى الاحتكار حرام ... دام ابل متبعين سياسة الاحتكار.!!!!!!!!!
خلنا احنا بعد نتبع معاهم سياسة الجلبيرك مافيها شي .....!!!!!!!
اخوي وايد من برامج الابل تلاقيها موجوده حق النوكيا
والشباب يقولون لك بعد حق الجلاكسي
شلون احتكار؟
واذا هم محتكرين ويسوون شي حرام
هل احنا كمسلمين نجازيهم بسرقة جهدهم
بوNasser
14-01-2012, 09:50 PM
السلام عليكم ورحمة الله
جزاك الله خيرا على هذه النصيحة والتذكرة
خلك من برامج الايفون
انا خذت لي جولة سريعة في كمبيوتري لقيت معظم برامجي اصلية انا شاريها مثل نظام التشغيل والأوفيس وكم برنامج
بس
عندي برنامج الفوتوشوب نسخة مضروبة (عسى ربي يغفر لي) لو شريت النسخة الأصلية تراها ضعفين سعر كمبيوتري اذ مب اكثر
وانتوا يا شباب بشروا عسى برامجكم كلها اصلية ؟؟؟؟
تحياتي لك وللجميع
بوخالد911
14-01-2012, 09:55 PM
جهازي ايفون 4 اس
ولا افكرر بكسر شفرته
تحياتي قبل كسر شفراتي
سفير الدوحة
14-01-2012, 10:12 PM
انا اللي اعرفه ان اي برنامج تشتريه ينزل على اكاونتك
بعدين من الكمبيوتر و باليوزرنيم حقك تقدر تنزله ع كذا تلفون ببلاش
هالحركه يسونها محلات التلفونات
لكنهم يسترون البرامج الرخيصه
انا البرامج الممتازة مستحيل!!!!!!!!!!
The Watcher
15-01-2012, 12:18 AM
موضوع الملكية الفكرية للأسف غير موجود في عقلية العرب والمسلمين الا من رحم ربي
مش بس في برامج الايفون، حتى برامج الكمبيوتر والكتب اللي يزلونها من النت والأفلام وغيرها
وحتى بعض المحاضرات الدينية مثل محاضرات ودورات د. طارق السويد ان (على سبيل المثال) ، الكثير من الناس ينزلها من النت
تخيل كيف ليكون إثم الشخص اللي اشتراها نسخة أصلية ورفعها للنت بدون استئذان صاحب الحق
The Master
15-01-2012, 08:13 AM
http://jerrycards.com/
موقع يبيع لك بطاقات ايتونز بأسعار حلوة
يمكن تقدر تاخذ 200 دولار ب229 دولار
لاهنت عالموقع :nice:
The Master
15-01-2012, 08:15 AM
اخوي حتى ترى الاحتكار حرام ... دام ابل متبعين سياسة الاحتكار.!!!!!!!!!
خلنا احنا بعد نتبع معاهم سياسة الجلبيرك مافيها شي .....!!!!!!!
كلن ذنبه على جنبه...وادرى بمصلحته...
وانت ب تفكيرك وعملك ابخص...:rolleyes2:
ام السعف
15-01-2012, 08:21 AM
اخوي وايد من برامج الابل تلاقيها موجوده حق النوكيا
والشباب يقولون لك بعد حق الجلاكسي
شلون احتكار؟
واذا هم محتكرين ويسوون شي حرام
هل احنا كمسلمين نجازيهم بسرقة جهدهم
بشكل عام التطبيقات الموجودة في ماركت الاندرويد ما تكون محتكرة بدليل
انزلها من غير فلوس ومن غير كراك ،،
لأنها مدعومة من قبل شركات اتحط اعلاناتها فيها ،،
بينما اللي في ماركت الابل ،، تكون بفلوس ولا يمكن انزالها
الا بالجليبريك ،،
ولكن هل هذا يعني ان ماركت الاندرويد مافيه تطبيقات بفلوس ؟
الا فيه تطبيقات بفلوس ،، وفي تطبيقات ثانية او ماركتس يسمحون لج
بانزال تطبيقات مدفوعة وتشاركينهم فيها ،،
اما بخصوص الموضوع هذا :
عالم الكمبيوتر بشكل عام مبني على سرقة جهود واموال الآخرين ،،
اي برنامج في كمبيوترنا مركبين عليه الكراك هو سرقة ،،
رضينا او ما رضينا ،، وكثيريين يستخدمون البرامج المكلفة ماديا
عن طريق انزاله من مصادر وفرت خاصية تفعيله عن طريق الكراك ،،
اشوف ان استخداما للجوال ما يستدعي اننا انطيح بنفس المشكلة
ونسرق علشان لعبة او تطبيق او برنامج ،،
The Master
15-01-2012, 08:27 AM
صح حرام والله ؟؟!!
بس حزات والله ما يسوا علينا ... نزل برنامج او لعبه والمبلع مبالغ فيه والله
:secret:
بيدك الاختيار...ومب اي شي تشتريه...
بس اغلبها ارخيصه وما اتزيد عن 20 ريال...الا اللي حجمها كبير...
The Master
15-01-2012, 08:30 AM
جزاك الله خير أخوي الماستر
وجزاك يارب اخوي جرح الزمان...:nice:
The Master
15-01-2012, 08:33 AM
بصراحة ولا افكر اني اسوي الجلبيريك اللي يقولون عنه
احسنتي...وبيكون احسن وافضل لو كان ب اقتناع انها حرام ولا تجوز...مخافة الله...وان شاء الله تؤجرين يارب...:nice:
في ميزان حسناتك بإذن الله
The Master
15-01-2012, 08:35 AM
انا اتفق معاك في كل كلمه
وما افضل عمل الجلبرييك
ولا افكر اني اسويييه
جزاك الله خير
وبخصووص البطاقات في مواقع كثير يطرشونها عن طريق الايميل وارخص من هني
تشكرين على دعمك...ودليل على نضجك وفهمك لما يدور حولك...بارك الله فيك...:nice:
ويجزاك يارب...
لاهنتي عالمرور...:)
The Master
15-01-2012, 08:36 AM
اخوي وايد من برامج الابل تلاقيها موجوده حق النوكيا
والشباب يقولون لك بعد حق الجلاكسي
شلون احتكار؟
واذا هم محتكرين ويسوون شي حرام
هل احنا كمسلمين نجازيهم بسرقة جهدهم
ابدعتي اختي وطن...:nice:
اخر جملة احسنتي فيها...
The Master
15-01-2012, 08:38 AM
السلام عليكم ورحمة الله
جزاك الله خيرا على هذه النصيحة والتذكرة
خلك من برامج الايفون
انا خذت لي جولة سريعة في كمبيوتري لقيت معظم برامجي اصلية انا شاريها مثل نظام التشغيل والأوفيس وكم برنامج
بس
عندي برنامج الفوتوشوب نسخة مضروبة (عسى ربي يغفر لي) لو شريت النسخة الأصلية تراها ضعفين سعر كمبيوتري اذ مب اكثر
وانتوا يا شباب بشروا عسى برامجكم كلها اصلية ؟؟؟؟
تحياتي لك وللجميع
وعليكم السلام ورحمة الله وبركاته...
تشكر على المرور والمشاركة اخوي...
اهم شي برنامج الفوتو شوب اللي سعره ضعفين الكمبيوتر...حشى بكم؟؟؟
ويامرحبا بك خيو...:nice:
The Master
15-01-2012, 08:42 AM
جهازي ايفون 4 اس
ولا افكرر بكسر شفرته
تحياتي قبل كسر شفراتي
يعني شوفوني عندي ايفون 4 اس :rolleyes:
حيالله بوخالد...من زمان ماشفناك ياخوي...
اي والله تحياتي...:thumbup:
نورت خيو...
The Master
15-01-2012, 08:43 AM
انا اللي اعرفه ان اي برنامج تشتريه ينزل على اكاونتك
بعدين من الكمبيوتر و باليوزرنيم حقك تقدر تنزله ع كذا تلفون ببلاش
هالحركه يسونها محلات التلفونات
لكنهم يسترون البرامج الرخيصه
انا البرامج الممتازة مستحيل!!!!!!!!!!
هالمحلات قليل منهم ماستخدمون هالحيلة...الا بعضهم ينزلون برامج ب بلاش...
وتشكر على المرور خيو...:nice:
The Master
15-01-2012, 08:45 AM
موضوع الملكية الفكرية للأسف غير موجود في عقلية العرب والمسلمين الا من رحم ربي
مش بس في برامج الايفون، حتى برامج الكمبيوتر والكتب اللي يزلونها من النت والأفلام وغيرها
وحتى بعض المحاضرات الدينية مثل محاضرات ودورات د. طارق السويد ان (على سبيل المثال) ، الكثير من الناس ينزلها من النت
تخيل كيف ليكون إثم الشخص اللي اشتراها نسخة أصلية ورفعها للنت بدون استئذان صاحب الحق
صادق اخوي...وهذا اللي انا نوهت عليه...يعني مش الايفون وبس...اشيا كثيرة كذلك...الله المستعان...
اما اللي يرفعها والناس تستفيد منها...هذي مشكلة الصراحة...
الله يعينه ويهديه يارب...
واشكرك على مداخلتك الجميلة...لاهنت...
عنودالصيد
15-01-2012, 09:09 AM
الحكم الشرعي للجيلبريك و الكراك وتوضيح الفرق بينهما
فتوى من شيخنا الفاضل الشيخ محمد المنجد ، والحقيقة تفاجأنا بمعرفة الشيخ عن الجيلبريك والكراك وتعريفه الدقيق لكل منهما وعلمه الكبير في هذه القضية قبل ان يفتي فيها. ندعوكم لمشاهدة الفتوى في هذا الفيديو .
شكرا لكم
يوسف الحمادي
15-01-2012, 09:55 AM
الصراحة
احنا فينا طبع غريب
ندفع 400 او 500 ريال على غدى او على عشى ونصرف فلوس كثيره على اشياء مالها داعي ولما نجي للأيفون نستخسر الدولار ولا الدولارين
انا قبل كنت مسوي كراك للأي فون وماكان موضوع الحلال والحرام في بالي والي خلاني اشيل الكراك موقف محرج حطيت نفسي فيه
مره كنت مسافر لدولة اوروبية وانا دايما لما اروح استأجر سيارة واعتمد على ال gps في التنقل
وطبعا قبل الآيفون كنت اروح لمؤسسة اللنجاوي واشتريه من عنده في حدود 1800 ريال وانزل خريطة اوروبا ب850 يعني المجموع 2650 ومع التطور واستخدام الأيفون نزلت برامج ملاحة كثيرة ممتازة
واكنت استخسر ادفع عليهم 30 دولار تقريبا وانزلهم من الأنستولس ببلاش وفي السفرة شبكت الأيفون باللابتوب عشان اشحنه واتفاجأت انه مسح لي كل البرامج الغير قانونية وكنت فترتها في التشيك ودخت السبع دوخات لحد ما لقيت لي جهاز gps وشريته بالقيمة الفلانية بسبب الضرائب
وبعدها فكرت ان ليش احنا نحب بو بلاش ؟ وليش لهالدرجة احنا مستخسرين ال 30 الدولار (المفروض نحمد ربنا بالتوفير اللي لقيناه مع الأيفون)
هالكلام طبعا من سنتين ومن ذاك اليوم لحد الآن البرامج كها عندي قانونية وسليمة
OTOsan
15-01-2012, 10:47 AM
يعطيك العافيه اخوي الماستر ،،
في موضوع مشابه ولكن عن (الاندرويد) .. وكان السؤال عن تنزيل البرامج بلاش .. فقلت خل اكتب الطريقه (بما اني اعرفها) ولكن بعدها تراجعت .. لاني فكرت بالضبط نفس اللي فكرت فيه ،، قلت اكيد فيها شبهة التحريم بما ان في ناس اتعبت والمفترض تاخذ حقها ..
طبعا انا ماوضحت الطريقه في ذلك الموضوع ولكنها طريقة سهله يستطيع الكل عملها .. ويبقى ضمير الشخص هو الحكم .. فالبعض ياخذها (سهاله) .. والبعض يتحرى فيها الحلال والحرام ،،
شاكر لك مره اخرى ،،
عنودالصيد
15-01-2012, 11:13 AM
الحكم الشرعي للجيلبريك و الكراك وتوضيح الفرق بينهما
فتوى من شيخنا الفاضل الشيخ محمد المنجد ، والحقيقة تفاجأنا بمعرفة الشيخ عن الجيلبريك والكراك وتعريفه الدقيق لكل منهما وعلمه الكبير في هذه القضية قبل ان يفتي فيها. ندعوكم لمشاهدة الفتوى في هذا الفيديو .
http://www.arabteam2000-forum.com/index.php?showtopic=239533
شكرا لكم
The Master
15-01-2012, 05:20 PM
كل الشكر والامتنان على التواجد والحضور والمشاركات الطيبة
وهذا ان دل فا انما على حرصكم للخير...
لاهنتوا
والسموحة على القصور...
قانوني
31-03-2012, 02:01 AM
جزاك الله خير يا خوي ماستر على هذا الموضوع
Abu JaBeR
31-03-2012, 08:26 AM
http://jerrycards.com/
موقع يبيع لك بطاقات ايتونز بأسعار حلوة
يمكن تقدر تاخذ 200 دولار ب229 دولار
أنصحك بتجربة موقع
http://www.offgamers.com
هذا الموقع أرخص بكثير مع مزيد من المزايا
اول شي لازم تعمل لك يوزر في الموقع ويتم تفعيله بالجوال والا يميل
وبعدين تقدر تشتري ومع كل مبلغ تدفع تقدر تجمع نقاط في الموقع وتستفيد من النقاط بعد فتره في شراء اي بطاقه مجاناً من خلال نقاطك
مساهم خطير
31-03-2012, 09:30 AM
والله يخوي احيانا السبب يعود الى جشع المطورين نفسهم وهم الي يجبرون الناس تلجأ للبرامج المكركة والجيلبريك
ليش ماينزلون باسعارهم
مش معقولة اسعار بعض البرامج تتجاوز 20$ وبعضها 30$
ليش مايخفضون من اسعارهم ويخلونها في متناول الجميع
واضمن ان هذا الشي راح يعود اليهم بالنفع ومزيد من الارباح
رسالتي لهم خفضوا اسعاركم احسنلكم والا ؟؟؟؟؟؟؟؟؟
bohilal191
31-03-2012, 12:21 PM
انا مستغرب من اللي يشتري ايفون بـ3000 او 2000 وعيزان يشتري بطاقة ايتونز ويسوي جيلبريك عشان يتزل البرامج والالعاب مجانا ،،،عن نفسي مسوي جيلبريك بس البرامج اشتريها من الابل ستور وبطاقة الايتونز اشتريها من موقع يحسب بطاقة الايتونز 50دولار بـ59 وسبب عمل الجيلبريك برنامج موجود في الـcydia يقوم بإغلاق اي برنامج انت تختاره في الايفون برقم سري وهالبرنامج غير موجود في الابل ستور وهو الوحيد اللي منزله عن طريق الجيلبريك وباقي البرامج شاريها بفلوس
نورعبدالرحمن
31-03-2012, 02:42 PM
بشكل عام التطبيقات الموجودة في ماركت الاندرويد ما تكون محتكرة بدليل
انزلها من غير فلوس ومن غير كراك ،،
لأنها مدعومة من قبل شركات اتحط اعلاناتها فيها ،،
بينما اللي في ماركت الابل ،، تكون بفلوس ولا يمكن انزالها
الا بالجليبريك ،،
ولكن هل هذا يعني ان ماركت الاندرويد مافيه تطبيقات بفلوس ؟
الا فيه تطبيقات بفلوس ،، وفي تطبيقات ثانية او ماركتس يسمحون لج
بانزال تطبيقات مدفوعة وتشاركينهم فيها ،،
اما بخصوص الموضوع هذا :
عالم الكمبيوتر بشكل عام مبني على سرقة جهود واموال الآخرين ،،
اي برنامج في كمبيوترنا مركبين عليه الكراك هو سرقة ،،
رضينا او ما رضينا ،، وكثيريين يستخدمون البرامج المكلفة ماديا
عن طريق انزاله من مصادر وفرت خاصية تفعيله عن طريق الكراك ،،
اشوف ان استخداما للجوال ما يستدعي اننا انطيح بنفس المشكلة
ونسرق علشان لعبة او تطبيق او برنامج ،،
يا انتي ام السعف ولا انا مضيعة لا لا ... صج صج ,فاجآتيني طلعتي فنانة , وشكرا على التوضيح .
.:: القيصر ::.
31-03-2012, 05:51 PM
السلام عليكم
جزاك الله خير
انا كل برامجي اشتريها
لان اعرف انها السرقه *حرام
واشتري ببطاقة الفيزا او بطاقة النت ( بنك قطر )
ولا ادور بطاقات ايتونز ولا اعور راسي :)
بالتوفيق
وشكرا على تنبيه الغافلين
القيصر
مساهم فنان
01-04-2012, 12:30 AM
http://jerrycards.com/
موقع يبيع لك بطاقات ايتونز بأسعار حلوة
يمكن تقدر تاخذ 200 دولار ب229 دولار
يااخي نفس اسعار الدوحة في جرير و الصقرhttp://jerrycards.com/IndexArabic.php
قرنقووش
01-04-2012, 12:59 AM
مثالك ماله خص ابدا في عملية الكراك
المسألة مب مسألة انا شريتها بفلوس ورفيجي شراها ببلاش
موضوع الكراك يسبب مشكله بينك وبين المبرمج نفسه
يصير ان انت شاري منه البرنامج و 20000 واحد يستخدمه بدون لا يدفع
وهذا بالتأكيد يعود بالضرر على المبرمج في الدرجه الاولى
Powered by vBulletin® Version 4.2.5 Copyright © 2024 vBulletin Solutions Inc. All rights reserved.